შეზღუდული პასუხისმგებლობის საზოგადოება

„ოდისეა“ (ს/კ 04321232)

წესდება

მუხლი 1. საზოგადოების ორგანიზაციულ–სამართლებრივი ფორმა. საფირმო

სახელწოდება

1. საზოგადოების ორგანიზაციულ სამართლებრივი ფორმაა შეზღუდული

პასუხისმგებლობის საზოგადოება (შემდგომში – „საზოგადოება“)
2. შეზღუდული პასუხისმგებლობის საზოგადოება კრედიტორთა წინაშე პასუხს
აგებს მთელი თავისი ქონებით.
3. საზოგადოების საფირმო სახელწოდებაა სასტუმრო „ოდისეა“ (Hotel “Odisea“).

მუხლი 2. საზოგადოების ბეჭედი

1. წინამდებარე საზოგადოებას შეიძლება ჰქონდეს ბეჭედი, რომლის მიღების

შესახებ გადაწყვეტილებას იღებს საზოგადოების საერთო კრება.
2. შეზღუდული პასუხისმგებლობის საზოგადოების ბეჭდის არსებობა ან
არარსებობა საზოგადოების მიერ დადებულ გარიგებაზე არ წარმოშობს რაიმე
სამართლებრივ შედეგს. მას აქვს დამატებითი დამცავი ფუნქცია. დოკუმენტის
ნამდვილობისათვის აუცილებელია დირექტორის ხელმოწერა.

მუხლი 3. საზოგადოების იურიდიული მისამართი, სამეურნეო წელი და

საზოგადოების არსებობის ვადა

1. შეზღუდული პასუხისმგებლობის საზოგადოების იურიდიული მისამართია:

ქალაქი თბილისი, ალ. ჭავჭავაძის 28 ნომერი.
2. შეზღუდული პასუხისმგებლობის საზოგადოების სამეურნეო წელია
კალენდარული წელი.
3. საზოგადოება შექმნილია განუსაზღვრელი ვადით.

მუხლი 4. საზოგადოების საქმიანობის საგანი

1. შეზღუდული პასუხისმგებლობის საზოგადოება მიზნად ისახავს

განახორციელოს მომსახურებითი საქმიანობა. სასტუმრო „ოდისეა“
ახორციელებს ტურისტების მომსახურებას, როგორც სასტუმროს
მომსახურებით, აგრეთვე ტურისტული პროგრამების შემუშავებით.

