1

MOTHER TONGUE
Ikatatlo nga Markahan – Modyul 3:
Pagtanda sang Importante nga mga
Detalye sang mga Balasahon
nga Nabatian
MTB-MLE– Una nga Halintang
Alternative Delivery Mode
Ikatatlo nga Markahan – Modyul 3: Pagtanda sang Importante nga mga Detalye sang
mga Balasahon nga Nabatian
Una nga Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anomang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Doreen J. Jualan
Editor: Rowena S. Carillo
Tagasuri: Arthur J. Cotimo
Tagalapat: Felizardo S. Valdez III
Tagapamahala: Ma. Gemma M. Ledesma
Ma. Elena Gonzaga
Donald T. Genine
Ma. Roselyn J. Palcat
Elleda E. de la Cruz
Arthur J. Cotimo

Inilimbag sa Pilipinas ng ________________________

Department of Education – Region VI

Office Address: Duran Street, Iloilo City
Telefax: (033)336-2816, (033)509-7653
E-mail Address: region6@deped.gov.ph
 1

MOTHER TONGUE
Ikatatlo nga Markahan – Modyul 3:
Pagtanda sang Importante nga mga
Detalye sang mga Balasahon
nga Nabatian
Panugod nga Tinaga
Para sa tagapatigayon:
Malipayon nga pag abi-abi sa asignatura nga Mother
Tongue sang Alternative Delivery Mode (ADM) Modyul
para sa leksyon nga “Pagtanda sang Importante nga
mga Detalye sang mga Balasahon nga Nabatian.”

Ang ini nga modyul ululupod nga gindisenyo, ginhimo

kag gin tsek sang mga manunudlo sang publiko kag
pribado nga mga eskwelahan para mabuligan ikaw nga
manunudlo o tagagiya sang bata agud matun-an sang
bata ang mga dapat mahibaluan sang isa ka
Kindergarten nga nabutang sa K to 12 Curriculum
samtang ginahatagan kasulbaran ang personal, sosyal,
kag ekonomiya nga mga kabudlayan sa pagtuon.
Handum sang ini nga kagamitan nga maganyat sa
pagtuon ang mga bata paagi sa mga buluhaton base sa
ikasarang, kadasigon kag oras sang bata. Dugang pa sini,
ang ini nga modyul may tinutuyo nga mabuligan ang
bata sa pagpatubo sang kinaadman nga pang- 21 siglo
samtang ginahatagan importansya ang iya mga
kinahanglanon kag sitwasyon.
Bilang dugang nga kagamitan sa panguna nga
balasahon, makita ninyo ang kahon nga ini nga
pinakaundan sang modyul.

ii
 Mga Pahanumdum para sa Manunudlo
Makita diri ang mga pahanumdum kag
estratehiya nga magamit sa paggiya sa mga
bumulutho.

Bilang tagapatigayon, ginalauman nga hatagan mo

sang panugod nga ihibalo ang bumulutho kon paano
gamiton ang ini nga modyul. Nagakinahanglan man
sang pagsubaybay kag irekord ang ila pagsanyog
samtang nga nagatuon sia paagi sa iya nga
kinaugalingon nga ihibalo. Magluwas diri, ginalauman sa
imo ang todo nga pagganyat kag paggiya sa bumulutho
samtang ginahimu ang hilikuton sa modyul.

Para sa bata:
Gina abi-abi ikaw nga may kalipay sa Mother Tongue
Alternative Delivery Mode (ADM) Modyul parte sa
“Pagtanda sang Importante nga mga Detalye sang mga
Balasahon nga Nabatian.”

Ang modyul nga ini ginhimo sa pagsabat sa inyo

kinahanglan. Katuyuan sang sini nga modyul nga
mabuligan ka sa imo pag-tuon bisan wala ka sa sulod
sang klasrum. Katuyuan man sini nga mahatagan ka sang
maayo nga oportunidad sa pagdugang sang imo ihibalo.
Ang modyul nga ini may may mga parte kag simbolo nga
dapat mo maintiendihan.

iii
Hibalu-a Sa ini nga parte, mabal-an mo
ang mga dapat mo matun-an
sa modyul.

