Sa kasalukuyang umuusbong na lipunan, ang konsepto mga relasyon bago ang kasal ay unti-

unting nagiging usapin. Ang konsepto ng pre-marital sex, na minsang itinuring ng iba't ibang
paniniwala, kultura, o relihiyon, bilang kasalanan/bawal, ay nagiging isang umuusbong na
talakayan sa mga tao—lalo na ang mga kabataan. Ang pag-iwas sa pre-marital sex ay
naiimpluwensyahan ng relihiyon, kultura, at lalo na ng societal norms at standards na tinitingnan
ang sex bilang isang hindi naaangkop na paksa para sa mga young adults, na nagdudulot ng
negatibong pananaw sa pre-marital sex. Gayunpaman, ang salitang "pre-marital" ay hindi lamang
kasama ang mga kabataan kundi pati na rin ang mga taong may edad na 18 pataas na hindi pa
kasal. Ang mga mag-asawang mula 18-29 na nasa labas pa rin ng kasal ay tinitingnan ang sex
bilang isang anyo ng pagpapalagayang-loob at gayundin isang pagkilos na maaaring bumuo ng
mas matibay na ugnayan at koneksyon sa pagitan nila, at hindi dapat limitado sa mga mag-asawa
lamang. Katuwiran nila ay dapat maging komportable tungkol sa kanilang buhay sa sex at hindi
kontrolado ng mga pamantayan ng lipunan.

Ayon sa Young Adults Fertility and Sexuality Study (YAFS-II), hindi bababa sa 52% ng mga
babaeng may asawa ang nakipagtalik bago ang kasal, at sa mga kasal na respondent, 57% ng
mga lalaki at 51% ng mga kababaihan ang nag-ulat na nakipagtalik sa kanilang asawa bago kasal
. Bagama't, ang pre-marital sex ay may kasamang ilang panganib, tulad ng hindi gustong
pagbubuntis at pagkalat ng mga STI (Sexually Transmitted Infections), madali itong maiiwasan
sa pamamagitan ng paggamit ng wastong proteksyon at pag-iingat na kinabibilangan ng
paggamit ng condom, contraceptive, at birth control pills. Bukod dito, ang pakikipagtalik ay
naging isang umuusbong na paksa sa henerasyong ito, malaki ang posibilidad na malantad dito
ang mga kabataan. Para sa kadahilanang ito, sapagkat dumadaan sila sa mga pisikal na
pagbabago, may mataas na posibilidad na maging mausisa tungkol sa kanilang mga sekswal na
pagnanasa; kaya, hindi ito maiiwasan ngunit maaari itong kontrolin. Iyon ang dahilan kung bakit
ang pagpapalakas ng integrasyon ng Sex Education sa kurikulum ng paaralan ay makakatulong
sa mga mausisa na teenagers sa mga panganib at pag-iingat sa pagkakaroon ng pre-marital sex, at
mas mainam na makisali sa mga sekswal na aktibidad kapag sila ay umabot sa mas mature na
edad. Ang pagtuturo sa mga kabataan kung paano ang pakikipagtalik ay dapat magsama ng mga
pag-iingat, at dapat gawin sa tamang paraan, ay nagbabawas sa negatibong konotasyon na
idinadawit sa salitang "pre-marital sex".