Ang pag-ibig ay isang makapangyarihang emosyon. Ito ay isang
matinding pakiramdam ng pagmamahal sa isang tao. May mga bagay sa mundo na nakakayang gawin dahil sa pag-ibig, na nakakayang tiisin para rito. Paano nga ba makikilala ang isang totoo at dalisay na pagmamahal? Ano-ano ang maaring gawin ng isang tao upang mapatunayang wagas ang kanyang pag-ibig?
Para sa akin, walang eksaktong kasagutan upang makilala mo ang
wagas at tunay na pag ibig. Sapagkat ito ay kusa mong mararamdaman ng walang ibang dahilan at ito ay mahal mo ang taong ito. Ito’y hindi nasusukat sa estado ng buhay o itsura dahil lahat ng ito ay nagbabago. Ngunit, isa lang ang sigurado at ito ay ang Diyos ay gagabay sa iyo. Upang mahanap mo at makilala mo ang tunay at wagas na pag-ibig na itinakda ng Diyos para sa iyo, kailangan mong magtiwala sa itaas at sundin ang tinitibok ng iyong puso.
Maraming paraan upang mapatunayang wagas ang kanyang pag-
ibig. Una, pagsakrapisyo para sa ikakabuti ng tao. Ikalawa, pagmamahal ng walang kapalit, yung tipong kahit masakit handang indahin para sa taong mahal mo. Sunod ay ang pagtatanggap sa tao, kung ano at sino man siya ay tanggap mo ng buong puso. Panghuli, pag-unawa at pagtiwala na kahit dumaan man ang maraming pagsubok, magtitiwala kang matatapos din ang lahat ng ito.
Hindi kailangan ng mga materyal na bagay upang ipadama sa isang
tao kung gaano mo siya kamahal. Ang pananatili sa tabi niya ay sapat na upang maipakitang hindi mo siya iiwan. Dumaan man ang panahon, kung nakatadhana talaga kayo para sa isa't-isa, magiging kayo pa rin sa huli. Sa pamamagitan ng pagtiwala sa lahat ng pagkakataon dito makikita ang tunay na pagibig.