Professional Documents
Culture Documents
ni Martha Reyes
Gaano kahalaga ang papel na ginagampanan ng kababaihan sa mga makasaysayang sandali sa Edsa?
PATULOY ang takbo ng mga tangke patungong Camp Crame. Kasama ang ilang sasakyang puno ng mga
sundalo ng Hukbong Sandatahan. Halos nasagasaan ang mga nakabarang kotse na ginagamit na pambara sa
EDSA ngunit di umano’y may isang babaeng bigla na lamang nahiga sa dadaanan ng nasabing tangke.
…Alanganin ang tayô ng bawat mamamayan sa Quezon Blvd. Nang biglang lumitaw ang ilang Armored
Personnel Carrier patungong Bohol Ave. Madaling kinausap ng mga pari ang mga tsuper habang ang mga ito’y nag-
iisip ng paraan kung paano lalagtawan ang barikada ng mga tao. Samantala, sa isang grupo ng mga kolehiyala ang
nagsimula ng mamigay ng bulaklak at mag-alok ng sigarilyo, tubig at kakanin sa sundalong bitbit ang mga armas,
mga daliring handang kumalabit…
…Napaliligiran ang Crame at Aguinaldo ng mga tao, gayun din ang Malacañang at Channel 4. Sa dagat ng
taong umaapaw kada dating ng bawat oras, patuloy ang pag-aasikaso ng mga madre sa pangangailangan ng mga
rebeldeng kanilang pinoprotektahan. Sa telebisyon patuloy rin ang pag-abot ng pinakahuling ulat tungkol sa mga
nangyayari sa kamaynilaan ng mga announcer tulad ni Gune Kethly...
…At sa Green Hills, sa kalagitnaan ng gulo, isang babae ang kasalukuyang sumusumpa ng gagawin niya
ang lahat ng makakaya niya sa pamamagitan ng lakas na ipinaaabot sa kaniya ng Republika ng Pilipinas. Si Gng.
Corazon Aquino…
Bagamat marami ang nakapagbibigay ng testigo na ang mga pari ang siyang nakapagpabalik ng mga track
sa pamamagitan ng kanilang pananalita, walang makatututol sa katotohanan na ang mga babae mula dalaga
hanggang madre ang mga naunang humarap sa panganib sa pamamagitan ng pagtatayo ng barikada, paghiga sa
kalye at paglapit sa mga sundalong handang pumatay. Hindi siguro matatanggap ng mga kalalakihan na ang
kababaihan ang may dahilan, ngunit tiyak na hindi sila makaaangal kung sabihin kong malaki ang tulong na
naipaabot ng ating mga babae sa pagtataguyod ng demokrasya sa ating bansa.
Malayo na ang narating ng Pilipina. Mula sa mga saya ni Maria, lumitaw ang isang babaeng hindi papayag
manatili sa loob ng tahanan at maging alipin ng kusina. Siya ay natutong mag-isip nang pansarili at maglahad ng
damdamin nang hindi natatakot. Mula sa silya na kinauupuan ng mga sekretarya, naabot na niya ang posisyon ng
mga eksekyutibo’t manedyer, “Member of Parliament” at Presidente.
Ngayon at naabot na nila ang mga dati-rati’y pangarap lamang, ano kaya ang magiging takbo ng buhay ng
Pilipino? Mahirap bigyan ng sago tang katanungang ito. Ngayon lamang natin mararanasan ang ganitong kalayaan.
Sa madaling salita, wala pa tayong pagbabasehan. Datapwat masasabi natin na marami ang maidudulot ng
pagkakaroon ng babae hindi lamang sa pamahalaan, kundi pati na rin sa mga lugar na dati’y mga lalaki ang
namumuno. Isa rito ang pagtatrabaho ng matuwid at matiyaga. Ilan ba sa mga kalalakihan ang makapagsasabing
kaya nila ang walang hintong paglilinis ng bahay, pagluluto at pag-aalaga sa anak sa araw-araw na ginawa ng Diyos
nang hindi umaangal?
Malayo pa ang patutunguhan ng ating bansa ngunit ngayon napatunayan na ng kababaihan na kaya nilang
mapantayan ang nagagawa ng mga lalaki. Sana’y bigyan sila ng pagkakataong mapatunayan ito. Sa Pilipinas,
walang babae’t lalaki. Ang mayroon lang ay Pilipino.
USOK NG MAPUPUSOK NA ARAW
Ruth Elynia S. Mabanglo
Tungkol sa Manunulat
Si Ruth Elynia S. Mabanglo ay ipinanganak noong Marso 30, 1949, sa Lungsod ng
Maynila. Ang kanyang mga magulang ay sina Fortunato at Miguela Mabanglo
Siya ay retiradong propessor sa University of Hawaii sa Manoa. Isang
coordinator para sa Kagawaran ng Hawaiian at Indo-Pacific at wika, at ang Filipino
at Literatura.
Nagsimulang magturo ng Filipino noong 1985. Ginawaran ng dating Pangulong
Aquino ng Presidential Award for Filipino Individuals and Organization Overseas “Pamana ng Pilipino”
category.