Odi’ Rokon Dhâlâm Akanca

È sèttong sakola’an iyâ arèya SMAN 1 Songennep, bâdâ 3 morèd sè kasohor bân èkatako’è. 3
morèd jârèya anyama Fyra, Tian, bân Afif. Sè bisa ollè apa bhâi dâri pèssè.

Tapè bâdâ kèya 2 orèng morèd sè anyama Ila bân Dini. Sè kaduwâ rèya pènter, tapè tamaso’
morèd sè korang mampo saèngghâ segghut ècokoco bân Afif, Ria, Tian.

È sèttong arè, Afif, Ria, bân Tian èntara ka kantin polana lapar. Tapè Afif kaèlangan pèssèna,
saènga'na èsabâ' è dâlemma tas.

Tian : Fyr, Fif, mara ka kantin!

Afif : Mayu, sèngko' lapar la

Fyra : Sèngko’ kèya (sambi mukka’ tassa)

(Afif bân Tian ajhâlân kalowar kelas)

Fyra : Hè antos lu! (Satengnga acerrèng).

Afif : Arapa kèng?

(Afif bân Tian atolè ka Fyra)

Fyra : Aii pèssèna sèngko’ èlang, bâdâ sè nangalè enjâ’?

Tian : Hah? bârâmpa kèng? coba’ parèksa polè ma’ pola tasèngsal.

Fyra : Ta' kèra Yan, sèngko’ ghi' ènga’ ghellâ’ èsabe’ è diye (Nodhing tassa)

Tian : Hmmm, mon ca’na sèngko’ parèksa kabbhi tassa na’-kana’!

Afif : Antoslu, parèksa degghi’ bhâi mon la na’-kana’ bâdâ è kelas kabbhi, kan bârâmma wa mon
marèksa sanyamanna dhibi’.

Fyra : Yedhinala.

Tian : Bhângo’ satèya ka kantin, marala sèngko’ sè majeraghina’a (Najhâ’ tanangnga Afif bân
Tian kalowar kelas)

Afif : Behh sèngko' è bejeraghina'a kèya nje' lun?

Tian : Iye patennang

Fyra bân Afif : Sii iye maralahh, kalangkong ye Yan

Tian : Sia ta' kala ka sapa wa he

.....

(Kabbhi morèd la bâdâ è dâlem kelas)

Tian : Na'-kana' bâdâ sè nangale pèssèna Afif enjâ’?

Ila : Bârâmpa pèssèna kèng?

Fyra : 500 èbu, nangalè enja’?

Ila : Enjâ' ta' tao (Akèpek)

Tian : Yâ ella, mara satèya parèksa tassa na'-kana'! (Tian ajhâlân ka mèjana Ria sè maca buku bân
tassa langsong èparèksa)

Ria : Apa beh ma' laju nyaman èntar ka sèngko' kaade'?

Afif : Nengenneng laju ra, riya kan nyarè tao sapa se ngala' pessena afif!

Ria : Huuu iyâ la wa' duli parèksa.

Tian : Boh, rèya pèssèna ya! (Matao pèssè 500 èbu)

Ria : (Nyabâ' buku) Bânnè! Arèya pèssèna sèngko’ èbherri’ rama ghellâ’ kaghâbây majâr pèssèna
sakola’an (Arebbhu’ pèssè sè bâdâ è tanangnga Tian)

Ila : Iyâ, ruwa pèssèna Ila! Jhâ’ sèngko’ sè nangalè ramana Ila sè abherri’ pèssè ka Ila

Fyra : Ta’ nyangka, yâ! Orèng sè sèngko’ partajâi bâddhiyânna bisa ngèco’ pèssèna sèngko’. Ri
bâ’na pasadar! Korang baik apa sèngko’ ka bâ’na.

Ria : Tapè kan....

