Sta.

Maria Josefa Parish

Payak, Bato, Camarines Sur

RITO NIN PAGSUGO

Pagpasabot

An Dios na satuyang Ama, tinawan an satuyang parokya Sta. Maria

Josefa, nin dakulaon na regalo, An regalong ini iyo an marhay na bareta na
nanitawo sasaiyang Aking si Jesus, nakihiras kita sa responsibilidad sa
pangataman kan satong kapwa.

Nagkapira sa mga myembro kan satuyang parokya, nagsimbag sa

espesyal na paagi na makahiras sa gibo nin Kagurangnan sa paagi nin
pagkatekesis.

Maogma kong ipinipresentar saindo banwaan nin Dios an mga

minasunod na Katekista na matukdo nin Katekesis sa mga Escuelahan na sakop
kan satong Parokya.

(Mapasiring sa inotan)
- Mrs. Bernardita Seva
- Mrs. Lilia Rapinan

PADI :

O Dios samuyang Ama, An Espiritu Santo ipinadara Mo sasaimong

simbahan tanganing mapunan an pagtukdo kan Evangelio sa bilog na kinaban sa
paagi ni Jesukristong Kagurangnan niamo, Saimong aki na nabubuhay asin
naghahade kaiba Mo asin nin Espiritu Santo sarong Dios sa panahon na daing
kasagkoran. Amen

(Isusunod an Panuga nin Katekista)

1
 Panuga Kan Katekista

Katekista :

Sa atubang nin Dios Ama, kasaro ni Jesukristong Kagurangnan ta,

sarig sa Espiritu Santo asin kasaro sa banwaan nin Dios.
Kami nanunuga, na samong ibabalangibog an pagtubod Katoliko. Sa paagi nin
pagtukdo asin pagsaksi sosog sa mga katukduan kan Inang Simbahan.
Amen.

Isusunod an Pamibi ni Katekista

(Maluhod an gabos)

- Dios Amang Mkakamhan, Ika an ginikanan kan kagabsan,

Ika an nagtutukdo kan tamang dalan,
Ika an nag-gigiya sa mga katawohan.

- An katukduan Mo samong pinapasalamatan nagdadara ini samo nin

kagianan, nagtatao nin paglaom sa mga kadificilan, nagpapakusog sa
samong kagabatan.

- Sa pagcelebrar niamo kan samong pagkasararo bilang mga lingkod kan

Simbahan sa Kabikolan, maotob logod niamo an saimong kabotan asin
orog na makadara nin mga tawo sa kabanalan.

- Bendecioni an samong mga gibo ngonian,

Itukdo Mo an pagbasa kan samong kamugtakan tanganing mag – uswag
an saimonmg banwaan sa pagsabuhay kan saimong mga kamawotan.

- Sa tabang ni San Lorenzo Ruiz, an samong patron asin ni Virgen de

Peñafrancia samong paalawan. Ini gabos hinahagad niamo huli ki Cristo
na samong Kagurangnan.

Amen.

(Matindog an Gabos asin mabalik na sa tukawan an mga Katekista)