Tinguha-i Ang malip-ot nga test sa sini

nga parte, makita naton kon
ano na ang nahibaluan mo
parte sa leksyon sa ini nga
modyul. Kon insakto ang
tanan mo nga sabat (100%),
pwede mo laktawan ang ang
ini nga bahin sang modyul.
Balikan Ini malip-ot man nga test ukon
pagdumdom sang natapos na
nga leksyon para mabuligan
ka sa pagsugpon sang matun-
an mo subong sa natun-an mo
na sang nagligad.
Diskubreha Sa ini nga bahin sang modyul,
ang bag-o nga leksyon
ipakilala sa imo sa madamo
nga paagi pareho sang isa ka
istorya, kanta, binalaybay,
problema, ulubrahon ukon isa
ka sitwasyon.
Usisa-a Sa ini nga parte, tagaan ikaw
sang malip-ot nga pagsaysay
sang leksyon. Katuyuan sini
nga mabuligan ka sa

iv
 paghangup sang bag-o nga
konsepto kag mga kahusayan.

Pauswaga Makit-an diri ang mga

ulubrahon para sa paggiya sa
imo sa pag praktis agud
magsagad ikaw sa imo pag-
intiende kag kahusayan sa
leksyon. Pwede mo nga ma
tsek ang imo mga sabat sa
mga ulubrahon gamit ang
yabi sang insakto nga sabat sa
ulihi nga parte sang modyul.
Tanda-i Makit-an diri ang mga
pamangkot ukon pagsulat
sang tinaga sa blangko sang
dinalan ukon parapo para
maproseso mo kon ano ang
natun-an mo sa leksyon.
Himu-a Ini nga bahin sang modyul
may mga hilikuton nga
makabulig sa imo sa paghalin
sang imo bag-o nga natun-an
kag kahusayan sa tunay naa
sitwasyon o reyalidad sang
kabuhi.
Taksa Katuyuan sini nga matakos
ang imo nahibaluan sa
kompetensi.

v
 Dugang nga Sa parte nga ini, may bag-o
Hilikuton
kag dugang nga mga
ulobrahon para mapasanyog
ang imo kaalam ukon
kahusayan sa leksyon.
Talamdan sang Makit-an diri ang insakto nga
Husto nga mga
mga sabat sa tanan nga mga
Sabat
buluhaton sa ini nga modyul.

Sa katapusan sang modyul nga ini, makit-an mo man

ang:

Mga Balasehan Ini ang listahan sang

tanan nga mga
balasahon para
mapanami ang modyul
nga ini.

Ang mga masunod amo ang importante nga mga

pahanumdom sa paggamit sang modyul nga ini:
1. Gamiton ang modyul nga may paghalong. Indi
pagsulatan ang bisan diin nga parte sang modyul.
Gamiton ang lain nga papel sa pagsabat sang mga
buluhaton.
2. Indi pagkalimtan ang pagsabat sang Tinguha-i bag-
o magkadto sa iban pa nga mga buluhaton sa sulod
sang ini nga modyul.

vi
3. Basahon sang husto ang mga pahanumdom bag-o
sabtan ang mga buluhaton.
4. Obserbaran ang katampad kag integridad sa pag-
ubra sang mga hilkuton kag sa pag-insakto sang
mga sabat.
5. Tapuson ang subong nga hilikuton antes magkadto
sa iban pa nga mga hilikuton.
6. Palihog balik sang modyul nga ini sa inyo manunudlo
kon natapos na nga masabtan ang tanan nga mga
hilikuton.
Kon nabudlayan ikaw sa pagsabat sa mga hilikuton sa
modyul nga ini, indi ka magduhaduha nga
magpamangkot sa imo tagagiya. Pwede ka man
makapangayo sang bulig sa imo nanay ukon tatay,
magulang nga utod ukon sa mga kaupod sa balay
nga mas magulang sa imo. Tandaan mo permi nga indi
ikaw nagaisahanon.
Nagalaum kami nga paagi sa modyul nga ini nga
makaagom ka sang makahulugan nga pagtuon kag
makakuha sang madalum nga pag-intiendi parte sa
mga kompetensi. Masarangan mo i

vii
 Hibalu-a

Ang modyul nga ini ginhimo gid para sa imo agud

nga mabuligan kag matudluan ka nga makahibalo
magbasa kag magsulat gamit ang Hiligaynon – ang imo
nahauna nga lenggwahe. Ini makabulig man agud
magdugang ang imo pag-intindi kag ihibalo sa imo kultura
paagi sa pagtuon sang lainlain nga mga ambahanon,
binalaybay, istorya, silinanto, paktakon kag mga lokal nga
literatura.
Ang ini nga modyul nakasentro sa leksyon nga:
 Note important details in grade level literary and
informational texts listened to (MT1LC-IIIa-b-1.2).

