8

Araling Panlipunan
Ikalawang Markahan - Modyul 2:
Mga Kontribusyon ng
Kabihasnang Romano

LU_Q2_Araling Panlipunan 8 _Module2

ARALING PANLIPUNAN 8
Ikalawang Markahan - Modyul 2: Mga Kontribusyon ng Kabihasnang Romano
Ikalawang Edisyon, 2021

Karapatang sipi © 2021

La Union Schools Division
Region I

Ang lahat ng karapatan ay ibinibigay sa may akda. Anomang paggamit o pagkuha ng bahagi
ng walang pahintulot ay hindi pinapayagan.

Bumuo sa Pagsulat ng Modyul

Manunulat: Diana F. Rapacon

Editor: SDO La Union, Learning Resource Quality Assurance Team
Content Reviewer: Norelissa L. Gabatin and Nellie U. Panelo
Language Reviewer: Jimmy Correa and Hector Batallang
Tagaguhit: Ernesto F. Ramos Jr.
Tagalapat: Dulce T. Deogracias

Tagapamahala:

Atty. Donato D. Balderas Jr.

Schools Division Superintendent
Vivian Luz S. Pagatpatan, PhD
Assistant Schools Division Superintendent
German E. Flora, PhD, CID Chief
Virgilio C. Boado, PhD, EPS in Charge of LRMS
Mario P. Paneda, Ed.D, EPS in Charge of Araling Panlipunan
Michael Jason D. Morales, PDO II
Claire P. Toluyen, Librarian II

Inilimbag sa Pilipinas ng: _________________________

Department of Education – SDO La Union

Office Address: Flores St. Catbangen, San Fernando City, La Union
Telefax: 072 – 205 – 0046
Email Address: launion@deped.gov.ph
 8
Araling Panlipunan
Ikalawang Markahan - Modyul 2:
Mga Kontribusyon ng
Kabihasnang Romano
Paunang Salita
Ang Self-Learning Module o SLM na ito ay maingat na inihanda para sa ating mag-
aaral sa kanilang pag-aaral sa tahanan. Binubuo ito ng iba’t ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na naglalaman ng

mga paalala, pantulong o estratehiyang magagamit ng mga magulang o kung
sinumang gagabay at tutulong sa pag-aaral ng mga mag-aaral sa kani-kanilang
tahanan.

Ito ay may kalakip na paunang pagsusulit upang masukat ang nalalaman ng mag-
aaral na may kinalaman sa inihandang aralin. Ito ang magsasabi kung kailangan
niya ng ibayong tulong mula sa tagapagdaloy o sa guro. Mayroon ding pagsusulit sa
bawat pagtatapos ng aralin upang masukat naman ang natutuhan. May susi ng
pagwawasto upang makita kung tama o mali ang mga sagot sa bawat gawain at
pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit
pa ng ibang mangangailangan. Huwag susulatan o mamarkahan ang anumang
bahagi ng modyul. Gumamit lamang ng hiwalay na papel sa pagsagot sa mga
pagsasanay.

Hinihikayat ang mga mag-aaral na makipag-ugnayan agad sa kanilang guro kung

sila ay makararanas ng suliranin sa pag-unawa sa mga aralin at paggamit ng SLM
na ito.

Sa pamamagitan ng modyul na ito at sa tulong ng ating mga tagapagdaloy, umaasa

kami na matututo ang ating mag-aaral kahit wala sila sa paaralan.
 Sapulin

Ang modyul na ito ay sadyang inihanda upang matulungan ka na matutunan

at maipaliwanag ang mga kontribusyon ng Kabihasnang Romano.
Ang mga paksa na nakapaloob dito ay sistematikong inayos upang mas
madaling maunawaan ang daloy ng pag-aaral.
May mga angkop na gawaing inihanda para sa iyo upang maging makabuluhan
ang iyong pag-aaral. Kailangan mong gawin o sagutan ang lahat ng mga gawain sa
modyul. Gumamit ng hiwalay na papel sa pagsagot.
Ang modyul na ito ay nakapokus sa pagtalakay tungkol sa Mga Kontribusyon
ng Kabihasnang Romano.

