Multimer Dy III ang nasa hampang nindo Sa paagi kan pagtigsik ako matao nin konswelo Kaya kamo, dai sana pakaseryoso
Tigsik dangugon, tigsik sabuton
Tigsik malanit, sa tawong mahahaplit Alagad dai sana madagit, ngani ang payo dai mag irinit.
TIGSIK, TIGSIK, TIGSIK!
Tinigsik ko ining talent show
Makakurab na gayo Alagad dahil sa suporta nindo No choice, malaban ako para saindo
Ang intramural tigsikon ko
Ining mga estudyante grabe ang gulo-gulo Digdi na naman maruluwas so mga sports asin talento Pati mga maestra asin magurang go na go!
Tigsikon ko ining eskwelahan ta
Urgulyo kan Villahermosa Mga estudyante , maestro asin maestra matitibay na mga maitsura pa Kaya sain ka pa, VNHS lang sapat na
Tigsikon ko man ining sakong mga maestra
Sa tibay, tunay man talaga Lalo na ining samong mga adviser Maski saradit-sadit grabeng lanit
Enoton ko si sir Arthur pagtigsika
Ini maray-rahay man talaga Sa pag-asikaso sa 7 silver, yaon siya Pero tabi mga madam, single pa daa siya Tigsikon ko man si Mam Joan Batalla Adviser kan Bronze padaba ming talaga Maboot, matibay magturo, magayon pa Para ehem, ini si Mam taken na daa
Syempre tigsikon ko man ini si Mam Shyla
Binibini kan 7-gold kung apudon mi siya Ini si Mam medyo maisog pero gayon ki daraga Abang swerte ta si mam naghahalat daa kang the one nya
Gabos na maestra asin maestro tigsikon ko
Mga mam ser kami talaga saludo saindo Ang pagal saka sakripisyo na pigtatao nindo Dakulang urgulyo ming mga aki na nag-aasa saindo
Tinigsik ko man ining mga estudyante
Ang ka-excitidan sa intrams talagang grabe Mala sigeng praraktis, aldaw banggi Ngani sana maging number 1 permi
Tigsikon ko man ang satong utility saka watchman
Sindang duwa partner digdi sa eskwelahan Sa pagmantiner kan kaayusan buda kalinigan Sinda dgdi sa eskwelahan talagang maaasahan
Siyempre dai man lilingawan ang tigsik ko sa mga magurang
Sinda talaga ang tunay na number 1 Maski minsan nagkukurulang-kulang Ang suporta samuyang mga aki, dai ki pagkukulang
Tigsikon ko man ang pamayo kan satong eskwelahan
Sir Antonio Brita ( sir…) ang saiyang ngaran Maski siya baguhan sa samong mga kaakian Pag siya ang tuminaram kami gabos darangugan
Ini si sir simple sana man
Sa paghiling ko maboot pero istrikto palan Ta ang ikarahay kan eskwelahan saka kaakian Ang number 1 na saiyang gustong pangatamanan HALAT, HALAT, HALAT,
Tigsikon ko man palan ining mga estudyanteng paralumpat
Nata baya ta sa tamang oras dai sana nakakahalat? Munan kaan maski daing kudal, Sige na sanang rulumpat Pero advise ko tabi, ang ugaling bako dapat, sa luwas satuya nang iwalat
Tigsikon ko man ining mga mag irilusyon
Ang pagkamoot sarong bagay na magayunon Pero tabi mga neh, mga noh luhay-luhayon Pag-adal atupagon, ilusyon gibuhon na inspirasyon
O Hala, ang sakong tigsik garo napahalaba na man
Basta mga manoy, mga manay ini tigsik sana man Ang boot dai makulugan kun kamo nadalaganan Ta ini sarong pakonswelo para kamo maogmahan
Salamat sa pagdangog sa sakuya mga tugang
Lugod ako nakatao ki onra sa eskwelahan Sa paagi kan sakong tigsik na hinaman Kita lugod magkaigwa nin maogma asin trayumpong kapangganahan