Sa bawat pagmulat ng aking mata, sa bawat araw ng aking
buhay hindi ko mawari ang isang tanong na naninirahan sa aking isipan. Isang katanungan na may mabigat na sagot dahil sa lawak ng maaring maging apektado nito. “Tunay bang may nagmamahal sa bayan?”. Isang tanong na nagsisilbing salamin sa reyalidad na araw- araw nating hinaharap. Mga krimen, suliranin sa kahirapan, korapsyon at ang kawalang progreso sa bawat suliraning nakalatag sa harapan ng gobyerno at bawat mamayan ay tila mahirap makita at maramdaman ang pag-ibig sa bayan ng mamayan- nasa kapangyarihan o wala. Politikong maraming pangako sa kampanya ngunit matapos maihalal ay tila nalimutan lahat ng naisaaad sa mukha ng mamamayan. Mapang- abusong tila hindi nawawala sa lahat ng sulok ng bansa. Gutom at kawalan ng trabaho na siyang nagdudulot ng lalong pagkalugmok ng minorya. Sa ating mga kabataan na siyang itinuturing na pag-asa ng bayan, sa realidad na ating kinamulatan isang hamon ang nais iparating ng inang bayan, ating patunayan na mayroon paring nagmamahal at nagmamalasakit sa ating bayan. Bilang pag-asa ng bayan ating maiaangat ito sa pagkalugmok na siyang magiging tulay sa magandang kinabukasan na naghihintay sa susunod na mga henerasyon