Pinakamahalagang Kasanayang Pampagkatuto:

 Naipapaliwanang ang kontribusyon ng kabihasnang Romano.
(AP8DKT-IIc-3)
Pagkatapos mong mapag-aralan ang modyul na ito, inaasahang ikaw ay:
 naiisa-isa ang mga kontribusyon ng kabihasnang Romano sa kasalukuyan;
 napapahalagahan ang mga kontribusyong ng mga Romano sa
kasalukuyang panahon; at
 nakasusulat ng declamation o pahayag tungkol sa pagpapahalaga ng mga
ambag ng kabihasnang Romano.

1
LU_Q2_AralingPanlipunan8_Module2
 Simulan

Subukang sagutin ang paunang pagsusulit na

magtatakda kung ano ang iyong nalalaman sa aralin.
Bigyang-pansin ang mga katanungan na hindi mo
masasagutan nang wasto at alamin ang sagot sa mga
aralin sa modyul na ito.

Panuto: Unawain at sagutin ang mga tanong. Isulat ang letra ng tamang sagot sa
sagutang papel.

1. Ito ang batas na ginamit ng mga Romano upang alamin ang mga krimen at
tantiyahin ang kaukulang parusa ng mga lumalabag sa batas.
A. Code of Hammurabi B. Cuneiform
C. Rosetta Stone D. Twelve Tables

2. Ano ang tawag sa isang estruktura na nagdadala ng tubig sa mga malalayong

lugar?
A. Aqueduct B. Faiyum C. Kanal D. Water Pump

3. Ito ay isang halimbawa ng ginawang daan ng mga Roman na nag-uugnay sa Rome

at timog Italy na ginagamit hanggang sa ngayon.
A. Appian Way B. Highway C. Railway D. Skyway

4. Sino ang isang manunulat at orator sa Rome na nagpapahalaga sa batas?

A. Catullus B. Cicero
C. Livius Andronicus D. Marcus Palutus

5. Ano ang tawag sa isang gusaling ipinatayo ng mga Roman para sa labanan ng
mga gladiator?
A. Amphitheater B. Basilica C. Coliseum D. Forum

6. Ano ang tawag sa sentro ng lungsod ng Rome?

A. Agora B. Assembly C. Basilica D. Forum

7. Ito ang ginagamit na kasuotan ng mga kalalakihan sa Rome kung sila ay

lumalabas ng bahay.
A. Palla B.Stola C. Tunic D. Toga
8. Ano ang pinakamataas na posisyon sa Republikang Romano?
A. Consul B. Emperador C. Presidente D. Senador
9. Alin sa mga sumusunod na pangkat ang higit na nakaimpluwensya sa panitikan
at arkitektura ng mga Roman?
A. Babylonians B. Egyptians C. Greeks D. Persians

2
LU_Q2_AralingPanlipunan8_Module2
10. Sino-sino ang dalawang pangunahing tauhan sa kuwento ng Sinaunang Rome?
A. Augustus at Brutus
B. Romulus at Remus
C. Roman at Zeus
D. Zeus at Hera
11. Ano ang tawag sa digmaan sa pagitan ng Rome at Carthage?
A. Carthage War
B. Punic War
C. Roman War
D. Tunis War
12. Bakit pinagkaisahan ng ilang mga senador na patayin si Julius Caesar?
A. Dahil hindi siya popular sa mga Romano
B. Para hindi magwakas ang Repulikang Romano
C. Dahil siya ay nagbalak na magdeklara ng Digmaang Sibil
D. Para sirain ang Republika at maibalik ang kapangyarihan sa mga hari
13. Ano ang magandang epekto ng pagkapanalo ng Rome sa Carthage sa Punic War?
A. Itinanghal ang Rome bilang isang imperyo
B. Kumalat ang kabihasnang Greek sa Rome
C. Itinanghal ang Rome na pinakamakapangyarihan sa Mediterranean Sea
D. Naipalaganap ang Kristiyanismo sa mga lupaing nakapaligid sa
Mediterranean
14. Sino ang apo at piniling tagapagmana ni Julius Caesar.
A. Augustus B. Brutus C.Mark Anthony D. Virgil
15. Sino ang tinaguriang “Unang Emperador ng Rome”?
A. Augustus Ceasar B. Julius Ceasar
C. Mark Anthony D. Marcus Lipedus

3
LU_Q2_AralingPanlipunan8_Module2
 Lakbayin

Magbasa at Matuto:
Panuto: Basahin at unawain ang teksto tungkol sa kabihasnang Rome.