თავი II. სამეწარმეო საზოგადოების პარტნიორები, განთავსებული კაპიტალი,

შენატანი

მუხლი 5. საზოგადოების პარტნიორები, წილების განაწილების წესი

1
1. შეზღუდული პასუხისმგებლობის საზოგადოების პარტნიორები არიან :სისონა
გოგია, კოზმან მთვარეული, ნატალი ვარძელი და ქეთევან ჯარნასძე.
2. საზოგადოების განთავსებული კაპიტალი შეადგენს 1 000 000 ლარს.
საზოგადოების განთავსებული კაპიტალი დაყოფილია 10 000 ერთეულად.
თითოეულის ნომინალური ღირებულების ფასი შეადგენს 100 ლარს.
3. შეზღუდული პასუხისმგებლობის საზოგადოების განთავსებულ კაპიტალში
პარტნიორთა მონაწილეობა არის შემდეგნაირი:
სისონა გოგია – 250 000 ლარი (25%)
კოზმან მთვარეული – 100 000 ლარი (10%)
ნატალი ვარძელი – 400 000 ლარი (40%)
ქეთევან ჯარნასძე – 250 000 ლარი (25%)
4. საზოგადოების განთავსებულ კაპიტალში პარტნიორების მონაწილეობის
პროპორციულად არის გადანაწილებული წილები საზოგადოებაში.
5. საზოგადოების თითოეულ პარტნიორს აქვს უფლება საკუთარი სურვილის
შესაბამისად განკარგოს საზოგადოებაში მისი წილის სამართლებრივი ბედი.
თითოეულ პარტნიორს აქვს უფლება გაასხვისოს უფლებრივად დატვირთოს,
მემკვიდრეობით გადასცეს პირს მისი წილი სამეწარმეო საზოგადოებაში ან/და
სხვა იურიდიული მოქმედებით განკარგოს წილის სამართლებრივი ბედი.
6. შეზღუდული პასუხისმგებლობის საზოგადოების თითოეული პარტნიორი
სარგებლობს წილის უპირატესი შესყიდვის უფლებით. აღნიშნულის
საფუძველზე წილის გასხვისების შესახებ გადაწყვეტილების მიღებისას,
გამსხვისებელ პარტნიორს აქვს ვალდებულება წილის შეძენა შესთავაზოს
საზოგადოების პარტნიორებს. უპირატესი შესყიდვის უფლებით
სარგებლობისას წილის ღირებულება განისაზღვრება საბაზრო ფასის
შესაბამისად.
7. წილის გასხვისებისას პარტნიორი ვალდებულია გაუგზავნოს წერილობითი
შეთავაზება თითოეულ პარტნიორს. პარტნიორი უარი შემთხვევაში ან 10
დღის ვადაში პასუხის გაუცემლობის შემთხვევაში კარგავს უპირატესი
შესყიდვის უფლებას.
8. წინამდებარე საზოგადოების საერთო კრებას აქვს უფლებამოსილება მიიღოს
გადაწყვეტილება ნებადართული წილების ფარგლებში ახალი წილების
გამოშვების შესახებ. შეზღუდული პასუხისმგებლობის საზოგადოების საერთო
კრების მიერ მიღებული გადაწყვეტილება უნდა შეიცავდეს წილების
ოდენობას, ნომინალურ ღირებულებას (თუ ასეთი ღირებულება დადგენილია)
და კლასს. ეს გადაწყვეტილება შეიძლება შეიცავდეს აგრეთვე წილების
განთავსების ვადას, მინიმალურ ფასს ან სხვა პირობებს.

2
მუხლი 6. შენატანი შეზღუდული პასუხისმგებლობის საზოგადოებაში

1. თითოეული პარტნიორი ვალდებულია განახორციელოს შენატანი

საზოგადოებაში მისი წილის პროპორციულად.
2. შენატანი შეზღუდული პასუხისმგებლობის საზოგადოებაში ხორციელდება
ფულადი და მატერიალური ქონებრივი ფორმით. შენატანის მიზანია
საზოგადოებას საკუთრებაში გადაეცეს ქონება, რომელიც გამოყენებული
იქნება მისი საქმიანობის განსახორციელებლად.
3. თითოეული პარტნიორი ვალდებულია საზოგადოების რეგისტრაციიდან
არაუგვიანეს 1 თვის ვადაში განახორციელოს პირველადი შენატანი.
პირველადი შენატანი შესაძლოა განხორციელდეს ნაწილობრივ, თუმცაღა არ
უნდა იყოს სრულად განსახორციელებელი შენატანის ნახევარზე ნაკლები.
შეზღუდული პასუხისმგებლობის საზოგადოების პარტნიორებმა შენატანი
სრულად უნდა განახორციელონ რეგისტრაციიდან 3 თვის ვადაში.
4. შეზღუდული პასუხისმგებლობის საზოგადოების პარტნიორის მიერ ფულადი
შენატანის განხორციელება ხდება საზოგადოების სახელზე არსებულ საბანკო
ანგარიშის ნომერზე. ხოლო, მატერიალური ქონებრივი შენატანი, რომელიც
ხორციელდება უძრავი ქონების სახით ხორციელდება საჯარო რეესტრში
უძრავი ქონების სამეწარმეო საზოგადოების სახელზე რეგისტრაციის გზით.
ნაწილობრივი ან სრული ფულადი ან/და მატერიალური ქონებრივი შენატანის
განხორციელების შემდგომ საზოგადოების ხელმძღვანელი თანამდებობის
პირი გასცემს წერილობით დოკუმენტს. აღნიშნულ წერილობით დოკუმენტში
მიეთითება პარტნიორის პირადი მონაცემები (სახელი, გვარი, პირადი ნომერი
და სხვა), შენატანის განხორციელების თარიღი, ოდენობა, ნაწილობრივი
შენატანის განხორციელების შემთხვევაში დარჩენილი შენატანის ოდენობა.
5. შეზღუდული პასუხისმგებლობის საზოგადოების პარტნიორთა საერთო კრება
უფლებამოსილია გადაავადოს შენატანის განხორციელება. შენატანის
განხორციელების გადავადება ერთი პარტნიორის მიმართ შეიძლება
განხორციელდეს მხოლოდ ორჯერ. გადავადების საერთო ვადა კი, არ უნდა
აღემატებოდეს 2 კალენდარულ თვეს.
6. საზოგადოების საერთო კრების მიერ შენატანის განხორციელებისათვის
განსაზღვრული დამატებითი ვადის უშედეგოდ გასვლის შემთხვევაში
დამრღვევ პარტნიორს ეგზავნება წერილობითი შეტყობინება, რომლის
მიხედვითაც იგი კარგავს უკვე განხორციელებული ნაწილობრივი შენატანს და
მის სამართლებრივ შედეგს.

