nagbibigay-turing sa isang pandiwa, pang- uri, at kapwa pang- abay. PAMANAHON. Nagsasaad ng panahon kung kailan ginawa ang kilos ng pandiwa. Sumasagot sa tanong na kailan. HALIMBAWA: Ang templo ng Vishnu sa Lungsod ng Tirupathi ay binuo noon pang ikasampung siglo. PANLUNAN. Nagsasaad ng pook, lunan, o lugar na pinangyarihan ng kilos. Sumasagot sa tanong na saan at nasaan. HALIMBAWA: Sa India matatagpuan ang pinakamatandang sibilisasyon. PAMARAAN. Nagsasaad kung paano ginaganap ang kilos na sumasagot sa tanong na paano. HALIMBAWA: Masigasig na nakilahok sa pagdiriwang ang 60 milyong taong dumalo sa Kumbh Mela. PANG-AGAM. Nagsasaad ito ng pag-aalinlangan o kawalang katiyakan. HALIMBAWA: Marahil naging mahirap humanap ng matutuluyan noon. INGKLITIK. Kataga sa Filipino na karaniwang nakikita pagkatapos ng unang salita sa pangungusap. Ito ay man, kasi, sana, nang, kaya, yata, tuloy, lamang/lang, din/rin, ba, pa, muna, pala, na, naman, at daw/raw. HALIMBAWA: Ito na raw ang pinakamalaking pagdiriwang sa buong mundo. BENEPAKTIBO. Nagsasaad ng benepisyo para sa isang tao. karaniwang binubuo ng pariralang pinangungunahan ng para sa. HALIMBAWA: Ang anim na milyong dolyar na nakokolekta araw-araw ay ginagamit para sa mga pangangailangan ng templo. KAWSATIBO. Nagsasaad ng dahilan ng pagganap sa kilos ng pandiwa. Pinangungunahan ng dahil sa. HALIMBAWA: Dahil sa Indian Railways ay nabigyang- hanapbuhay ang maraming tao sa India. KONDISYONAL. Nagsasaad ng kondisyon para maganap ang kilos na isinasaad ng pandiwa. Pinangungunahan ng kung, kapag, at pagka. HALIMBAWA: Maging maunlad ang isang bayan kung susuporta ang mga taumbayan. PANANG-AYON. Nagsasaad ng pagsang-ayon. Opo, oo, tunay, talaga, totoo, sadya at iba pa. HALIMBAWA: Tunay na malaki ang kontribusyon ng India sa sibilisasyon ng mundo. PANANGGI. Nagsasaad ng pagtanggi. Hindi/di at ayaw. HALIMBAWA: Hindi kailanman sumakop ng kahit na anong bansa ang India sa kanyang 100,000 taong kasaysayan. PANGGAANO. Nagsasaad ng sukat o timbang. HALIMBAWA: Nanatili nang limanlibong taon ang yoga sa India.