Professional Documents
Culture Documents
KABANATA II Panahon NG Hapon
KABANATA II Panahon NG Hapon
Kabanata 2
Kasaysayan ng Panulaang
Filipino- Panahon ng mga
Hapon
Gonzalo K. Flores
Ang makatang Pilipino na nakilalang nag-haiku ay si Gonzalo K. Flores na
kilala rin bilang Severino Gerundio, isang avant-gardeng makata noong panahon ng
Hapon.
Ang tanka ay isang anyo ng tulang liriko ng mga Hapones na kilala rin sa tawag
na “waka”. Maikli lamang ang awiting ito. Karaniwang kinakanta ang tanka sa saliw
ng musika. Tulad ng sinaunang anyo ng panitikang Filipino, nasa anyo ito ng salimbibig
o oral at nailimbag na rin nang kalaunan dahil sa pagkakaroon ng teknolohiya sa
paglilimbag.
Madalas na paksain ng tanka ang kagandahan at paglalaho ng kalikasan, pag-
ibig, pagkasawi at mga ugnayan ng mga tao.
BULAKLAK SA KASAL
Makulay ang ramilyete,
Tangan-tangan ng babae.
Sa kasal ay importante,
Daig pa ang diyamante.
KAWAYAN
Naaayon sa kuwento,
Nilalang ay galing dito,
Walang pinto, puro kwarto,
Doble sarado-kandado
.
BAYAN
'Pag palasyo'y pinasok
Ng buwayang niluklok
Sistema'y mabubulok
Baya'y maghihimutok.
KALIKASAN
Sa tikatik na ambon
Umaawit ang dahon,
Sumisilong ang ibon,
Sumasayaw ang alon.
SIPAG
Magsikhay ng mabuti
Sa araw man o gabi
Hindi mamumulubi
Magbubuhay na hari.
TAG-INIT
ni Ildefonso Santos
Alipatong lumapag
Sa lupa nagkabitak,
Sa kahoy nalugayak,
Sa puso naglagablab!
ISIP-KOLONYAL
Ang anyo mo ay sipi,
Nalimot na ang lahi.
Sa dayuha'y natali,
Sarili'y inaglahi.
NILILIYAG
Ang kanyang tinging titig,
Sa sintang iniibig,
Ay luksong malalagkit,
May alab din ng init.
KULTURA
Angkinin natin ito
Yamang gaya ng ginto
Nakawi'y imposible
Iba 'pag kultura e
PAG-IBIG
Balagtas ay sumulat
Hahamakin ang lahat
Masunod ka lamang at
'to'y Pag-ibig na tapat
KAMOTE
Itinanim na binhi,
Lumaki at ngumiti,
Nang hukayi't tagbisi,
Kasinlaki ng binti.
MAKOPA
Kampanilya ni Kaka,
Kulay rosas ang mukha.
Piping tunog ang ngawa,
Makatas 'pag nginuya.
PUSA
Matanda na ang nuno,
Hindi pa naliligo.
Sa tubig nagtatago,
Tinik ang sinusuyo.
SANDOK
Tangkay itong kakaiba,
Ang dahon ay nag-iisa.
Walang ugat, walang sanga,
Kasa-kasama ni Ina.
MAKAHIYA
Nahihiya ang dalaga,
Mukha'y ayaw ipakita.
Nagtatago sa balana,
Sa hipo ay umaalma.
HAPUNAN
Iniluto sa tahuri
Ang isdang napakalaki
Inihain isang gabi
Kasabay ng kanin pati.
KASUY
Amoy nito ay mabango,
Kung mamasda'y malilito,
Ang nakalabas ay buto,
Na para bang nagtatampo
NAGBIBIGAY- ARAL
Mag-ipon sa'yong gusi
Nang ika'y may mahasi.
Pagdating ng tagbisi*
ay 'di ka magsisisi.
IKAW LANG
Dasal ko sa Bathala
Sana’y makapiling ka
Sa luha ko at dusa
Ikaw ang aking sigla.
PASLIT
Maraming mga bagay,
Na sadyang lumalatay,
Isip ko’y walang malay,
Sa hiwaga ng buhay?
ULAN
Nabilanggo sa ulap,
ang tubig ay lumayas
mulang kulungang bulak
ng langit. Nagsitakas!