3
 თავი III. შეზღუდული პასუხისმგებლობის საზოგადოების მართვა

მუხლი 7. საზოგადოების მართვის სისტემა

1. შეზღუდული პასუხისმგებლობის საზოგადოების მართვის ორგანოებია

პარტნიორთა საერთო კრება და ხელმძღვანელი ორგანო.
2. შეზღუდული პასუხისმგებლობის საზოგადოება განსაზღვრავს საზოგადოების
საქმიანობის სფეროს, ხელმძღვანელი თანამდებობის პირის ვინაობას.
ახორციელებს საქმიანობის ნორმალური ფუნქციონირების ზედამხედველობას,
კონტროლს და სხვა წესდებით, კანონით გათვალისწინებულ
უფლებამოსილებებს.
3. ხელმძღვანელი თანამდებობის პირი ეს არის დირექტორი, რომელიც
სასამსახურო ხელშეკრულების საფუძველზე ხელმძღვანელობს სამეწარმეო
საზოგადოების ნორმალურ ფუნქციონირებას. აგრეთვე ახორციელებს
წარმომადგენლობით საქმიანობას.

მუხლი 8. შეზღუდული პასუხისმგებლობის საზოგადოების საერთო კრება

1. საზოგადოების საერთო კრება შედგება საზოგადოების პარტნიორებისაგან,

თითოეულ პარტნიორს აქვს ხმის უფლება. მათი ხმების ოდენობა
განისაზღვრება საზოგადოებაში მათი წილის პროპორციულად.
2. საზოგადოების პარტნიორთა საერთო კრების მიერ გადაწყვეტილება მიიღება
ხმათა უბრალო უმრავლესობით, თუ წესდებით ან/და კანონით სხვა სახის
კვალიფიციური უმრავლესობის თანხმობა არ არის გათვალისწინებული.
3. შეზღუდული პასუხისმგებლობის საზოგადოების პარტნიორთა საერთო კრება
უფლებამოსილია:
ა) მიიღოს წესდება, შეიტანოს ცვლილებები წესდებაში;
ბ) დანიშნოს/გაათავისუფლოს ხელმძღვანელი თანამდებობის პირები;
გ) გააფორმოს სასამსახურო ხელშეკრულება ხელმძღვანელ თანამდებობის
პირთან;
დ) განსაზღვროს ხელძღვანელი თანამდებობის პირების ანაზღაურების წესი;
ე)მოისმინოს ხელმძღვანელი თანამდებობის პირის წლიური ფინანსური და
საქმიანობის ანგარიში;
ვ) განახორციელოს ზედამხედველობა და კონტროლი ხელმძღვანელი
თანამდებობის პირის საქმიანობაზე;
ზ) მიიღოს გადაწყვეტილება იმ ვალდებულებათა აღების შესახებ, რომლებიც
ცალკე ან მთლიანად აღემატება საზოგადოების აქტივების ღირებულების 50%-
ს;
თ) მიიღოს გადაწყვეტილება იმ ვალდებულებათა უზრუნველყოფის შესახებ,
რომლებიც არ მიეკუთვნებიან ჩვეულებრივ საწარმოო საქმიანობას და

