ST.ELIZABETH GLOBAL SKILLS INSTITUTE, INC.

Km. 131 Esguerra Dist., Maharlika Highway, Talavera, Nueva Ecija

METODOLOGY AT PANANALIKSIK SA WIKANG FILIPINO

Code and Descriptive Title
2ND Semester S.Y. 2020-2021

MODULE 7
INAASAHANG MATUTUHAN:
Pagkatapos ng araling ito, inaasahang maisasagawa ng mga mag-aaral ang sumusunod:
1. Natutukoy ang kahulugan ng teorya at/o konsepto;
2. Napag-iiba-iba ang teoretikal sa konseptong balangkas;
3. Nakikilala kung ang balangkas ay teorya o konsepto; at
4. Nakagagawa ng teoretikal at/o konseptong balangkas.

PAGHAHANDA NG TEORETIKAL AT KONSEPTONG BALANGKAS

Bahagi ng paghahanda mo ng panimula ang paghahanda ng teoretikal o konseptwal na
balangkas dahil ito ang magiging gabay o blueprint na dapat mong sundin sa pagsasagawa mo ng
pananaliksik. Gaya ng pagtatayo ng gusali sa mga inhinyero, kailangan nila ang paghahanda ng
blueprint na magiging gabay nila sa pagbubuo at pagtatayo nito. Hindi magiging matagumpay
ang gagawing pananaliksik kung walang teoretikal o konseptwal na balangkas na gagamitin.
Kasama sa teoretikal na balangkas ang mga mahahalagang bahagi ng tesis o disertasyon.
Ang mga sumusunod na aytem ay mahalaga sa pananaliksik. Pansinin mo ang mga bahaging ito
upang magabayan ka sa paghahanda mo ng iyong sariling balangkas ng pananaliksik.
A. KAUGNAY NA LITERATURA AT PAG-AARAL
Ang mga kaugnay na literature at pag-aaral ay ipinipresenta ayon sa paksa ito man ay
galling sa internasyonal o local na mga aklat, journal at artikulo. Kailangang magbigay ka
bilang mananaliksik ng maikling buod ng iyong mga nasaliksik na literature na may
kaugnayan sa iyong pag-aaral.
1. KAUGNAY NA BABASAHIN
Ang mga pangunahing pinanggagalingan ng kaugnay na babasahin ay mga batas at
mga direktiba ng mga departamento katulad ng sirkular, memorandum, order at iba pa
na may kaugnayan sa pag-aaral. Ang mga batas at direktibang ito ay ginagamit mo sa
pananaliksik bilang mga legal na basehan para sa paradigm ng pag-aaral. Ang
paggamit sa mga ito ay nangangahulugang ang pag-aaral ay may direkta o hindi
direktang implikasyon sa mga tunguhin ng pamahalaan.
2. KAUGNAY NA LITERATURA
Binigyang katuturan ni Webster ang salitang literature na “lahat ng mga naisulat ng
isang bansa o isang panahon o isang aklat na tumatalakay sa isang mahalagang paksa
bilang sining katulad ng drama, fiksyon, sanaysay, tula, talambuhay at iba pa.”
Samakatwid, anumang nakalimbag na material, impormasyon o artikulo na mababasa
sa mga aklat, magasin, peryodikal, ensiklopedya, journal, pahayagan at iba pang
lathalain, talumpati sulat, talaarawan, bulitin at mga ulat ng tumutugon sa mga
kinakailangang ekspresyon ay maituturing na literatura. Ang mga ito ay may
kaugnayan sa umiiral na suliranin. Ang mga ito ay maaring iklasipika bilang
literaturang internasyonal o lokal na publikasyon.

ANG MGA KAUGNAY NA LITERATURA AY NAHAHATI SA:

 PANGKALAHATANG SANGGUNIAN (GENERAL REGERENCES) – ito
ang mga sangguniang pangunahing kailangan ng isang mananaliksik. Ito ay
nakatutulong para magbigay ng ideya sa iba’t ibang sanggunian – artikulo,

MODULE 7 Page 1
 monograp, aklat at ibang dokumento – na direktang may kaugnayan sa suliranin
ng pananaliksik. Ang mga pangkalahatang sanggunian ay karaniwang mga index
kung saan nakasulat ang awtor, pamagat at lugar ng pinaglimbagan ng artikulo o
ibang material o abstrak.
 PANGUNAHING SANGGUNIAN (PRIMARY SOURCES) – ito ay mga
lathalaing kinasusulatan ng mga ulat ng mga mananaliksik tungkol sa kanilang
isinagawang pag-aaral. Direktang ibinabahagi rito ng mga awtor ang kanilang
mga natuklasan sa pag-aaral sa kanilang mga mambabasa.
 PANGALAWANG SANGGUNIAN (SECONDARY SOURCES) – ito ay mga
lathalaing kinasusulatan ng mga paglalarawan ng mga may akda sa resulta ng
pananaliksik ng ibang awtor. Ang mga karaniwang pangalawang sanggunian sa
pananaliksik sa edukasyon, halimbawa, ay mga teksbuk. Ang mga iba pang
halimbawa ay ensiklopedya, rebyu ng pananaliksik at taunang aklat o yearbook.

