THE LIFE AND WORKS OF RIZAL

Ang kursong ito ay tumatalakay sa buhay, gawa at akda ni Dr. Jose Rizal. Sang-ayon sa
ipinaguutos ng Batas Republika 1425, sakop ng kursong ito ang buhay at mga akda ng
pambansang bayani ng bansa, si Jose Rizal.

KABANATA 1
ANG BATAS RIZAL AT ANG PAGKAKAPILI SA PAMBANSANG BAYANI NG PILIPINAS

PANIMULA
Maligayang pag-aaral sa unang kabanata sa kurso ng buhay at ginawa ni Rizal. Ang kabanatang
ito ay nagbibigay ng talakayan tungkol sa makasaysayang konteksto ng Batas Rizal na
nagbibigay daan sa atin upang mas maunawaan ang mga nilalaman, makatuwiran at
kahalagahan ng batas. Tumatalakay din ito kung ano ang mga pamantayan sa pagpili ng isang
pambansang bayani at mga dahilan ng pagkakahirang kay Dr. Jose Rizal bilang pambansang
bayani.

Mga Layunin:
1. Mapahalagahan ang pag-aaral ng buhay at akda ni Rizal.
2. Maisa-isa ang nilalaman ng Batas Republika bilang 1425
3. Matalakay at nakokontekstwalisa ang nakapaloob sa Batas Rizal
4. Makapagpahayag ng sariling opinion kaugnay ng kontrobersya tungkol sa pagkakapili ni
Rizal bilang bayani.
5. Mahubog ang pagkamakabayan batay sa natutunan.

ANG BATAS REPUBLIKA BLG. 1425 o BATAS RIZAL

Ang Kasaysayan ng Batas (Historical Context & Legal Basis – legal na batayan ng pag-aaral sa
buhay at mga sinulat ni Jose Rizal )

 Si Sen. Claro M. Recto ang orihinal na may akda at unang nahain ng tinatawag na
Senate Bill No. 438 sa Senado. Sunindan ito ng House Bill No. 5561, isang katulad na
panukalang inihain ni Rep. Jacobo Gonzales sa House of Representative
 Inihapag sa senado ni Sen. Jose P. Laurel, Sr. ang panukalang batas (Senate Bill 438) na
naglalayong pag-aralan ang buhay at mga akda ni Jose Rizal noong Abril 17, 1956.
- Si Sen. Laurel bilang Tagapangulo ng Lupon sa Edukasyon (Senate Committee on
Education) ang nagbigay ng sponsorship na talumpati para sa panukalang batas,,
subalit ang orihinal na panukala ay inakda ni Sen Claro M. Recto.

 Senate Bill 438

“An Act to make Noli Me Tangere and El Filibusterismo compulsory reading matter in all
public and private colleges and universities and for other purposes.”
“ Isang batas na naglalayon ng sapilitang pagabasa ng Noli Me Tangere at El Filibusterismo sa
lahat ng paaralan, kolehiyo, Pamantasan pampubliko at pribado at para sa iba pang layunin.”

- Ayon sa panukalang batas na orihinal na inihain ni Sen. Claro M. Recto, layunin ng

panukalang batas (Senate Bill 438) na isulong ang sapilitang pag-aaral sa buhay at mga
sinulat ni Dr. Jose Rizal partikular na ang kanyang mga nobela na Noli me Tangere at El
Filibusterismo sa lahat ng pampubliko at pribadong kolehiyo at Universidad.

- Ang panukalang ito ay tumanggap ng maraming mga pagbatikos mula sa mga

katolikong senador at maging ng simbhang katoliko

 Mga Tumutol sa Orihinal na Bersyon ng Batas Rizal

- Sen. Decoroso Rosales
- Mariano CuencO
- Padre Jesus Cavanna
- Sen. Francisco “Soc” Rodrigo
- Ilang grupo sa Simbahang Katoliko

 Mga Pahayag/Puna Laban sa Panukalang Batas

1. Ang mga nobela ni Jose Rizal na Noli Me Tangere at El Filibusterismo ay naglalaman
ng mga pahayag na subersibo (subversive – tending to overthrow –
mapanghimagsik) o laban sa simbahan. Ayon sa simbahan, ang sino mang
makababasa nito ay maaring mag-iba ang paniniwala o sumalungat sa mga itinuturo
ng simbahan. Bahagi na raw ng nakalipas ang Noli at Fili kaya di na data pag-aralan