DAGAT
Sa bughaw nitong pusod,
naroon ang nalunod
na alaala. Sugod
sa lalim ng paglimot!
BUWAN
Mata ng gabi, bakit
mo pa ba sinisilip
kaming nananaginip?
Di ka ba nangangawit?
BULONG
Malumanay ang tawid
ng salitang sinambit
sa tenga. Iyong bibig:
bukal ng aking kilig.
ALAALA
Umaalon sa isip,
kahapong iniihip
ng simoy ng pagkapit.
Sakit, nanunumbalik.
GAYUMA
Tahak ng tingin, tulak
ng sulyap, yakap, lapat
ng titig sa balikat,
hatak pa, kindat, hatak.
DALISAY
Pinong puso, sa isip
nagkikimkim: Ang nais
ay dungis. Hindi linis,
kundi putik sa kinis!
UNANG HALIK
Lumanay ng talulot:
Bukadkad ang pag-irog
na marahang humagod
sa labing di malimot.
PUSOK
Kumpas ng kilig, kabig
ng bibig ang manalig,
ligalig. Sa gilagid,
ang dila, kumakahig
Panulaang Filipino 10 | P a h i n a
Kabanata 2 Kasaysayan ng Panulaang Filipino
KAIBIGAN
ni Emelita Perez Baes
Ang katoto kapag tunay
hindi ngiti ang pang-alay
kundi isang katapatan
ng mataus na pagdamay.
PALAY
ni Ildefonso Santos
Palay siyang matino,
Nang humangi’y yumuko;
Nguni’t muling tumayo
Nagkabunga ng ginto
SANGGOL
ni Emelita Perez Baes
Pag ang sanggol ay ngumiti
nawawala ang pighati,
pag kalong mo’y sumisidhi
ang pangarap na punyagi.
Panulaang Filipino 11 | P a h i n a
Kabanata 2 Kasaysayan ng Panulaang Filipino
HAIKU
Ang haiku ay tulang binubuo ng labinpitong pantig, na may tatlong taludturan;
na ang unang taludtod ay may limang pantig, sa ikalawa ay may pitong pantig, at ang
ikatlong taludtod ay may limang pantig. Ito’y nagtataglay ng talinghaga.
HINDI BULAG
Ang puso’t dibdib
Malagkit kung tumitig
Kung umiibig
TAMEME
Lipad sa ulap
Na sa wari’y kaysarap,
Kapag kaharap.
MOVING ON
Luhang natuyo
Ng sinaktang pagsuyo,
Kusang naglaho.
HANGGANG
Madaling-araw,
Gising kang tinatanaw,
Hanggang pumanaw.
KAHIT GISING
Panaginip ka
Kahit na sa umaga,
Ika’y ligaya.
MAG-INGAT
ni: Haiku Melendez
Maging mautak
Sa daang tinatahak,
Tingnan ang lubak.
‘Pagkat marami
Itong nagkukunwari,
Tila mabuti.
Panulaang Filipino 12 | P a h i n a
Kabanata 2 Kasaysayan ng Panulaang Filipino
Sisirain ka,
Saka sisipsipin pa,
Lakas at sigla!
Kaya’t mag-ingat,
Dapat ay laging mulat,
Huwag lumingat!
Panulaang Filipino 13 | P a h i n a
Kabanata 2 Kasaysayan ng Panulaang Filipino
Gawain
Panulaang Filipino 14 | P a h i n a
Kabanata 2 Kasaysayan ng Panulaang Filipino
Pagtataya
Panulaang Filipino 15 | P a h i n a
Kabanata 2 Kasaysayan ng Panulaang Filipino
Learner’s Feedback Form
Name of Student: ___________________________________________________
Program : ___________________________________________________
Year Level : ___________ Section : ___________
Faculty : ___________________________________________________
Schedule : ___________________________________________________
In what particular portion of this learning packet, you feel that you are struggling or lost?
___________________________________________________________________________
___________________________________________________________________________
___________________________________________________________________________
To further improve this learning packet, what part do you think should be enhanced?
___________________________________________________________________________
___________________________________________________________________________
___________________________________________________________________________
NOTE: This is an essential part of course module. This must be submitted to the subject
teacher (within the 1st week of the class).
Panulaang Filipino 16 | P a h i n a
Kabanata 2 Kasaysayan ng Panulaang Filipino