Villajuan, Shaina E.

Atienza, Mikaela Yzabell A.

Fonte, Jane Kristine D.
Repones, Naisha Mae L.
Abonalo, Vince Symonne R.
Camitan, John Ivan M.
Evalderoza, Jaypee D.
Lumas, Ezekiel Gioferd B.

Pamagat: Pagbibigay ng mas Malaking Halaga at Espasyo sa Pag-aaral ng Kultura at

Kasaysayan ng Pilipinas sa Kurikulum, Upang Mapalakas ang Pagpapahalaga at
Pagkaunawa sa Sariling Kultura, Tradisyon at Identidad

Layunin:
Ang mithiin ng pagbibigay ng mas malaking halaga at espasyo sa pag-aaral ng
kultura at kasaysayan ng Pilipinas sa kurikulum ay palakasin ang pagpapahalaga at
pagkaunawa ng mga mag-aaral sa kanilang sariling kultura at identidad. Layon din
nito na maipakita ang kahalagahan ng kasaysayan ng bansa bilang gabay sa pag-
unawa sa mga pangyayari at pagbabago sa lipunan at paghubog ng kolektibong
identidad ng mga Pilipino. Sa pamamagitan ng malawakang pag-aaral ng kultura at
kasaysayan ng Pilipinas, maaaring magkaroon ng pagbabago sa kaisipan at
perspektibo ng mga mag-aaral, na nagreresulta sa pagkakaroon ng mas malalim
na pagmamahal sa bansa at pagpapahalaga sa iba't ibang kultural na pamana ng
Pilipinas. Layunin nitong hikayatin ang mga mag-aaral na maunawaan at mahalin
ang kanilang bansa. Sa pamamagitan ng malalim at malawakang pag-aaral ng
kultura at kasaysayan ng Pilipinas, nais nating mapaunlad ang pagpapahalaga at
pagkaunawa ng mga mag-aaral sa kanilang sariling identidad, pinagmulan, at
pinagdaanang mga pagsubok at tagumpay bilang isang bansa. Hinahangad din nito
na mapalawak ang kanilang kaalaman tungkol sa mga pamana ng mga ninuno,
sining, panitikan, at iba pang aspeto ng kulturang Pilipino. Hindi lamang
mapalawak ang kaalaman ng mga mag-aaral, kundi maging instrumento rin ito sa
pagbuo ng isang lipunang mulat, mapanuring, at aktibong kalahok sa
pagpapaunlad ng bansa. Sa pamamagitan ng pagsasama ng mga aralin sa kultura
at kasaysayan ng Pilipinas, layon nating maipakita ang mga halaga at prinsipyong
nagpapatakbo sa ating lipunan. Nais nating hubugin ang mga mag-aaral upang
maging kritikal na mamamayan na may malalim na pag-unawa sa mga isyung
panlipunan, politikal, at pangkabuhayan na may kaugnayan sa kasaysayan at
kultura ng bansa. Ang mga karanasan sa pananaliksi, o panlipunan ay ang ating
papel upang mahalin at respetuhin ang bansang kinalikahan at minulatan.
Inaasahang maging sa mga gurong nagtuturo sa kabataan ng makabuluhang
pananaliksi o pakikibahagi sa panlipunan na karaniwang ang pag-didiskurso ukol
sa kultura. Sa pag-mamahal ng sariling kultura maipapakita sa pag-galang at pag-
aaruga ng sariling tradisyon, lugar at pag-bibigay kahalagahan sa nasasakupan.
Kahulugan rin ng paraan ng pamumuhay na nag-lalarawan bilang isang lipunan na
sangkap ng konseptong pamumuhay ng isang Pilipino na ang batayan ay sa pag-
kilos at pag-gawi na nag-mula sa ating ninuno hanggang sa nagkapasa-pasa. Ang
kultura ay siyang patunay na tayo ay may pinagmulan ng mga bagay at gawaing
nakasanayan.

