Ang Sangguniang Kabataan (SK) ay isang samahan ng mga kabataang Pilipino
na may layuning makilahok sa pagpapaunlad ng kanilang mga komunidad. Ito ay isang institusyon sa Pilipinas na may mahalagang papel sa pagpapalakas ng partisipasyon at pagpapahalaga sa kabataan sa antas ng barangay. Bilang isang SK chairman, ang aking posisyon sa mga sports tournaments sa lokal na antas ay may mga mahahalagang aspeto na dapat isaalang-alang bago magdesisyon kung dapat pa bang ituloy ang ganitong mga gawain at bigyan ng kaukulang badyet. Ako ay sang ayon na ipagpatuloy ang pagdaraos na liga dahil maliban sa sinusuportahan ko ang ikakasaya ng mga kabataan, ang sports tournaments ay maaaring maging mahalaga para sa aktibong pamumuhay at kalusugan ng mga kabataan sa barangay.
Bilang isang SK ay responsabilidad ko ang pagpaplano at pagpapatupad ng mga
proyekto at programa na may kaugnayan sa pangangailangan at interes ng mga kabataan sa barangay. Ito ay maaaring tumukoy sa mga aktibidad na may kinalaman sa edukasyon, sports, kultura, at iba pang larangan na makakatulong sa pag-unlad ng kabataan. Gayunpaman, sa pagdedesisyon kung dapat ituloy ang ganitong mga gawain, dapat isaalang-alang ang mga sumusunod na aspeto. Una, Kung mayroong malakas na suporta at interes sa mga liga o sports tournaments, maaari itong isaalang- alang na ipagpatuloy. Ikalawa, Pamamahala at Organisasyon, Kailangan tiyakin na may maayos na pamamahala at organisasyon para sa mga liga. Ang mga aktibidad na ito ay dapat na maayos na pinaplano at pinamamahalaan upang maging epektibo at hindi masayang ang pondong inilaan. At panghuli, kung sakaling may mangyayaring aksidente sa ipagdadaraos na liga, may mga hamon sa kalusugan, kaligtasan na mahalaga ring isaalang-alang ang ng mga kabataan. Kailangang magkaroon ng mga patakaran at hakbang para sa kaligtasan ng lahat sa pagdaraos ng mga ganitong aktibidad. Ako ay sang ayon na ituloy ang pag daraos na liga sa nalalapit na fiesta dahil ang mga aktibidad na ito ay nagbibigay hindi lamang ng pagkakataon para sa pisikal na aktibidad kundi pati na rin para sa pakikipag-kompitensya, disiplina, at pakikisalamuha sa iba. Kung ang pondo ay maaaring magamit ng mabuti at may magandang pagkakataon para sa malaking pakinabang ng mga kabataan, maaari itong maging dahilan para ituloy ang mga ito
Kung ako ay isang SK chairman, magkakaroon ako ng konsultasyon at pag-
uusap sa mga kabataan at iba pang mga sektor ng barangay upang masuri ang pangangailangan at interes ng komunidad nang sa ganon ay magkaroon tayo ng isang maaliwalas at masayang fiesta.