Sa pagsakop ng Rome sa mga

lungsod-estado ng Greece, libo-
libong Greek ang tumungo sa Italy.
Tinangay ng mga heneral ng Rome
ang mga gawang sining at aklat ng
Greece sa pagbabalik nila sa Rome.
Kumalat ang kabihasnang Greece sa
Rome at maraming Roman ang
tumungo sa Athens para mag-aral.
Naimpluwensyahan ng Greece ang
kabihasnang nabuo sa Rome.
Gayunpaman, may sariling
katangian ang kabihasnang Rome.
Pangunahin na rito ang kaalaman
sa arkitektura, inhenyeriya, at
sistema ng pamamahala at batas.

HiddenRome Tour . “Image”, accessed June 30, 2020

https://andantetravels.co.uk/tours/worldwide-escorted-tours/hidden-rome/

Ang lungsod ng Rome ay nasa gitna ng Italy. Samantala, ang Italy ay isang
tangway sa timog ng Europe na nakausli sa Mediterrranean Sea. Sentro
ang lokasyon ng Rome sa Italy at nasa daluyan pa ng Tiber River.
Iniuugnay ng Tiber River ang Rome sa Mediterranean Sea. Nagbibigay
daan ito sa madaling pakikipagkalakalan ng Rome sa mga bansang
nakapalibot sa Mediterranean Sea. Sagana ang kapatagan sa Rome at
maunlad ang agrikultura nito na kayang sumuporta sa malaking
populasyon.

Paano nagsimula ang Rome?

Paano nakabuti sa Rome ang pagsakop sa mga lungsod-estado ng
Greece?

