Dokumentaryong Pampelikula

Anumang bagay na ating nakikita, napakikinggan at napanonood ay may malaking impluwensiya

sa ating mga kaisipan, gawi at pananaw sa buhay. Marahil ay lubos kang kumbinsido at
naniniwala sa mga pahayag na ito, lalo na’t kung ang ating mga pinanonood ay yaong
makabuluhan at maiuugnay sa ating pangaraw-araw na pamumuhay. Ilan sa mga ito ay ang mga
dokumentaryong pampelikula na ating napapanood.

Ang pelikula, kilala din bilang sine at pinilakang tabing, ay isang larangan na sinasakop ang
mga gumagalaw na larawan bilang isang anyo ng sining o bilang bahagi ng industriya ng
libangan. Samanatalang ang Dokumentaryo ay tungkol sa katotohanan at realidad na pangyayari
sa buhay at sa lipunan.Karaniwang nakatuon ito sa kahirapan at korapsyon, problema sa
edukasyon at suliraning pang-ekonomiya at sa mga katiwalian.
Ngayong nalaman mo na ang kahulugan nito, halina’t tunghayan naman natin ang :

KALIGIRANG PANGKASAYSAYAN NG DOKUMENTARYONG PAMPELIKULA

 Nagsimula ang dokumentaryong pampelikula noong unang taong 1900.

Pangunahing inilalarawan dito ay ang pagkuha ng iba’t ibang mga eksena sa anumang gawain ng
mga tao sa araw-araw.

 Inilalarawan bilang “aktuwal na tanawin o eksena.”

Katulad din ito ng ibang dokumentaryo gaya ng”travelogue”, “newsreel tradition”, at
“cinema truth.”
 Naging”wartime propaganda”, “ethnographic film”at naging inspirasyon din upang
makamit ang maraming tagumpay noon.

Sa pamamagitan ng “Cinema Vertile” (salitang French) na nangangahulugan film truth o

pelikulang totoo mas naging makatotohanan, mabisa at makabuluhan ang isang dokumentaryo.

MGA ELEMENTO NG DOKUMENTARYONG PAMPELIKULA

1. Sequence iskrip – Tumutukoy sa pagkakasunod-sunod ng mga pangyayari ng kuwento sa

pelikula. Dito makikita ang layunin ng kuwento.
 2. Sinematograpiya – Paraan ng pagkuha ng wastong anggulo upang maipakita sa
mga manonood ang pangyayari sa bisa ng ilaw at lente ng kamera.

3. Tunog at musika – Pagpapalutang ng bawat tagpo at pagpapasidhi ng ugnayan ng tunog at

linya ng mga dayalogo. Pinupukaw ang interes at damdamin ng mga manonood.

IBA PANG ELEMENTO…

a. Pananaliksik o riserts – Mahalagang sangkap sa pagbuo at paglikha ng dokumentaryo dahil

sa pamamagitan nito ay naihaharap nang mahusay at makatotohanan ang mga detalye ng palabas.
b. Disenyong pamproduksyon – Nagpapanatili sa kaangkupan ng lugar, eksena, pananamit at
sitwasyon para sa masining na paglalahad ng masining na biswal na pagkukuwento.

c. Pagdidirehe – Mga pamamaraan

at diskarte ng direktor sa pagpapatakbo
ng kuwento sa pelikula.

d. pag-eedit- Ito ay pagpuputol, pagdurugtong-dugtong muli ng mga tagpo upang tayain kung
alin ang hindi na nararapat isama ngunit di makaaapekto sa kabuuan ng istorya ng pelikula dahil
may laang oras/panahon ang isang pelikula.