Rasyonal:
Ang pagbibigay ng mas malaking halaga at espasyo sa pag-aaral ng kultura at
kasaysayan ng Pilipinas sa kurikulum ay mahalaga upang tugunan ang hamon ng
pagkaupos ng kultural na identidad ng mga Pilipino at ang patuloy na
pagkakalimutan ng mga mahahalagang bahagi ng kasaysayan ng bansa. Sa
pamamagitan ng pagtuturo ng mga kahalagahan at mga aral na natutunan sa
kasaysayan, mabibigyan ang mga mag-aaral ng pagkakataon na maunawaan at
kilalanin ang kanilang sariling kultura, tradisyon, at mga pamana. Ito rin ay
naglalayong mabawasan ang kolonyal na pag-iisip at ang paghanga sa ibang
kultura, sa halip ay ituturo sa mga mag-aaral na ipagmalaki at ipahalagahan ang
kanilang sariling kultura.Ang mga mamamayang kagaya ng isang estudyante ay
responsableng nakahanda at may paninindigan sa pagharap sa mga hamon ng
kasalukuyan at hinaharap. Sa pamamagitan ng pag-unawa sa kasaysayan, natututo
ang mga mag-aaral mula sa mga pagkakamali at tagumpay ng nakaraan, na
nagbibigay sa kanila ng mga aral na maaaring magamit sa pagpapasya at
pagkakaroon ng makabuluhang ambag sa lipunan ngunit sa kasalukuyan ay hindi
na gaanon nagagampanan. Ang pagpapahalaga at pagkaunawa sa sariling kultura
at identidad ay mahalaga sa pagpapaunlad ng pagkakaisa at pagkakakilanlan ng
mga mamamayan. Sa pamamagitan ng pag-aaral ng kultura at kasaysayan ng
Pilipinas, tinatanggap ng mga mag-aaral ang kanilang kahalagahan bilang
indibidwal at bilang bahagi ng isang kolektibong kasaysayan at kultura. Ito ay
naglalayong mabawasan ang pagkaubos ng kultural na identidad, ang panghihiram
ng mga katangian ng ibang kultura, at ang paglitaw ng isang malakas at malalim na
pagmamahal at pagpapahalaga sa sariling bansa. Ang pagpapahalaga at
pagkaunawa sa sariling kultura at kasaysayan ay may malaking epekto sa
pagpapalawak ng pagkakakilanlan at pagkakaisa ng isang bansa. Sa pag-aaral ng
kultura at kasaysayan ng Pilipinas, pinatitibay natin ang pagkakakilanlan bilang
isang malaya at soberanong bansa na may sariling tradisyon, paniniwala, at
pagpapahalaga. Sa pamamagitan ng pag-unawa sa ating kultura at kasaysayan,
naghuhubog tayo ng isang kamalayan na nagpapahalaga sa pagsasaalang-alang sa
mga pangangailangan at kapakanan ng ating sariling mamamayan. Ito ay
nagbubuklod sa atin bilang isang komunidad at nagbibigay sa atin ng lakas at
determinasyon upang harapin ang mga hamon na hinaharap natin bilang isang
bansa. Karamihan sa mga kabataan ngayon ay naghahangad na manirahan at
mapunta sa iba’t ibang bansa ngunit wala sa kanila ang nagiisip na paunlarin ang
kanilang sariling bansa, nawawala na rin ang kanilang pagmamahal sa inang
bayan.

Mga Hakbang:

1. Pagbuo ng Malawak at Malalim na Kurikulum: Itaguyod ang pagpapalawak at

pagpapalalim ng kurikulum na may malaking espasyo para sa pag-aaral ng kultura
at kasaysayan ng Pilipinas, mula sa mga tradisyon, sining, panitikan, at mga
pangyayari sa kasaysayan ng bansa.

2. Pagtuturo ng mga Pambansang Hero at Bayani: Ituro nang malawakan ang mga
buhay at kontribusyon ng mga pambansang bayani at mga kilalang personalidad
sa kasaysayan ng Pilipinas upang mabigyan ng inspirasyon at paghahanda sa mga
mag-aaral.

3. Pagsasama ng Aktibong Pagtuklas at Pagsasaliksik: Hikayatin ang mga mag-aaral

na maging aktibo sa pagtuklas at pagsasaliksik ng mga aspeto ng kultura at
kasaysayan ng Pilipinas. Maaaring isagawa ito sa pamamagitan ng mga proyekto,
papel, o iba pang mga aktibidad na magbibigay-daan.
4.Ang pagkakaroon ng pondo para sa papapagawa ng isang museo na kung saan
itatayo sa loob ng isang paaralang pampubliko na naglalaman ng mga mahahalaga
at makasaysayng mga gamit, sining, libro na makatutulong sa mga mag-aaral na
mas mahubog ang isipan ukol sa kultura at kasaysayan ng Pilipinas.

5. Pagkakaroon ng subject kung saan ang magtuturo ay mga dalubhasa gaya ng

isang Antropologo o Historian na makatutulong upang magbigay ng kaalaman sa
kabatan sa loob ng eskwelahan mangyayari ito isa o dalawang beses sa isang
linggo at maglalaan rin ng sapat na oras para sa talakayan maglalayon itong
matulungan ang mga bata na makapag fact check tungkol sa kultura, tradisyon at
kasaysayan ng bansa.