4
LU_Q2_AralingPanlipunan8_Module2
 ANG SIMULA NG ROME
Tulad ng isang alamat, itinatag ang
Roma noong 753 B.C. nina Romulus at
Remus, kambal na anak ni Mars, ang
diyos ng digmaan. Ang kambal ay
inilagay sa basket ng sa gayon hindi
malunod at ipinalutang ito sa ilog Tiber
ng isang hari na malapit sa Alba Longa
at nailigtas ang kambal ng isang lobo,
nabuhay ang kambal upang talunin ang
haring iyon at natagpuan ang kanilang
sariling lungsod na napapalibutan ng
ilog noong 753 B.C. Matapos patayin ang
kanyang kapatid, si Romulus ay naging
unang hari sa Roma, at ipinangalan ito
para sa kanya. Halaw mula sa “Article”
na Ancient Rome
https://www.history.com/topics/ancien
t-rome/ancient-rome
Romulus and Remus, “Image”, Accessed June 13, 2020 http://upload.wikime ia.org/
wikipedia/co mmons/6/6a/Shewolf_suckles_Romul us_and_Remus.jpg
5
Simula noong ikawalong siglo B.C.,
umunlad ang Sinaunang Roma mula sa
isang maliit na bayan sa gitnang Tiber
River ng gitnang Italya sa isang emperyo
na sa tuktok nito ay sumakop sa halos
lahat ng kontinente ng Europa, Britain,
kanlurang Asya, hilagang Africa at mga
isla ng Mediterranean. Kabilang sa
maraming mga pamana sa
pangingibabaw ng Roma ay ang
malawakang paggamit ng mga wikang
Romano (Italyano, Pranses, Espanyol,
Portuges at Roman) na nagmula sa
Latin, ang modernong alpabeto at
kalendaryo at ang paglitaw ng
Kristiyanismo bilang isang pangunahing
relihiyon sa mundo. Matapos ang 450
taon bilang isang republika, ang Roma
ay naging isang emperyo sa pagtatapos
ng at pagbagsak ni Julius Caesar noong
unang siglo B.C. Ang mahaba at
matagumpay na paghahari ng unang
emperador na ito, si Augustus, ay
nagsimula sa isang gintong panahon ng
kapayapaan at kasaganaan; sa
kabaligtaran, ang pagbagsak ng Imperyo
ng Roma noong ikalimang siglo A.D. ay
isa sa mga pinaka-dramatikong
implikasyon sa kasaysayan ng
sibilisasyon ng tao.
Halaw mula sa “Article” na Ancient Rome
https://www.history.com/topics/ancien
t-rome/ancient-rome
LU_Q2_AralingPanlipunan8_Module2
Ang Republikang Romano
Ang mga Romano ay nagtatag ng isang anyo ng pamahalaan - isang
republika - na kinopya ng mga bansa sa loob ng maraming siglo. Sa
katunayan, ang pamahalaan ng Estados Unidos ay batay sa halimbawang
modelo ng Roma. Nagsimula ang lahat nang ibagsak ng mga Romano ang
kanilang mga mananakop sa Etruscan noong 509 B.C.E. Nakasentro sa
hilaga ng Roma, ang Etruscans ay namuno sa mga Romano sa daan-daang
taon. Nang makalaya, itinatag ng mga Romano ang isang republika, isang
gobyerno kung saan ang mga mamamayan ang humalal ng mga kinatawan
upang mamuno sa kanilang ngalan. Ang isang republika ay naiiba sa isang
demokrasya, kung saan ang bawat mamamayan ay inaasahan na
gumaganap ng isang aktibong papel sa pamamahala sa estado. Sa halip
na pumili ng hari, naghalal ang mga Roman ng dalawang konsul na may
kapangyarihang tulad ng hari at nanungkulan sa loob lamang ng isang
taon. Bawat isa ay may kapangyarihang pigilin ang pasya ng isa. Dahil sa
pagkakahati ng kapangyarihan ng mga konsul, humina ang sangay
tagapagpaganap. Sa oras ng kagipitan, kinakailangang pumili ng diktador
na manunungkulan sa loob lamang ng anim na buwan. Nagtatamasa ang
diktador ng higit na kapangyarihan kaysa mga konsul. Paminsan-minsan,
sa panahong may emergency (tulad ng isang digmaan) ay nangangailangan
ng mapagpasyang pamunuan ng isang indibidwal. Sa ilalim ng mga
sitwasyong ito, ang Senado at Konsul ay maaaring humirang ng isang
pansamantalang diktador upang maghari para sa isang limitadong oras
hanggang sa malutas ang krisis. Ang posisyon ng diktador ay hindi
demokratiko. Sa katunayan, ang isang diktador ay mayroong lahat ng
kapangyarihan, gumawa ng mga pagpapasya nang walang pag-apruba, at
may ganap na kontrol sa militar.
Halaw sa Article ng “The Roman Republic”
https://www.ushistory.org/civ/6a.asp

Tandaan

Matapos mapalaya ng mga Romano ang kanilang mga sarili mula

sa Etruscans, nagtatag sila ng isang republika, at ang lahat ng
mga lalaki na higit sa 15 na nagmula sa orihinal na mga tribo ng
Roma ay naging mamamayan.

6
LU_Q2_AralingPanlipunan8_Module2
 Tagumpay ng Plebeian Laban sa Patrician

Simula ng 494 BC, nagsimulang lumaban ang mga plebeian laban sa

pamamahala ng mga patrician. Ang pakikibaka na ito ay tinatawag na
"Salungatan ng mga Orden." Sa paglipas ng halos 200 taon, nagkamit ng
maraming karapatan ang mga plebeian. Nagprotesta sila sa pamamagitan ng
pagpunta sa welga. Iiwan nila ang lungsod nang ilang sandali, tumanggi na
magtrabaho, o tumanggi ring makipaglaban sa hukbo. Sa kalaunan, ang mga
plebeians ay nakakuha ng maraming mga karapatan kabilang ang karapatang
tumakbo para sa opisina at magpakasal sa mga patrician. Sa paglipas ng
panahon, kakaunti nalang ang pagkakaiba-iba sa pagitan ng mga plebeian at ng
mga patrician. Ang mga plebeians ay maaaring ihalal sa senado. Maaari ring
magpakasal ang mga Plebeian at patrician. Ang mga mayaman na plebeian ay
naging bahagi ng maharlikang Roman. Gayunpaman, sa kabila ng mga
pagbabago sa mga batas, palaging pinanghahawakan ng mga patrician ang
karamihan sa mga kayamanan at kapangyarihan ng Sinaunang Roma.
Halaw mula sa Article ng Ancient Rome Plebeians andPatricians,
https://www.ducksters.com/history/ancient_rome/plebeians_and_patricians.php