Pagkatapos sang ini nga modyul, ginalauman nga ikaw:

 makatanda sang importante nga mga detalye sang
mga balasahon nga nabatian.
 Leksyon Pagtanda sang Importante
nga mga Detalye sang mga
1 Balasahon nga Nabatian

Tinguha-i

Pamati-i ang imo Tagapatigayon samtang ginabasa

niya ang istorya.

Kaadlawan ni Banban
Ginsulat ni: Elvie T. Tamson

Masako ang tanan sa

pagpreparar para sa ika-lima
nga kaadlawan ni Banban.
Nanaog ang iya
nanay kag naghambal,
“Banban, indi kamo magsaka-

panaog sa hagdan. Mag-istoryahanay lang kamo.”

Wala gid namati si Banban kag nadagdag sia sa
hagdanan.
“Hu, hu, hu! Tani ginsunod ko lang ang ginhambal
ni nanay. Hu, hu, hu, hu!” paghibi ni Banban.
Maayo lang kay wala sia nabali-an. Gani
masadya nga ginselebrar ang kaadlawan ni
Banban.
Sabti ang mga pamangkot. Isulat ang sabat sa imo papel.
1. Sin-o ang nagaselebrar sang kaadlawan?
2. Pila na ka tuig si Banban?
3. Ano ang ginhambal sang nanay ni Banban sa iya?
4. Nagpati bala si Banban? Paano mo nahibaluan?
5. Ano nga leksyon ang natun-an ni Banban pagkatapos
nga nahulog sia sa hagdan?

Balikan

Basaha ang istorya nga may husto nga ekspresyon.

Ang Magpakaisa
Ginsulat ni: Doreen Jabao Jualan

Adlaw nga Sabado, natapos na ni Nonoy sabat ang

tanan niya nga mga modyul. Gani ginhagad niya ang iya
pakaisa nga si Kardo nga maghampang sang bola sa
atubang sang ila balay.
Pirme lang masalo ni Kardo ang bola nga ginasipa ni
Nonoy sa iya, apang sang si Kardo na ang masipa, sobra
ini ka baskog kag wala dayon nasalo ni Nonoy. Natumba
si Nonoy kag nagtupa sa bato ang iya ulo kag nagdugo
gid ini.
Dali-dali sila nga nagkadto sa nanay ni Nonoy.
Ginbulong ang pilas. Maayo lang kay gamay ang pilas
gani madasig nga nag-ayo.
Para sa Tagapatigayon:

Tagai sang iskor ang pagbasa sang bata gamit ang

rubrics sa idalum. Ihambal ang bata ang resulta sang
pagmarka mo sa iya kag kon paano sia mag-uswag sa
iya abilidad sa pagbasa.

Pagsulundan Iskor
Nabasa ang istorya nga may eskpresyon kag wala sang 5
tinaga nga sala ang pagbasa.
Nabasa ang istorya nga may eskpresyon pero may 1-2 4
ka mga tinaga nga nabasa sang sala.
Nabasa ang istorya nga may eskpresyon pero may 3-4 3
ka mga tinaga nga nabasa sang sala.
Nabasa ang istorya pero kulang sa ekspresyon kag may 2
5-6 ka mga tinaga nga nabasa sang sala.
Utod-utod ang pagbasa sang istorya kag wala 1
ekspresyon

Diskubreha

Pamati-i ang imo Tagapagtigayon samtang ginabasa

niya ang istorya.
 Huni nga Bag o sa
Pamatin-an ni Mia
Ginsulat ni: Doreen J. Jualan

Tatlo na ka tuig si Mia. Mahilig

sia mamangkot tuhoy sa iya
mabatian.
Samtang nagalakat pakadto
sa simbahan, “Klang! Klang!
Klang!”

“Nay, ano na ang naghuni?” pamangkot ni Mia.

