Sa lahat ng anggulo, nais makuhanan Kapag pangit nama’y papalitan Buburahi’t ititira ang magandang larawan.
Dahil sa talino ng tao
Ang mga cellphone ay naimbento Camera application, itong binuo Na ginagamit ngayon ng mundo.
Larawang nais makita ng mundo
Ipagyabang din ang siyang nais. Kagandahang tunay nga ba o pekeng mukha, Edited naman yata’t halatang-halata?
Namamatay, naaaksidente dumarami
Ang selping ito’y kriminal din pala Sa mga taong pag-iingat ay wala Sa telebisyon pa’y naibabalita, nakahihiya.
Pagseselpi, sakit ayon sa pagsusuri
Ng mga taong nais ay magpapuri Sa facebook, puno ng palamuti Larawa’y di mabilang, makilala ri’y hindi.
Sa pagseselpi, maraming buhay ang nagagapi
Trending sa facebook, youtube maging sa balita. Masama’y dulot, paggamit nang labis Kaya’t mag-ingat nang di manghinagpis. Plastik Julie Molintas Bucasan
Sinong kaibigan ang dapat pagkatiwalaan
Kung ang lahat ay puro plastikan? Saan hahantong ang nabuong samahan, Kung patuloy na nagtataksilan?
Akala mo’t akala ko, tunay tayo
Sa ipinapakitang ugali mo’t ugali ko, Ngunit nakikiayon lang pala, Sa likuran nito’y siraan ang nangunguna.
Naglolokohan, iyan ang totoo.
Akala mo nakikiluksa Nangangalap lang pala ng ebidensiya, Para may maibahagi sa iba. Pagkakaisa Julie Molintas Bucasan
Problema, laging kaharap ng pamilya
Sa tanghali, hapon, maging sa umaga. Tuwing meryenda’y di rin nawawala Laging nakahanda, leon kung umasta.
Dalahin kung tingnan ng mga kakilala
Na wawasak sa nabuong pagsasama. Anghel ng tahanan, magkakasira na Kung tuluyang hahayaan manguna.
Ngunit ang taong may takot sa Lumikha
Anumang hadlang, kakayanin nila Manatili lang buo ang pagsasama, Magpapakita na sila rin ay iisa.
Pagsubok na balakid, kayang-kaya
Sa pakikibaka, sila ang sandata. Laging iisipin na may kasangga Natapusin ang labanan sa giyera.
Sa aking tahanang naghatid ng sigla,
Ng tuwa, at pumapatak na luha, Pag-agos nito mula sa aking mga mata, Dala ay naghalong lungkot at ligaya.
Nawa’y manatili ang pagsasama
At maging modelo sa ibang nilikha. Tulong-tulong sa pakikidigma Huwag susuko sa anumang giyera. Tsismosa Julie Molintas Bucasan
Mas mabuti na sa aki’y iyo ng sabihin
Mga bagay na ayaw mo’t kinaiinisan sa akin Upang malaman at maayos ko rin Kaysa naman kinukuwento mo’t dinaragdagan pa man din.
Ayoko sa lahat, taong mahilig maglubid ng buhangin,
Maghatid ng alimuom ang alam na gawain, Di inalintana kung siya ma’y uusigin, Pagkat sa kanya ito’y trabahong kayhirap pigilin.
Para silang ikaapat na kapangyarihan,
Aalamin ang lahat may maipabatid lamang, Ganyan kaimportante sa kanila Kahit mga bagay na wala namang kuwenta.