Purok 2, Laurencio st., Brgy. Magang, Daet, Cams.
Norte
Ikapitong Aralin: Ang pagsisisi at ang kaligtasan
A.Layunin: Maipaunawa ang kahulugan at pagsasagawa ng pagsisisi
Bilang bahagi ng taong tumanggap ng kaligtasan.
Balangkas:
B. Panimulang panalangin:
C. Pagbabasa ng mga talata sa Biblia:
Gawa 2:38
38 
Sumagot si Pedro, “Pagsisihan ninyo't talikuran ang inyong mga
kasalanan at magpabautismo kayo sa pangalan ni Jesu-Cristo upang
kayo'y patawarin; at tatanggapin ninyo ang kaloob ng Espiritu Santo.
Lucas 3:8
8 
Ipakita ninyo sa pamamagitan ng gawa na nagsisisi kayo, at huwag
ninyong sabihing mga anak kayo ni Abraham. Sinasabi ko sa inyo,
mula sa mga batong ito ay makakalikha ang Diyos ng mga tunay na
anak ni Abraham.
Lucas 13:5
5 
Hindi! Ngunit sinasabi ko sa inyo, malibang magsisi kayo't talikuran
ang inyong mga kasalanan, mapapahamak din kayong tulad nila.”
D. Pagganyak:
Pahapyaw na pagbabalik aral sa mga naunang aralin at pagkatapos ay bigyang
diin na nagsimula ang kanilang pagiging cristiano noong siya/sila ay nanalig at
magpasiyang tanggapin si Cristo bilang Tagapagligtas..
E. Panimulang pagtalakay sa kasalukuyang aralin: Ipaliwanag na,
a. Bilang isang cristiano, mayroong inaasahan ang Diyos na kakaibang
mangyayari sa atin.
b. Bilang isang cristiano, mamumuhay tayo sa pagsunod kung ano ang
nakasulat sa Biblia.
c. Bilang isang isang cristiano, magpapasiya tayong gumawa ng mga bagay
bagay para sa ikaluluwalhati ng ating tagapagligtas.
F. Pagpapaliwanag kung ano ang kahulugan ng pagsisisi at ang pagkakaiba nito sa
paghingi ng tawad.
a. Ang paghingi ng tawad ay pagtanggap/pagkilala sa pagkakasalang nagawa.
b. Ang pagsisisi ay pagbabago ng isip o layunin. Ito ay nangangahulugan rin ng
pagtalikod sa pagkakasala o masasamang Gawain. Ito ay bahagi ng tao.
c. Ang nakalulungkot, maraming tao humihingi ng tawad sa Diyos sa pagkaka-
salang nagawa subalit di sila nagsisisi. Ang ibig sabihin, hingi sila ng hingi ng
tawad sa Diyos sa kanilang pagkakasala, subalit di naman nila iniiwan ang
kanilang gawain na sanhi ng kanilang pagkakasala.
– 2 Pedro 2:22
22 
Ang nangyari sa kanila ay nagpapatunay na totoo ang mga
kasabihang: “Ang aso pagkatapos sumuka ay muling kinakain ang
nailuwa na,”at, “Ang baboy na pinaliguan ay bumabalik sa putikan.”
G. Bilang cristiano, ano-ano ang mga dapat nating ihingi ng tawad at pagsisihan?
a. Anomang bagay at gawaing labag sa kanyang Salita o hindi naaayon sa
kanyang panukala at pamantayan.
– Gal. 5:19-21
19 
Hindi maikakaila ang mga gawa ng laman: pakikiapid, kahalayan at
kalaswaan; 20 pagsamba sa diyus-diyosan, pangkukulam, pagkapoot,
pag-aaway-away, pagseselos, pagkakagalit at kasakiman,
pagkakampi-kampi at pagkakabaha-bahagi, 21 pagkainggit,
[pagpatay]  paglalasing, walang habas na pagsasaya, at iba pang
[a]
katulad nito. Muli ko kayong binabalaan: ang gumagawa ng mga ito
ay hindi magkakaroon ng bahagi sa kaharian ng Diyos. ;
Col. 3:5-10
5 
Kaya't patayin na ninyo ang mga pagnanasang makamundo: ang
pakikiapid, karumihan, mahalay na simbuyo ng damdamin,
masamang pagnanasa, at ang kasakiman na isang uri ng pagsamba
sa diyus-diyosan. 6 Dahil sa mga ito, tatanggap ng parusa ng Diyos
[ang mga taong ayaw pasakop sa kanya].  7 Kayo man ay namuhay
[a]
din ayon sa mga pagnanasang iyon nang kayo ay pinaghaharian pa
ng mga ito. 8 Ngunit ngayon, itakwil na ninyo ang lahat ng galit,
poot, at sama ng loob. Iwasan na ninyo ang panlalait at malaswang
pananalita. 9 Huwag kayong magsisinungaling sa isa't isa, sapagkat
hinubad na ninyo ang dati ninyong pagkatao, pati ang mga gawa
nito. 10 Isinuot ninyo ang bagong pagkatao na patuloy na nababago
at nagiging kalarawan ng Diyos na lumikha sa inyo, upang lalo ninyo
siyang makilala.
b. Mga pagsamba, paniniwala, ritwal, o anumang Gawain na tahasang ipinag-
babawal ng Banal na Kasulatan.
– Deuteronomio 18:10-13
10 
Sinuman sa inyo'y huwag magsusunog ng kanyang anak bilang
handog. Huwag kayong manghuhula, huwag gagawin ang ginagawa
ng mga mangkukulam, 11 ng mga mananawas, at ng mga
sumasangguni sa mga espiritu ng namatay. 12 Sinumang gumawa ng
alinman sa mga ito ay kasusuklaman ni Yahweh na inyong Diyos.
Pakatatandaan ninyo na iyan ang dahilan kaya niya itataboy ang mga
nakatira sa lupaing pupuntahan ninyo. 13 Lubos kayong maging tapat
sa Diyos ninyong si Yahweh.
c. Pagsamba sa diyos-diosan.
Exodo 20:3-6
3 
“Huwag kang sasamba sa ibang diyos, maliban sa akin.
4 
“Huwag kang gagawa ng imahen ng anumang nilalang na nasa
langit, nasa lupa, o nasa tubig upang sambahin. 5 Huwag mo silang
yuyukuran ni sasambahin sapagkat akong si Yahweh na iyong Diyos
ay mapanibughuing Diyos. Ang kasalanan ng mga magulang ay
sinisingil ko sa kanilang mga anak hanggang sa ikatlo at ikaapat na
salinlahi. 6 Ngunit ipinadarama ko ang aking pag-ibig sa libu-libong
salinlahi ng mga umiibig sa akin at tumutupad sa aking mga
kautusan.
d. Mga sabi-sabi at pamahiin
– Colosas 2:6-8, 16-18, 20-23
6 
Yamang tinanggap na ninyo si Cristo Jesus bilang Panginoon,
mamuhay kayo na may pakikipag-isa sa kanya. 7 Magpakatatag kayo
at isalig ninyo sa kanya ang inyong buhay. Magpakatibay kayo sa
pananampalatayang itinuro sa inyo, at lagi kayong magpasalamat sa
Diyos. 8 Mag-ingat kayo upang hindi kayo mabihag ninuman sa
pamamagitan ng walang kabuluhang karunungan at pandaraya na
ayon sa mga tradisyon ng mga tao at mga alituntunin ng mundong
ito, at ang mga ito ay hindi ayon kay Cristo.
16 
Kaya't huwag na kayong magpapasakop pa sa anumang
alituntunin tungkol sa pagkain o inumin, tungkol sa mga kapistahan,
sa bagong buwan o sa Araw ng Pamamahinga. 17 Ang mga ito'y anyo
lamang ng mga bagay na darating, ngunit si Cristo ang katuparan ng
lahat ng ito. 18 Huwag kayong magpapatangay sa mga nagpapakita
ng maling pagpapakumbaba at sumasamba sa mga anghel.
Ipinagmamalaki nilang sila'y nakakahigit sa inyo dahil sa kanilang
mga pangitain. Ngunit ang totoo, nagyayabang lamang sila dala ng
kanilang isipang makalaman.
20 
Namatay na kayo na kasama ni Cristo at hindi na sakop ng mga
alituntunin ng mundong ito. Bakit pa kayo sumusunod sa mga
alituntuning tulad ng 21 “Huwag hahawak nito,” “Huwag titikim
niyan,” “Huwag gagalawin iyon”? 22 Ang mga ito'y utos at katuruan
lamang ng tao, at nauukol sa mga bagay na nauubos kapag
ginagamit. 23 Sa kaanyuan, para ngang ayon sa karunungan ang
ganoong uri ng pagsamba, pagpapakumbaba at pagpapahirap sa
sariling katawan. Ngunit ang mga ito ay walang silbi sa pagpigil sa
hilig ng laman.