“Daku nga lingganay sang simbahan anak,” sabat
sang iya nanay.
Pag-abot sang gab-i, nag-ulan sang mabaskug
kag nagapangilat. “Groom! Groom! Groom!
“Nahadlok ako, Nay. Ano na ang naghuni?”
pamangkot ni Mia.
“Daguob ina, Anak. May bagyo abi subong kag
dapat maghanda kita,” sabat sang iya Nanay.
Lunes sang aga, nakabugtaw si Mia sa huni sang
“Brooom! Brooom! Brooom!
“Nanay, ano na ang naghuni?” pamangkot ni Mia.
Pero wala na ang nanay niya nga magasabat sang iya
mga pamangkot. Huni gali ato sang motorsiklo nga
gisakyan sang nanay niya. May seminar si Nanay niya
sa Cebu. Maayo lang kay ara si Tita Nelia nga
mabantay sa iya.
Lima ka adlaw ang nagligad, samtang
nagahampang si Mia, may nabatian sia nga may
nagakanta kag may kaupod nga tunog. “Ting! Ting!
Ting!
Pagbalikid niya, “Anak, gitara, dala ko para sa imo,
halin sa Cebu.”
 Wala na nakapamangkot si Mia. Nagdalagan na
lang sia kag nagkupo sa iya nanay sa sobra kahidlaw.

Usisa-a

Sabti ang mga pamangkot parte sa istorya nga imo

nabatian. Isulat ang letra sang husto nga sabat sa imo
nga papel.
1. Ano ang titulo sang istorya?
a. Huni nga Bag-o sa Pamatin-an ni Mia
b. Huni nga Bag-o sa Pamatin-an ni Tita Nelia
c. Ang Kaadlawan ni Banban

2. Sin-o ang mga katawhan sa istorya?

a. si Tito Indo, Mia, nanay
b. si Mia, nanay, Tita Nelia
c. cellphone, lingganay, gitara

3. Sa diin natabu ang istorya?

a. sa balay b. sa Cebu c. sa simbahan

4. Ano nga bagay nga nabatian ni Mia ang may tunog

nga “Ting! Ting! Ting!”?
a. lingganay b. daguob c. gitara

5. Sa ulihi nga hitabu, ngaa wala na nakapamangkot

parte sa huni si Mia sa iya nanay?
a. Wala sia kabalo. b. May gitara na sia.
c. Nahidlaw sia.
Husto bala ang tanan nga ginsabat mo? Ano ang imo
sabat sa pamangkot nga ano? sin-o? sa diin? ngaa?

Sa pagtanda sang importante nga mga detalye sang

mga istorya, binalaybay, kag teksto nga may
impormasyon nga imo nabatian, dapat magpamati sing
maayo. Tandaan ang mga detalye nga nagasabat sa
mga pamangkot nga:

1. Ano – Nagatumod ini sa butang, hitabu ukon aksyon.

Pamangkot: Ano ang dala sang nanay ni Mia sa iya
halin sa Cebu?
Sabat: gitara (butang)

2. Sin-o - Nagatumod ini sa katawhan sang istorya ukon

tawo sa impormasyon nga may teksto.
. Pamangkot: Sin-o ang nagbantay kay Mia sang
pagpa-Cebu sang nanay niya?
Sabat: si Tita Nelia (katawhan)

3. San-o – Nagatumod ini sa panahon.

Pamangkot: San-o naghuni ang daguob?
Sabat: sang gab-i (panahon)

4. Diin – nagatumod ini sa lugar

Pamangkot: Sa diin nagkadto ang nanay ni Mia?
Sabat: sa Cebu (lugar)

5. Ngaa – nagatumod ini sa rason

Pamangkot: Ngaa nagkadto sa Cebu ang nanay ni
Mia?
Sabat: Nagtambong sia sa seminar. (rason)
 Pauswaga

Pamati-i ang imo Tagapatigayon samtang

ginabasa niya ang teksto nga may impormasyon.
Sabti ang mga pamangkot. Isulat ang sabat sa imo
papel.

Ang mga Pispis

Ang mga pispis makit-an bisan diin lang. Ang ila

pakpak amo ang nagabulig sa ila sa paglupad. Ang ila
lawas ginatabunan sang balahibo nga nagaprotekta
sa ila agud indi matugnawan. Ang inang nga pispis
nagapangitlog sa pugad nga iya man ginhimo. Ang
pugad nahimo sa mga sanga sang kahoy kag hilamon.

