PAMAHALAAN AT KAPANGYARIHAN NG SANGAY NITO LAYUNIN:
• Natutukoy ang mga namumuno ng bansa.
• Natatalakay ang kapangyarihan ng tatlong sangay ng pamahalaan (ehekutibo, lehislatura at hudikatura). • Natatalakay ang kahulugan at kahalagahan ng pambansang pamahalaan. AP4PAB-III-a-1 • Balik-Aral sa Nakaraang Aralin: Ano ang kahulugan ng salitang Pamahalaan?
Para sa iyo, mahalaga ba ang
Pamahalaan? Bakit? Ano ang kahulugan ng salitang Pamahalaan?
• Ang pamahalaan o gobyerno ay isang organisasyon na may
kakayanan na gumawa at magpatupad ng batas sa isang nasasakupang teritoryo. Ito rin ay may kapangyarihan na magbigay ng mga pangangailangan ng mga mamamayan ng nasasakupang teritoryo. Sa makatuwid, ito ay isang institusyong kumikilos upang maisakatuparan ang lahat ng mga adhikain ng bansa at ng mga mamamayan. Ano- ano ang mga paghahanda sa sarili na dapat isaalang- alang ng isang namumuno upang maging maayos ang kanyang pangangatawan? Ano- ano ang mga proyektong ipinatutupad ng ating pamahalaan upang maging malinis at ligtas ang ating kapaligiran? Ano ang masasabi mo sa ating pamahalaan sa panahon ng pandemyang ating hinaharap? Magbigay ng mga dahilan kung bakit mo nagustuhan ang kasalukuyang administrasyon. Ating Tandaan: • Mahalin at ating igalang ang mga namumuno sa ating bansa. Ipagdasal natin sila na nawa ay gabayan sila ng ating Panginoong Hesus sa kanilang mga desisyon at pagpapasya lalo na ngayong may malaking suliraning kinahaharap ang buong mundo dahil sa sakit na dulot ng Covid-19. • Napakahalaga para sa isang bansa ang isang pambansang pamahalaan dahil ito ang nangunguna sa pagbabalangkas ng pamamaraan ng pamamalakad at pamamahala sa bansa. Gayundin ito ang namumuno sa pagpapatupad ng mga programa at proyekto para sa mga nasasakupan nito. Ang Pilipinas ay isang demokratiko at republikanong Estado. Nasa mga mamamayan ang kapangyarihan nito at nagmumula sa kanila ang buong pamunuan ng pamahalaan. • Ang Pilipinas ay isang republikang may pampanguluhang anyo ng pamahalaan kung saan pantay na nahahati ang kapangyarihan sa tatlong sangay nito: ehekutibo, lehislatibo, at hudikatura. • Isang mahalagang bunga ng pampanguluhang sistema ng pamahalaan ay ang prinsipyo ng paghahati ng kapangyarihan, kung saan nasasailalim sa Kongreso ang paggawa ng mga batas, nasasailalim sa Ehekutibo ang pagpapatupad ng mga ito, at nasasailalim sa Hudikatura ang pagpapasya sa mga kontrobersiyang legal. Ang mga Sangay ng Ating Pamahalaan Ang Sangay ng Tagapagpaganap (Ehekutibo) Ang Sangay ng Tagapagpaganap ang may tungkulin na naglalayong ipatupad ang mga batas ng bansa upang mapangalagaan ang kapakanan ng bawat mamamayan. Ang tungkuling ito ay nakaatas sa Pangulo, Pangalawang Pangulo, at mga kasapi ng Gabinete na binubuo ng mga kalihim ng iba’t- ibang ahensiya ng ating pamahalaan. Ang Pangulo ay inihalal na mamuno ng anim (6) na taon at hindi maaaring mahalal ulit bilang Pangulo. •Alinsunod sa Konstitusyon, kapangyarihan ng Pangulo ang humirang ng mga kalihim ng bawat ahensiya, kasama na ang embahador, konsul at iba pang mga opisyal na isinasaad ng Saligang Batas. Bilang punong Kumander ng Sandatahang Lakas, kung kakailanganin ay maaaring iatas ng Pangulo ang pagsupil sa anumang karahasan, pananalakay o paghihimagsik at isailalim ang bansa sa batas militar. Taglay rin ng Pangulo ang veto power o kapangyarihang