Name: _____________________________________ Grade & Section: _4_________ Score: _________

School: _____________________________ Teacher: _________________ Subject: Araling Panlipunan

LAS Writer: CARLA E. BLANCA Content Editor: JENNIFER A. SUBA / BERT CEAZAR A. CASTILLO
Lesson Topic: Kapangyarihan ng mga Sangay ng Pambansang Pamahalaan. QUARTER 3 WEEK 1
LAS 3
Learning Targets: Natutukoy ang kapangyarihan ng mga Sangay ng Pambansang Pamahalaan.
AP4PAB-IIIa-b-2
Reference(s): Adriano, MC., et al., 2015. Araling Panlipunan – Ikaapat na Baitang Kagamitan ng
Mag-aaral:Pasig City, Philippines: Vibal Group Inc, pp. 228-236

Kapangyarihian ng mga Sangay ng Pambansang Pamahalaan

1. Sangay ng Tagapagbatas o Lehislatibo- May dalawang kapulungan ang sangay na

tagapagbatas. Ito ay ang Mataas na Kapulungan o Senado at ang Mababang Kapulungan o
Kinatawan ng mga Kapulungan.
 Ang mga Kapulungan ng sangay na tagapagbatas ay may mga espesyal na
kapangyarihan.
 Ang pagpapatibay ng mga kasunduan sa ibang bansa ay nasa kapangyarihan ng Senado.
 Ang pagsasampa ng impeachment o pagtanggal sa puwesto ng mataas na opisyal ay
Kapangyarihan ng Kapulungan ng mga Kinatawan.
 Ang Pambansang Badyet ay dumadaan din sa sa masusing pagsusuri ng sangay na
tagapagbatas.

2. Sangay ng Tagapagpaganap o Ehekutibo- Ang sangay na ito ang tumitiyak na ang mga batas na
ginagawa ng Kongreso ay naipatutupad upang mapangalagaan ang kapakanan ng mga
mamamayan.
 Pinamumunuan ng pangulo ang sangay na ito.
 Batay sa Konstitusyon, alinsunod sa pagsang-ayon ng Komisyon sa Paghirang, ang pangulo
ay may kapangyarihang humirang ng mga puno ng mga kagawaran tulad ng embahador,
konsul, may ranggong Kolonel sa sandatahang lakas, at iba pang mga opisyal ayon sa
isinasaad ng Konstitusyon.
 Bilang punong kumander ng sandatahang lakas ng bansa, maaaring iatas ng pangulo ang
pagsupil sa anumang karahasan, pananalalakay, o paghihimagsik.
 Taglay rin ng Pangulo ang veto power o kapangyarihang tanggihan ang isang panukalang
batas na ipinasa ng Kongreso.
 Ang Pangulo rin ang pumipili ng punong mahistrado ng Korte Suprema, gayundin sa
mabababang hukuman mula sa talaan ng Judicial Bar Council.

3. Sangay ng Tagapaghukom o Hudikatura – Ang Sangay Tagahukom o Hudikatura ang nagbibigay

ng interpretasyon sa mga batas ng ating bansa.
 Ang kapangyarihang panghukuman ay nasa ilalim ng Kataas-taasang Hukuman o Korte
Suprema at Mabababang Hukuman
 Sa Korte Suprema dumudulog ang sinumang tao na hindi sumasang-ayon sa anumang
desisyon ng mabababang hukuman
 Ang dalawang sangay ng pamahalaan ay dumudulog sa Korte Suprema kung may mga
katanungan tungkol sa mga legalidad ng batas.

Gawain 1
Panuto: Sagutin ang mga katanungan. Isulat ang sagot sa patlang.
1. Ano ang tawag sa kapangyarihan ng pangulo na tanggihan ang batas na ipinasa ng Kongreso? ______
2. Anong kapulungan ang may kapangyarihan sa pagsasampa ng impeachment? ___________________
3. Sino ang Punong Kumander ng bansa? ______________________________
4. Anong sangay ng pamahalaan ang may kapangyarihang panghukuman? _________________________
5. Anong kapulungan ang nagpapatibay ng mga kasunduan sa ibang bansa? ______________________
Gawain 2
Panuto: Tingnan ang tsart. Magtala sa loob ng kahon ng tig- dalawang (2) kapangyarihan na taglay ng
bawat sangay ng Pambanasang Pamahalaan.

Sangay ng Pamahalaan

Tagapagbatas Tagapagpaganap Tagapaghukom

o o o
Lehislatibo Ehukatibo Hudikatura