Professional Documents
Culture Documents
Unang Sulating Pormal
Unang Sulating Pormal
Ano ang kulay ng buhay mo? Itim ang naging kulay ng buhay ko noon. Bakit itim?
Dahil madilim, walang pag-asa, at walang pagmamahal. Ang hirap mabuhay sa dilim, laging
pakiramdam mo ay wala kang kasama. Laging pakiramdam mo’y walang nakakaisip na sapat
ka. Laging pakiramdam mo’y may pagkukulang ka. Lagi mong inaasam ang liwanag sa buhay
mo. Ang sanaysay na ito ay kuwento ko, kung paano ko natagpuan ang liwanag sa paghahari
ng karimlan.
Noong hayskul ako, lagi kong pakiramadam na may pagkukulang ako, na kahit ano
ang gawin ko, walang nakakaintindi sa akin. Nahirapan akong mag-aral, dahil laging hangad
ng magulang ko na una ako sa klase. Wala namang mali dito, pero nang minsan akong
maging pangatlo lamang sa klase namin ay sinabihan nila ako na nagpapabaya na ako sa
pag-aaral. Higit pa dito, hindi ako pinansin ng tatay ko ng dalawang linggo. Kahit may sakit
ako ay kailangan ko pa ring pumasok sa klase para walang makaligtaang aralin. Pakiramdam
Nahirapan akong magkaroon ng kaibigan noong hayskul ako. Dahil bukod sa binuhos
ko ang oras ko sa pag-aaral ay hindi nagustuhan ng aking mga kaklase na masyado akong
masunurin sa mga tuntunin ng mga guro. Kadalasan kasi ay maraming pinapagawa sa amin
dahil bahagi kami ng Science, Technology, & Engineering Program. Madalas nilang pag-
usapan na huwag na lamang gumawa o huwag magpasa ang lahat dahil marami pa raw
kailangang gawin para sa ibang asignatura. Madalas akong hindi nakikisali dahil alam kong
papagalitan ako ng aking mga magulang at hindi rin kami pagbibigyan ng aming mga guro.
Sa totoo lang, nagkaroon lamang ako ng tunay na kaibigan noong ako’y nasa ika-apat na
1
taon na ng aking pag-aaral. Noong panahong ito ay natatanaw ko na ang liwanag ngunit
Nangangamba ako na baka maulit lamang ang mga naganap sa akin noong ako’y hayskul at
baka mas lalo pang lumala dahil isa akong iskolar ng Ateneo. Sa totoo lang, iniisip ko noon
kung itutuloy ko ba ang pag-aral sa Ateneo dahil sa takot at pangamba ko. Ngunit naawa ako
sa aking mga magulang, dahil sa tingin ko’y kailangan nilang maging iskolar ako. Hirap na
kami sa aming pamumuhay, kaya naman kahit ako’y takot, tinuloy ko pa rin. Dahil sa
Nagnilay ako at habang ako’y nagninilay, nagdasal ako sa Panginoon at humingi ako
ng gabay. Hindi ko lang ito isang beses ginawa, gabi-gabi nagninilay ako, at pagkatapos ay
magdarasal. Nang lumaon ay napagtanto ko na kung gusto kong lumigaya ay kailangang may
gawin ako. Kung kaya’t inisip kong baguhin ang sarili ko, inisip kong dapat ‘pag nasa kolehiyo
na ako ay hindi na ako mahiyain at maglalaan na ako ng oras para sa mga magiging kaibigan
ko. Talagang, ipinlano ko na ang mga gagawin ko para magkaroon ng liwanag ang buhay ko.
Inisip ko na magdamit nang maayos upang mas magkaroon ako ng tiwala sa sarili. Inisip
kong sasali ako ng mga student organization para makahanap ako ng mga kaibigan.
kaibigan mula sa aking block kahit unang linggo pa lamang ng klase. Mula noon ay marami
na kaming pinagdaanan ng mga kaibigan kong ito, nagkaroon na kami ng tampuhan at hindi
pagkakaunawaan pero alam ko at dama ko pa rin ang pagmamahalan namin sa isa’t isa. Sa
totoo lang, unang beses ito sa buong buhay ko na damang-dama ko ang pagmamahal ng
aking mga kaibigan. Kaya’t laking pasasalamat ko at nabiyayaan ako ng mga kaibigan na
2
katulad nila. Pilit ko ring pinapakita sa kanila ang pagmamahal ko sa kanila. Sumali rin ako ng
mga orgs at marami na rin akong nakilala at natutunan. Natutunan kong magtaya,
natutunan kong mayroon na akong dahilan para mabuhay, natutunan kong ipaglaban ang
mga inaapi sa paraang kaya ko, at higit sa lahat natutunan kong magmahal nang buo.
Kaya naman kung ako’y tatanungin ngayon kung ano ang kulay ng buhay ko,
sasagutin kita na makulay. Dahil bagaman natagpuan ko na ang liwanag sa buhay ko ngayon,
nagkakaroon pa rin ako ng problema sa aking mga magulang, pag-aaral, at kaibigan. Pero
okey lang lahat ng iyon dahil sa bawat problema ay may natututunan ako. Tulad na lamang
ng pagkatuto ko na kaya ko pa, na okey lang mapagod, na okey lang masaktan, na worth it
pa rin ang lahat ng paghihirap dahil may pinaglalaban ka. Napakarami ko nang natutunan, at
hindi na siguro matatapos ang sanaysay na ito kung ililista ko pa isa-isa ang mga natutunan
kong ito.
Kahit may liwanag na ang buhay ko, kahit marami na akong natutunan, ay patuloy pa
rin akong natututo. Sa totoo lang paulit-ulit na lamang ang gawain ko sa buhay ngayon –
sakit kundi pagod sa lahat ng ginagawa ko. Pero natutunan ko na ang lahat ng ito ay parte ng
proseso ng pagkatuto, na wala akong matutunan kung hindi ako magtataya, na walang pag-
uunlad kung hindi ako masasaktan, at hindi ako makakausad kung hindi ako babangon. Kaya
naman dahil marami pa rin akong dapat paunlarin sa aking sarili, ay hindi ako kailanman
titigil magmahal sa aking mga kaibigan at magtaya sa mga bagay na pinaniniwalaan ko. Sa
lahat ng karansan ko, ito ang aking natutunan, dahil bagaman apat na taon akong nabuhay
sa dilim, nandito na ako ngayon sa liwanag. Kahit ako ay nasa liwanag ngayon hinahanap ko
3
pa rin ang tama kong lugar. Pero mas masaya na ang paglalakbay ngayon dahil sa
paghahanap ko ngayon ay hindi na ako nag-iisa at mayroon ng mga taong tutulong sa akin.
Ito ang kuwento ko, kung paanong mula sa pamumuhay sa karimlan ay natagpuan ko
ang liwanag. Kung paanong natuto akong magtaya, magmahal, masaktan, at bumangon.
Kung paanong hanggang sa ngayon ay hindi pa natatapos ang paglalakbay ko. Kung paanong
hangga’t may buhay ay paniguradong may pag-asa. Ikaw, ano ang kuwento mo?
Diana G. Romero
G. Charles Yee