Professional Documents
Culture Documents
DEFENSE
(MGA DAPAT TANDAAN SA PAGSULAT NG KABANATA 1 AT 2)
PAGBASA AT PAGSUSURI NG IBA’T IBANG TEKSTO TUNGO SA PANANALIKSIK
HUMSS/ABM/PROG-ROB
KABANATA 1
Ang Suliranin at Saligan ng Pag-aaral
Kinapapalooban ng mga pinakaahahalagang bahagi
ng pananaliksik ang unang kabanata (Suliranin at
Saligan ng Pag-aaral) sapagkat sa bahaging ito at
matunghayan ang mga batayan sa paggalugad ng
kaalaman sa ninanais na gawan ng pananaliksik.
Matatagpuan sa kabanatang ito ang sumusunod:
PANIMULA
Binibigyang-linaw ng panimula ang mga katanungang
maaaring gumugulo sa isipan ng mga mambabasa sa
isinasagawang pananaliksik sapagkat nilalaman nito
ang maiksing pagpapakilala sa makrong dulog o
malawakang pagtingin. Ipinapakita rin nito ang haylayt
ng mga pinagbatayang literatura’t pananaliksik na
nagsilbing hanguan ng suliranin ng pag-aaral.
PANIMULA
Hangga’t maaari ay nasa isa hanggang dalawang pahina
lamang ang panimula (depende sa kahirapan o paksa
ng pananaliksik), gumamit ng mga napapanahong datos
at istadistika. Wakasan ang pagpapahayag sa seksiyong
ito sa pamamagitan ng pagbibigay-linaw sa layunin ng
pag-aaral.
KALIGIRANG KASAYSAYAN NG PAG-
AARAL
Nagiging karaniwang kamalian ng mga sumusulat ng
seksiyong ito ang paglalagay ng mga kasaysayan ng
institusyon o paksang ginagawan ng pag-aaral.
KALIGIRANG KASAYSAYAN NG PAG-AARAL
Dapat na inihahayag sa bahaging ito ang kaligiran at
saklaw ng pag-aaral upang makapagpakita ng malinaw
na dahilan na ang paksang pinag-aaralan ay
katanggap-tanggap na isagawa o isakatuparan.
Naghahatid ito ng kaalaman sa mga mambabasa kung
saan ipinokus ng mananaliksik ang paksa at nagbibigay
limitasyon sa salik ng paksang inaaral. Detalyado ring
ipinaliliwanag sa bahaging ito ang mga dahilan kung
bakit napakahalaga ng paksa ng pag-aaral.
BATAYANG TEORETIKAL
Inilalarawan at ipinaliliwanag ng bahaging ito ang mga
teoryang pinagbatayan ng isinasagawang
pananaliksik/pag-aaral na kinuha mula sa mga
kaugnay na pag-aaral o literatura. Binibigyang-linaw
din sa bahaging ito ang relasyon sa pagitan ng mga
pangunahing baryabol ng teorya/mga teorya. Kung may
figyur o modelo ng teoryang ginamit, kinakailangan
itong mailahad nang maayos at maipakita sa
pananaliksik.
BALANGKAS KONSEPTUWAL
Binibigyang-linaw ng bahaging ito ang mga elemento ng
pinaghanguang teorya na ginamit sa pag-aaral.
Matatagpuan din sa bahaging ito ang mga dayagram o
paradaym na siyang nagpapakita kung paano nabuo o
binuo ang isinasagawang pag-aaral. Kinakailangang
maihayag nang wasto at maipakita ang pagkakaugnay-
ugnay ng bawat bahagi ng dayagram o paradaym.
PAGLALAHAD NG SULIRANIN
Pinakapuso at utak ng isang pananaliksik ang
bahaging ito ng pag-aaral. Nilalaman nito ang mga
katanungang pampananaliksik. Ito rin ang
nagsisilbing pinakapamagat ng pag-aaral o
pananaliksik. Sumasagot ito sa mga katanungang
“Ano, Sino, Saan at Kailan”.
PAGLALAHAD NG SULIRANIN
Pagkaminsan ay hindi na nakikita sa paglalahad ng
suliranin ang huling dalawang bahagi (saan at
kailan), ang mga ito ay inilalagay na lamang sa
saklaw at hanggganan ng pag-aaral.
HIPOTESIS o ASUMPSYON
Inilalahad ng mga bahaging ito ang mga teorya ng
mga kaugnay na literatura at pag-aaral na maaaring
pinatotohanan o pinasubalian ng kasalukuyang
isinasagawang pag-aaral o pananaliksik.
HIPOTESIS o ASUMPSYON
Sa pangkalahatang tingin ang Hipotesis at Asumsyon
ay mga paniniwala sa panig ng mananaliksik na
maaaring kahinatnan ng kanyang isinasagawang
pag-aaral.
KAHALAGAHAN NG PAG-AARAL
Ano ba ang magiging silbi ng isinasagawang
pananaliksik sa larangan na kinabibilangan nito?
Kinakailangang mailahad sa bahaging ito ang mga
matitinding batayan kung ano ang magiging ambag
ng isinasagawang pananaliksik sa paksa o larang na
kinabibilangan o sa iba pang sektor na may
kaugnayan ito.
KAHALAGAHAN NG PAG-AARAL
Kailangan ding maging ispesipiko sa mga teoretikal at
praktikal na konseptong maiaambag ng mga
tinatayang matutuklasan ng isinasagawang
pananaliksik.
KAHALAGAHAN NG PAG-AARAL
Sino ba ang maaaring makinabang sa isinasagawang
pananaliksik at ano ang maaaring pakinabang nito
sa kanila? Dapat na ilahad ang mga tao o
organisasyon na direkta o di-direktang makikinabang
sa isinasagawang pananaliksik at anong pakinabang
ang maaaring idulot nito sa kanila.
KAHALAGAHAN NG PAG-AARAL
Halimbawa: Sa mga guro, mag-aaral, paaralan, at iba
pang organisasyon may kaugnayan sa isinasagawang
pananaliksik.
-Binibining Rhea
Emilio Aguinaldo College – Manila
Senior High School Department