3. KAUGNAY NG PAG-AARAL
Ang mga kaugnay na pag-aaral ay ang mga pananaliksik na karaniwang hindi
nalathalang material o unpublished katulad ng manuskrito, tesis at disertasyon na
naunang naisagawa at may kaugnayan sa kasalukuyang pag-aaral. Nauuri rin ito
bilang local, kung ang pag-aaral ay isinagawa sa lob ng bansa; at banyaga kung ang
pag-aaral ay isinagawa sa labas ng bansa.
Ang malawak na kaalaman sa halaga at katangian ng isang mabuting pag-aaral sa
mga kaugnay na literature at pag-aaral ay nakatutulong sa iyo upang magkaroon ka
ng kapaki-pakinabang at tiyak na teoretikal na balangkas sa pagsusulat ng tesis o
disertasyon.

KAHALAGAHAN NG MGA KAUGNAY NA LITERATURA AT PAG-AARAL:

1. Natutulungan ang mananaliksik sa pagsisiyasat ng paksang sasaliksikin (research topic).
2. Nabibigyan ang mananaliksik ng direksiyon kung paano ang pagbuo ng balangkas na
konsepto at sa paghahanda ng disenyo ng pag-aaral, metodo, sampling na teknik,
instrumentasiyon, estadistikal na pagsusuri at iba pa.
3. Nakapagbibigay ng impormasyon na susuporta at magpapatibay sa mga natuklasan sa
pag-aaral.

KATANGIAN NG MABUTING REBYU NG KAUGNAY NA LITERATURA AT PAG-

AARAL:
1. Ang mga materyales na narebyu ay kailangang bago at mahalaga. Kailangang may
kaugnayan at pagkakatulad sa kasalukuyang suliranin ang mga impormasyon. Ang mga
ito ay kailangang umaayon sa mga bagong kaalaman at pagbabago sa lipunan, sikolohiya,
bayolohiya, edukasyon at ekonomiya.
2. Ang mga materyales ay kailangang obhektibo at tama. Samakatwid, ang mga datos na
hindi tama ay hindi mo na dapat na ginagamit dahil kung ang mga ito ay isasama sa
pananaliksik, nangangahulugang hindi mapagkakatiwalaan ang iyong datos. Ito ay isang
paglabag sa tinatawag na katapatang intelektuwal o intellectual honesty na mahalaga sa
anumang gawaing iskolar. Ang mga hindi tunay at mapagkiling na datos ay magdudulot
lamang ng isang baluktot na resulta at maling paglalahat.

B. SINTESIS
Mahalaga rin ang pagsasagawa ng sintesis bilang bahagi ng Rebyu ng Kaugnay na Pag-
aaral. Ipinakikita rito ang pagkakaugnay ng kasalukuyang pag-aaral sa mga pag-aaral na
binabalikan. Binibigyang buod at din nito ang mga kahalagahan ng kasalukuyang pag-

MODULE 7 Page 2
 aaral. Upang lalo kang mabigyan ng gabay sa iyong paglalahad, mabuting gamitin mo
ang mga sumusunod na parirala at ekspresyon sa paglalahad ng bahaging ito ng rebyu:
1. Ang mga kaugnay na pag-aaral na kasama sa pag-aaral na ito ay may makabuluhang
kaugnayan sa kasalukuyang pag-aaral dahil…
2. Ang mga kaugnay na pag-aaral ditto ay pinili batay sa makabuluhan nitong
kontribusyon sa pag-aaral na ito…
3. Ang disertasyon ni (pangalan, taon) ay nagbibigay ng balangkas para sa…
4. Ang isinagawang pag-aaral ni (pangalan, taon) ay mahalaga sa pananaliksik na ito
dahil ang paksa ay magkatulad…
5. Ang ag-aaral na ito ay may kaugnayan sa pag-aaral na isinagawa sa… dahil…
6. Ang mga iba’t ibang konsepto sa isinagawang pag-aaral (o sa aklat ni…) ay
nagpapakita ng kaugnayan sa pag-aaral na ito batay sa…
7. Katulad ng mga pag-aaral na isinagawa nina… tungkol sa… ang pag-aaral na ito ay
magsisilbing…
8. Ang pag-aaral na ito ay tutugma sa pag-aaral na…
9. Ang pag-aaral na ito ay tumutugon sa mga resulta ng pag-aaral na isinagawa sa
bansang…
10. Ang mga aspekto na binigyang halaga sa pag-aaral sa…;…ay binigyang halaga sa
pag-aaral na ito…

