Albanian University

Fakulteti i Shkencave Mjekesore

Infermieri viti III

Pediatri
D.SH.M Mirela Xhafa-Bizhyti

Leksioni 9

Patologjite e Aparatit kardiovaskular

Endokarditi Infektiv: Ndonese prej disa dhjetevjecaresh kane hyre ne perdorim antibiotiket
ne terapine e E.I, ky i fundit ngelet ende nje nga shkaqet e shpeshta te semundshmerise dhe
mortalitetit ne moshat pediatrike…
Etiologjia: E.I, i quajtur ndryshe edhe Endokarditi akut, subakut bakterial, endokarditi jo
bakterial.
Endokarditet bakterial shkaktohen nga: Streptococcus viridans, Staphylococcus aureus,
Streptokoket e grupit B (enterokoket) me rralle jane streptokoket e grupit B, Streptococcus
pneumonia, H. Influenzae, Staphylococcus epidermidis, Chlamidia etj.
Endokarditet jo bakterial shkaktohen nga: Viruse, funge etj
Faktore Predispozues: Manipulime dentare, katetere urinare, katetere venoze, nderhyrje
kirurgjikale ne zemer, valvulopatite.
Klinika: Shenjat klinike mund te mos jene tipike, shkak ky per diagnostikimin e vonshem qe e
karakterizon shpesh kete patologji. Femija ne pjesen me te madhe te rasteve paraqitet me:
temperature subfebrile, febrile te moderuar dhe shume rralle hiperpireksi, dobesi e pergjithshme,
djersitje, dhimbje koke –mioartralgji, renie ne peshe, nauze dhe te vjella (me raste).
Ne ekzaminimin objektiv auskultohet zhurme sistolike gjate ekzaminimit ose ndryshim i
zhurmes ne femije me vese qe me pare kane pasur nje te tille. Ritmi i zemres eshte i crregullt
Paraqesin splenomegali, petekie. Ndonjehere hasim edhe shenjat klasike si: nyjet e vogla (Osler)
ne lekuren e gishtave dhe njollat hemorragjike te Janeway (ne pellembet dhe shputat),
gjakrrjedhje nen thonj etj.
Ekzaminimet laboratorike
1.Hemokultura (mundesisht para se te filloje antibiotikoterapia), (3-5 hemokultura njera pas
tjetres, T>38 grade, ne vende te ndryshme (lekure, urine, lengun sinovial, absese, LCS),
2. Rritje e ERS,
3.PCR,
4.Anemi,
5.Leukocitoze,
6.Ndryshime te komplementit,
7. Ndryshime urinare,
8.Ndryshime ne EKG.
Diagnoza: Mbeshtetet ne te dhenat e anamnezes, klinikes dhe ekzaminimeve plotesuese.
Ndihmese ne diagnoze japin Kriteret e DUKE qe perbehen nga dy kritere te medha: 2
hemokultura pozitive per nje agjent te zakonshem e mbi 2 per nje agjent jo te zakonshem. Prania
e endokarditit ne Echo-kardiografi. Perdoren gjithashtu dhe disa kritere te vegjel ku futen ethja,
shenjat embolike-vaskulare, artriti, nyjet e Osler-it, te dhenat serologjike per infeksion etj. 2
kritere te medha, nje i madh dhe tre te vegjel ose 5 kritere te vegjel flasin per endokardit.
Mjekimi: Eshte i menjehershem dhe behet ne spital, ne regjim shtrati, antibiotikoterapi
specifike, doza te larta, qe arrijne nivele te larta baktericide, i/v, per nje periudhe te gjate per te
pakten 4-6 jave ose me teper. Antibiotiko- terapia specifikohet pas berjes se hemokultures. Ne
rastet e perfshirjes se rende te valvules te aortes dhe asaj mitrale, keshillohet interventi
kirurgjikal.
Prognoza: Megjithe perdorimin e nje mjekimi te pershtatshem mbetet ende jo e mire, 25% e te
semureve kane perfundim fatal. Endokarditi nga funget ka prognoze te keqe.
Parandalimi: Femijet e predispozuar per E.I, vecanerisht ata me vese te lindura te zemres, duhet
te ndergjegjesohen per problemin qe kane, duhet te mbajne nje higjene te mire te gojes, te
trajtohen paraprakisht me antibiotike kur lind nevoja e nderhyrjeve stomatologjike ose ne rruget
e siperme te frymemarrjes.

