Professional Documents
Culture Documents
Fil 8 Research
Fil 8 Research
Kasalukuyan Ng Dauin
INTRODUKSYON
PAGMAMANO
PAGBABAYANIHAN
KONKLUSYON
REKOMENDASYON
Kapansin-pansin na ngayon ang kung paano dahan-dahang nawawala ang mga kaugalian
na ating nakasanayan, ibig sabihin nito’y dahan-dahan na ring nawawala ang mga malalaking
kontribusyon ng ating mga ninuno, kaya sa halip na hayaan natin itong mabaon sa limot,
maghanap tayo ng mga solusyon na makatutulong sa pagpapabalik ng mga kaugalian nating mga
Pilipino ngayon. Kaya magbibigay kami ng limang paraan hinggil sa pagpapahalaga at
pagpapamana ng mga kaugalian ng ating mga ninuno sa kasalukuyan upang mas maunawaan
natin ito ng lubusan. Una ay ang Edukasyon. Mahalaga ang edukasyon tungkol sa mga tradisyon
at kaugalian ng mga ninuno. Ito ay maaaring isama sa mga paaralan upang maipasa ang
kaalaman sa mga kabataan. Maaari ring itaguyod ang mga cultural workshops at seminar.
Pangalawa ay ang pagpapahalaga sa kasaysayan. Dapat nating alagaan ang mga makasaysayang
pook at artefakto na konektado sa ating mga ninuno. dahil ang pagpapahalaga sa kasaysayan ay
nagbibigay-daan sa pag-unawa ng ating mga tradisyon kaugalian at kultura. Pangatlo ay ang
pamana sa pamilya. Ang mga magulang ay maaaring maging mahalagang tagapamana ng
kaugalian at tradisyon sa kanilang mga anak. Ang mga pagkakataon na magkasama ang pamilya
sa pagdiriwang ng mga tradisyon ay mahalaga dahil malaking impluwensiya ang mga magulang
sa kanilang mga anak. Ang pang-apat at panghuli ay ang partisipasyon sa mga pagdiriwang. Ang
aktibong pagsali sa mga kaganapan at pagdiriwang na konektado sa mga tradisyon at kaugalian
ng mga ninuno ay isang paraan upang mapanatili ang pagkakakilanlan at pagpapahalaga sa mga
ito. Sa pamamagitan ng mga hakbang na ito, maaari nating mapanatili at palaganapin ang mga
kaugalian na naipamana ng ating mga ninuno sa kasalukuyan. Ito ay mahalaga para sa
pagkakakilanlan, pagpapahalaga, at pag-unlad ng ating kultura.