Ila : Bâ'na ta’ ollè ènga’ ruwa Fif! Sapa tao bânni Ila sè ngala’ pèssèna bâ'na! Sapa tao pèssè
ruwa lakar ramana sè abherri’!
Fyra : Tak kèra! Jârèya pèssèna sèngko’ paghun! Kan Ila ta’ kèra andi’ pèssè sabânnya’ ruwa!
(Arebbhu’ pèssè dâri tanangnga Ila)

Afif : Ngolokghâ ghuru apa?

Ila : Iyâ bhâi molè lekkas marè masalana

Ria : Tapè bâ'na nangalè dhibi' kan din jâ' gelle' ramana sèngko' merri'I pèssè

Ila : Iyâ nangalè La, dina ma' lekkas marè antos ghuru laju

Ria : Iyâlah Din, lesso laju.

(Afif bân Ila èntar ka ruang ghuru)

Ila : Èbhu, è kelas bâdâ masalah

Èbhu Ghuru : Masalah apa na’? Bâdâ apa è kelassa kèng?

Ila : Masalah obâng Bu.

Èbhu Ghuru : Iyâ mara Èbhu èntara ka kelas

Afif : Èngghi Bu

(È kelas)

Èbhu Ghuru : Arèya sapa sè atokar polana pèssè?

Ria : Fyra sareng Ria Bu. Obangnga Fyra èlang 500 èbu, pas Ria sè èkasengghu ngala’ Bu.

Èbhu Ghuru : (Atanya ka Ila) Apa teppa’ bâ’na sè ngala' pèssèna Afif?

Ria : Bhunten Bu, ghânèka obângnga kaulâ sè è parèngè Rama.

Fyra : Namong obângnga kaulâ sè èlang 500 èbu jhughân Bu.

Ria : Tapè bâ’na ta’ ollè ngoca' nga' ruwa Fyr! Bâ’na mon ta’ partajâ mara ètèlpona apa Ramana
sèngko’?

Fyra : Iyâ sa' dhuli tèlpon, terro taoa!

Èbhu Ghuru : Bee ella pamarè èdiyâ bhâi lun

Ria : Jhâ’ Fyra ta’ partajâ ka kaulâ Bu.

Ila : Ambu Ri, èdingaghi apa sè è koca' Èbhu bei

Èbhu Ghuru : Arapa parèksa polè tassa sè laènna? Mak pola ruwa lakar pèssèna Ila sè èbherri’
Ramana. Tian Ebhu minta tolong ka bâ’na parèksa aghi tas sa kancana tong sèttong.

Afif : Èngghi bhu, gelle' lastarè è parèksa, namong coma tas sa Ria bhu sè èparèksa pas langsong
mangghi obâng 500 ebu

Ila : Iyâ ruwa ba'na kalèro, arapa ta' parèksa lun kabbhi tekka' è tas sa Ria bâdâ pèssè 500 èbu.

Afif : Iyâ kèya ra, dhina mara sèngko' marèksa a polè

Ila : Iye sip.

(Afif marèksa tas sa kancana)

Ila : Ambula Ri ta' usa pèkkèrè

Ria : Tapè arapa ma' bennya' sè nyangka sèngko' ngala' pèssèna Afif

Ila : Mon bâ'na ta' sala arapa'a ma' tako'

Ria : Iyâ La, kalangkong yâ la matennang sèngko'

Ila : Iyâ Ri, dhinala pasabbhâr, rèng beccè' lakar bânnya' cobhâânna

(Afif entar ka Ebhu Ghuruna)

Afif : Bhu kaulâ mangghi obâng 500 èbu jughân è tas sa Ria.(sambi atok-kotok)

Èbhu Ghuru : Aaaa yee.... Dhina sèkatello jârèya soro ngadhep ka ruanganna Èbhu. Pas kancana
sè laèn jhâ' sampè’ ngèding.

Afif : Èngghi Bhu.

Èbhu Ghuru : Ano lun yee, Èbhu bâdâ kalakowan ya, abâliyâ ghâllu ka ruang ghuru. Ambula
jhâ’ atokaran lun, mon mamarèya masalah angghuy cètak sè cellep. Ngèdinggg....
Assalamua’alaikum

Rèd-morèd : Waalaikumussalam

Afif : Èdingaghi apa sè èkoca' ebhu hè.