Ethja Reumatizmale
Eshte nje semundje inflamatore e indit lidhor, e cila prek kryesisht zemren, vazat, kycet, SNQ
dhe indin e nenlekures. Edhe pse me incidence me te ulet se me pare, vazhdon te mbetet nje
problem madhor per sferen pediatrike.
Etiologjia: Streptococcus β hemolitik i grupit A.
Ne fakt mjekimi jo adekuat i patologjive te shkaktuar nga ky shtam ka cuar ne nje rritje te
prevalences. Praktika gjithsesi na ofron pak mjete per te zbuluar grupin me saktesi, prandaj
limitohemi duke thene se eshte prioritet trajtimi adekuat i gjithe infeksioneve strptokoksike β
hemolitike ne pergjithesi.
Faktore predispozues: Faringiti streptokoksik rekurent i pamjekuar ose i mjekuar keq. Mosha
5-15 vjec. Kushte social – ekonomike te dobeta. Stina e vjeshtes, dimrit dhe pranveres has me
shpesh semundjen
Patogeneza: Mekanizmi patogenetik eshte i paqarte, ekzistojne 2 teori qe mund ta shpjegojne
1. Toksina jashte qelizore e streptokokut β-hemolitik te grupit A, me efekt ne zemer, sinovie dhe
tru
2. Pergjigje e tepruar e organizmit ndaj ketij infeksioni
Anatomia Patologjike: Paraqet degjenerim fibrinoid i indit lidhor, infiltrim dhe edeme
inflamatore. Demtimet specifike perfaqesohen nga nyjet Aschoff qe jane reaksion proliferativ
paravaskular. reaksion proliferativ perivaskular.
Klinika: Nuk ka shenja tipike qe percaktojne ER, megjithate prej kohesh jane propozuar
kriteret e Jones-it qe paraqiten si me poshte vijon.
Kritere te vogla:
-Ethja
-Artralgjia
-Rritje e ERS dhe PCR
-Zgatje e intervalit P-R ne EKG

Kritere te medha:
-Karditi
-Poliartriti
-Eritema marginate
-Korea
-Nyjet e nenlekures
Keto kritere perdoren per vleresimin e atakut te pare te semundjes dhe jo per ataket e perseritura.
Ekuacioni diagnostik
- 2 kritere te medha ose
- 1 kriter i madh + 2 te vegjel + nje infeksion te kaluar streptokoksik = Ethe Reumatizmale
Perjashtim behet ne keto raste:
a) Korea, b) Karditi (pa shkaqe te tjere), c) Rishfaqje e shenjave te ER pas kalimit te nje episodi
tipik te semundjes.
Pankarditi (prekja e te 3 shtresave te zemres): Ndodh ne 50% te pacienteve me ER, preket me
teper endokardi, vv. mitrale dhe aortike, vv. pulmonare dhe trikuspidale (shume rralle, gati
perjashtim).
Poliartriti: Prek kryesisht kycet e medha, migrues, jo simetrik, artikulacioni paraqitet edematoz,
i skuqur, i dhimbshem me likid brenda tij. Ne lengun sinovial gjejme PMN dhe disa qeliza jo
specifike. Pergjigja ndaj salicilateve eshte e menjehershme. Prekja e kyceve nuk le pasoja.
Korea e Sydenham: Shfaqet pas nje periudhe te gjate dhe ne menyre progresive pas faringitit
streptokoksik. Mendohet te jete nje pergjigje autoimune e SNQ ndaj streptokokut te grupit A.
Mosha e femijes eshte ajo shkollore. Shenja e pare eshte demtimi i shikimit dhe ndryshime te
karakterit (qendrueshmeria emocionale, hipotonia). Levizjet koreiforme mund te jene te
njeanshme ose te kater gjymtyreve (shtohen nga stresi dhe qetesohen naten). Zhduken pas disa
javesh ose muajsh dhe mund te rishfaqen.
Eritema marginate: Jane shfaqje klinike madhore te cilat per fat te keq i hasim rralle. E. M
shfaqet si nje makul me ngjyre vishnje, e zbehte ne mes e qe nuk kruhet. Nyjet e nenlekures
shfaqen ne siperfaqet e jashtme te disa kyceve (brryli dhe gjuri) me madhesi sa nje bizele, te
padhimbshme I semuri duhet te shtrohet ne spital.
Terapia mbeshtetet ne tre drejtime:
-Mjekimi i infeksionit streptokoksik ne rruget e siperme te frymemarrjes
-Mjekimi antiinflamator me salicilate ose kortikosteroide.
-Mjekimi suportiv