4
 რომელთა ღირებულება აღემატება საზოგადოების აქტივების ღირებულების
50%-ს;
ი) მიიღოს გადაწყვეტილება ინვესტიციების გაკეთების შესახებ, რომელიც
აღემატება სამეწარმეო საზოგადოების აქტივების 50%–ს;
კ) ხელძღვანელი თანამდებობის პირის მიერ წარდგენილი წლიური
ანგარიშგების საფუძველზე მიიღოს გადაწყვეტილება დივიდენდის გაცემის
შესახებ;
ლ) დანიშნოს აუდიტორი ფინანსური საქმიანობის შემოწმების მიზნით.

მუხლი 9. ხელმძღვანელი თანამდებობის პირი

1. ხელმძღვანელი თანამდებობის პირი საზოგადოებაში არის დირექტორი,

რომელიც ახორციელებს ხელმძღვანელობით და წარმომადგენლობით
უფლებამოსილებებს. დირექტორი ხელმძღვანელობს საზოგადოებას, იღებს
გადაწყვეტილებებს საზოგადოების საუკეთესო ინტერესების
გათვალისწინებით და დებს გარიგებებს საზოგადოების სახელით.
2. პარტნიორთა საერთო კრების მიერ მიღებული გადაწყვეტილებით
საზოგადოების დირექტორად დანიშნულია გიორგი ცხაკაია (პ/ნ 6200234354)
3. საზოგადოების დირექტორის უფლებამოსილებები:
ა) ახორციელებს სამეწარმეო საზოგადოების ხელმძღვანელობით საქმიანობას;
ბ) წარმოადგენს საზოგადოებას მესამე პირებთან ურთიერთობებში, დებს
გარიგებებს შესაბამისად იძენს უფლებებსა და ვალდებულებებს;
გ)ამზადებს შუალედურ და ყოველწლიურ საქმიანობისა და ფინანსურ
ანგარიშებს, რომლებსაც წარუდგენს სამეწარმეო საზოგადოების პარტნიორთა
საერთო კრებას;
დ) ამზადებს ფინანსური ანგარიშგების ანგარიშს, რომელსაც წარუდგენს
პარტნიორთა საერთო კრება და რომლის საფუძველზეც ეს უკანასკნელი იღებს
გადაწყვეტილებას დივიდენდის გაცემის ან გაცემაზე უარის თქმის შესახე;
ე)განკარგავს საზოგადოების ქონებას. დირექტორს აქვს უფლება გაასხვისოს
უფლებრივად დატვირთოს, სარგებლობაში გადასცეს სამეწარმეო
საზოგადოების კუთვნილი ქონება;
3) შეზღუდული პასუხისმგებლობის საზოგადოების პარტნიორთა საერთო
კრების თანხმობის შემთხვევაში:
ვ) შეზღუდული პასუხისმგებლობის საზოგადოების დირექტორი
უფლებამოსილია აიღოს ვალდებულება რომელიც ცალკე ან მთლიანად არ
აღემატება საზოგადოების აქტივების ღირებულების 50%-ს;
ზ) საზოგადოების დირექტორი უფლებამოსილია განახორციელოს
ვალდებულებათა უზრუნველყოფა, რომლებიც არ მიეკუთვნებიან
ჩვეულებრივ საწარმოო საქმიანობას და რომელთა ღირებულება არ აღემატება
საზოგადოების აქტივების ღირებულების 50%-ს;

5
 თ) შეზღუდული პასუხისმგებლობის საზოგადოების დირექტორი
უფლებამოსილია მიიღოს გადაწყვეტილება ინვესტიციების გაკეთების
შესახებ, რომელიც არ აღემატება სამეწარმეო საზოგადოების აქტივების 50%–ს;
4. საზოგადოების დირექტორი უფლებამოსილია განახორციელოს ყველა სხვა
მოქმედება, რომელიც გათვალისწინებულია წესდებით ან/და კანონით და
რომელიც უკავშირდება სამეწარმეო საზოგადოების ხელმძღვანელობასა და
წარმომადგენლობას.