tanggihan ang isang panukalang batas na ipinasa ng Kongreso. Siya rin ang pumipili ng punong mahistrado ng Korte Suprema, gayundin sa mababang hukuman, mula sa talaan ng Judicial and Bar Council. •Anu-ano ang dalawang uri ng kapulungang bumubuo sa sangay na tagapagbatas? •Sinu-sino ang mga bumubuo sa Mataas na Kapulungan? Ang mga Sangay ng Ating Pamahalaan Ang Sangay ng Tagapagbatas (Lehislatura) Ang Sangay ng Ang Senado Tagapagbatas ang may tungkulin na gumawa, bumuo, at magpatibay ng mga batas. Isa itong lupong bikameral na binubuo ng Mataas na Kapulungan, ang Senado, at ang Mababang Kapulungan, ang Kapulungan ng mga Kinatawan o Kongreso. Binubuo ng dalawamput apat (24) na Senador ang Senado, inihalal ang kalahati nito bawat tatlong taon. Sa gayon naglilingkod ang bawat Senador sa loob ng anim na taon. •Binubuo ang Kapulungan ng mga Kinatawan ng hindi lalagpas sa dalawang daan at limampung (250) mambabatas. May dalawang uri ng mga mambabatas: ang pandistrito at ang pansektor na mga kinatawan. Kinakatawan ng isang pandistritong mambabatas ang isang partikular na heograpikong distrito ng bansa. Binubuo ng isa o higit pa na distritong kongresyunal ang lahat ng mga lalawigan sa bansa. May mga sarili ding mga distritong kongresyunal ang ilang mga lungsod, kasama ang ibang lungsod na may dalawa o higit pang kinatawan. Ang mga Sangay ng Ating Pamahalaan Ang Sangay ng Tagapagbatas (Lehislatura) Kinakatawan naman ng Ang Kongreso pansektor na mambabatas ang minoryang sektor ng populasyon na sa kasalukuyan ay mayroong animnapung (60) bilang. Binibigyan ng pansin ang mga pangkat ng minorya na ito upang magkaroon ng kinatawan sa kongreso, kung sakaling hindi maayos ang kanilang representasyon sa pamamagitan ng distritong kinatawan. Kilala rin bilang kinatawang party list, kinakatawan ng mga pang-sektor na mambabatas ang mga unyon ng manggagawa, pangkat na nagsusulong ng mga karapatan, at iba pang kapisanan. •Maliban sa paggawa ng batas ay nakasalalay rin sa Kongreso ang pagsasagawa ng imbestigasyon at pananaliksik para makatulong sa mga gagawing batas at ang pagsuri sa pambansang badyet, kabilang nito ang espesyal na kapangyarihan. Halimbawa, ang pagpapatibay ng mga kasunduan ng Pilipinas sa ibang bansa ay kapangyarihan ng Senado at ang pagsasampa naman ng kasong impeachment o pagkatanggal sa puwesto ng mataas na opisyal ay kapangyarihan ng Kongreso. Ang mga Sangay ng Ating Pamahalaan Ang Sangay ng Tagahukom (Hudikatura) Ang Sangay ng Tagapaghukom ay pinangungunahan ng Korte Suprema na may kapangyarihan na nagbibigay interpretasyon ng batas at litisin ang mga kaso at gawaing labag sa batas. Ang Kataas-taasang Hukuman o Korte Suprema ay binubuo ng punong mahistrado at labing apat (14) pang kasamahang mahistrado na pawang hinirang. Dito dumudulog ang sinumang tao na hindi sumasang-ayon sa anumang desisyon ng mababang hukuman, maging ang dalawang sangay ng pamahalaan kung may tanong tungkol sa legalidad ng batas. •Ang pamahalaan ay bumubuo ng mga programa sa iba- ibang larangan na karaniwang nababatay sa mga pangunahing pangangailangan ng bawat mamamayan. Tinitiyak nito na maunlad ang ekonomiya ng bansa, kaya ito rin ang nangangasiwa ng pambansang badyet. Siniseguro rin ng pambansang pamahalaan ang karapatan ng bawat mamamayan ay napapangalagaan sa pamamagitan ng pagkakaloob ng mga serbisyong