2. Sa isang pastoral letter na inilabas ng Simbahang Katoliko, binabanggit na sa 333

pahinang edisyon ng nobela ni Rizal na Noli Me Tangere, 25 bahagi lamang ang
naglalaman ng makabayang damdamin. 120 naman ay inilaan ni rizal bilang pag-
atake sa Simbahang Katoliko.
3. Kasama rin sa nasabing pastoral letter ang pagbanggit sa 170 bahagi mula sa Noli at
50 bahagi mula sa Fili na naglalayong sirain ang magandang imahe ng Simbahang
Katoliko
4. “Our objection then to the Bill proposed is not an objection against our national
hero nor against the imparting of patriotic education to our children… We believed
that to compel Catholic students to read a book which contain passages
contradicting their faith constitute a violation of a Philippines constitutional
provision”. (Statement of the Philippine Hierarchy) - – Nilalabag daw nito ang
kalayaan sa pagpili ng relihiyon

5. Nagbanta ang simbahang magsasara ang mga Katolikong paaralan sa Pilipinas bilang
protesta kapag ipinilit ang panukalang batas.
 - Dahil sa mahigit sa dalawang lingo ang matindihang debate at tila walang
patutunguhang paguusap tungkol sa panukala, nirebisa ni Sen. Laurel ang Panukala.
- Sa huli nagkaroon ng isang kompromiso nang dumaan ito sa Lupon ng Edukasyon ng
Senado na pinamumunuan ni Sen. Jose P. Laurel.

 Mga Rebisyon sa Pagpapatupad ng Batas

- Gumawa ng panukalang batas si Sen. Laurel na naglalaman ng mga bagong probisyon na
hindi lalabag sa konstitusyon.
“An Act to include in the curricula of all public and private schools, colleges and
universities courses on life, works and writings of Jose Rizal, particularly his novels Noli
me Tangere and El Filibusterismo, authorizing the printing and distribution, thereof, and
for other purposes” – Ang batas ay nagtatadhana ng pagsama sa kurikulum ng lahat ng
paaralans pambayan at pansarili (pribado o pampubliko) ng kursong nauukol sa buhay,
mga ginawa at sinulat ni Jose Rizal lalo na ang kanyang mga nobelang Noli Me Tangere
at El Filibusterismo.

- Malinaw na tinanggal ni Sen. Laurel and ideya ng “sapilitan” (compulsion).

Mabibilang sa nilalaman ng batas ang mga sumusunod:
- Pagpapabilang ng kursong Rizal na saklaw ang buhay, mga Gawain at mga sinulat ni
Rizal, lalo na ang mga nobela niyang Noli Me Tangere at El Filibusterismo sa kurikulum
ng lahat ng mga paaralaang pampubliko at pribadong saklaw ng batas Pilipinas
- Pagpapabilang sa talaan ng mga aprubadong babasahain sa mga paaralan at ang
paggamit nito sa mga proramang pangkolehiyo sa anyong unexpurgated o orihinal at
kumpletong bersyon ng mga nobela

- Paglalagay sa mga silid aklatan ng sapat na mga kopya ng mga nobela ni Rizal sa orihinal
kabilang ang iba pang mga lathalain ng mga ginawa at talambuhay ni Rizal.

- Pagsalin sa Ingles, Filipino, ang mga pangunahing wika sa Pilipinas ng mga nobela at iba
pang mga sinulat ni Rizal at mapalimbag ang mga ito ng mura at maipamahagi nang libre
sa buong bansa.

- Nililinaw na ang mga ipinag-uutos ng Batas Rizal ay hindi dapat ipakahulugang

pagpapawalang-bisa sa Section 927 ng Administrative Code na nagbabawal sa
pagtatalakay ng mga doktrinang pang-relihiyon sa lahat ng pampublikong paaralan.

- Pinayagan ang pagbabasa ng mga nobela sa makabagong bersyon at hindi na ginawang

“compulsory” ang pagbabasa ng dalawang nobela sa kanilang orihinal na kopya.
- Isama ang buhay, mga ginawa at isinulat bi Rizal sa kurikulum ng mga paaralan sa
kolehiyo at unibersidad at ang orihinal na sipi ang kailangan gamitin upang basehan ng
pagbabasa.
- Ito ay magiging bahagi ng kurikulum ng paaralan kung saan ito’y itinuturo ng isang
gurong higit na may nakakalam sa kurso. Ang mga magaaral ay mamarkahan sa pag-
 aaral nito at anumang pagbagsak dito ang siyang magiging hadlang sa kanyang
pagtatapos ng anumang kurso.
-
- Nililiwanag sa puntong ito na ang tinutukoy sa probisyon ng batas ay paglaya sa
sapilitang pagbasa ng mga nobela ni Rizal at hindi mula sa pagkuha ng kurso. Lahat pa
rin ng mga mag-aaral, ano pa man ang relihiyonm, ay kinakailangang kumuha ng
kursong Rizal para makapahgtapos sa kolehiyo.