Tandaan

Sa mga unang yugto ng Roma, ang mga plebeian ay may kaunting

karapatan. Ang lahat ng mga posisyon sa gobyerno at relihiyon ay
gagampanan ng mga patrician. Ginawa ng mga patrician ang mga
batas, pagmamay-ari ng mga lupain, at mga heneral sa hukbo. Ang
mga Plebeians ay hindi maaaring humawak ng pampublikong
tanggapan at hindi pinayagan na magpakasal sa mga patrician.

7
LU_Q2_AralingPanlipunan8_Module2
 Digmaang Punic

Ang tatlong Digmaang Punic sa pagitan ng Carthage at Roma ay naganap

sa halos isang siglo, na nagsisimula noong 264 B.C. at nagtatapos sa
tagumpay ng Roman kasama ang pagkawasak ng Carthage noong 146 B.C.
Nang maganap ang Unang Digmaang Punic, nangibabaw ang
kapangyarihan ng Roma sa buong peninsula ng Italya,ay habang ang
Carthage - isang malakas na lungsod-estado sa hilagang Africa - ay itinatag
ang sarili bilang nangungunang kapangyarihan ng mga maglalayag sa
mundo. Nagsimula ang Unang Digmaang Punic noong 264 B.C. nang
makialam ang Roma sa isang hindi pagkakaunawaan sa isla ng kontrolado
ng Carthaginian ng Sicily; ang digmaan ay natapos sa Roma sa kontrol ng
parehong Sicily at Corsica at minarkahan ang paglitaw ng emperyo bilang
isang hukbo. Sa Ikalawang Digmaang Punic, ang dakilang Carthaginian
heneral na si Hannibal ay sumalakay sa Italya at nakakuha ng mahusay
na tagumpay sa Lake Trasimene at Cannae bago ang kanyang pagkatalo sa
kamay ng Roma Scipio Africanus noong 202 BC, na iniwan ang Roma sa
kontrol ng kanlurang Mediterranean at sa kamay ng Espanya. Sa Ikatlong
Digmaang Punic, ang mga Romano ay pinamumunuan ni Scipio, sinira nila
at napasakamay ang lungsod ng Carthage noong 146 B.C., na naging
bahagi ng Africa ang isa pang lalawigan ng makapangyarihang Imperyo ng
Roma.
Halaw mula sa Article na “Punic War”
https://www.history.com/topics/ancient-history/punic-wars

Tandaan

Ang Digmaang Punic, na tinawag ding Carthaginian Wars, (264–146 BCE), isang
serye ng tatlong digmaan sa pagitan ng Republikang Romano at ang Carthaginian
(Punic) emperyo, na nagreresulta sa pagkawasak ng Carthage, ang pagka-alipin
ng populasyon nito, at pinamumunuan ito ng Romano

8
LU_Q2_AralingPanlipunan8_Module2
 KABIHASNANG ROME

PANITIKAN
Ang panitikan ng Rome ay
nagsimula noong kalagitnaan ng
ikatlong siglo B.C.E. Subalit ang
mga ito ay salin lamang ng mga tula
at dula ng Greece. Ang halimbawa
ay si Livius Andronicus na nagsalin
ng Odyssey sa Latin. Si Marcus
Palutus at Terence ay ang mga
unang manunulat ng comedy. Ang
iba pang manunulat ay sina
Lucretius at Catullus. Si Cicero
naman ay isang manunulat at
orador na nagpahalaga sa batas.
Ayon sa kanya, ang batas ay hindi
dapat maimpluwensiyahan ng
kapangyarihan o sirain ng pera
kailanman.
BATAS
Ang mga Roman ay kinikilala bilang
pinakadakilang mambabatas ng
sinaunang panahon. Ang kahalagahan
ng Twelve Tables ay ang katotohanan na
wala itong tinatanging uri ng lipunan. Ito
ay batas para sa lahat, patrician o
plebeian man. Ito ang
ginamit upang alamin ang mga krimen
at tantiyahin ang kaukulang parusa.
Nakasaad dito ang mga karapatan ng
mga mamamayan at ang pamamaraan
ayon sa batas.

