Professional Documents
Culture Documents
IKASGELARAKO PROGRAMAZIOA
MATEMATIKA, 1. MAILA. KONEKTATU PUPIREKIN
LEHEN HEZKUNTZAKO 1. ZIKLOA
2. unitatea Urte adina kandela
1. METODOLOGIA-ORIENTABIDEAK
Unitate honetan, 6tik 9ra arteko zenbakiak banaka-banaka landuko dira, honela: aurreko zenbakiari beste bat batuz.
Horrela, zenbaki-segida osatuko dugu eta ikasleei batuketaren berri emango diegu. Bestalde, zenbakiak idazten eta
deskonposatzen ere irakatsiko diegu, bai eta zenbakien eta kopuruen arteko lotura ere. Zenbakien berri jakin dezaten,
haur guztientzat garrantzi handia duen gertaera bat erabiliko dugu: urteak betetzea, hain zuzen. Halaber, urratsez urrats
azalduko dugu batuketak nola egiten diren eta, ondoren, haietaz baliatuko gara, testuinguru jakin bateko problemak
ebazteko. Kokapen erlatiboarekin lotutako kontzeptuak ere landuko ditugu.
Unitate honetako jarduera guztiak matematikarako gaitasunarekin lotuta daude. Zehatz esatera, arrazoitzeko edo
dedukzioz ondorioak ateratzeko ahalmenarekin, eta errealitatea interpretatu behar denean elementu matematikoak
erabiltzeko ahalmenarekin. Bestalde, Hitz egingo dugu eta Matematika-tailerra ataletan haurrek hizketaldietan parte hartu
behar dutela eta, hizkuntza-komunikaziorako gaitasuna lantzen da. Unitatean ageri diren eguneroko testuinguruak eta
kokapen erlatiboarekin lotutako jarduerak, gainera, estu lotuta daude zientzia-, teknologia- eta osasun-kulturarako
gaitasunarekin. Jarduera elkarreragileak eginez eta irudietako informazioa irakurriz eta ulertuz, bestalde, informazioa
tratatzeko eta teknologia digitala erabiltzeko gaitasuna sustatuko da. Matematika-tailerra atalean ikasleek binaka
egingo duten lanak aukera paregabea emango die gizarterako eta herritartasunerako gaitasuna eta norberaren
autonomiarako eta ekimenerako gaitasuna sustatzeko. Nire ezagutzak atalak ere sustatzen ditu gaitasun horiek.
Azkenik, ikasten ikasteko gaitasuna ere landuko dute haurrek Nire egunerokoa eta Nire ezagutzak ataletan.
2. UNITATEAREN ESKEMA
Geometria
Gauza jakin batetik hurbil, urruti edo
haren inguruan beste batzuk
bereiztea.
Matematika-tailerra
Kopuruak alderatzeko,
baino gehiago, baino gutxiago eta
adina esapideak erabiltzea.
Problemak ebaztea
Batuketekin lotutako hiztegia ikastea.
Pentsatzen ikastea
Irudi bat eta haren itzala lotzea.
4. ZAILTASUNEN AURREIKUSPENA
Zenbait jardueratan oso baliagarria izan liteke dagoeneko zer elementu zenbatu diren markatzea eta eskuko hatzak
erabiltzea; esaterako, zenbatzeko jardueretan, eta kopurua eta zenbakia lotzekoetan.
Objektuen kokapen erlatiboari buruzko jardueretan, garrantzi handikoa da ikasleak oso metodikoak izatea, kategoria
berekoak ez diren bi eduki erabili beharko baitituzte (zenbakia eta kokapena, adibidez). Baliteke ikasleek batzuetan
irakaslearen laguntza behar izatea; esaterako, enuntziatuak irakurtzeko, Nire egunerokoa eta Nire ezagutzak atalak
osatzeko, eta jarduera elkarreragileak egiteko. Ikasleei binakako lana akuilagarri gertatzen bazaie ere, egin beharreko
urratsei arretaz begiratzen lagundu beharko zaie, problemak arrakastaz ebatziko badituzte.
6. DENBORALIZAZIOA
Unitate hau lehen hiruhilekoko bigarren hamabostaldiari dagokio, eta 15 egun inguru beharko dituzue.
8. UNITATEKO HIZTEGIA
Matematika-hiztegia Beste hitz batzuk
adina: bi kopuru berdinak direla adierazten du. albuma: liburu garbia, kromoak, argazkiak eta abar
jartzeko balio duena.
batzea: hainbat kopuru elkarrekin jartzea.
hondatu: puskatu edo zikindu.
berdin: eragiketa baten emaitzaren aurretik
idazten den ikurra. hurrengoa: zerbaiten ondotik datorrena.
gehi: batuketaren zeinua. Kopuru bat handitu itzala: gorputz bati argiak ematen dion aurkako
egin dela edo beste bat baino handiagoa dela aldean hark utzitako irudi iluna.
adierazten du.
ken: kopuru bat beste bat baino txikiagoa dela
adierazten du.
LANKIDETZA-IKASKUNTZA
Ikono honen bidez, elkarlanean ikastearekin lotuta dauden atalak nabarmendu ditugu ikasgelarako
programazioan.
IKASGELAKO KAXA
Abakoak
9ra arteko zenbakiak adierazteko eta horizontalean batuketak egiteko.
Erregeletak
9ra arteko zenbakiak deskonposatzeko eta batuketak horizontalean egiteko.
Zenbakien zuzena
9ra arteko zenbakiak ordenan jartzeko.
Horma-irudia
Nolakoa da? Non dago?
Hurbil, urruti, inguruan.
IRAKASLEAREN MALETA
Aniztasunaren trataera
Finkatzeko: 2. unitateko fitxa
Zabaltzeko: 2. unitateko fitxa
Berrikusketa: 1. eta 2. unitateetako fitxak
Ebaluazio-proposamenak
2. unitateko ebaluazioa
1. CDa, Baliabide-bankua
Behera kargatzekoak / Zenbakiak / Zifra bateko zenbakiak
0tik 9ra arteko zenbakiak
Diplomak / Eragiketak
Jada batuketak egiten dituzu!
IRAKURGAI GOMENDATUAK
Egoki ikusiz gero, gomendatu ikasleei liburu hauek:
MACHADO, Ana María: Camilón, comilón. Ediciones SM. Txerritxo tripontzi bati buruzko istorio honetan, 0tik 10era
arteko zenbakiak landuko dituzte ikasleek.
MENÉNDEZ-PONTES, María: El cumpleaños de Pupi. Ediciones SM. Pupi kezkatuta dago, urterik betetzen ez duelako,
eta beraz, urtebetetzerik ospa ezin dezakeelako. Zenbat kandela jarriko lituzke bere tartan?