- Marami pa rin ang umasa na hindi ito maaprobahan ngunit nabigo ang mga ito
sapagkat…

- Senado: Naipasa ang batas na 23 senador and pabor (Panukalang Batas bilang 438)

- Mababang Kapulungan ng Kongreso: 71 ang pabor, 9 ang hindi; 2 nagpapasyang di

bumoto (Pabukalang Batas nilang 5561)

- Ang pinagsamang PB 438 at PB 5561 ay nagging Batas Pamabanasa bilang 1425

- Nilagadaan ang panukalang batas ng dating Pangulong Ramon Magasaysay at nagging

Batas Republika Blg. 1425 (RA 1425) noong Hunyo 12, 1956 na mas lalong p[opular sa
tawag na BATAS RIZAL

DAHILAN NG PAGKAKAHIRANG KAY DR. JOSE RIZAL BILANG PAMBANSANG BAYANI

- Ito ay nangyari sa panahon ng Second Philippines Commission na kilala rin bilang Taft
Commission na pinamumunuan ni William H. Taft noong 1901.

PAMANTAYAN/CRITERIA SA PAGPILI:
1. Isang Pilipino
2. Yumao na
3. May matayog na pagmamahal sa bayan – maigting ang pagkamakabayan
4. May mahinahong damdamin – dapat ay ayaw sa rebolusyon

MGA PINAGPILIAN:
1. Marcelo H. del Pilar
2. Graciano Lopez-Jaena
3. Hen. Antonio Luna
4. Emilio Jacinto
5. Jose Rizal
6. Emilio Aguinaldo
7. Apolinario Mabini
8. Andres Bonifacio*

ANG MGA NAGPASYA KUNFSINO AND DAPAT MAGING PAMBANSANG BAYANI:

1. Commissioner William Howard Taft
 2. Morgan Schuster
3. Bernard Moses
4. Dean Worcester
5. Henry Clay Ide
6. Trinidad Pardo de Tavera *
7. Gregorio Araneta *
8. Cayetano Arellano *
9. Jose Luzurriaga *

- Tanggal na agad si Aguinaldo dahil buhay pa siya nang panahong iyon. Gusto ng mga
amerikano na pumanaw na ang isang hihiranginb para wala nang maidulot na kasiraan
sa kanyang pagkatao o pagkakataong magbago ang kanyang adhikain o di kaya ay
kalabanin ang pamamahala ng Estados Unidos.
- Alaganin ding mapili sina Bonifacio, Luna, Jacinto, at Mabini na pawang naging bahagi
ng himagsikan. Iwas ang mga Amerikano sa pagpili sa mga rebolusyonaryo sapagakat
ito ay mapanganib sa pananatili ng mga Amerikano sa Pilipinas
- Samantala, si Del Pilar at Jaena bagamat makabayan ay hindi raw kasing igting na gaya
ni Rizal. Lumamang si Rizal sa pagiging di umanoy mas dramatiko ng pagkamatay niya,
siya’y binaril sa Bagumbayan, samantalang si Del Pilar at Jaena ay namatay sa sakit.
- Sa madaling sabi, pabor sa mga Amerikano ang pagkakapili nila kay Rizal para na rin sa
pagpapahinahon at asimilisasyon ng Pilipinas.

DAHILAN KUNG BAKIT PINILING PAMBANSANG BAYANI SI RIZAL

- Huwaran ng kapayapaan - Paglaban niya sa mga mananakop hindi sa pamamagitan ng
dahas kung hiundi sa pamamagitan ng kaniyang talino at husay sa pagsulat
- Umakit na magkaisa ang bansa laban sa kastila – sa pamamagitan ng kanyang mga
nobela, naibulgar ang mga masasamang Gawain ng mga mannaakop na Kastila.
Maraming mamayan din ang nabuhay ang pagkamakabayan at nabuhayan ng dugo
upang ipagtanggol ang kasarinlan ng Pilipinas, kabilang ang ama ng Katipunan at ang
isa ring bayaning si Andres Bonifacio.
- Pilipino’y sentimental o maramdamin - kaya’t ang pagiging api ni Rizal sa kamay ng
Kastila mula paglilitis hanggang sa paglilibing sa sementeryo ng Paco ay akmang-akma
sa pagiging maramdamin ng mga Pilipino – Isinugal ni Rizal ang kaniyang buhay paras
sa ipinaglalabang Kalayaan
-