PANANAMIT
Dalawa ang kasuotan ng mga
lalaking Roman. Ang Tunic ay
kasuotang pambahay na hanggang
tuhod. Ang toga ay isinusuot sa
ibabaw ng tunic kung sila ay
lumalabas ng bahay.
Ang mga babaeng Roman ay
dalawa rin ang kasuotan. Ang Stola
ay kasuotang pambahay at palla ay
isinusuot sa ibabaw ng stola.
INHENYERIYA
Ipinakita ng mga Roman ang kanilang
galing sa inhenyeriya. Nagtayo sila ng
mga daan at tulay upang pag-ugnayin
ang buong imperyo kabilang ang
malalayong lugar. Marami sa mga daan
na ginawa nila noon ay ginagamit pa
hanggang ngayon. Isang halimbawa ang
Appian Way na nag-uugnay sa Rome at
timog Italy. Gumawa rin sila ng mga
aqueduct upang dalhin ang tubig sa
lungsod.

ARKITEKTURA
Ang mga Roman ang tumuklas ng semento. Marunong na rin silang gumamit
ng stucco, isang plaster na pampahid at pantakip sa labas ng pader. Umaangkat
sila ng marmol mula sa Greece. Ang arch na natutuhan ng mga Roman mula sa
mga Etruscan ay ginagamit sa mga temple, aqueduct, at iba pang mga gusali.
Ang gusali na ipinakilala ng mga Roman ay ang basilica, Isang bulwagan ng
nagsisilbing korte at pinagpupulungan ng Assembly. Mayroon din silang
pampublikong paliguan at pamilihan na nagsisilbing tagpuan para sa mga
negosyo at pag-uusap. Ito ay nasa forum, ang sentro ng lungsod.May iba pang
gusaling pinatayo na hanggang ngayon ay makikita pa rin sa Rome. Halimbawa
ang Coliseum para sa labanan ng mga Gladiator.

Halaw sa article ng Ancient Romehttps://rmhalife.wordpress.com/2019/02/24/araling-

panlipunan-grade-8-quarter-2/

9
LU_Q2_AralingPanlipunan8_Module2
 Galugarin

Gawain 1: Partner Ko, Hanapin Mo!

Panuto: Hanapin sa Hanay B ang konseptong inilalarawan sa Hanay A. Isulat ang

titik ng tamang sagot sa sagutang papel.

HANAY A HANAY B
1. Isang tubo o kanal na nagdadala ng tubig mula a. atrium
sa isang pinagkukunan
2. Isang malawak na bulwagan kung saan may mga b. aqueduct
karugtong na silid tungo o mula rito.
3. Karaniwang mga kriminal, alipin o bihag na c. basilica
nakikipaglaban sa isa’t-isa o laban sa isang
mabangis na hayop.
4.Tumutukoy sa panahon ng kapayapaan sa d. burukrasya
Imperyong Roman
5.Tumutukoy sa sistema o organisasyon ng e. gladiator
pamahalaan
6. Mga mayamang may-ari ng lupa sa alipunang f. orator
Roman
7. Mga karaniwang tao sa lipunang roman tulad ng g. patrician
magsasaka at mangangalakal.
8. Isang bulwagan na nagsisilbing korte at h. Pax Romana
pinagpupulungan ng Assembly
9. Kasuotang pambahay ng lalaki na hanggag tuhod i. plebeian
10. Isang mahusay na mananalumpati j. stola
k. tunic

Gawain 2: Katungkulan Ko, Ilarawan Mo!

Panuto: Ilarawan ang katungkulan o estado ng mga sumusunod na bahagi ng

Republikang Romano.
1. Konsul- ________________________________ ________________________________

2. Diktador- ________________________________ ________________________________

3. Patrician- _______________________________________________________________

10
LU_Q2_AralingPanlipunan8_Module2
 Palalimin

Gawain 3: Dugtungan mo kaalaman ko!

