(ISANG PAGSUSURI)

CABALTEA, MIKE BENSON E.

II AB BSE FILIPINO
I. Pamagat, Manunulat at Tagapaglathala

Masasabing ang OMNIBUS at ang misteryo ng nawawalang ulo

na sinulat ni Rhod V. Nuncio ay tunay ngang nagtataglay ng mayamang
nilalaman. Isang patunay rito ang mga salitang ginamit ng mga tauhan
at ang nilalaman ng bawat pag-uusap. Bawat kabanata ng nobelang ito
ay sadyang detalyado kung kaya hindi mahirap unawain ang bawat
pangyayari. Bawat kabanata ay may ibat ibang pangyayari na sa huli ay
malalaman ng mambabasa ang koneksiyon ng bawat kabanata.
Seguradong mapapaisip ang mambabasa kung ano ang nilalaman ng
nobela dahil sa pamagat pa lang na OMNIBUS at ang misteryo ng
nawawalang ulo ay may suspense na.

Ang pamagat ng nobelang ito ay binase sa pangalan ni Orlando

Manuel Narvaez Iniego na isang hardinero ng Malacaang sa panahon ni
Manuel Quezon. Ang OMNI ay ang acronym ng kaniyang pangalan samantalang
ang BUS naman ay may kaugnayan sa mga salitang latin na corpus meum sub
beato benedicto na nangangahulugang My body under Blessed Benedict o Ang
aking katawan sa sa ilalim ni San Benito. Ang mga letrang ito ang nakatulong sa
pangunahing tauhan upang malutas ang misteryo sa likod ng pugot na ulo.

II. Buod

Ang nobelang OMNIBUS at ang misteryo ng nawawalang ulo na

sinulat ni Rhod V. Nuncio ay isang akda na naglalaman ng kuwento ng
pag-iibigan, pagmamahal sa pamilya at pagmamahal sa bansa.
Naipakita rin sa akdang ito ang ugnayan ng ibat ibang karatig bansa ng
Filipinas tulad ng China at kung ano ang mga maaaring mangyari kung
magkaroon man ng tunay na digmaan sa pagitan ng mga bansang ito.
Mapapansin din sa akda ang mga suliranin sa loob ng Malacaang at
kung anong aksiyon ang ginagawa ng pangulo sa mga sulianing ito.
 Sa pagbaba ni Pangulong Laine Monteclaro Santos at sa
pagkakalutas ng misteryo sa likod ng Pentagon Protocol ay may nabuo
nanamang misteryo sa ilalim ng panunungkulan ng bagong pangulo na
si Pangulong Orlando Miteorillo Orlilio Yutangco na mas kilala sa tawag
na Pomoy.

Ang panibagong misteryo sa ilalaim ng panunungkulan ni Pomoy

ay may kinalaman sa Omnibus code at sa pugot na ulo na natanggap ni
Propesor Arvin Villa. Sa tulong ng isang palabang babaeng kongresista
na si Jenny Solisidad, naglakbay sila sa National Historical Comission,
Fernando Air Base, abbey of Our Lady of Monserrat hanggang sa CCP
Complex upang alamin ang katotohanan sa likod ng Omnibus Code.
Lumitaw ang recipe ni Quezon, ang tungkol sa mga buto ni Bonofacio, at
ang larawan ng HongKong Junta, at ang medalyon ni San Benito.

Sa masusing pagsasaliksik ni Prop. Arvin Villa at ni Jenny

Solosidad, natuklasan nila ang kinalaman ng lahat ng pangyayari sa
bansa sa tulong ng misteryosong pagkatao ni Orlando Manuel Narvaez
Iniego. Dahil sa katalinuhan ni Prop. Villa, nailigtas niya sa
kapahamakan ang kaniyang kasintahan na si Lizelle Pineda nang
malaman niyang si Jenny Solosidad pala ang may kagagawan ng lahat
ng mga nangyayaring misteryo sa bansa. Lahat ng mga nangyari kay
Jenny at Prop. Villa ay plinano lahat upang dahil nais ni Jenny ng
kapangyarihan ay kayamanan.

Sa kabila ng mga pangyayari sa pagitan ni Jenny, Prop. Villa at

ang pugot na ulo, masalimuot naman ang kinaharap ng pangulo sa lahat
ng kahindik-hindik na pangyayari sa politika ng bansa. Kasabay nito ang
paghahanda ng mga Filipino sa krisis na nilikha ng maligalig na pinuno
at militar ng Peoples Republic of China.
 Sa pagtatapos ng nobela, lahat ng nangyari sa bawat kabanata ay
may ugnayan. Lahat ng mga may kaugnayan sa pamahalaan hanggang
sa mamamayan ay naging bahagi ng mahahalagang pangyayari sa
kasaysayan ng bansa. Sa tulong ng pantas na si Prop. Arvin Villa at ng
ilan pang mga tauhan, naging malinaw kung ano ang misteryo sa likod
ng pugot na ulo at kung ano ang kaugnayan nito sa Omnibus code at
kay San Benito.

III. Uri ng Panitikan

Maituturing na nobela ang akdang OMNIBUS at ang misteryo ng

nawawalang ulo ni Rhod V. Nuncio dahil ito nahahati sa kabanata.
Mapapansin sa mga pahina ng akda na ng mga pangyayaring hango sa
tunay na buhay ng tao na isa pa sa mga pangunahing isinasaalang-
alang kapag nagsusulat ng nobela.

Masining na uri ito ng panitikan dahil naglalahad at naglalarawan

ang bawat kabanata ng mga pangyayaring nagaganap sa buhay at
umiikot ayon sa karansan ng tao sa sarili at sa kapaligiran.

Kung pagbabatayan ang mga katangian ng nobela, seguradong

pasok ang nobelang OMNIBUS at ang misteryo ng nawawalang ulo
dahil malinaw at maayos ang pagkakabuo ng mga tagpo at kaisipan
nito. Dahil maganda ang bawat pangyayari, naging malikhain ang
paraan ng pagkakalahad ng mga linya ng tauhan. Ang paglagay ng mga
linya ng Lupang Hinirang sa huling bahagi ng nobela ay isa sa mga
patunay ng pagiging malikhain nito. Isa pang mahalagang
pagpapaliwanag ay ang kaugnayan ng kuwento sa kasaysayan ng
bansa. Dahil ang Malacaang ang isa sa pangunahing tagpuan ng
kuwento, hindi malayong nabungkal din ang kasaysayan partikular na
ang mga nangyari sa panahon ng dating Pangulong Manuel Quezon.

IV. Dulog

PananawSosyolohikal

May malaking pananagutan ang panitikan sa lipunan ng alin mang

bansa. Ang panitikan ay hindi lamang pagpapahayag ng damdamin ng
tao na nauukol sa mga bagay-bagay sa kaniyang paligid kundi isang
makapangyarihang lakas na maga bahaging ginagampanan sa
pakikipag-ugnayang panlipunan.
Kung susuriin ang nobelang Omnibus, pasok ito sa pananaw
sosyolohikal. Sa pananaw na ito, makikita ang ugnayan ng panitikan at
ng lipunan. Ang akda ay iniluwal sa isang partikular na panahong
kinamalayan ng manunulat. Sa pagsusuri ay hindi sapat na tingnan lang
ang akda kundi gayundin ang lipunan kung saan nagkahugis ang
kaisipan at mga karanasan ng manunulat upang ganap na maunawaan
ang mensaheng taglay ng kaniyang akda.
Angkop na suriin ang nobelang Omnibus gamit ang pananaw na
ito sapagkat sinasalamin nito ang mga pangyayaring panlipunan na
nakakaapekto sa paraan ng pamumuhay ng tao. Kitang-kita sa mga
pangyayari sa kuwento ang lahat ng katiwalian na nangyayari sa
pamahalaan na higit na nagiging sanhi ng kahirapan ng mamamayan.
May ilang bahagi rin sa nobela na nakita ang ugnayan ng China at
Pilipinas. Dahil dito, mas lumilitaw ang pakikipamuhay ng mga tao sa
kaniyang kapuwa tao.
Pananaw Realismo

Litaw na litaw sa nobelang Omnibus ang pananaw Realismo.

Obhetibong inilahad ang realidad ng buhay sa nobelang ito ni Rhod
Nuncio. Habang umiikot ang nobela sa kaisipan at damdamin ng isang
Propesor na si Arvin Villa ukol sa mga bagay-bagay na nangyayari sa
lipunan, matatagpuan din sa nobela ang mga [angyayaring maaaring
iugnay sa realidad ng buhay maging ito man ay di kagandahan.
Ang mga pangyayari sa akda tulad ng pagkamkam sa
kapangyarihan ay litaw na litaw sa tunay na pangyayari sa ating bansa.
Mararamdaman ng bawat mambabasa ang damdaming namamayani
kay Propesor Villa noong mga panahon na talamak ang korapsyon.
Malalasap din ng bawat mambabasa ang mga hinaing ng mamamayan
na nakikipaglaban sa gobyerno. Kitang-kita ang layunin ng awtor na
mailahad ang katotohanan at humikayat ng pang-unawa.

V. Bisa

Sa pagbabasa ng akdang OMNIBUS at ang misteryo ng

nawawalang ulo, mapapansin na idinaan ang pagkakabuo nito sa
malikhaing paraan. Ang kaisipan na taglay nito ay tumutukoy sa
katotohanan na nagaganap sa ating lipunan nang ito ay sinulat. Dahil
maganda ang mga salitang ginamit, mas naging kahali-halina itong
basahin.

Bisa sa Isip:
Ang naging bisa sa isip na idinulot ng nobelang ito sa akin ay ang
kamalayan ko sa nangyayari sa lipunan. Aking napagtanto na marami
palang nangyayari sa pamahalaan na hindi alam ng mga mamamayan.
Naisip ko na mas kailangan ang pagiging mabisa ng mga mamamayan
sa pagpili ng mga uupo sa matataas ng puwesto sa Malacaang.
Bisa sa Damdamin:
Ang naging bisa sa damdamin na idinulot ng nobelang ito sa akin
ay ang damdamin ng pagiging makabayan. Maraming mahalagang
pangyayari sa kasaysayan ng ating bansa ang nangangailangan ng
pansin ng mga mamamayan. Kailangan na ang pagiging mabisa ng
bawat isa na magsaliksik sa mahahalagang pangyayaring ito nang sa
gayon ay mas maunawaan pa ang kasaysayan ng ating bansa.

Bisa sa Kaasalan:
Ang naging bisa sa kaasalan na idinulot ng nobelang ito sa akin ay
ang pagiging sensitibo sa nararamdaman ng mga nakapaligid sa akin.
Lahat ng tao sa mundo ay may kani-kaniyang pinaniniwalaan kung kang
kailangan din ng bawat isa na magkaroon ng malawak na pang-unawa.

X. Mungkahi

1. Maganda ang pagkakabuo ng akda.

2. Ang mga tagpuang ginamit ay naaayon sa salitaan ng mga
tauhan.
3. Ang ginamit na salita ay isang rason kung bakit naging maganda
ang ikot ng kuwento.
4. Mas nagiging mabisa ang mga eksena sa mambabasa dahil sa
magagandang palitan ng linya.
5. May ganap lahat ang napakaraming tauhan kung kaya naging
kapana-panabik ang mga tagpo.