Insuficienca Kardiake
I. K eshte paaftesi e zemres per te furnizuar indet me sasine e duhur te gjakut, ne menyre qe te
plotesohen nevojat normale metabolike te organizmit. Zakonisht ajo vendoset mbi keto situata
hemodinamike:
 a) Pasngarkese e larte jo normale (stenoze/koarktacion aorte)
 b) Parangarkese e tepert (shuntet majtas –djathtas)
 c) Miopati (demtim i tkurrshmerise se miokardit)
 d) Mbushje e pamjaftueshme diastolike (perikardit konstriktiv)
Shkaqet kryesore:
Fetusi: Anemi e rende hemolitike, bllok i plote i zemres, takikardi supraventrikulare
Neonati: Displazia bronkopulmonare, Kardiomiopatia, Miokarditi viral, Veset pa cianoze, veset
e kombinuara
Latanti: Kardiomiopatia metabolike, Kawasaki, Sindromi hemolitik-uremik, Veset e lindura, DI
A, hemangioma
Femije me te rritur: Anemia drepanocitare, Endokarditi, E.R, Fibroza Kistike, GNA,
Kardiomioptia, Miokarditi viral, Tirotoksikoza.
Klinika: femija me IK ka mbaruar te gjithe mekanizmat kompesatore te debitit kardiak te
mjaftueshem per plotesimin e nevojave baze metabolike.
1. Latanti: nuk ka shenja karakteristike, eshte veshtire te dallohet. Paraqet kryesisht veshtiresi ne
ushqyerje, qan dobet, takikardi, frymemarrje te shpeshte dhe te veshtiresuar, wheezing, nuk
shton ne peshe. Vleresimi i jugulareve veshtire te behet per shkak te qafes se shkurter. Edemat i
kerkojme ne sy dhe skrotum, zakonisht prekim heparin e zmadhuar.
!! Te dhenat auskultative varen nga semundja baze qe ka cuar ne IK
2. Femije te rritur: Paraqitet i lodhur, nuk kryen aktivitet fizik, kolle, veshtiresi ne frymemarrje,
anoreksi, evidentohet pulsimi i jugulares, zmadhimi i heparit, qendrimi ortopneik. Edeme e
shprehur e ekstremiteteve inferiore deri ne anasarke. Rale ne baza ne auskultacion te pulmonit.
Zemra e zmadhuar, te dhenat auskultative varen nga semundja baze.
Trajtimi imediat behet ne rruge kirurgjikale.
Mund te shtyhet interventi ne keto raste:
- rehabilitim paraoperator
- stand by per nje permirsim spontan te defektit (D.B. Apertus ne prematuret dhe DIV ne 6 muajt
e pare te jetes).
Femija hospitalizohet i nenshtrohet nje regjimi te rrepte shtrati, ne pozicion gjysme ndenjur, me
diete me kalori te shtuar, deri ne perdorimin e sondes ne disa femije, O2 terapi (+/- intubim),
diuretiket endoven, barnat qe reduktojne pasngarkesen, agonistet B-adrenergjike, qetesuesit dhe
digitaliket.

Miokarditi Viral eshte inflamacion i miokardit, prezent me teper ne femijet e vegjel (me
rralle ne latantet dhe femijet e rritur). Haset kryesisht ne menyre sporadike. Agjente kryesore qe
akuzohen jane Viruse (adenovirus dhe Coxsackie). Ne disa raste akuzohen edhe bakteriet, si ne
rastin e Difterise (Miokarditi difteritik karakterizohet nga veprimi i ekzotoksines se
Corinebacterium diphtheriae ne fijet muskulare te miokardit ne 2 javet e para), Miokarditi
difteritik karakterizohet nga nje prognoze e keqe, letaliteti 50%.
Klinika: Ethe, Cianoze, Detres respirator, IK te rende me puls te dobet, takikardi, zhurme
sistolike ne apeks, Ritem galopi, Acidoze, Shok. Ekzaminimi radiologjik evidenton nje zemer te
zmadhuar, edeme pulmonare
EKG: Takikardi, Aritmi, Ulje te voltazhit, Ndryshime te segmentit ST dhe vales T
Mjekimi eshte si ne rastin e IK
VO: digoksina fillon me gjysmen e dozes.