pangkabuhayan, pangkalusugan, pangkultura, pansibil at pampulitika. Kahit nasa labas ng bansa ang isang mamamayang Pilipino ay may kaparaanan ang pamahalaan upang tiyakin ang kanilang kaligtasan laban sa pananamantala. Para sa iyo, mahalaga ba ang Pamahalaan? Bakit? Ano ang maaring mangyari sa isang bansa kung walang pamahalaan? May kapayapaan ba at kaunlaran ang isang bansa kung walang pamahalaan? Umisip ng isang bagay o ideya na maaring ihalintulad sa pamahalaan,ipaliwanag kung bakit. Ano ang kahulugan ng pamahalaan? Sagutin ng pasalita sa anyo ng tula. Dapat bang igalang ang ating pamahalaan? Bakit? Paano? Bakit mahalaga sa ating buhay ang pagkakaroon ng pambansang pamahalaan? Paano mo maipakikita ang iyong pagmamalasakit sa ating pamahalaan? Karagdagang Gawain Gawain 1 •Ipakita sa pamamagitan ng dula-dulaan ang kahalagahan ng pambansang pamahalaan. Gawain 2 Ano ang kahulugan ng pamahalaan? Sagutin nang pasalita sa anyo ng tula o awit. Gawain 3 •Iguhit ang Malacañang Palace at ibigay ang kahalagahan nito sa ating bansa. Paglalahat:
Ang pamahalaan ay isang samahan o
organisasyong politikal na itinataguyod ng mga grupo ng tao na naglalayong magtatag ng kaayusan at magpanatili ng isang sibilisasyong lipunan. Mahalaga ang pamahalaan dahil ito ang namumuno sa pagtupad ng mga programa para sa nasasakupan. Paglalahat:
Ang pambansang pamahalaan ay binubuo ng sangay
na tagapagpaganap, sangay na tagapagbatas, at sangay na tagapaghukom.Ang sangay na tagapagpaganap ang nagpapatupad ng mga batas. • Ang pamahalaan ay may tatlong magkakaugnay na sangay: ang tagapagbatas, tagapagpaganap, at tagapaghukom. May kanya-kanyang kapangyarihan ang bawat sangay na nakapaloob sa Saligang Batas ng Pilipinas. Maikling Pagsusulit: Test I: Panuto: Ilagay sa patlang ang tsek ( / ) kung tama ang kaisipan at ekis ( x ) kung mali. ___1. Ang pamahalaan ay binubuo ng isang grupo ng tao lamang. ___2. Ang pamahalaan ay may tatlong magkakaugnay na sangay. ___3. Ang pamahalaan ay pinamumunuan ng isang Pangulo. ___4. Ang pamahalaan ng Pilipinas ay siya ring pambanasang pamahalaan. ___5. Ang pamahalaan ay isang organisasyong politikal. Maikling Pagsusulit: Panuto: Maari mo bang tukuyin kung sa anong sangay ng pamahalaan napabilang ang mga sumusunod na kapangyarihan na nakatala sa ibaba. Isulat lamang ang titik ng katumbas na kasagutan na makikita sa kahon. a. Sangay na Tagaganap b. Sangay na Tagapagbatas c . Senado d. Kongreso e. Sangay na Tagapaghukom _______1. Ito ang tinatawag na mataas na kapulungan. _______ 2. Ano itong tinagurian na mababang kapulungan? _______3. Ito ang sangay ng pamahalaan na binubuo ng mataas at mababang kapulungan. _______4. Ang sangay ng pamahalaan na nagbibigay kahulugan sa mga batas ng bansa. _______5. Ang sangay ng pamahalaan na ito ay ang nagpapatupad ng mga batas ng bansa. Karagdagang Gawain Panuto: Ipaliwanag ang inyong sariling pananaw at damdamin sa sumusunod na sitwasyon. Sa iyong palagay, ano kaya ang kahalagahan ng pagkakaroon ng pambansang pamamahalaan? Karagdagang Gawain Panuto: Ipaliwanag ang inyong sariling pananaw at damdamin sa sumusunod na sitwasyon. • Maari mo bang ipaliwanag ang istruktura ng ating pamahalaan at ang mga kapangyarihan na kaakibat ng bawat sangay nito? Takdang- Aralin: Alamin kung sinu-sino ang kasalukuyang pinuno ng bawat sangay ng pamahalaan.Isulat ito sa kwaderno.