Abstrak

Karaniwaang sinasabi ang Bahala na kapag hindi napagpasyahan ang susunod na kurso ng
pagkilos o kapag walang ideya kung ano ang susunod na mangyayari, Sinasabi nila ang pariralang ito na
parang lahat ng nais nila ay sumama sa daloy, hindi iniisip kung ano ang maaring mangyayari. Marahil, ang
ekspresyon na maaring isaalang-alang bilang pinakamalapit sa kahulugan batay sa karaniwang sinsabi sa
itaas ay ang pariralang espanyol: que sera sera, na nangangahulugang “anuman ang mangyayari, mangyayari
(Aleah, 2013). Ang pag-aaral na ito ay tumatalakay sa Paggalugad ng Pilosopiya ng mga mag-aaral ng Bahala
na: Isang phenomenological na pag-aaral. Ang layunin ng pananaliksik na ito ay upang malaman kung bakit
ang pilosopiya ng bahala na ay kadalasang ginagamit ng mga mag-aaral. Limang estiudyante ang tumugon at
naging kalahok na kung saan ay isinagawa sa Del Monte, Zamboanga Sibugay. Ang mananaliksik ay
gumagamit ng impormal na pakikipanayam at pagtatanong-tanong upang higit na matalakay ang bahala na
ayon sa kamalayan ng mag-aaral. Ang sinabing pananaliksik ay sumasailalim sa qualitative method at
ginamitan ng non-probability sampling technique, Ayon sa resulta, ang mga mag-aaral na nagpapahayag ng
pilosopiyang bahala na ay may kakikitaan ng ilang mga suliranin. Ang mga pangyayaring ito ay sinuri sa
kawalan ng pokus, nahuhuli, o naantala sa kanilang aralin at limitado ang oras sa paggawa ng gawain. Ang
mga resulta pagkatapos umasa sa pilosopiyang bahala na ay kinabibilangan ng underachiever, positibong
pagpatibay o positibong pananaw sa buhay at punctual o ipanasa sa tamang oras ngunit ang kalidad ng
sagot ay hindi garantisado. Natuklasan na ang “bahala na” ay naglalarawan ng isang kumplikadong timpla ng
mga saloobin, paniniwala, at mekanismo ng pagharap ng ginagamit ng mga mag-aaral sa iba’t ibang
sitwasyon sa buhay. Ito ay kumakatawan sa isang mindset ng pagsuko sa kapalaran, pagtitiwala sa isang mas
mataas na kapangyarihan, at pagyakap sa kawalan ng katiyakan. Ang rekomendasyon para mabigyang gabay
ang mga guro sa pag-uugali ng mga mag-aaral ay hikayatin ang isang bukas at tapat na pag-uusap sa bawat
mag-aaral, tulungan silang bumuo ng isang ugali ng pag-iisip ng mga bagay-bagay bago gumawa ng mga
desisyon, at gabayan ang mga mag-aaral sa pagtakda ng makatotohanang mga layunin at paglikha ng mga
plano sa pagkilos upang makamit ang mga ito.