Perikarditi Akut eshte inflamacioni cipes se zemres (perikardit) i cili shoqerohet me

grumbullimin e nje sasie lengu ne hapesire midis cipave. Natyra e lengut te grumbulluar mund te
jete:
 Seroz
 Fibrinoz
  Purulent
 Hemorragjik
Sasia e lengut mund te arrije permasa te atilla sa te bllokojne teresisht aktiviteti e miokardit
(tamponade).
Etiologjia
A) Infeksionet
 A1-viruset (coxsackie, influenza, echo, adenovs)
 A2-bakterie (S. aureus, H. influenzae, N. meningitidis)
 A3-TBC
 A4-parazite
 A5-funge
B) Kolagenozat
 1- E.R
 2-Artriti Juvenil Idiopatik
 3-LES
 4-Sarkoidoza
C) Crregullime metabolike dhe endokrine
D) Crregullime hematologjike-onkologjike
 - Leukemia
 - M. Hodgkin
 - Limfosarkome
Klinika: Kolle, Detres respirator, Dhimbje barku, te vjella, Dhimbja ne gjoks eshte prekordiale
me perhapje ne shpatull dhe shpine
!!! Ne raste fulminante pacienti mund te bej tamponade te zemres dhe vdekje
Mjekimi i Perikarditit Bakterial
 Antibiotikoterapi specifike (mjekim etiologjik)
 Drenim i hapesires perikardiale
Mjekimi i Perikarditit viral
 Eshte simptomatik me antiinflamatore jo steroid (AIJS) per nje kohe te gjate
 Duhet patur parasysh edhe semundjet e tjera baze si: TBC, ARJ, neoplazite etj.
Prognoza: Eshte e mire ne pergjithesi. Perikarditi purulent ka prognoze jo te favoreshme.

Kardiopatite Kongenitale: Kane zgjuar interes te vecante ne tri dekadat e fundit.

Etiologjia dhe patogjeneza njihen vetem pjeserisht.
Faktoret e jashtem per te pasur veprim embriopatik duhet te veprojne gjate javes te IV-VIII te
jetes embrionale. Ne mes te tyre i jepet rendesi disa semundjeve virale te nenes, kryesisht
rubeoles. Rendesi mund te kene edhe marrja e disa medikamenteve hormonale e sulfamidikeve
hipoglicemizuese, talidomidit etj.
Teorite kryesore patogjenike jane dy:
- Teoria embriologjike konsideron malformimet si rrjedhim te crregullimeve gjate zhvillimit
embriologjik te zemres.
- Teoria e endokarditit te zhvilluar gjate jetes fetale.
Klasifikimi
Klasifikimi me praktik dhe i thjeshte i angiokardiopative kongjenitale i ndan keto ne tre grupe:
I. Kardiopati kongjenitale me shunt venoz-arterial ose djathte – majte e me cianoze.
II. Kardiopati kongenitale me shunt artero-venoz ose majte – djathte e pa cianoze.
 III. Kardiopati pa shunt.
IV. Kardiopatite me shunt venoz-arterial dhe cianoze