C. TEORETIKAL AT KONSEPTWAL NA BALANGKAS

Ang teoretikal at konseptwal na balangkas ay parehong mga iskema na iyong binuo
bilang mananalisik, batay sa iyong mga binasang kaugnay na literature at pag-aaral. Ito
ay nagbibigay paliwanag sa mga pagkakaugnay ng mga pangunahing baryabol sa isa’t
isa. Ang iskemang ito ay sariling posisyon ng mananaliksik. Ito ay pagpapaliwanag sa
suliranin o penomenon na pag-aaralan pagkatapos ng masinsinang ag-aaral sa mga iba’t
ibang konsepto at teorya na may kaugnayan sa kasalukuyang suliranin.
Maaari rin itong adapsyon ng isang modelo na ginamit sa mga naunang pag-aaral na
inayos para umakma sa kasalukuyang pag-aaral. Sa pagbubuo ng pananaliksik, mabuting
makagawa ng sariling modelo na maaaring hango sa mga naunang modelo na iyong
nabasa at napag-aralan, na makatutulong para makabuo ng bagong konseptwal na
balangkas.
Upang lalo mong maintindihan ang pagkakaiba ng dalawa, pansinin mo ang malalim na
pagtalakay sa mga ito.
 TEORETIKAL NA BALANGKAS – hinuhubog nito ang pagbibigay mo ng
katwiran sa suliranin ng pananaliksik para mabigyan ang legal na basehan sa
pagtukoy ng kaniyang hangganan o parameter. Mahalagang matukoy mo bilang
mananaliksik ang mga pangunahing konseptong ginamit sa pag-aaral para lalong
maintindihan ang tungkulin ng teorya sa pananaliksik.
 KONSEPTWAL NA BALANGKAS – ipinakikita sa balangkas na ito ang mga
tiyak at natukoy nang maayos na konsepto na tinatawag na construct. Ang
tungkulin nito ay katulad din ng teoretikal na balangkas dahil ang mga construct
na ginamit ay hinango mula sa mga abstrakstong konsepto ng teoretikal na
balangkas. Ang kaibahan lamang nito sa teoretikal ay ang aglalahad dahil
gumagamit ito ng teorya bilang batayan samantalang ditto ay mga konseptong
may kaugnayan sa iyong isinasagawang pag-aaral.
Tingnan at suriin mo ang halimbawa ng isang konseptwal na balangkas na
isinagawa at nakompletong pag-aaral.
Sa pag-aaral ni Espique (2009), ang kontekstong Input Process Output Model
(IPO) ay nagamit.

MODULE 7 Page 3
 INPUT
a. Mga talatanungan na tumataya sa kakayahan sa paggamit ng mga computer software application program ng
mga mag-aaral na may kapansanan sa paningin.
b. Aide memoir at field text na tumutukoy sa mga probisyon ng paggamit ng mga computer application program
sa pagkatuto ng mga mag-aaral na may kapansanan sa paningin.

PROSESO
a. Pagsusuri at pagbibigay interpretasyon sa mga naka-braille na tugon ng mga mag-aaral na may kapansanan sa
paningin, sa ipinamudmod na talatanungan.
b. Pagsusuri sa aide memoir at field text sa tulong ng ginawang repertory grid.

PRODUKTO
a. Programa para sa pagtuturo ng mga iba’t ibang computer application program sa mga batay may kapansanan
sa paningin.
b. Programa ng pagsasanay para sa mga gurong nagtuturo ng computer sa mga mag-aaral na may kapansanan sa
paningin.

D. MGA BARYABOL
Isang mahalagang termino sa paghahanda ng teoretikal at konseptwal na balangkas ang
baryabol. Ano ang baryabol? Ang baryabol ay isang konspeto o pangngalan na
tumutukoy sa pagkakaiba sa pagitan ng mga pangkat ng mga bagay katulad ng mga silya,
kulay ng mata, kasarian, motibasyon at iba pa. kailangang ang mga indibidwal na
miyembro sa isang pangkat ay may pagkakaiba ara maituturing na baryabol sa
pananaliksik. Kung magkakapareho ang mga miyembro sa isang pangkat, hindi ito
maituturing na baryabol. Ang ganoong katangian ay maituturing na constant dahil sila
maaaring magkaiba. Sa anumang pag-aaral, may mga ilang katangiang maituturing na
baryabol at constant.