მუხლი 10. საზოგადოების მოგება, დივიდენდის გაცემის წესი

1. შეზღუდული პასუხისმგებლობის საზოგადოება შექმნილია მოგების მიღების

მიზნით. ყოველწლიურად საზოგადოების ხელმძღვანელი თანამდებობის
პირის მიერ მომზადებული ფინანსური ანგარიშგების დოკუმენტის
საფუძველზე დანაშთი ქონების განაწილების შესახებ, დივიდენდის გაცემის
შესახებ გადაწყვეტილებას იღებს პარტნიორთა საერთო კრება.
2. დივიდენდი გაიცემა წელიწადში ერთხელ, ხელმძღვანელი თანამდებობის
პირის მიერ წლიური ანგარიშის პარტნიორთა საერთო კრებისათვის
წარდგენის საფუძველზე. თუკი ანგარიშგების დოკუმენტის საფუძველზე
საზოგადოების შემოსავალმა გადააჭარბა აღებულ ვალდებულებებს
პარტნიორთა საერთო კრება უფლებამოსილია მიიღოს გადაწყვეტილება
დივიდენდის გაცემის შესახებ
3. დივიდენდის გაცემა დაუშვებელია სამეწარმეო საზოგადოების ფულადი
რეზერვებიდან. აგრეთვე დივიდენდის გაცემა დაუშვებელია თუ აღნიშნულმა
შესაძლოა გამოიწვიოს სამეწარმეო საზოგადოების ვალაუვალობა,
გადახდისუნარიანობა.
4. დივიდენდი გაიცემა სამეწარმეო საზოგადოების პარტნიორებზე
საზოგადოებაში მათი წილის პროპორციულად.
5. შეზღუდული პასუხისმგებლობის საზოგადოების მიერ დივიდენდის გაცემის
შესახებ გადაწყვეტილების მიღებისას მიეთითება გაცემის თარიღი.
დივიდენდი გაიცემა წელიწადში ერთხელ, სამეურნეო კალენდრული
წელიწადის დასრულების ბოლოს.
6. დივიდენდის დაბრუნების მოთხოვნა დაუშვებელია, გარდა კანონით
გათვალისწინებული შემთხვევებისა.

მუხლი 11. სამეწარმეო საზოგადოების რეორგანიზაცია და ლიკვიდაცია

1. სამეწარმეო საზოგადოების ლიკვიდაციის საფუძველია:

ა)სამეწარმეო საზოგადოების პარტნიორთა გადაწყვეტილება სამეწარმეო
საზოგადოების დაშლის შესახებ;
ბ)იურიდიული პირის ლიკვიდაციის შესახებ სისხლის სამართლის საქმეზე
სასამართლოს განაჩენის კანონიერ ძალაში შესვლა;