Kardiopatite me shunt venoz-arterial dhe cianoze marrin emrin e pergjithshem morbus coeruleus
ose semundje blu. Shunti, kalimi i gjakut venoz nga zemra e djathte ne zemren e majte ose ne
aorte mund te ndodhe ne rastet kur kemi shoqerim me stenoze ose atrezi te pulmonares ose te
trikuspidales, kur kemi deskstrapozicion ose transpozicion te aortes. Kushtet e siperme cojne ne
cianoze. Cianoza mund te jete me shume ose me pak e shquar ne qetesi dhe shtohet pas levizjeve
e lodhjeve. Cianoza verehet kryesisht ne buzet e ne zonen periorale, ne zonat zigomatike, ne
padiljonin auricular e ne pjeset me distale te anesive. Kusht per shfaqjen e cianozes eshte
saturimi i paket arterial periferik, sasia e paket e gjakut venoz qe arrin ne mushkerite, qarkullimi
i dobet pulmonar, kthimi i kufizuar i gjakut te oksigjenuar ne qarkullimin e madh, aftesia e paket
e gjakut venoz per tu oksigjenuar. Shenjat e tjera te kardiopatise duken me shpejt ose me vone
sipas gravitetit te vesit. Hipokratizmi i gishtave zgjerimi i falangjeve te fundit te gishtave te
duarve e te kembeve, qe jane cianotike, shoqerohet me konveksitet te thonjve. Poliglobulia
zhvillohet si fenomen kompesues kundrejt gjendjes hipoksemike. Rritet numri i eritrociteve,
hematokriti dhe permbajtja ne hemoglobine, mbajtja kohe pas kohe e qendrimit galic, dispnea,
humbjet e shkurtra te vetedijes dhe me rralle konvulsionet. Mund te takohen gjithashtu trombozat
cerebrale, crregullimet e koagulimit te gjakut, alterimet e fundusit te syrit.
Tetralogjia Fallot
T. F eshte nder perfaqesuesit kryesor te veseve me cianoze, eshte malformimi me cianoze me i
shpeshte, vecanerisht pas moshes se latanit. Ka keto karakteristika anatomike:
 Defekt i murit ventrikular
 Stenoze e arteries pulmonare
 Dekstrapozicion te aortes,
 Hipertrofi te ventrikulit te djathte.
Ne rast se malformimeve te siperme u shtohet komunikimi interatrial, kemi pentologjine Fallot e
cila nuk ka asnje ndryshim klinik.
Simptomat e pergjitheshme te tetralogjise Fallot jane ato per semundjen blu. Theksimi i cianozes
varet nga shkalla e stenozes se pulmonares.
Ne auskultim degjohet zhurme sufli sistolike e ashper, e shkurter ne spaciumin e III-IV
interkostal te majte.
Ne ekzaminimin rentgenologjik, zemra nuk duket shume e zmadhuar, por nga konkaviteti i
harkut te mesem dhe nga zmadhimi e ngritja e apeksit, merr pamjen e cizmes. Hiluset pulmonare
jane te imte, pa levizje.
Ne EKG verehet cvendosja e aksit elektrik nga e djathta dhe mbingarkese e hipertrofi
ventrikulare e djathte.
Me angiokardiografi vihet ne dukje mbushje e aortes njekohesisht me pulmonaren ne faze
dekstrograme.
Me kateterizim vihet ne dukje presioni i larte ne ventrikulin e djathte dhe presioni i ulet ne
arterien pulmonare. Saturimi ne O2 i gjakut te aortes eshte i pakesuar gje qe shpjegon pjeserisht
cianozen.
Tetrada Fallot ka prognoze te keqe.
Mjekimi eshte kirurgjikal. Nderhyrja behet zakonisht pas vitit te trete. Ne vitet e para te jetes
mund te nderhyhet me ane te anastomozes e me vone pas disa vjetesh, nderhyhet me korrigjim te
plote.
Trungu arterial i perbashket eshte nje malformim i rralle, karakterizohet nga prania e nje
trungu te vetem arterial, qe ushqen njekohesisht, qarkullimin pulmonar dhe qarkullimin e
pergjithshem. Cianoza mund te jete e shkalleve te ndryshme, shpesh degjohet nje zhurme sufli
sistolike. Volumi i zemres eshte i zmadhuar kurse arteriet pulmonare zakonisht pulsojne dhe jane
te gjera.
Transpozicioni i plote i eneve te medha eshte nje malformim relativisht i shpeshte ne moshen e
latanit dhe sidomos ne te posalindurit, me prognoze te keqe. Anatomikisht gjendet dalje e aortes
nga ventrikuli i djathte dhe dalje e arteries pulmonare nga ventrikuli i majte. Cianoza eshte e
shpejte, e theksuar, e shoqeruar me dispne dhe me hipokratizem te gishtave.
Trilogjia Fallot eshte nje malformim i rralle qe anatomikisht karakterizohet nga keto elemente:
 Stenoza pulmonare, zakonisht valvulare,
 Komunikimi interatrial,
 Hipertrofia e ventrikulit te djathte.
Klinikisht cianoza mund te jete e moderuar dhe shoqerohet me dispne. Auskultimi ve ne dukje
sufel holosistolik.
Radiologjikisht verehet zmadhim i ventrikulit te djathte, zmadhim i harkut pulmonar.
Kateterizmi e angiokardiografia sigurojne diagnozen.
Prognoza varet nga shkalla e stenozes pulmonare.
Nderhyrja kirurgjikale keshillohet ne moshen 7-14 vjec.
Atrezia Trikuspidale anatomikisht karakterizohet nga keto elemente:
 Atrezi e valvules trikuspidale
 Hipoplazi e ventrikulit te djathte e arteries pulmonare
 Komunikim interatrial
 Shpesh Duktus Botali apertum
 Rralle transpozicioni i eneve te medha
Gjaku venoz kalon nga atriumi i djathte ne atriumin e majte e prej ketu ne ventrikulin e majte.
Gjaku arrin ne ventrikulin e djathte e ne arterien pulmonare nga atriumi i majte e nga ventrikuli,
nepermjet septumit te hapet. Ai mund te arrije ne mushkerite neper duktin e Botalit ose neper
arteriet bronkiale.
Klinikisht verehet cianoze e shpejte, shoqeruar me dispne e hipokratizem digjital.
Radiologjikisht gjendet hipertrofi e ventrikulit te majte, rrafshim i konturit te ventrikulit te
djathte dhe harkut te pulmonares.
EKG ve ne dukje mbingarkese ventrikulare te majte.
Dekursi eshte i rende.