1. Sin-o ang nagapangitlog?

2. Sa diin nagapangitlog ang inang nga pispis?
3. Ano ang iya ginagamit sa paghimo sang pugad?
4. Ngaa importante sa mga pispis ang balahibo?
5. Ano ang nagabulig sa pispis para makalupad ini?
 Tanda-i

Sa pagtanda sang importante nga mga detalye sang

istorya, binalaybay, kag teksto nga may impormasyon
nga imo nabatian, dapat nga tandaan mo ang sabat sa
masunod nga mga pamangkot:
1. Ano - Nagatumod ini sa butang, hitabu ukon aksyon.
2. Sin-o - Nagatumod ini sa katawhan sa istorya ukon
tawo
sa impormasyon nga may teksto.
3. San-o – Nagatumod ini sa panahon.
4. Diin – Nagatumod ini sa lugar.
5. Ngaa – Nagatumod ini sa rason.

Himu-a

Pamati-i ang pagbasa sang pahibalo. Kompletuha ang

mga dinalan sa idalum paagi sa pagdugang sang
importante nga mga detalye. Isulat ang sabat sa imo
papel.
 PAHIBALO
Ano: Orientation sa Home-based Learning
Sin-o: Mga ginikanan sang Grade 1
Diin: Pavilion sang Supang Central School
San-o: Agosto 24, 2020 sa takna nga ala-una sa hapon
Ngaa: Agud mahibaluan ang mga obligasyon sang
mga ginikanan sa pagpadayon sang pagtuon sang
mga bata sa ila balay

Importante nga mga pahanumdum:

1. Magsuksok sang face mask kag face shield.
2. Maghugas sang kamot sa pagsulod sa gate sang
eskwelahan.
3. Mag mentinar sang isa ka metro nga distansya.

Ginalauman ang imo pagtambong.

Doreen J. Jualan
Manunudlo

1. Ang sulat para sa __________________________.

2. Ang orientation hiwaton sa petsa kag oras nga
______________________.
3. ______________________ ang lugar kon sa diin hiwaton
ang orientation.
4. Ang nagpadala sang pahibalo amo si ___________nga
isa ______________ .
5. Ang orientation parte sa _____________________________.
6. Ang rason sa paghiwat sang orientation amo ang
_____________________________.
 Taksa

A. Pamati-i ang imo Tagapagtigayon samtang

ginabasa niya ang istorya.

Pangako ni Le-an
Ginsulat ni: Doreen Jabao Jualan
Anum ka tuig nga bata si Le-an. Naga-isahanon
sia nga bata ni Lino kag Laura.
Adlaw sang Dominggo, pagkatapos nila simba,
naglagaw sila sa plasa sang banwa sang San
Lorenzo.
Nagtan-aw sila sang mga ginabaligya. Madamo
ang mga tawo didto kay Foundation Anniversary.
Nagpahuway ang mga ginikanan ni Le-an sa
idalum sang kahoy tungod sa kakapoy sang libot,
apang si Le-an naglakat nga wala nakalisensiya.
Naghampang sia sa playground. Sang hinali
lang, nahulog sia sa see-saw kay may nagtiklod sa
iya.
“Hu hu hu!” ang hilibion ni Le-an samtang
nagalakat pabalik sa iya mga ginikanan.
“Nay, Tay, patawara ninyo ako. Sugod subong
indi na gid ako maglakat nga wala nakalisensiya sa
inyo,” hambal ni Le-An.
Ginbutangan sang ice ang iya bukol sa ulo kag
nakuha ang sakit nga iya nabatyagan.
Pili-a ang insakto nga sabat sa mga pamangkot. Isulat
ang letra sa imo papel.
1. Sin-o ang mga ginikanan ni Le-an?
a. kanday Lina kag Mauro
b. kanday Lino kag Laura
c. ang mga tawo
2. Sa diin nagkadto ang pamilya ni Le-an pagkatapos
nila simba?
a. sa playground
b. sa simbahan
c. sa plasa
3. Ngaa may madamo tawo sa plasa?
a. may pista
b. may Foundation Anniversary
c. may misa
4. San-o nagkadto sa plasa ang pamilya ni Le-an?
a. Dominggo b. Lunes c. Martes
5. Ngaa naghibi si Le-an?
a. Nahulog sia sa kahoy.
b. Nadula sia.
c. Nahulog sia sa see-saw.
B. Pamati-i ang imo Tagapagtigayon samtang
ginabasa niya ang teksto nga may impormasyon.

