buhay sa pangungusap dahil nagsasaad ito ng kilos o galaw ng isang tao, hayop, o bagay. Matatagpuan sa panaguri ng pangungusap. Ang mga pandiwa ay binubuo ng salitang- ugat at mga panlapi. Aspekto ng Pandiwa Ang aspekto ng pandiwa ay nagpapakita kung kailan nangyari, nangyayari, o ipagpapatuloy pa ang kilos. Mga Aspekto ng Pandiwa 1.Perpektibo
Ito’y nagsasaad ng kilos
na natapos na o naganap na. 2.Imperpektibo Ang kilos ay nasimulan na ngunit di pa natatapos o kasalukuyang ginagawa. 3. Kontemplatibo Ang kilos ay hindi pa nasisimulan, ito’y gaganapin pa lamang. Uri ng Pandiwa 1. Palipat o Transitive Ang uri ng pandiwang ito ay nangangailangan ng tuwirang layon na tatanggap sa kilos upang mabuo ang kaisipang nais nitong ipahayag. Ang tuwirang layon ay ang bagay na tumatanggap sa aksiyon at ang sagot sa, “(pandiwa) ng ano?” Hal. Si James ay naglalaro ng baraha. 2. Katawanin o Intransitive Hindi na ito nangangailangan ng tuwirang layon na tatanggap ng kilos dahil ito ay ganap o buo na ang diwang ipinahahayag at nakatatayo na itong mag- isa. Hal. Si James ay naglalaro tuwing umaga. Pokus ng Pandiwa Ang pokus ay ang relasyon ng pandiwa sa paksa. 1. Pokus sa Tagaganap o Aktor Kapag ang simuno o paksa ang gumaganap ng kilos sa pangungusap. 2. Pokus sa Layon Kung ang layon ay ang paksa o ang binibigyang diin sa pangungusap. 3. Pokus sa Ganapan o Lugar
kung ang paksa o pokus ng
pangungusap ay ang lugar o pinangyarihan ng kilos. 4. Pokus sa Tagatanggap
kung ang pinaglaanan ng kilos
ang siyang pokus ng pangungusap. 5. Pokus ng Gamit - kung ang pokus ay ang kagamitang ginamit sa kilos. 6. Pokus sa sanhi kung ang pokus ay ang sanhi o dahilan ng kilos. 7. Pokus sa Direksyon - kung ang paksa ay nagsasaad ng direksyon ng kilos ng pandiwa Kaganapan ng Pandiwa Ang kaganapan ay ang relasyon ng pandiwa sa panaguri ng pangungusap. 1. KAGANAPANG TAGAGANAP Ito ang bahagi ng panaguri na gumaganap ng kilos ng pandiwa. Ang pananda na ginagamit dito ay ni at ng. Halimbawa: Kinakausap ni Itay ang batang makulit. 2. KAGANAPANG LAYON Bahagi ito ng panaguri na nagsasaad ng bagay o mga bagay na tinutukoy ng pandiwa. Halimbawa: Tumanggap ng parangal ang ale. 3. KAGANAPANG TAGATANGGAP Bahagi ito ng panaguri na nagpapahayag kung sino ang tumatanggap ng kilos ng pandiwa. Ang panandang para sa ang kalimitang ginagamit dito. Halimbawa: Nagtatrabaho ang mga magulang para sa kanilang mga anak. 4. KAGANAPANG GANAPAN Bahagi ito ng panaguri na nagsasaad ng lugar na ginaganapan ng kilos ng pandiwa. Panandang sa ang ginagamit dito. Halimbawa: Naglalako siya sa lansangan ng mga kakanin. 5. KAGANAPANG KAGAMITAN Nagsasaad ang bahaging ito ng panaguri ng bagay o instrumentong ginagamit upang maisagawa ang kilos ng pandiwa. Ginagamit ang panandang sa pamamagitan ng sa bahaging ito. Halimbawa: Nagbigti siya sa pamamagitan ng isang matibay na kumot. 6. KAGANAPANG SANHI Ang bahaging ito ng panaguri ay nagsasaad ng dahilan ng pagkakaganap ng kilos ng pandiwa. Ginagamit na pananda ang pariralang dahil sa. Halimbawa: Napaiyak si Jose dahil sa matinding pagkadismaya . 7. KAGANAPANG DIREKSYUNAL Ang bahaging ito ng panaguri na nagtuturo sa direksyon ng kilos na taglay ng pandiwa. Ginagamit na pananda ang pang-ukol na sa. Halimbawa: Ang mga pagkain ay inilagay sa ilalim ng aparador. Salamat!!!!!