SEMI-DETAILED LESSON PLAN

Grade Level: Baitang 5

I. Layunin:
 Nasusuri ang nilalman ng isang akda batay sa paksa, tauhan at paraan ng pagkakasulat
 Nakasusulat ng isang ankedota gamit ang diskursong pagsasalaysay
II. Paksang aralin:
Diskursong Pagsasalaysay gamit ang anekdotang “Ang Tsinelas ni Jose Rizal”
Reference/s:
Guerrero, P., & Laxina, T., et al (2014). Kayumanggi. Imus, Cavite, Leo- Ross
Publications.

Materials:
Laptop, Whiteboard Marker, Whiteboard, Projector, Paper
III.Pamamaraan:
A. Panimulang gawain:
1. Balik aral:
1. Gaano kahalaga ang paggamit ng pandiwa?
2. Ano ang Mitolohiya at ang kahalagahan nito?

2. Motibaasyon:
Panuto: Habang nagpapatugtog ng isang kanta, mag-isip ng isang nakakatuwang
pangyayari sa iyong buhay. kung kanino mahinto ang tugtugin, siya ang magbabahagi ng
kwento sa loob ng klase.

B. Pagtalakay:
 1. Ano ang Anekdota?

C. Abstraction:
Panuto: Basahin at unawain
Ang Tsinelas -Anekdota ni Jose Rizal

Maganda ang dagat at ang ilog sa aming bayan sa Laguna. Bughaw na may halong luntian kapag
walang sigwa. Ang tubig sa wawa ay napapaligiran ng mga kawayang sumasayaw na tila
umiindak kapag nahihipan ng hangin. Ang mga bangkang may layag ay parang mga paru-parong
puti na naghahabulan. Ang bangka ay karaniwang gawa sa kahoy na inukit sa matibay na kahoy
na nakukuha sa aming gubat. Kung minsan ito ay may dalawang katig na gawa sa matitibay at
mahabang kawayan upang ang bangka ay hindi gumiwang kapag ito ay nakatigil sa tubig.

Karamihan sa gamit nito ay pangingisda nguni't sa aming lalawigan, ang ay ginagamit namin sa
paglalakbay lalo na sa pagtawid sa ibayo ng dagat. Mas mabilis ito kaysa gumamit ng kalabaw o
ng karetela. Naalala ko pa noon kasalukuyang kaming nakasakay sa bangka nang humulagpos
 ang isa kong tsinelas. Ang tsinelas ay ang gamit namin sa pagpasok at pagpunta sa mga lakaran
kung saan ang bakya na gawa sa kahoy ay hindi nararapat. Mabilis itong inanod sa tubig bago ko
nahabol para kunin. Malungkot ako dahil iniisip ko ang aking ina na magagalit dahil sa
pagkawala ng aking tsinelas. Tiningnan ako ng nagsasagwan nang kinuha ko ang aking isa pang
tsinelas at dali dali kong itinapon sa dagat, kasama ang dasal na mahabol nito ang kapares na
tsinelas.

"Bakit mo itinapon ang iyong isa pang tsinelas?" tanong sa akin ng kasamahan ko sa bangka.

"Isang tsinelas ang nawala sa akin at walang silbi sa makakakita. Ang isang tsinelas na nasa akin
ay wala ring silbi sa akin. Kung sino man ang makakuha ng pares ng tsinelas ay magagamit niya
ito sa kaniyang paglakad.

Napatingin ulit sa akin ang mama. Marahil naunawaan niya ang isang batang katulad ko.

2. Bakit itinapon ni Rizal ang isa niya pang tsinelas?

3. Bakit madaling makuha ang aral sa anekdota?
4. Bakit kawili-wili itong basahin?
 D. Paglalahad:
1. Individual Guided Activity:
Panuto: Punan ang mga hinihinging impormasyon sa gamit ang tsart sa ibaba.
ANEKDOTA
Paksa

Layunin

Paraan ng Pagkakasulat

Nilalaman

2. Group Differentiated Task:

Panuto: Bumuo ng apat na pangkat. Gumawa ng isang islogan tungkol sa magagandang
ibubunga ng pagkakaroon ng magandang pananaw at masayang buhay. At ipresenta ito sa
klase.
Rubriks
Nilalaman: 25%
Pagkamalikhain: 25%
Mensahe: 50%

IV. Pagpapahalaga:
 Panuto: Sumulat ng isang talatang nagsasalaysay tungkol sa isang katawa-tawang
pangyayaring naibahagi sa iyo ng isang kaibigan. Isulat ito sa ½ crosswise at ipasa sa
loob ng 10 minuto.
V. Takdang aralin:
Panuto: Magsalaysay ng isang anedota batay sa sariling karanasan o pangyayaring
nasaksihan. Isaalang-alang ang mga sumusunod. I presenta ito sa loob ng klase
kinabukasan.
1. Maayos na pagkakasunod-sunod ng mga pangyayari
2. Malikhain
3. Masining
4. Maikli
5. Napupukaw ang interes ng mambabasa