PAANO NAGING MABUTI ANG DIYOS SA AKIN BILANG ISANG
TAPAT NA KATIWALA
Isang mapagpalang araw sa ating lahat. Purihin ang Diyos sa Kanyang kabutihan sa bawat isa.
Ako po ay isang ordinaryong miyembro ng bagong organisadong simbahan, ang
San Lorenzo Adventist Company.
Bilang isang balik loob sa pananampalataya sa ating Panginoon, Ang inyong
lingkod ay muling tinawag ng Diyos sa gawain, at isa po itong malaking pribelehiyo sa akin bilang isang makasalanan na muli niyang magamit upang matugunan ang panawagan upang maglingkod at ibahagi ang salita ng ating Panginoong Diyos.
Bilang karagdagan, ang inyong lingkod ay humihingi din palagi ng kalakasan sa
ating Diyos upang maging isang tapat na katiwala, hindi lang sa pananalapi, kundi sa lahat ng aspeto ng buhay bilang isang Kristiyano at bilang isang mananampalataya ni Kristo.
Sa paghingi ng inyong lingkod ng lakas sa ating Panginoon upang maging tapat
na katiwala, ay hayag po ang kanyang kabutihan sa akin. Ako po ay isang Salesman ng isang Car Company (Mitsubishi Motors - San Pablo City), at hindi po lingid sa ating lahat na sa panahon ngayon ay mahirap nang magbenta ng sasakyan, dahil na din po sa “inflation” at sa hirap ng buhay.
Sa kabila ng lahat ng ito, ay tunay ang kabutihan ng Panginoong Diyos. Na kapag
tayo pala ay tapat na nagbibigay ng para sa Panginoon, ay hayag po ang kanyang pagpapala. Sa kabila ng kahirapan ng buhay, krisis sa ekonomiya, pagtaas ng mga presyo ng bilihin, ay talagang ang Panginoon ang nagbibigay ng “qualified customers” na may kakayahang bumili ng sasakyan. Bagaman palagi tayong nasa gawain bilang isa sa mga care group leaders ng San Lorenzo Adventist Company, at wala tayong masyadong “marketing” na ginagawa, ay hayag po ang pagbibigay ng pagpapala ng Diyos sa akin. Sabi nga sa isang aklat, kapag buo ang katapatan, ay buo din ang pagpapalang ipagkakaloob ng ating Panginoong Diyos sa atin, kahit hindi natin ito asahan.
Sa tulong po ng ating mahal na Panginoon, ay nagkakaron po ang inyong lingkod
ng regular na benta ng sasakyan gada buwan, at masasabi ko po na ito ay nagmumula sa kabutihan ng ating Panginoong Diyos.
Tunay po na kapag inuna natin ang Panginoon at maging tapat po tayo ng
naaayon sa kanyang kalooban sa pamamagitan ng paghingi natin ng lakas sa kanya upang mapanagumpayan natin ang bawat pagbusok sa atin bilang isang katiwala, ay mararanasan po natin ang kanyang pagpapala.
Bilang panawagan ay ating basahin ang sulat ni Apostol Mateo:
Datapuwa’t hanapin muna ninyo ang kaniyang kaharian, at ang kanyang katuwiran; at lang lahat ng mga bagay na ito ay pawang idaragdag sa iyo.