6
 გ)სამეწარმეო საზოგადოების პარტნიორის განცხადების/სარჩელის
საფუძველზე სასამართლოს მიერ მიღებული გადაწყვეტილება სამეწარმეო
საზოგადოების დაშლის შესახებ;
2. სამეწარმეო საზოგადოების დაშლის შესახებ გადაწყვეტილება მიღებულად
რომ ჩაითვალოს აუცილებელია მას მხარი დაუჭიროს პარტნიორთა საერთო
კრების აბსოლუტურმა უმრავლესობამ. შესაბამისად გადაწყვეტილების მიღება
უნდა მოხდეს ერთხმად.
3. ლიკვიდაციის პროცესში მყოფი სამეწარმეო საზოგადოების ორგანოები
ინარჩუნებენ თავიანთ უფლებამოსილებებს, გარდა ხელმძღვანელი პირებისა,
რომლებსაც ლიკვიდატორების რეგისტრაციისთანავე უწყდებათ
ხელმძღვანელობითი და წარმომადგენლობითი უფლებამოსილებები.
4. ლიკვიდატორის პიროვნების შერჩევისა და დანიშვნის შესახებ
გადაწყვეტილებას იღებს სამეწარმეო საზოგადოების პარტნიორთა საერთო
კრება.
5. პარტნიორთა საერთო კრების მიერ დანიშნულ ლიკვიდატორს ენიჭება იგივე
უფლებები და ვალდებულებები, რაც ხელმძღვანელობითი და
წარმომადგენლობითი უფლებამოსილების მქონე თანამდებობის პირს.
6. ლიკვიდაციასთან დაკავშირებით ყველა სხვა პროცედურული ასპექტები
წესრიგდება საქართველოს კანონით „მეწარმეთა შესახებ“ დადგენილი წესით.
7. შეზღუდული პასუხისმგებლობის საზოგადოების პარტნიორთა საერთო
კრებას აქვს უფლებამოსილება ხმათა აბსოლუტური უმრავლესობით მიიღოს
გადაწყვეტილება სამეწარმეო საზოგადოების რეორგანიზაციის შესახებ.
8. პარტნიორთა საერთო კრების მიერ მიღებული გადაწყვეტილების მიხედვით,
რეორგანიზაციის გზით განახორციელოს სამეწარმეო საზოგადოების
გარდაქმნა; სამეწარმეო საზოგადოებების შერწყმა (მიერთება ან გაერთიანება);
სამეწარმეო საზოგადოების გაყოფა (დაყოფა ან გამოყოფა).

მუხლი 12. პარტნიორთა საერთო კრების მოწვევა

1. სამეწარმეო საზოგადოებაში არსებული მნიშვნელოვანი საკითხების

გადასაწყვეტად შესაძლებელია მოწვეულ იქნას, როგორც მორიგი, აგრეთვე
რიგგარეშე საერთო კრება.
2. მორიგი კრება მოიწვევა ხელმძღვანელი თანამდებობის პირის მიერ
წელიწადში ორჯერ. ერთი მორიგი კრება მოიწვევა სამეურნეო წლის
დასრულების შემდეგ, წლიური ბალანსის შედგენიდან 3 თვის ვადაში. ხოლო
მეორე მორიგი კრება მოიწვევა ახალი სამეურნეო წლის დაწყებიდან მეექვსე
თვეს.
3. შეზღუდული პასუხისმგებლობის საზოგადოების რიგგარეშე კრება მოიწვევა
შეზღუდული პასუხისმგებლობის პარტნიორის ან/და პარტნიორების მიერ,

7
 რომლებიც ფლობენ შეზღუდული პასუხისმგებლობის საზოგადოების
წილების ან ხმის უფლების მქონე წილების სულ მცირე 5 პროცენტს.
4. ყველა სხვა საკითხი, რომელიც დაკავშირებულია შეზღუდული
პასუხისმგებლობის საზოგადოების მორიგი და რიგგარეშე პარტნიორთა
საერთო კრების მოწვევასთან წესრიგდება საქართველოს კანონმდებლობის
შესაბამისად.

მუხლი 13. პარტნიორთა საერთო კრების ოქმი

1. შეზღუდული პასუხისმგებლობის საზოგადოების პარტნიორთა მორიგი ან

რიგგარეშე საერთო კრების დასრულების შემდგომ 15 დღეში დგება კრების
ოქმი.
2. კრების ოქმი უნდა შეიცავდეს ინფორმაციას კრების ჩატარების ადგილის,
თარიღის, მოწვეული პარტნიორების, განსახილველი საკითხების, მიღებული
გადაწყვეტილებების შესახებ. აგრეთვე ოქმი ხელმოწერილი უნდა იყოს
არჩეული სხდომის თავმჯდომარის მიერ და დამოწმებული უნდა იყოს
სანოტარო წესით.

მუხლი 14. სამართლებრივი დავების გადაწყვეტის წესი

1. სამართლებრივი დავები პარტნიორებს, პარტნიორსა და დირექტორს შორის

უნდა გადაწყდეს საერთო სასამართლოებისათვის მიმართვის გზით.
2. სამეწარმეო საზოგადოების თითოეული პარტნიორი უფლებამოსილია
სარჩელი აღძრას სასამართლო საკუთარი სახელითა და საზოგადოების
ინტერესების დასაცავად მიმართოს სასამართლოს. სარჩელი შესაძლებელია
აღძრულ იქნეს, როგორც დირექტორის ან/და პარტნიორის/პარტნიორების
წინააღმდეგ.
3. პარტნიორის მიერ აღძრული სარჩელი უნდა მოიცავდეს დირექტორის
ან/და პარტნიორის/პარტნიორების არაკეთილსინდისიერი
/არამართლზომიერი ქმედების ფაქტს და სამართლებრივ დასაბუთებას.
4. სასარჩელო მოთხოვნით პარტნიორი უნდა ითხოვდეს საზოგადოებისთვის
მიყენებული ზიანის ანაზღაურების ან მიყენებული ზიანის ანაზღაურების
სანაცვლოდ მიღებული სარგებლის სააქციო საზოგადოებისთვის გადაცემის ან
ამგვარი სარგებლის მიღების უფლების დათმობას.

8
 შეზღუდული პასუხისმგებლობის საზოგადოება

„ოდისეას“ (ს/კ 04321232)

კრების ოქმი

თბილისი 25.01.2024

კრებას ესწრებოდნენ: შპს–ს დამფუძვნებელი პარტნიორი/პარტნიორები:

• შპს–ს 25 წილის მესაკუთრე სისონა გოგია (პ/ნ 0100800000);

• შპს–ს 10% წილის მესაკუთრე კოზმან მთვარეული (პ/ნ 0100000000);
• შპს–ს 40% წილის მესაკუთრე ნატალი ვარძელი (პ/ნ 00000000000)
• შპს–ს 25% წილის მესაკუთრე ქეთევან ჯარნასძე (პ/ნ 240000000000)

პარტნიორთა საერთო კრებას თავმჯდომარეობდა – ნატალი ვარძელი (პ/ნ

00000000000)

საერთო კრების მიერ განსახილველი საკითხები:

1. სამეწარმეო საზოგადოების საფირმო სახელწოდებისა და იურიდიული

მისამართის განსაზღვრა;
2. შენატანის ოდენობისა და განხორციელების წესის განსაზღვრა;
3. პარტნიორთა წილობრივი მონაწილეობა და ხმების განაწილების წესი;
4. საზოგადოების მართვის სისტემა;
5. ხელმძღვანელი თანამდებობის პირის არჩევის შესახებ გადაწყვეტილების
მიღება;
6. წესდების პროექტის განხილვა და დამტკიცების შესახებ გადაწყვეტილების
მიღება;

საერთო კრებამ იმსჯელა განსახილველ საკითხებზე და მიიღო შემდეგი

გადაწყვეტილებები:

1. სამეწარმეო საზოგადოების საფირმო სახელწოდება განისაზღვროს „ოდისეა“,

იურიდიულ მისამართად განისაზღვროს თბილისი, ალ. ჭავჭავაძის 28.
2. პარტნიორების მიერ შენატანი ხორციელდება რეგისტრაციიდან 3 თვის
ვადაში. რეგისტრაციიდან 1 თვის ვადაში უნდა განახორციელონ
ნაწილობრივი შენატანის გადახდა, მაგრამ არანაკლებ სრული შენატანის