H. Pagbibigay diin sa kasalukuyang aralin:

a. Nais ng Diyos na Makita sa ating pamumuhay ang bunga ng pagsisisi.

Lucas 3:8
8 
Ipakita ninyo sa pamamagitan ng gawa na nagsisisi kayo, at huwag
ninyong sabihing mga anak kayo ni Abraham. Sinasabi ko sa inyo,
mula sa mga batong ito ay makakalikha ang Diyos ng mga tunay na
anak ni Abraham.
b. Bilang mga taong naligtas, nais ng Diyos na makita sa ating buhay ang
bunga ng kaligtasan – ang pagsisisi o pagtalikod sa mga kasalanan.
c. Bilang mga cristiano, inaasahan ng Diyos na hindi na natin ginagawa ang
mga nabanggit na kasalanan at masasamang gawain.

I. Mga mahahalagang tanong:

a. Naniniwala ka ba na ikaw ay naligtas na dahil sa kamatayan ni Jesus sa krus?
b. Nakahanda ka bang humingi ng tawad at talikdan (pagsisihan) ang mga
kasalanan o masasamang gawain sa iyong buhay?
c. Nakahanda ka bang ipasakop ang iyong buhay sa pamantayan ng Diyos na
nakasaad sa Banal na Kasulatan?

J. Panalanging pagtatapos: