Professional Documents
Culture Documents
ექსკურსიამცდნ
ექსკურსიამცდნ
3.ექსკურსიის ფუნქციები
ფუნქცია ლათინურიდან ითარგმნება როგორც შესრულება,
დანიშნულება, როლი. ექსკურსიის ფუნქციები განიხილება როგორც მისი
მთავარი თვისებები: მეცნიერული პროპაგანდის ფუნქცია, ინფორმაციის
ფუნქ, ინტერესთა ფორმირების ფუნქ, კულტურული დასვენების
ორგანიზაციის ფუნქ, და კულტურული თვალსაწიერის განვითარების
ფუნქცია.
მეცნ პროპაგანდის ფუნქცია
ექსკურსია პოლიტიკური, ფილოსოფიური, მეცნიერული და სხვა
შეხედულებების და იდეების გავრცელების საშუალებას იძლევა.
თითოეულ ექსკურსიას უნდა გააჩნდეს მკვეთრად გამოხატული იდეური
მიმართულება.
მეცნიერულობის პრინციპი - ექსკურსიის როგორც აღზრდის და
სწავლების ფორმის განსაკუთრებული ნიშანი, მისი ამოცანაა ხელი
შეუწყოს მეცნიერული ცოდნის გავრცელებას.
იდეურობის პრინციპი - იდეა დასახული მიზნის მისაღწევად მოქმედების
გამოკვეთილი გეგმაა. იდეურობის პრინციპი ნიშნავს ექსკურსიის
მომზადების პროცესში ფაქტიური მასალებისადმი ობიექტურ მიდგომას
და ექსკურსიამძღოლის მიერ ამ მასალების სრულფასოვნად გადაცემას
ექსკურსიის მონაწილეთათვის.
თეორიის კავშირი ცხოვრებასთან - ექსკურსიის მასალები, მისი შინაარსი
კავშირში უნდა იყოს ცხოვრებისეულ სინამდვილესთან.
ინფორმაციია ფუნქცია
თემის შესაბამისად ექსკურსია მოიცავს ინფორმაციას ცოდნის
კონკრეტული მიმართულების მიხედვით. ექსკურსიას სხვა
საინფორმაციო საშუალებებისგან განასხვავებს ის რომ ექსკურსიის
პროცესში ინფორმაციის მეტი ნაწილი საექსკურსიო ობიექტების
ჩვენებით მტკიცდება. ექსკურსიის ჩატარების საფუძველი არის წინასწარ
დამტკიცებული ტექსტი და არავითარი სხვა სახის ინფორმაცია.
4.ექსკურსიის ნიშნები
ამ ნიშნებად აღიქმება ის, რაც საგნებსა და მოვლენებს ერთმანეთს
ამსგავსებს ან განასხვავებს. აქ იგულისხმება ნიშნები, რომელთა გარეშე
საგნები მოვლენები ვერ იარსებებენ.
ექსკურსიას აქვს ორგანიზებისა და ჩატარების თავისებურებანი ,
რომელთა ნიშნები მიუთითებენ სხვა ფორმებთან მსგავსებას ან
განსხვავებას. ექსკურსიებისთვის საერთო ნიშნად ითვლება:
1. დრო მისი ხანგრძლივობის მიხედვით - 1 აკადემიური საათიდან 1
დღე-ღამის ჩათვლით.
2. ექსკურსიის მონაწილეთა არსებობა - ჯგუფური ან ინდივიდუალური
პირი.
3. ექსკურსიამძღოლის არსებობა
4. თვალსაჩინოება - საექსკურსიო ობიექტების დათვალიერება.
5. საექსკურსიო მარშრუტის წინასწარ მომზადება
6. განსაძღვრული თემის ქონა
7. მონაწილეთა აქტიური მოქმედება
მოცემული ნიშნებიდან რომელიმეს არარსებობის შემთხვევაში
ჩატარებულ ღონისძიებას ვერ დაერქმევა ექსკურსია. ის
ღონისძიებები რომელბიც აღინიშნება საერთო ტერმინით „გიდიზმი “
მოკლებულია ექსკურსიისათვის მახასიათებელ საერთო ნიშნებს და
წარმოადგენს ზერელე დათვალიერების პროცესს. სრულფასოვანი
ეწსკურსია და გიდიზმი ორი სხვადასხვა მცნებაა.
8.ექსკურსიების კლასიფიკაცია
დღეისთვის ექსკურსიები კლასიფიცირდება შემდეგნაირად: შინაარსის,
მონაწილეთა რაოდენობისა და შემადგენლობის, ჩატარების ადგილის,
გადაადგილების, ხანგრძლივობისა და ჩატარების ფორმის მიხედვით.
თითოეულ ამ ჯგუფს აქვს მისთვის დამახასიათებელი კომპონენტები,
თავისებურებები.
შინაარსის მიხედვით ექსკურსიები შეიძლება იყოს მიმოხილვითი და
თემატური.
მიმოხილვითი ექსკურსიები მრავალთემიანია. ასეთ ექსკურსიებში
გამოიყენება ისტორიული და თანამედროვე მასალები. ის იძლევა საერთო
წარმოდგენას ქალაქზე, მხარეზე, სახელმწიფოზე მთლიანად. ის
ისტორიული განვითარების თავისებურებებით არის ნაკარნახევი.
თემატური ექსკურსია ეძღვნება ერთი თემის გაშუქებას. თუ ის
ისტორიული ექსკურსიაა მაშინ მის საფუძველში შეიძლება ჩაიდოს ერთი
თემით გაერთიანებული ერთი ან რამდენიმე მოვლენა. ის კიდევ თავის
მხრივ იყოფა ისტორიულ, საწარმოო, ლიტერატურულ, არქიტექტურულ და
სხვა სახებად.
შემადგენლობისა და რაოდენობის მიხედვით იყოფა: ინდივიდუალური,
ადგილობრივი მოსახლეობისთვის, ჩამოსული ტურისტებისთვის,
უფროსებისა და მოსწავლეებისთვის.
ჩატარების ადგილის მიხედვით: ქალაქის, ქალაქგარეთა, საწარმოო,
სამუზეუმო, კომპლექსური.
გადაადგილების საშუალებების მიხედვით: ქვეითი და სხვადასხვა სახის
ტრანსპორტის გამოყენებით. სატრანსპორტო ექსკურსიები ძირითადად
მიმდინარეობს ავტობუსების გამოყენებით. ასევე შეიძლება გამოყენებული
იქნას ტროლეიბუსი, ტრამვაი, მდინარისა და ზღვის გემები,
შვეულმფრენები.
ექსკურსიის ხანგრძლივობა შეიძლება იყოს ერთი აკადემიური
საათიდან(45წთ) ერთ დღე-ღამემდე.
ჩატარების ფორმის მიხედვით იყოფა:
მასიური ხასიათის ექსკურიები, რომლის დროსაც გადაადგილდებიან
ერთდროულად 10-12 ავტობუსით.
ექსკურსია-გასეირნება, რომელშიც შერწყმულია შეცნობის ელემენტები და
დასვენება.
ექსკურსია-ლექცია, რომელშიც საუბარი ჭარბობს ჩვენებას.
ექსკურსია-კონცერტი ეძღვნება მუსიკალურ თემას.
ექსკურსია შეიძლება გავიხილოთ როგორც სასწავლო-სამუშაო ფორმა და
შეიძლება იყოს: ექსკურსია-კონსულტაცია, ექსკურსია-დემონსტრაცია,
ექსკურსია-გაკვეთილი, სარეკლამო-ექსკუ და სხვა.