Suriin ang ilustrasyon sa ibaba upang lalong maintindihan ang pagkakaiba ng mga ito.

MALAYANG BARYABOL DI MALAYANG BARYABOL

(INDEPENDENT VARIABLE) (DEPENDENT VARIABLE)
Ito ang tinatawag na sanhi. Ito ang kinalabasan, epekto o resulta bilang mga resulta
ng sentro ng imbestigasyon o pokus ng pag-aaral.
Ito ang batayan ng pagbuo ng pangkat.
Ito ang mga kondisyon o mga katangian ng
naimpluwensiyahan ng Malaya o independent na
May dalawang uri ito: baryabol.
Baryabol na mababago di-mababagong baryabol

Ito rin ay puwedeng tawaging “intervening variable”.

Interverning dahil kung titingnan ang kahulugan,
nangangahulugang mga baryabol na pumapagitna sa
dalawa. Samakatwid, ang mga baryabol ay pumapagitna
sa Malaya at di-malayang baryabol. Tingnan muli ang
talahanayang halimbawa ng lebel ng paradigma.

Ang kaugnayan ng independent na baryabol sa dependent na baryabol ay makikita sa

ilustrasyong ito.

MODULE 7 Page 4
 INDEPENDENT NA BARYABOL DEPENDENT NA BARYABOL
Mga inaasahang dahilan o sanhi (presumed or possible Mga inaasahang resulta (presumed results)
cause)

Ang isang uri ng baryabol ay tinatawag na moderator. Ito ay isang espesyal na uri ng
independent na baryabol. Ito ay sekondaryang baryabol na pinili ara sa pag-aaral upang matukoy
kung ito ay nakaaapekto sa ugnayan ng independent at dependent na baryabol. Halimbawa, ang
isang mananaliksik ay interesado sa pagkukumpara sa epekto ng pagdulog na biswal sa pagdulog
na nakatuon sa diskusyon sa pagtuturo ng kasaysayan ng Pilipinas. kung ipinapalagay ng
mananaliksik na nakatutulong ang diskusyon na pagdulog sa mga babae dahil sa kanilang
pagiging masalita at ang pagdulog na biswal sa mga lalaki dahil sa hilig nila sa mga panoorin,
ang kasarian ay maituturing na moderator na baryabol.

Halimbawa ng isang balangkas na batay sa mga baryabol

INDEPENDENT NA BARYABOL DEPENDENT NA BARYABOL

Mga estratehiya sa pagtuturo ng College Algebra Kakayahan ng mga mag-aaral sa asignaturang College
Algebra.

MODERATOR NA BARYABOL
Natapos na kurso ng guro

Kurso ng mag-aaral

SANGGUNIAN:
Libro:
INSTRUKSIYONG MODYULAR SA PANANALIKSIK ni JANE KINLA-LARTEC,
FELINA PANAS-ESPIQUE, DOLORES SUNGA-TANAWAN, ERMILYN PEREZ-RAMOS,
et al.
MODULE 7 Page 5
 ST.ELIZABETH GLOBAL SKILLS INSTITUTE, INC.
Km. 131 Esguerra Dist., Maharlika Highway, Talavera, Nueva Ecija

ACTIVITY NO.7
PANGALAN: _________________________________________ ISKOR: _________________
KURSO/TAON: _________________ PETSA: PROPESOR: ____________________

Panuto: Tukuyin kung ang mga sanggunian sa ibaba ay (A) kaugnay na babasahin, (B)
kaugnay na literature, o (C) kaugnay na pag-aaral. Isulat ang sagot sa sagutang papel na
nakalaan.

_____1. Education Act ng 2009

_____2. “Philippine Journal of Psychology”
_____3. Fundamental Psychological in Accounting
_____4. CSC Memorandum Circular No. 4 s. 1991 dated January 22, 1991
_____5. Educational Planning
_____6. Practical Guide to Thesis and Dissertation Writing
_____7. Academic Performance of Students with Visual Impairment
_____8. Batas pambansa Bilang 232
_____9. Leadership Styles in Rizal’s Noli Me Tangere: A Reflection on Philippine Educational
Management
_____10. Presidential Decree No. 146 (NCEE)
_____11. Presidential Decree No. 1006
_____12. ”Fisheries Research Journal of the Philippines”
_____13. Ang Pagsulat ng Wika ng mga Mag-aaral na may Kapansanan sa Pandinig sa
Pamantasan ng San Luis
_____14. Taxonomy and Biostatistical Analysis of the Ecolgical Parameters Influencing the
Useful Macrobenthic Marine Algae in Pangasinan
_____15. The Yield and Economics of Dried Mango

MODULE 7 Page 6