KALIGIRANG PANGKASAYSAYAN

NG FLORANTE AT LAURA
 KAUNTING KAALAMAN
Noong 1838
- naisulat ni Francisco “Balagtas” Baltazar ang Florante at Laura, ito ay
panahon ng pananakop ng mga Espanyol na kung saan mahigpit na ipinatupad ang
sensura, pagpapabawal ng mga babasahin at palabas na tumutuligsa sa
pagmamalabis at kalupitan ng mga ito. Dahil sa pagkontrol ng mga Espanyol kung
kaya ang karaniwang nailimbag na mga babasahin ay tungkol sa relihiyon o
di kaya’y paglalaban ng Moro at Kristiyano na tinawag ding Komedya o
moro-moro maging ang mga diksyunaryo at aklat panggramtika. Sa kabila ng
kahigpitan sa panahong ito ay nagawan pa rin niyang mailusot ang awit sapagkat
ang temang ginamit ay tungkol sa relihiyon at paglalaban ng mga moro at
kristiyano kahit na naiugnay niya ito sa pag-iibigan nina Florante at Laura.
Naitago niya sa pamamagitan ng paggamit ng alegorya ang mensahe nito na
pagtutuligsa at pagtutol sa kalupitan ng at pagmamalabis ng mga Espanyol.
 Ginamitan din niya ng simbolismo na kakikitaan ng diwang
nasyonalismo. Ang mga tauhan at mga pangyayaring nagdulot ng kaawa
awang kalagayan ng kahariang Albanya ay kasasalaminan ng mga
naganap na kaliluan, kalupitan at kawalang katarungan sa Pilipinas
sa ilalim ng pamamahala ng mga Espanyol. Maliban dito masasalamin
din sa akda ang apat na himagsik na naghari sa puso at isipan ni Balagtas:
(1) Ang himagsik laban sa malupit na pamahalaan, (2) Himagsik
laban sa hidwaang pananampalataya, (3) Himagsik laban sa mga
maling kaugalian at (4) Himagsik laban sa mababang uri ng
panitikan.
 Ang Florante at Laura ay itinuturing na isang obra maestra ng
panitikang Pilipino at sinasabing nagbukas ng landas para sa panulaang
Tagalog noong ika-19 na dantaon. Isinulat niya kasi ang kanyang akda
sa Wikang Tagalog sa panahong ang karamihan sa mga Pilipinong
manunulat ay nagsisisulat ng wikang Espanyol.
Ang awit ay inialay niya kay “Selya” o Maria Asunsion Rivera, ang
babaeng minahal niya nang labis at pinagmulan ng kanyang
pinakamalaking kabiguan. Sinasabing isinulat niya ito sa loob ng selda
kung saan siya nakulong dahil sa maling paratang na pakana ng
mayamang karibal na si Nanong Kapule.
Ang labis na sakit, kabiguan, kaapihan, himagsik, at kawalang
katarungang naranasan ni kiko (Balagtas) sa lipunang kanyang
ginagalawan ay siyang nagtulak sa kanya upang likhain ang walang
kamatayang Florante at Laura. Ang awit ay nagsilbing gabay at
nagturo sa mga Pilipino ng maraming bagay.
 MAHAHALAGANG ARAL:
 Wastong pagpapalaki sa mga anak
 Pagiging mabuting magulang
 Pagmamahal at pagmamalasakit sa bayan
 Pag-iingat laban sa mga taong mapagpanggap o mapagkunwari at
makasarili
 Pagpapaalala sa madla na maging maingat sa pagpili ng pinuno
sapagkat napakalaki ng panganib na dulot sa bayan ng pinunong sakim
at mapanghangad sa yaman
 Kahalagahan ng patulong sa kapwa maging doon sa may
magkakaibang relihiyon tulad ng muslim at Kristiyano
 Sa panahong ito ang kababaihan ay mailalarawang mahinhin,
hindi makabasag pinggan at mahina. Binigyang diin niya sa katauhan
ni “Flerida”, isang babaeng muslim sa akda ang taglay nitong lakas
bilang isang babae. Sa halip na maging sunud sunuran sa
makapangyarihang mga kalalakihan ay napagpasyahang tumakas mula sa
mapaniil na sultan at harapin nang mag-isa ang mga panganib sa labas ng
palasyo at mga kagubatan upang hanapin ang kanyang napawalay na
kasintahan. Siya rin ang pumutol sa kasamaan ng buhong na si Adolfo
sa pamamagitan ng kanyang palaso. Ito’y mga katangiang taliwas sa
madalas na gamitin sa paglalarawan ng mga kababaihan. Sa halip na
siya ang hinanap at iniligtas, siya ang naghanap at nakapagligtas pa
ng buhay ng kapwa niya babae.
 Binubuo ito ng 399 na saknong; may
lalabindalawahing pantig ang bawat
taludtod; may apat na taludtod ang
bawat saknong; at may tugma.
Gumamit ito ng mga piling salita,
mga simbolo, tayutay at iba‟t ibang
pahiwatig.
 Isinulat ang akda noong huling
daantaon nang pananakop ng mga
dayuhang kastila sa Pilipinas.
Ipinalimbag ng may-akda ang
“Florante at Laura” nang makalaya
siya sa piitan noong 1863.
ALAM MO BA?
 Ang orihinal na pamagat ng Florante at Laura ay
“Pinagdaanang Buhay ni Florante at Laura, sa kahariang
Albania Kinuha sa Madlang Cuadro Historico o Pinturang
nagsasabi sa mga nangyari nang Unang Panahon sa
Imperio ng Grecia at Tinula nang isang matuwain sa
Bersong Tagalog.”