Professional Documents
Culture Documents
36567
36567
სანახაობები
ბუნება და თავგადასავლები
სასარგებლო ინფორმაცია
მეტი
KA
მევენახეობა-მეღვინეობა
ვაზი და ღვინო ქართველი კაცის საზრუნავია დასაბამიდან. ის მუდამ იყო და არის ხალხის
მატერიალური დოვლათის შექმნის უპირველესი წყაროთაგანი. ქართველმა კაცმა ვაზსა და
ღვინოში ჩააქსოვა მთელი თავისი შინაგანი ბუნება და შემოქმედებითი უნარის
ცხოველმყოფელი ენერგია. ამიტომაც იქცა ვაზის მოვლისა და ღვინის დაყენების ხელოვნება
ჩვენი ერის სულიერი კულტურის დიდ საგანძურად.
ღვინის დაყენების ხელოვნება მოწმობს ერის შინაგანი სულიერი კულტურის მაღალ დონეს,
ვინაიდან ღვინოში, ადამიანი აქსოვს თავის შესაძლებლობებს - უნარს, გემოვნებასა და
კულტურული ტრადიციების მონაპოვარს, რაც მის ერს საუკუნეების განმავლობაში
შემოუნახავს.
საქართველოში ვაზი მუდამ წმინდა, ღვთაებრივ მცენარედ იყო მიჩნეული, ხოლო ღვინოს კი
საკრალური დანიშნულება ჰქონდა.საქართველოში წარმოებული არქეოლოგიური გათხრების
მასალების საფუძველზე, საქართველო მეღვინეობა-მევენახეობის ისტორიული სამშობლოდ
არის აღიარებული.
საქართველოში ნაპოვნია ვაზის უშუალო წინაპარი გარეული ვაზი კრიკინა, რომელიც დღეს
წითელ წიგნშია შეტანილი.
ქართული ვაზის სიყვარული მტრისათვის იმდენად კარგად იყო ცნობილი, რომ არა ერთმა
მტერმა გაანადგურა ვაზი და ძირიანად ამოძიკვა. თემურ ლენგმა თავისი მეხუთე ლაშქრობის
დროს თავის ჯარს ვაზი ამოაძირკვინა, რადგან ეს მთლიანად ერის განადგურებასთან
გააიგივა. ასევე ქართული ღვინო გაჰქონდათ შაჰის კარზე სადაც მას „ედემის სითხეს „
უწოდებდნენ.