(Afif èntar ka Fyra, Ria, bân Tian abele mon èsoro èntar ka Ruang Ghuru ngadep ka Bhu Dini)

Afif : Fyr, Ri, Yan bâ'na kabbhi è soro ngadhep ka èbhu

Tian : Beh apa ma' sèngko' e pa ro' noro'?

Afif : Ta' tao jâ', èntarè lajhu

Fyra : Mara mangkat lajhu Yan

Afif : Dhuli, ta' nyaman èantos èbhu

(È ruang ghuru)

Fyra, Ria, Tian : Assalamu’alaikum bhu

Èbhu Ghuru : Wa’alaikumussalam, ya' mara kadinnak

Fyra : Bhu, aponapa ma’ Tian èolok jughan?

Èbhu Ghuru : Antè’ lun Èbhu acaca’a, masalah pèssè èlang rèya jarang kadhâddhiyân. Mon lakar
bâ’na ta’ andi’ pèssè jhâ’ sampè’ ngala’ pèssèna kancana.

Tian : Teros ponapa hubunganna sareng kaulâ Bu? Ma’ kaulâ èolok jhughân ka ka’dinto Bu?

Èbhu Ghuru : Antos lun, arèya Èbhu sè acaca’a apa bâdâ sè ngakowa?

(Sè katello padâ nengngenneng tako’ sè acaca’a)

Èbhu Ghuru : Yedhinala Èbhu sè abhungkara, bâ’na Fyr mon bâdâ sè kaèlangan jhâ’ langsong
nyala’aghi kancana bân-sarombân. Èbhu tao sè ngala’ pèssèna bâ’na ruwa sapa, sè ngala’
pèssèna bâ’na ruwa Tian bânnè Ria!

Tian : Beh, ponapa ma’ kaula sè èsala’aghi samangkèn bu, kan obângnga ètemmo è tassa Ila
bânnè è tassa kaulâ
Èbhu Ghuru : Ghellâ' ruwa sè Afif nyarè, jârèya nemmo pèssè kèya è tas sa bâ’na 500 èbu! Bâ’na
pagghun ta’ ngakowa satèya?

Fyra : Beh beddhiyenna bâ’na sè ngala' Yan! Jhâ' toro' molaè ghellâ’ bâ’na ye sè nas-manasè
sèngko’ nuduh Ila.

Tian : Iyâ arapa kèng ta' soka?! Ya’ ghighiri sèngko’ satèya!

Fyra : Aii arèya maksa beddhiànna

Èbhu Ghuru : Ambu..ambu jhâ’ padhâddhi atokar èdiyâ, ta’ nyaman ètangalè ghuru-ghuru.

Bâ’na Tian arapa ma’ ngala’ pèssèna Fyra?

(Tian nengngenneng)

Ria : Kaulâ onèng Bhu, palèng Tian ta’ saè sè acarèta’aghiepon. Dhâddhi kaulâ sè
acarèta’aghiepon bisaos. Kaulâ onèng jhâ’ Tian panèka bhuto obâng, amarghâ bâ’âri' kaulâ
ngoladhi Tian adaftar beasiswa korang mampo.

Èbhu Ghuru : Beh, teppa' jârèya Tian?

Tian : Èngghi bhu, kaulâ ngangghep kaulâ kalèro.

Èbhu Ghuru : Yâ ella satèya bâ’na asapora ka Fyra bân Ria, pas Fyra asapora kèya ka Ria.

Tian : Fyr, Ri saporana yââ...

Fyra : Iyâ Ri sèngko’ saporana kèya yââ

Èbhu Ghuru : Laa ènga’ ruwa mon akanca, jhâ' atokaran. Parokon yââ ta’ lèbur mon èkaèding
kelas laèn apapolè ghuru.

-TAMAT-