PAHIBALO
Ano: Pagnagtag sang Relief Goods
Sin-o: Mga Pumuluyo sang San Miguel, Jordan
Diin: Tagsa ka balay
San-o: Abril 15, 2020

Dugang nga mga Detalye:

Ang mga Barangay Kagawad nga in-charge sang
kada sona sang barangay nagapahanumdum sa mga
pumuluyo sang masunod:
*Pagsuksok sang face mask sa pag-abot sang
Barangay Kagawad sa inyo balay.
*Indi maghalin sa balay sa natalana nga petsa para
may mabaton sang bugas kag de-lata nga mga
pagkaon.
Salamat!
Pili-a sa kahon ang insakto nga sabat sa mga
pamangkot. Isulat ang letra sa imo papel.

a. Barangay Kagawad
b. Pagnagtag sang Relief Goods
c. Tagsa ka balay
d. Abril 15, 2020
e. Mga Pumuluyo sang San Miguel, Jordan

1. Ano nga hitabu ang nakasulat sa pahibalo?

2. Sa san-o ini matabu?
3. Sa diin ini matabu?
4. Sin-o ang tagaan sang mga relief goods?
5. Sin-o ang mapanagtag sang mga relief goods?
 Dugang nga Buluhaton
Tun-i ang Listahan sang Kaundan sang libro sa idalum.
Sabti ang mga pamangkot. Isulat ang sabat sa imo
papel.

TABLE OF CONTENTS
Yunit 1 – Ako kag ang Akon Pamilya Pahina
Week 1: Ako kag ang Akon Pamliya……………………..2
Week 2: Ang Akon Paborito nga Sapat kag
Hinuptanan…………………………………………5
Week 3: Ang Akon Paborito nga Sapat kag Tanum...16
Week 4: Ang Paborito ko nga Ulubrahon ukon
Kalingawan………………………………………..27
Week 5: Mga Pamatasan para Ikaayong Lawas…….36
Week 6: Ang Akon Pamilya kag ang Amon
Katungdanan……………………………………..40
Week 7: Mga Butang kag Tawo nga Akon
Ginakawilihan…………………………………….49
Week 8: Mga Butang nga Gusto ko Himuon…………..58
Week 9: Ang Akon Pamilya kag ang Amon
Katungdanan……………………………………. 67

1. Ano ang titulo sang Yunit 1?

2. Pila ka semana ang ara sa Yunit 1?
3. Sa diin nga pahina sang libro makita ang topiko nga
“Mga Butang kag Tawo nga Akon Ginakawilihan”?

4. Sa diin nga pahina sang libro makita ang topiko nga

“Ako kag ang Akon Pamilya”?

5. Parte sa ano nga topiko ang Week 9?

 Talamdan sang Husto nga
mga Sabat

Tinguha-i Balikan Pauswaga

1. Banban Pamati-I ang
1. inang nga pispis
2. lima ka tuig pagbasa sang 2. sa pugad
3. Indi magsaka- bata.
3. kahoy kag
panaog sa hagdan hilamon
4. Wala. Nahulog sia. Usisa-a
4. nagaprotekta sa
5. Magpamati sa 1. a
tugnaw
ginikanan. 2. b
5. pakpak
3. a
4. c
5. c

Himu-a Taksa Dugang nga

1. ginikanan A. Hilikuton
2. Agosto 24, ala-una 1. b
2. c 1. Ako kag ang
sang hapon
3. b Akon Pamilya
3. pavilion
4. a 2. siam
4. Doreen J. Jualan,
5. c 3. p. 49
manunudlo
4. p. 2
5.Home-based
B. 5. Ang Akon
Learning
1. b Pamilya kag ang
6. agud manibaluan
2. d Amon
sang mga ginikanan
Katungdanan
ang ila obligasyon 3. c
4. e
5.a

Pauswaga
Mga Balasehan
Mga Libro/ Balasahon
Department of Education. "K to 12 Curriculum Guide: Mother Tongue (Grade
1 To 3)". Pasig City: Department of Education, 2016.p.49

Department of Education. "Most Essential Learning Competencies Matrix, K

to12 Curriculum". Pasig City: Department of Education, 2020.p.369

Mga Laragway/ Dibuho

Araling Panlipunan I, Kagamitan ng Mag-aaral-Hiligaynon pp. 152, 227, 228

lrmds.deped.gov.ph
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph