casualty sa kanilang lalawigan na isa sa sinalanta ng malakas na bagyong Glenda (Andrade, 2014). Ibig sabihin, sa kabila ng pagtama ng malakas na bagyo, walang namatay sa nasabing probinsiya. Marami ang pumuri sa tagumpay na ito ng mga taga-Albay dahil kadalasan, nagdudulot ng malawakang pinsala sa buhay at ari-arian ang malalakas na bagyong nararanasan sa ating bansa. Paano kaya nila ito nagawa? Nagkataon lang ba o ito ay dulot ng masusi at maayos na paghahanda? Ang pagiging handa sa pagharap sa mga hamong pangkapaligiran ay mahalaga dahil sa kasalukuyan itinuturing ang Pilipinas bilang isa sa mga bansang may mataas na posibilidad na makaranas ng iba’t ibang kalamidad at suliraning pangkapaligiran. Ang modyul na ito ay tungkol sa mga isyu at hamong pangkapaligiran na nararanasan ng tao sa kasalukuyan. Bilang mag-aaral at mahalagang bahagi ng lipunan, mahalagang magabayan ng guro ang mga mag-aaral na malaman kung ano ang iba’t ibang uri ng mga hamong pangkapaligiran na ating nararanasan upang maging angkop ang iyong gagawing pagtugon. Mahalaga rin na maipasuri sa mga mag-aaral kung ano-ano ang mga sanhi at bunga ng mga isyu at hamong pangkapaligiran sa tao, lipunan at sa ekonomiya. Kakailanganin ito ng mga mag-aaral upang sila ay maging aktibong kalahok sa mga gawain ng pamahalaang tumutugon sa mga suliranin at hamong pangkapaligiran. Sa modyul na ito, pagtutunan mo ng pansin ang mga suliranin at hamong pangkapaligiran na nararanasan sa kasalukuyan. Inaasahan na masagot mo ang tanong na: Paano mabisang matutugunan ang mga suliranin at hamong pangkapaligiran? simulation Pangkat 1 – mga kawani ng pamahalaan Pangkat 2 – miyembro ng NGO Pangkat 3 – media personnel Pangkat 4 – mga pangkaraniwang mamamayan Kailangang ipakita ng bawat pangkat ang kanilang mga gagawin sa panahon kalamidad sa senaryo Unang senaryo: Bago maranasan ang kalamidad. Ikalawang senaryo: Habang nararanasan ang kalamidad. Ikatlong senaryo: Pagkatapos maranasan ang kalamidad.