Sa araw na ito ay, may bago na namang binigay gawain
na gawain si Gng. Lumucso sa amin. Ang pagbasa at paggawa ng sanaysay. Iniulat din ng aking kaklase kung ano ba ang sanaysay kaya naman ay mayroon na akong kaalaman kung ano ito. Dahil hindi naman ganoon kahirap ay nagawa ko ito sapagkat hindi naman ako nahihirapang mag-Filipino dahil mas sanay akong sabihin ito. Maraming mga katangian ang sanaysay na kinakailangan mong alamin para magawa mo ito nang maayos. Sa sanysany, madali man gawin ngunit kinakailangan ito ng isang malawak na kaalaman dahil hindi lang ito basta-basta gawin. Gusto ko talaga ang paggawa ng sanaysay lalo na kung ang paksa ay gusto ko rin. Kung papipiliin ako sa pagkalkula ba o paggawa ng sanaysay, mas pipiliin ko talaga ang sanaysay sapagkat gustong-gusto kong ilabas o ipadama ang aking nararamdaman sa pamamagitan ng sanaysay. Naibabahagi ko rin ang aking kaalaman sa pamamagitan ng pagsusulat ng sanaysay.
March 01, 2024
Pagsulat at Pagbigkas ng Tula Mahalin niyo ang inyong ina! Sa araw na ito, may binigay na gawain sa amin si Gng. Lumucso. Ang pagsulat ng tula sa iyong minamahal na ina. Akala ko ay simple lang ang tula na ang kailangan lang ay dapat magkatugma. Ako'y nagkamali sapagkat mayroon pa lang iba't-ibang klase ng tula. Ang aking natatandaan ay ang tradisyunal at ang makabago. Ang tulang aking ginawa ay may tugma ngunit walang sukat. Palagay ko'y hindi ko naiangkop ang aking tula sa isa sa tatlong anyo ng tula sapagkat wala sa isa sa kanila ang tulang ginawa ko. Ngayong araw ay nalaman kong may mga anyo pala ang tula. Akala ko'y simple lang ito basta't tugma ang iyong mga salita. Nagustuhan ko talaga ito sapagkat mahilig talaga akong gumawa ng tula lalo na kung lahat ng salita ay magkatugma dahil ito ang isa sa paborito kong gawin. Lalo ko pa itong nagustuhan dahil ang tula ay para sa ina.