9
 ნახევარისა, ხოლო სამი თვის ვადაში სრულად უნდა განახორციელონ
შენატანის გადახდა.
3. სამეწარმეო საზოგადოების განთავსებულ კაპიტალში განხორციელებული
შენატანის პროპორციულად განისაზღვრება საზოგადოებაში პარტნიორების
წილობრივი მონაწილეობა და ხმების ოდენობა გადაწყვეტილების მიღებისას.
4. საზოგადოების მართვის ორგანოებია პარტნიორთა საერთო კრება და
ხელმძღვანელი თანამდებობის პირი;
5. ხელმძღვანელ თანამდებობის პირად არჩეულ იქნა გიორგი ცხაკაია (პ/ნ
6200345343);
6. პარტნიორთა საერთო კრებამ მიიღო გადაწყვეტილება წარდგენილი წესდების
პროექტის დამტკიცების შესახებ;

პარტნიორების ხელმოწერა:

10
 შეზღუდული პასუხისმგებლობის საზოგადოების „ოდისეას“ (ს/კ 04321232)

პარტნიორთა მორიგი საერთო კრების მოწვევის შესახებ

განცხადება

შეზღუდული პასუხისმგებლობის საზოგადოება „ოდისეა“ იწვევს პარტნიორებს

მორიგ საერთო კრებაზე, რომელიც გაიმართება 2024 წლის 20 თებერვალს 12:00
საათზე, შემდეგ მისამართზე: საქართველო, თბილისი, ალ. ჭავჭავაძის 28 ნომერი.

შეზღუდული პასუხისმგებლობის საზოგადოების „ოდისეას“ სააღრიცხვო თარიღად

დადგენილია 19 იანვარი 2024 წლის.

შეზღუდული პასუხისმგებლობის საზოგადოების მორიგი პარტნიორთა საერთო

კრება შეეხება:

1. ხელმძღვანელი თანამდებობის პირის, დირექტორის მიერ მომზადებული

ფინანსური ანგარიშგების გაცნობას;
2. ხელმძღვანელი თანამდებობის პირის მიერ 2023 წლის საქმიანობის ანგარიშის
მოსმენა;
3. ხელმძღვანელი თანამდებობის პირის მიერ წარმოდგენილი ფინანსური
ანგარიშის საფუძველზე დივიდენდის გაცემის ან გაცემაზე უარის თქმის
შესახებ გადაწყვეტილების მიღება;
4. დივიდენდის გაცემის თარიღის განსაზღვრა;
5. ხელმძღვანელი თანამდებობის პირისათვის უფლების მინიჭება სამეწარმეო
საზოგადოების აქტივების 50%–ზე მეტის გასხვისების შესახებ;

შეზღუდული პასუხისმგებლობის საზოგადოების მორიგ საერთო კრებაზე

მოწვეულნი არიან საზოგადოების პარტნიორები: სისონა გოგია, კოზმან მთვარეული,
ნატალი ვარძელი და ქეთევან ჯარნასძე.

შეზღუდული პასუხისმგებლობის საზოგადოების შპს „ოდისეას“ დღის წესრიგთან

დაკავშირებით დამატებით ინფორმაციის მიღების ან/და სხვა საკითხის დამატების
თხოვნით პარტნიორებმა უნდა მიმართონ სამეწარმეო საზოგადოების დირექტორს.
შეზღუდული პასუხისმგებლობის პარტნიორი წერილობითი შეტყობინებას
უგზავნის დირექტორს განსახილველ საკითხებთან დაკავშირებით საზოგადოების
იურიდიულ მისამართზე (თბილისი, ალ. ჭავჭავაძის 28 ნომერი) ან/და დირექტორის
ელექტრონულ ფოსტაზე (Gtskakhaia@gmail.com). სამეწარმეო საზოგადოების
პარტნიორები ვალდებულნი არიან დირექტორს წერილობითი მიმართვა გაუგზავნონ
საერთო კრების ჩატარებამდე მინიმუმ 7 დღით ადრე.
11
შპს „ოდისეას“ დირექტორის

ხელმოწერა

12