Panuto: Dugtungan ang mga kataga ayon sa iyong pagkakaintindi. Isulat ang mga
dugtong sa sagutang papel.

1. Ang mga mahahalagang ambag ng kabihasnang Rome sa daigdig

ay_______________________________________________________________________________
__________________________________________________________________________________
______________________________________________________________

2. Hadlang ang Carthage sa paghahari ng Rome sa Mediterranean Sea dahil?

__________________________________________________________________________________
__________________________________________________________________________________
____________________________________________________________

3. Ano ang mga aral na naiwan sa iyong isipan tungkol sa kabihasnang Rome
ay_______________________________________________________________________________
__________________________________________________________________________________
______________________________________________________________

Gawain 4: Konek-tikat

Panuto: Punan ang Word Map ng maikling pagpapaliwanag tungkol sa bawat

konseptong tumutukoy sa kabihasnang Romano.

Batas at
Panitikan

Inhenyeriya Kabihasnang
Romano Pananamit

Arkitektura

11
LU_Q2_AralingPanlipunan8_Module2
Gawain 5: Deklamasyon ang nais ko!
Panuto: Gumawa ng Deklamasyon o Pahayag tungkol sa pagpapahalaga ng mga
ambag ng kabihasnang Roman.
RUBRIK PARA SA
DEKLAMASYON/PAHAYAG
Krayterya 10 8 6 Iskor
Presentasyon Naipahayag ng
Naipahayag ng Hindi gaanong
malinaw at maayos
malinaw at maayos naipahayag ang
ang punto sa
ang punto sa saloobin sa
deklamasyon. deklamasyon. deklamasyon
Maayos ang
Maayos ang
pagbigkas ng mga
pagbigkas ngunit
salita, may punto
hindi nakuha ang
ang nilalaman.punto ng
nilalaman.
Pagsulat Malinis at maayos Malinis ngunit May kahirapang
ang pagkakasulat hindi lahat ay unawain ang
ng pahayag. maayos ang pagkakasulat ng
pagkakasulat ng mga
mga pangungusap pangungusap sa
sa pahayag. pahayag.
KABUUANG ISKOR

Binabati Kita! Natapos mo na ang Modyul na ito!

12
LU_Q2_AralingPanlipunan8_Module2
 Sukatin

PANGHULING PAGSUSULIT
Panuto: Unawain at sagutin ang mga tanong. Isulat ang letra ng tamang sagot sa
sagutang papel.
1. Mataas na antas ng pamumuhay sa panahon ng Roman Republic.
A. Consul B. Diktador
C. Patrician D. Plebian
2. Ang isang dayuhang sundalo na nagsisilbi lamang para sa bayad at walang
katapatan sa Roma.
A. Consul B. Diktador
C. Mercenary D. Plebian
3. Isang istraktura na nagdadala ng tubig sa mga malalayong distansya.
A. Arch B. Aqueduct
C. Dam D. Kanal
4. Isang taong nahalal upang mamuno sa Roman Republic para sa isang maikling
panahon sa oras ng kagipitan.
A. Consul B. Diktador
C. Emperador D. Mambabatas
5. Sino ang nakilala na kumukontrol sa panahon ng Pax Romana?
A. Augustus B. Caligula
C. Diocletian D. Julius Caesar
6. Ano ang pinagbabatayan sa batas ng Roma?
A. Hindi pagkakapantay-pantay B. Kapangyarihan
C. Pagkamakatarungan D. Paghihiganti
7. Alin sa mga pangkat ang higit na naka impluwensya sa panitikan at arkitektura
ng mga Roman?
A. Babylonians B. Egyptians
C. Greeks D. Persians

8. Bakit bumuo ng Republika ang mga Romano?

A. Upang ipagtanggol ang kanilang sarili
B. Bumuo ng Republika ang bawat isa upang maging isang mamamayan
C. Para hindi sila kontrolado ng hari upang ipagtanggol ang kanilang sarili
D. Bumuo ng Republika ang mga Romano upang ang mga hukom ay maaaring
gumawa ng batas
9. Sino sa mga emperador na nakilala na kumontrol sa panahon ng Pax Romana
ang nais na magbahagi ng kapangyarihan sa senado?
A. Augustus B. Caligula
C. Diocletian D. Julius Caesar

10. Alin sa mga sumusunod ang HINDI dahilan sa pagbagsak ng Imperyong

Romano?
A. nagkaroon ng krisis pang-ekonomiya
B. pagsalakay ng mga tribong barbarian
C. mahirap ipagtanggol ang imperyo dahil sa laki
D. kinumbinsi ng agham ang mga tao na ang daigdig ay patag at sila’y
mahuhulog din sa dulo.

