• Ang pictorial essay ay isang sulatin kung saan higit na nakararami ang larawan kaysa sa salita o panulat. May mga pagkakataong nakaugnay ito sa isang lakbay-sanaysay lalo na’t karamihan ng lakbay sanaysay ay may kasamang larawan. Ayon kay Amit Kalantri, isang nobelistang Indian, “A photograph shouldn’t be just a picture, it should be a philosophy” • May katotohanan nga naman, ang litrato ay isang larawan sa pisikal na anyo. Subalit, ito ay may katumbas na sanlibong salita na maaaring magpahayag ng mga natatagong kaisipan. Kaya naman, kahanga-hanga ang mahuhusay kumuha ng mga larawan dahil higit nila itong nabibigyang-buhay. 1. Ang larawan ay mahalagang kagamitan para sa isang guro dahil ito ay madalas niyang gamiting pantulong na kagamitan sa pagtuturo upang mapadali ang pagkatuto ng mag-aaral. Kaya naman, hindi nakapagtatakang ang mga larawan ay gamitin din bilang mga instrumento sa mga gawaing pagsulat tulad ng photo essay o larawang-sanaysay. 2. Larawang-sanaysay na tinatawag sa Ingles na pictorial essay o kaya ay photo essay na para sa iba ay mga tinipong larawan na isinaayos nang may wastong pagkakasunod-sunod ng mga pangyayari upang maglahad ng isang konsepto 3. Ang larawang-sanaysay ay gaya rin ng iba pang uri ng sanaysay na gumagamit ng mga pamamaraan sa pagsasalaysay. Sa pagsasalaysay, maaaring gamitin mismo ang mga binuong larawan o dili kaya’y mga larawang may maiikling teksto o caption. Malaki ang naitutulong ng larawang may teksto sapagkat nakatutulong ang mga ito sa mga ideya kaisipang ipinakikita ng larawan. 4. Ang mahalagang katangian ng larawang- sanaysay ay ang mismong paggamit ng larawan sa pagsasalaysay. Layunin nitong magbigay ng kasiyahan o aliw sa taong gumagawa ng salaysay, magbigay ng mahalagang impormasyon, at malinang ang pagiging malikhain. 5. Makapagsasalaysay dito sa pamamagitan ng mga larawang may kronolohikal na ayos. Ibig sabihin, isinasalaysay ang mga pangyayari ayon sa wastong pagkakasunod- sunod ng larawan. Kung pangkalahatang kaisipan lamang ng pangyayari ay maaari nang gamitin ang isang larawang may natatanging dating. Ibig sabihin, sa isang kuhang larawan ay naroon na ang lahat- lahat ng mga ideya. 6. Gayumpaman, nakasalalay pa rin sa husay at pagiging maiikhain ng isang tao ang paggamit ng mga larawan sa paggawa ng sanaysay dahil nakabatay rito kung paano pag-uugnay-ugnayin ang mga larawan ayon sa kanyang mga naiisip na ideya. Ang mahalaga,kailangang malinaw ang mensahe ng gagawing larawang- sanaysay. Sa pagsulat ng pictorial essay dapat lamang tandaan ang sumusunod:
1. Ang paglalagay ng larawan ay dapat na
isinaayos o pinag-isipang mabuti sapagkat ito ang magpapakita ng kabuoan ng kuwento o kaisipang nais ipahayag. 2. Ang mga nakatalang sulat o katitkan sa bawat larawan at suporta lamang sa mga larawam kaya’t hindi ito kinakailangang napakahaba o napakaikli. Kailangang makatutulong sa pag-unawa at makapukaw sa interes ng magbabasa o titingin ang mga katitikang isusulat dito. 3. May isang paksang nais bigyang-diin sa mga larawan kaya’t hindi maaring maglagay ng mga larawang may ibang kaisipan o lihis sa paksang nais bigyang- diin. Kailangang maipakita sa kabuoan ang layunin ng pagsulat o paggawa ng pictorial essay. 4. Isipin ang mga manonood o titingin ng iyong photo essay kun ito ba ay mga bata, kabataan, propesyonal, o masa upang maibatay sa kanilang kaisipan at interes ang mga larawang ilalagay gayundin ang mga salitang gagamitin sa pagsulat ng mga caption.
Narito ang mga dapat mong isaalang- alang sa pagsulat ng larawang- sanaysay:
1.Pumili ng paksa ayon sa iyong interes.
2.Magsagawa ng pananaliksik sa iyong
paksang gagawin.
3. Isaalang-alang ang kawilihan at uri ng iyong
mambabasa. 4.Tandaan na ang isang istoryang nakatuon sa mga pagpapahalaga o emosyon ay madaling nakapupukaw sa damdamin ng mambabasa. 5.Kung nahihirapan ka sa pagsusunod- sunod ng pangyayari gamit ang larawan, mabuting sumulat ka muna ng kuwento at ibatay rito ang mga larawan. 6. Tandaan na higit na dapat mangibabaw ang larawan kaysa sa mga salita.
7. Palaging tandaan na ang larawang-
sanaysay ay nagpapahayag ng kronolohikal na salaysay, isang ideya, at isang panig ng isyu. 8. Siguraduhin ang kaisahan ng mga larawan ayon sa framing, komposisyon, kulay, at pag- iilaw. Kung minsan, mas matingkad ang kulay at matindi ang contrast ng ilang larawan kompara sa iba dahil sa pagbabago ng damdamin na isinasaad nito. Narito ang isang halimbawa ng pictorial essay: 1. Napakasarap sa pakiramdam ang makatulong ka sa nangangailangan o maging isang tulay para makatulong sa mga ito.
2.Sila ay mga badjao na naninirahan sa De Mesa isang lugar sa Dalahican. Ang mga badjao na ito ay nabigyan ng pagkakataon na mag-aral at maturuan kung paano maging malinis sa pangangatawan pati na rin sa kapaligiran. 3. Sa tulong ng organisasyon na Payatas Orione Foundation Inc. o PAOFI at Team Energy Foundation ay tuwing pasukan tulad ng ibang kabataan na tagalog ang mga badjao ay meron ding bagong mga gamit pang-eskuwela at uniform kasama na ang sapatos. 4. Araw-araw tuwing umaga o tanghalian ay hinahatidan ng pagkain ang mga badjao na ito ng isa sa mga volunteer ng tinatawag na organisasyon. Ang mga batang badjao na ito ay nasa ilalim ng feeding para tumaas ang timbang at hindi maging malnourished. 5. Pag minsan naman sa loob ng isa o dalwang buwan ay nagkakaroon ng medical at dental mission sa pangunguna ng PAOFI para mabigyan ng gamot o macheck-up ang mga badjao na may karamdaman.