Kardiopatite me shunt arterovenoz pa cianoze

Karakterizohet nga ana dinamike nga mbingarkesa e qarkullimit pulmonar, kurse njekohesisht
qarkullimi i pergjithshem eshte i pakesuar. Ne nje faze te pare, femijet jo vetem nuk kane
cianoze, por duken te zbehte. Hiperfluksi pulmonar shkakton shtim te presionit ne qarkullimin e
vogel, me sklerotizim te arterieve te vogla pulmonare.
Me rendimin e gjendjes shfaqen shenja dekompensimi, rryma e gjakut nderron drejtim dhe behet
e dukshme cianoza.

Difekti Interventrikular
DIV. Septumi interventrikular i hapet eshte nje nder veset kongjenitale me te shpeshte te zemres.
Ne kete ves gjaku kalon nga ventrikuli i majte ne ventrikulin e djathte. Vetem kur presioni ne
ventrikulin e djathte shtohet si rrjedhim i shtimit te rezistences ne qarkullimin pulmonar, ose si
rrjedhim i stenozes se lehte ne arterien pulmonare, kemi kalim te qarkullimit nga ventrikuli i
djathte ne ventrikulin e majte.
Ndahet ne kater grupe, sipas rendesise se presionit ne ventrikulin e djathte e te majte.
Grupi i I: komunikim interventrikular me shunt te vogel e presione normale
Grupi i II: komunikim i.v me shunt te madh majtas-djathtas
Grupi i III: komunikim i.v me pengese vaskulare pulmonare me shunt te ndryshem
Grupi i IV: komunikim i.v me stenoze te rruges pulmonare me shunt te perzier.
Klinika: ndryshon sipas kushteve qe jane rreshtuar me siper, dispne pas lodhjes, kolle,
infeksione bronkiale e pulmonare te shpeshta, djerse profuze, veshtiresi ne ushqyerje, zhvillim i
manget. Cianoza shfaqet vone ose pas lodhjeve e infeksioneve pulmonare. Ne toraks ka mundesi
te gjendet nje preminence prekordiale.
Ne palpim, vibrimi sistolik i forte ne spaciumin e IV-V interkostal, me vendosje parasternale si
edhe goditja e forte e apeksit. Ne auskultim degjohet zhurme sufli holosistolike e forte.
Ne ekzaminimin radiologjik: zemra mund te jete me volum normal ose te zmadhuar.
Kateterizmi siguron diagnozen.
Nderlikimet: endokarditi, prapambetje ne zhvillim, hipertension pulmonar, insuficienca
kardiake.
Trajtimi: Ne varesi nga madhesia e defektit (kirurgjikal ose jo). Defektet e vegjel sherohen
spontanisht ne 2 vitet e pare te jetes.