13
LU_Q2_AralingPanlipunan8_Module2
11. Ito ang naging saligan ng Unang Batas ng mga Roman.
A. Clay tablet B. Cuneiform
C. Hieroglyphics D. Twelve Tables
12. Ano ang pangunahing kabuhayan ng mga Plebiean?
A. Pagsasaka
B. Pakikipagkalakalan
C. Paglilingkod sa may-ari ng lupa
D. Paggawa ng iba’t ibang kasangkapan
13. Sino ang matalik na kaibigan ni Julius Ceasar na nanguna sa pagpapapatay sa
kaniya?
A. Brutus B. Marcus Lepidus
C. Mark Anthony D. Gauis Cassuis
14. Sila ang dalawang magkapatid na nagtanggol ng karapatan ng mga mahihirap
sa kanilang mga lupang sakahan.
A. Remus at Romulos
B. Tiberius at Cassius
C. Romulus at Tiberius
D. Remus at Tiberius

15. Bakit hindi nagtagumpay ang mga Carthage laban sa mga Roman?
A. Mahina ang kanilang sandatahang lakas at walang pagkakaisa ang mga
pinuno
B. Walang pagkakaisa sa mga sundalo
C. Mahina ang kanilang mga naging pinuno
D. Walang sapat na kakayahan

14
LU_Q2_AralingPanlipunan8_Module2
LU_Q2_AralingPanlipunan8_Module2
15
SIMULAN PAGYAMANIN SUKATIN
1. A 1. B 1. A
2. A 2.A 2. C
3. B 3. E 3. B
4. C 4. H 4. C
5. D 5. D 5. A
6. D 6. G 6. A
7. B 7. I 7. C
8. C 8. C 8. D
9. B 9. J 9. A
10. B 10. F 10. D
11. B 11. D
12. A 12. D
13. A 13. D
14. B 14. B
15. D 15. A
Susi sa Pagwawasto
Sanggunian
A. Aklat:

Kasaysayan ng Daigdig, Araling Panlipunan – Modyul ng Mag-aaral, Unang Edisyon

2014, ISBN:978-9601-67-8

B. Mga Sanggunian sa Internet:

Ancient Rome, “Article” Accessed September 29, 2021

https://www.history.com/topics/ancient-rome/ancient-rome

Ancient Rome, The Roman Republic. “Article”Accessed September 29,2021.,

https://www.ushistory.org/civ/6a.asp

Ancient Rome, Plebeians and Patricians. “Article” Accessed September 30, 2021
https://www.ducksters.com/history/ancient_rome/plebeians_and_patricians.php

HiddenRome Tour . “Image”, accessed September 30, 2021

https://andantetravels.co.uk/tours/worldwide-escorted-tours/hidden-rome/

Punic War, “Article”, Accessed October 4,

2021https://www.history.com/topics/ancient-history/punic-wars

Romulus and Remus, “Image”, Accessed September 30, 2021 http://upload.wikime

dia.org/wikipedia/co mmons/6/6a/Shewolf_suckles_Romul us_and_Remus.jpg A.
Mga Aklat

16
LU_Q2_AralingPanlipunan8_Module2
 Para sa mga katanungan o puna, sumulat o tumawag sa:

Department of Education – SDO La Union

Curriculum Implementation Division
Learning Resource Management Section
Flores St. Catbangen, San Fernando City La Union 2500
Telefax: 072 – 205 – 0046
Email Address:
launion@deped.gov.ph
lrm.launion@deped.gov.ph

17
LU_Q2_AralingPanlipunan8_Module2