Professional Documents
Culture Documents
TIMOG-SILANGANG
ASYA
◦ Sa pagtatapos ng linggo na ito, ang mga mag-aaral ay inaasahang:
◦ nasusuri ang mga pangyayari at ang kaugnayan nito sa
kasalukuyan sa lipunang Asyano batay sa nabasang akda;
◦ nakapagbibigay ng kahulugan ang malalim na salitang ginamit sa
akda batay sa denotatibo o konotatibong kahulugan;
◦ nakasusuri ng maikling kuwento batay sa paksa, mga tauhan,
pagkakasunod-sunod ng mga pangyayari, estilo sa pagsulat ng
awtor, atbp.;
◦ nakapagsusunod-sunod ng mga pangyayari gamit ang angkop na
mga pang-ugnay.
Ihalintulad ang papel sa isang mahalagang bagay sa isa iyong
buhay. Ipaliwanag kung bakit sa tatlo- limang pangungusap.
Sa unang markahan ng taong pampanuruan na ito, ating tatalakayin ang mga
akdang pampanitikan na sumasalamin sa Timog-Silangang Asya – ang rehiyon
na kinabibilangan ng mga bansang Brunei, Cambodia, East Timor, Indonesia,
Laos, Malaysia, Myanmar, Pilipinas, Singapore, Thailand at Vietnam.
1. Simula
Kabilang sa simula ang mga tauhan, tagpuan, at suliranin. Sa mga tauhan
nalalaman kung sinu-sino ang magsisiganap sa kwento at kung ano ang papel
na gaganapan ng bawat isa. Maaaring bida, kontrabida o suportang tauhan. Sa
tagpuan nakasaad ang lugar na pinangyarihan ng mga aksyon o mga insidente
kasama na dito ang panahon kung kailan naganap ang kwento. At ang bahagi
ng suliranin ang siyang kababasahan ng problemang haharapin ng
pangunahing tauhan.
2. Gitna
Ang gitna ay binubuo ng saglit na kasiglahan, tunggalian, at
kasukdulan. Ang saglit na kasiglahan ang naglalahad ng
panandaliang pagtatagpo ng mga tauhang masasangkot sa
suliranin.
Ang tunggalian naman ang bahaging kababasahan ng
pakikitunggali o pakikipagsapalaran ng pangunahing tauhan laban
sa mga suliraning kakaharapin, na minsan ay sa sarili, sa kapwa, o
sa kalikasan. Samantalang ang kasukdulan ang pinakamadulang
bahagi kung saan makakamtan ng pangunahing tauhan ang
katuparan o kasawian ng kanyang ipinaglalaban.
3. Wakas
Ang wakas ay binubuo ng kakalasan at katapusan. Ang kakalasan ang
bahaging nagpapakita ng unti-unting pagbaba ng takbo ng kwento mula sa
maigting na pangyayari sa kasukdulan, at ang katapusan ang bahaging
kababasahan ng magiging resolusyon ng kwento. Maaring masaya o
malungkot, pagkatalo o pagkapanalo.
Gayunpaman, may mga kwento na hindi laging winawakasan sa
pamamagitan ng dalawang huling nabanggit na mga sangkap. Kung
minsan, hinahayaan ng may-akda na mabitin ang wakas ng kwento para
hayaan ang mambabasa na humatol o magpasya kung ano sa palagay nito
ang maaring kahinatnan ng kwento.
Denotatibo At Konotatibo Halimbawa At Kahulugan
LARAWAN Ito ay isang litrato na kinuha o ginuhit Tumutukoy sa katangian ng isang tao.
ng isang tao
Mga Pangatnig
subalit – ginagamit lamang kung ang ‘datapwat’ at ‘ngunit’ ay ginamit na sa unahan ng pangungusap.
Mga Halimbawa:
Datapwat matalino siya, wala naman siyang kaibigan.
Mahal ka niya, subalit hindi niya gaanong naipakikita ito.
Marami na kong natutuhan ngunit tila kulang ito.
samantala, saka – ginagamit na pantuwang. Mga Halimbawa:
◦ Siya ay matalino saka mapagbigay pa.
◦ Abala ang lahat, samantalang ikaw ay walang ginagawa.
◦ Ang kanyang mga kapatid saka kaibgan ay nagsama sama para sa kanyang kaarawan.
kaya, dahil sa – ginagamit na pananhi. Mga Halimbawa:
◦ Kaya hindi natututo ang tao dulot ng kaniyang kapalaluan.
◦ Siya’y nagtagumpay dahil sa kaniyang pagsisikap.
Transitional Devices
sa wakas, sa lahat ng ito – ginagamit bilang panapos ng pahayag o
kuwento Mga Halimbawa:
Sa wakas, natuwa ang ama dahil sa kabaitan ng anak.
Sa lahat ng ito, napagtanto ng mga anak na sila’y mahal na mahal ng
kanilang ama.
sa wakas, nabigyang solusyon na rin ang pangunahing suliranin sa
organisasyon
kung gayon – ginagamit bilang panlinaw sa nais tumbukin Halimbawa:
Malinaw ang paalala ng ina sa kaniya, kung gayon kailangan niyang
pagbutihin ang kaniyang pag-aaral.