Defekti interatrial
DIA eshte nje malformim kongjenital i shpeshte, takohet edhe ne mjaft femije ne dukje normal.
Defektet e septumit interatrial mund te dallohen ne dy grupe:
- Defekte te rralla te pjeses te septumit ose septum primum
- Defekte ne zonen foramen ovale, dhe pa mundesi per mbyllje
Nga ana hemodinamike kemi kalim te rrymes nga atriumi i majte ne atriumin e djathte, shtim te
qarkullimit ne ventrikulin e djathte e ne pulmone.
Nga ana klinike mund te gjejme bronkite te perseritura, zhvillim te maget, dispne te vonet.
Ne auskultim degjojme zhurme sufli sistolike. Ne ekzaminimin rentgenologjik kemi zmadhim te
atriumit e te ventrikulit te djathte, prominence te harkut te mesem pulmonar zgjerim te arteries
pulmonare. Defekti interatrial kerkon nderhyrje kirurgjikale ne te gjitha rastet me shunt te
rendesishem.
Prognoza pas nderhyrjes kirurgjikale, eshte mjaft e mire.
Kanali atrioventrikular i perbashket kemi komunikim interatrial te ulet, komunikim
interventrikular dhe carje te pjesshme te mitrales e trikuspidales. Malformimi mund te jete i
pjesshem ose i plote. Ne rastin e pare nuk jep shenja klinike te theksuara, kurse ne rastin e dyte
manifestimet jane shume te renda.
Defekti i duktusit arterial eshte nje nder kardiopatite kongjenitale me te shpeshta. Frekuenca
eshte me e madhe ne femrat kundrejt meshkujve. Pervieteti i duktusit arterial ben te mundur qe
gjaku aortal me presion me te madh, te kaloje pjeserisht ner arterien pulmonare dhe ne vete
pulmonet. Shenjat klinike subjektive ndonjehere kryesore jane zhvillimi i paket, dispnea pas
lodhjes, infeksionet bronkiale e pulmonare te shpeshta. Ne auskultim degjohet zhurma e suflit
karakteristike e vazhdueshme sistolike-diastolike me theksim telesistolik e protodiastolik. Pulsi
eshte i larte dhe i shpejte.
Ekzaminimi rentgenologjik ve ne dukje zgjerim e pulsim te harkut te dyte pulmonar, theksim te
forte hilar e pulmonar, zmadhim te ventrikulit e te atriumit te majte.
Duktusi arterial atipik karakterizohet nga prania e presionit te shtuar ne pulmonaren dhe
shtimin e rezistences vaskulare pulmonare. Me kalimin e kohes dhe me shtimin e metejshem te
presionit arterial theksohet skleroza pulmonare dhe rryma e gjakut mund te nderroje drejtim e te
kaloje pjeserisht nga arteria pulmonare ne aorte.
Prognoza e pervietetit e duktusit arterial nuk eshte e mire.
Mjekimi i duktusit arterial te hapet kerkon nderhyrje kirurgjikale.
Stenoza e paster e arteries pulmonare paraqitet ne dy forma anatomike:
- ne stenozen valvulare
- ne stenozen infundibulare.
Shenjat ndryshojne me shkallen e stenozes. Ne format e lehta nuk verehen simptoma me rendesi.
Ne format me te renda kemi lodhje, dispne, kolle, epistaksis, ngjyre te zbehte te lekures, kurse
zonat zigomatike jane te gjalla.
Ne ekzaminimin radiologjik vihet ne dukje hipertrofi e ventrikulit te djathte si edhe dilatim i
atriumit te kesaj ene. Zakonisht shihet zmadhim i harkut te mesem pulmonar, si rrjedhim i
zgjerimit poststenotik, shoqeruar me vizatim hilar e pulmonar te paket e te imet
Trajtimi:
Ne stenozat valvulare: valvuloplastika (dilatacion me ballon)
Ne stenozat nen e supravalvulare: kirurgjikal ne heqjen e pengeses