Pagtupad sa Pangarap

ni Modesta R. Jaurigue

Bata pa lamang si Marlon ay

pangarap na niyang makatapos ng
kursong inhinyero. Bagamat ulila na
siya sa mga magulang ay hindi ito
naging hadlang upang ipagpatuloy
niya ang kaniyang pag-aaral.
Nagtatrabaho siya sa yelohan sa piyer
simula dapithapon hanggang alas 8:00
ng gabi at babalik ng alas 4:00 ng
madaling-araw hanggang alas 6:00 ng
umaga.
Hindi kaagad siya pinag-aral ng
kaniyang mga magulang kaya sa
gulang na labindalawa ay nasa
ikatlong baitang pa siya pero hindi niya
ito ikinahihiya bagkus mas lalo pa
siyang nagiging pursigido sa pag-aaral.