Ang tulang ito ay para sa mga kabataang, nagdududa sa kakayahan.
Kakayahang maging isang mabuting instrumento ng lipunan.
Mahalaga tayo.
WE.CAN.MAKE.A.CHANGE.
Ito ay pinamagatan kong…
AKO ANG PAG-ASA MO
“Kabataan ang Pag-asa ng Bayan”
Isang linya, katagang binigkas,
Binigkas ng magiting na bayani ng ating lipunan.
Kung saan kabataan ang kaniyang inasahan,
Inasahang magpapatuloy ng kaniyang sinimulan.
Pero paano? Paanong ipagpapatuloy
Kung hindi naman ako bayani?
Ni hindi pa nakarating sa ibang bansa,
Ni hindi marunong magsulat ng samu’t saring paksa,
Minsan pa’y nagkakamali sa sariling wika.
Bilang kabataan, ano’ng magagawa ko?
Mag-aaral lamang ako at wala pang trabaho.
Isang puslit na hanggang ngayo’y nakasandal pa sa magulang ko.
Paano? Paanong ako ang pag-asa mo?
Kung hindi naman ako kasing-husay ng utak mo?
May naisip ako!
Hindi ba’t nabanggit ko na estudyante lang ako?
Oo nga pala, estudyante ako.
Maraming tungkulin ang kailangang gampanan,
Maraming Gawain ang kasalukuyang pasan,
Kaya kong galingan, kailangan kong husayan.
Dahil ito ang papel ko sa lipunan.
Napagtanto ko ang halaga ko,
Naisip kong mahalaga pala ang papel ko.
Dito nakasalalay ang buhay ko sa hinaharap.
Tungo sa matagal na inaasam na pangarap.
Hindi lang para sakin, hindi rin para sayo,
Ang aking tungkulin, ay para rin sa bansa ko.
Isa akong kabataan na may katwiran,
Buo ang loob at may paninindigan.
Anumang hamon ay kakayaning labanan,
Lalaban hanggang kayang lumaban.
Kaya…Laban…
Mga mahal ko sa buhay ang aking inspirasyon,
Karanasan ang aking motibasyon.
Kaunlaran ang aking layon.
Dahil batid ko ang kapakanan ng susunod pang henerasyon,
Umaasang tadhana, sa kanila ri’y aayon.
Kaya’t nais kong ipabatid,
Sa aking mga kapatid,
Kapatid sa iisang bansa,
Bansa kung saan tayo nagmula.
Iwasan na ang gawaing mali,
Upang sa huli, hindi tayo magsisi.
Piliin ang may magandang impluwensya,
Kaysa mga bagay na makasasama.
Bilang kabataan, tungkulin nating pahalagahan,
Isipan, kagawian, at mga kaalaman.
Panitilihang pumasok sa paaralan,
Maging mapagmasid sa kapaligiran.
Upang masabing tayo nga ang KABATAANG PAG-ASA NG BAYAN
NA MAY PINAG-ARALAN
TARA, ARAL TAYO.