Ikatlong Markahan – Ikaanim na Linggo

PAGMAMAHAL SA BAYAN
I. Panimula
May pagmamahal sa ka ba sa iyong bayan? Ito
ang tanong na dapat natin masagot bilang isang
mamamayan sa ating bayan. Ang pagmamahal sa
bayan ay isang mahalagang tungkulin ng isang
mamamayan sa isang bansa. Lahat tayo kahit
kabataan ay dapat may pagmamahal sa bansa
dahil kung wala tayo nito ay “daig pa natin ang
hayop at malansang isda” katulad ng sinabi ni Dr.
Jose Rizal. Ngunit sa harap ng mga nangyayari sa
kasalukuyan, paano mo kaya ito mapapamalas?
Makakatulong ang gawaing pampagkatuto na ito
upang masagot mo ang mahalagang tanong
tungkol sa pagmamahal sa ating bayan.
 PAGTATALAKAY
Ang isang mamamayang may
pagmamahal sa bayan ay nauunawaan
ang pangangailangang maglingkod
para sa ating bayan. Ang pagbibigay
ng nararapat para sa iba at ang
pagkontrol sa sarili sa mga sitwasyon
na tayo lamang ang makikinabang ay
nagpapakita ng pagmamahal sa bayan
Mga Pagpapahalaga na Indikasyon ng Pagmamahal sa Bayan
Ang lipunan ay binubuo ng mga indibidwal na may iisang mithiin
na mapabuti ang lahat. Ito ay possible kung naisasakatuparan ang
kapayapaan, ang paggalang sa pagkatao ng tao at ang tawag ng
katarungan.

Ang ating lipunan ay nagsasagawa sa mga mamamayan na

isabuhay ang mga birtud na makatulong upang gumawa ng
makataong pagpapasiya at kilos, tungo sa makabuluhang
pakikipagkapuwa, at pakikipag-ugnayan sa Diyos. Sa 1987
Konstitusyon ng Pilipinas, (The Preamble), napakaloob dito ang
mga pagpapahalagang dapat linangin ng bawat Pilipino upang
maisabuhay ang pagmamahal sa bayan.
1. Pagpapahalaga sa buhay. Ang buhay ng tao ay mula sa Diyos. Ang
pagpapahalaga sa buhay ay isang moral na obligasyon sa Diyos, kaya’t
walang sinuman ang maaaring bumawi o kumuha nito. Sikapin na
mapanatili ang dignidad ng tao at maprotektahan ang buhay mula sa
maling pagpapasiya
2. Katotohanan. Ang katotohanan ay hindi matatawaran, hindi
mapagkunwari, pinangangalagaan sa lahat ng oras at panahon. Kasama
na rito ang walang kapaguran at matiyagang paghahanap ng lahat ng
uri ng kaalaman at tumanggi sa anumang bagay na hindi ayos sa
katotohanan.
3. Pagmamahal at pagmamalasakit sa kapuwa. Sa pamamagitan ng
pagtulong na walang hinihintay na kapalit ay nagpapakita ng
pagmamahal at pagmamalasakit sa kapuwa
4. Pananampalataya. Ang lahat ng bagay ay possible kung tayo ay may
pagtitiwala at pagmamahal sa Diyos
5. Paggalang. Ang paggalang ay naipapakita kapag ang Karapatan ng isang
mamamayan ay hindi natatapakan at napangangalagaan ang dignidad niya
bilang tao.
6. Katarungan. Ang katarungan ay naibibigay kung ano ang para saa sa tao,
sinisigurado na ang paggalang sa Karapatan ay naisasabuhay, at walang
nagmamalabis o nandaraya sa kapuwa.
7. Kapayapaan. Ang pagkakaroon ng katahimikan, kapanatagan, kawalan ng
kahuluhan, at paggalang sa bawat indibidwal ay resulta ng kapayapaan.
8. Kaayusan. Ang kaayusan ay pagiging disiplinado sa lahat ng pagkakataon,
organisado sa pagbibigay ng ideya, salita, kilos na may layuning mapabuti ang
ugnayan sa kapuwa
9. Pagkalinga sa pamilya at salinlahi. Ang pangunahing institusyon ng
lipunan ay ang pamilya. Bilang pundasyon ng pamilya binibigyang halaga rito
ang kasal, pinapangalagaan ang pisikal at moral na ispiritwal, at panlipunang
pag-unlad ng bawat miyembro, kasama rito ang pagtuturo sa mga bata sa
ating kultura
10. Kasipagan. Ito ay ang pagiging matiyaga at ginagamit ang talent
na tapusin ang anumang uri ng Gawain nang buong husay sa
pamaraang nakatutulong sa kapuwa.
11. Pangangalaga sa kalikasan at kapaligiran. Ito ang pagsasabuhay
ng responsibilidad bilang tagapangalaga ng kalikasan at kapaligiran
laban sa anumang uri ng pang-aabuso o pagkawasak.
12. Pagkakaisa. Ito ay ang pagkakaroon ng iisang layunin na
magkasama sa pag-unlad at pakikipagtulungan ng bawat indibidwal na
mapag-iisa.
13. Kabayanihan. Ito ay ang pagsagot sa tanong na, “Ano ang
nagagawa ko sa kapuwa ko at sa bayan”.
14. Kalayaan. Ito ay isang tungkulin ng tao na gumawa ng Mabuti,
katanggap-tanggap na kilos na ayos sa ipinapatupad na batas at
pagsasabuhay ng dignidad bilang isang malayang indibidwal.
15. Pagsunod sa batas. Ito ay ang
pagkilala, paghihikayat, at
pakikibahagi sa pagsasabuhay ng
mga ipinasang batas na
mangangalaga sa Karapatan ng
bawat mamamayan.
16. Pagsusulong ng kabutihang
panlahat. Ito ay ang sama-samang
pagkilos upang mahikayat ang lahat
ng tao na lumahok sa mga
pagkakataong kinakailangan para sa
ikabubuti ng lahat.
Mga Angkop na Kilos na Nagpapamalas
ng Pagmamahal sa Bayan

Ayon kay Alex Lacson, may magagawa

ang isang mamamayan upang mabigyan
ng soulusyon ang mga problemang
bayan na ating hinaharap. Bukod sa
mga tungkulin na dapat isabuhay bilang
isang Pilipino at mamamayan ng ating
bansa na nakasaad sa Konstitusyon, may
mga simpleng bagay na maaaring
isabuhay upang makatulong sa bansa.
 a)Mag-aral ng Mabuti
b)Huwag magpapahuli, ang oras ay mahalaga
c)Pumila nang maayos
d)Awitin ang Pambansang Awit nang may paggalang at
dignidad
e)Maging totoo at tapat, huwag mangopya o magpakopya
f) Magtipid ng tubig, magtanim ng puno, at huwag magtapon
ng basura kahit saan
g)Iwasan ang anumang gawain na hindi nakakatulong
h)Bumili ng produktong sariling atin, huwag peke o nuggled
i) Kung pwede nang bumuto, isagawa ito ng tama
j) Alagaan at igalang ang nakakatanda
k)Isama sa panalangin ang bansa at ang kapuwa mamamayan
 GROUP 1
Leader: Leah Kate Serrano
Members: Gillian Nicole Malit
THANK U FOR Camille Dizon
Jenel Helong

LISTENING! Nicole Sampang

Jheron Dizon
Vince Bundalian
Mark Sarmiento