Padayon!
Agud maayos ro koneksyon, padayon sa
Ni: Edgar B. Ureta, BSCE 1-B
Ro haeos nagasuesangdag-on eon ro
nakataliwan,
Kat umpisa nga nag bag-o rong bilog nga
kalibutan.
Gasangdag-on eong penetensya ro atong
nabatyagan.
Pila pang pinamilya do kinahang-ean nga
aywanan.
Pilang milyong kabuhi pa rong dapat
maapektuhan.
Sa akong naeksperyensyahan sa raya nga
pandemya,
Bilang isaeang ka istudyante, malisud gid a na.
Bisan alin mang kurso buko't hangae ro pag-
iskuyla.
Sa New Normal nga online ag modular class nga
sistema,
Bisan malisud, sige eang padayon hasta sa
makaya.
Isaea, daywa, tatlo, ap-at, lima, an-um, ag pito.
Pitong buean eon atong tiis umpisa ku Agosto.
Hara nakasulbar gihapon kita rayang Pebrero,
Karun atong pasaeamatan ro aton nga Ginoo,
Kabay nga padayon anang paggiya hasta sa
Hunyo.
Bangud ngane sa epekto it pandemya ngara
katon,
Tanang aktibidades, sa virtual eon pagahiwaton.
Maw ruyun ngane nga online class man do
atong pag-tuon.
Matakas sa bukid, ag ro signal hay usoy-usuyon,
pagtuon.
Sa pihak it kalisud ag stress ku mga istudyante.
ASU may pa Virtual Cultural and Arts Activity,
Kung siin napakita, mga talentong sari-sari.
Mapasaot, makanta, o hinampang, ikaw hay
pwede.
Padayon ro sinadya, bisan sa rayang pamaagi.
Sa rayang Pa Indis-Indis, dag-ong dosmil baynte-
uno.
Sayod kong grabeng preparar ro kada
departamento.
Maipakita ro andang mga ginatago-tago,
Ginatago-tagong mga abilidad ag talento.
Kara hay mapabugae ag maiuli ro titulo.
Sa departamentong akong ginhalenan ag
nadaea,
Koponan it ACES, mapapirde baea kita kara?
Pagtinguha ag supurta eang kita kada isaea,
Madaug, mapirde, biro na gakasadya eang kita,
Basta padayon eang pyutyur inhenyero,
inhenyera.
Tanan kita hay magsueoportahan ag bueoligan.
Inaway ag saeamaran hay dapat natong iwasan.
Kung magdaug ro kontra, syempre atong
palakpakan,
Kung mapirde man hay batunon eang do
kamatuoran,
Padayon eang ro kasadyahan, hay may
masunod pa man.
"Sportsmanship," raya ro isaea sa aton nga
matun-an.
Sa pamaagi ngara hay padayon ro kamaeayran.
Sa rayang aktibidad, respeto man hay kinahang-
ean.
Respeto sa tanan, sa huwes, kaapin ag kalaban.
Ag pagmahae sa sining ag kultura, hay
pahaegahan

Raya nga aktibidades hay isaea nga kadaean,

Bukon eamang nga ginhiwat ra para sa
kasadyahan,
Kara hay mapadayon do sportmanship para sa
tanan,
Ag sa pihak it kalbaryo nga atong mga
ginaagyan,
Bisan sa madali nga oras, gauy hay malipatan.

Bisan aling kalisud ro atong maagyan, padayon!

Bisan tres nga grado ro aton nga mabaton,
padayon!
Ro halit it pandemya katon, ubrahong
inspirasyon.
Bukas nga puetahan it oportunidad, atong
sudlon.
Ag padayon nga aboton ro mga nahandum
naton!

Padayon!