TUNGO SA PANANALIKSIK Pagbasa – ay isang gawaing nakaugalain na, nagagamit ang kaalaman at nakabubuo ng sariling hinuha. Ayon kay Urquhart at Weir – ang pagbasa ay isang proseso ng pagtanggap at pagpapakahulugan sa mga nakakodang impomasyon sa anyo ng wika sa pamamagitan sa limbag na midyum. Ayon kay William S. Gray- may apat na hakbang ang proseso ng basa Una- ang persepsiyon o pagkilala sa mga salitang nalimbag Ikalawa- ang komprehensiyon o pag-unawa sa mga nabuong mga konsepto mula sa mga nakalimbag na mga salita. Ikatlo- ang aplikasyon o realisasyon, paghuhusga, at emosyonal na pagtugon Ikaapat- ang integrasyon o pagsasama ng bagong ideya sa personal na karanasan. Sa pamamagitan ng pagbasa ay napalawak natin ang kaalaman at napapataas ang antas ng ating pag- uunawa at tinutuklas ang nakapaloob na konsepto o mensahe. Kinakailangan na ang mapaglarong imahinasyon, matalas na pagmamasid, matalinong panunuri at masigasig na pagmumuni. URI NG TEKSTO Argumentatib - ay isang teksto kung ito ay naglalahad ng mga posisyong umiiral na kaugnayan ng mga proposisyon na nangangailangan ng pagtalunan o pagpapaliwanagan. Ang ganitong uri ng teksto ay tumutugon sa tanong na bakit. Halimbawa nito ay mga editoryal. Naglalayon din ang tekstong ito na mapatunayan ang katotohanan nang ipinapahayag at ipatanggap sa bumabasa ang katoto-hanang ito. Ang katangian ng tekstong ito ay makipagtalo upang mapatunayan ang katotohanan nang ipinapahayag at ipatanggap sa bumabasa ang katotohanang ito. Impormatib ay isang tekstong naglalahad ng mga bagong kaalaman, bagong pangyayari, bagong panini- wala at mga bagong informasyon. Ang mga kaalaman ay nakaayos ng sekwensyal at inilalahad nang buong linaw at kaisahan. Ang ilan sa mga halimbawa nito ay mga kasaysayan at mga balita. Naglalayon din ang teksto ito na maglahad ng mga tiyak na impormasyon at mahahalagang detalye na may lohikal na pagha- hanay. Isinasaad dito ang mga kabatiran nang naaayon sa mga tunay na pangyayari batay sa nasasaklaw na kaalaman ng tao. Deskriptib ay tekstong nagtataglay ng mga impormasyong may kinalaman sa pisikal na katangiang taglay ng isang tao, bagay, lugar, at pangyayari. Sa madaling sabi, ang tekstong ito ay may layuning mag-larawan ng isang bagay, tao, lugar, karanasan, sitwas-yon, at iba pa. Ang katangian ng deskriptib ay maihahalintulad sa pagpipinta. Ang mambabasa ay tila direktang nakasaksi sa mga pangyayaring inilalahad sa pamamagitan ng masining na paglalarawang ginagamit ng manunulat. Persweysib naman ay isang tekstong nangu- ngumbinse o nanghihikayat. Ang ilan sa mga halimbawa nito ay ang mga nakasulat na propaganda sa eleksyon at mga advertisement. Naglalayon ang uri ng tekstong ito na kumbinsihin ang mga mambabasa na sumang-ayon sa manunulat hinggil sa isang isyu. Ang katangian ng tekstong ito ay maglahad ng mga konsepto, pangyayari, bagay o mga ideyang naghihikayat sa mambabasa. Naratib ay isang tekstong naglalahad ng magkakasunod- sunod na pangyayari o simpleng nagsasalaysay. Ang halimbawa nito ay mga akdang pampanitikan. Layunin ng tekstong ito na magsa-laysay o magkwento batay sa isang tiyak na pangyayari, totoo man o hindi. Ang teks- tong naratib ay isang impormal na pagsa-salaysay. Para ka lang nagkuwento ng isang bagay o isang pangyayari sa isang kaibigan. Magaan itong basahin. Maaaring magtaglay ng anekdotang naglalarawan ng mga tauhan, eksena, at mga detalye ng mga pangyayari. Nagtataglay ito ng panimu-lang nagsasaad kung anong uri ito ng tekstong naratib at ng isang matibay na kongklusyon. Prosidyural ang isang teksto kung ito ay nagpa pakita at naglalahad ng wastong pagkakasunod- sunod ng malinaw na hakbang sa pagsasa- katuparan ang anumang gawain. Layunin ng tekstong ito na makapagbigay ng sunod-sunod na direksiyon at importansiya sa mga tao upang tagumpay na maisagawa ang mga gawain sa ligtas, episyente, at angkop na paraan. Ang kata- ngian ng tekstong ito ay may serye ng impomasyon tungkol sa isang bagay upang matamo ang inaasahang hangganan o resulta Pamprosesong Tanong: 1. Batay sa mga tekstong napag-aralan, ano- ano ang pagkakaiba ng tekstong naratib sa deskriptib? 2. Ano naman ang pagkakaiba ng argu- mentatib sa persweysib? 3. Ano ang pagkakaiba rin ng naratib sa impormatib? TAKDANG ARALIN Panuto: Sumulat ng dalawang tekstong pagpipilian sa loob ng panaklong. (Impormatib, Persweysib, Naratib, Deskriptib, Argumentatib at Prosidyural) Isulat ito sa isang kapirasong papel. Kriterya sa Pagwawasto: Kaugnayan sa Paksa: 10 puntos Kabatiran ng Wika 10 puntos Nilalaman: 20 puntos __________________ Kabuuan 40 puntos