Republika ng Pilipinas

KAGAWARAN NG EDUKASYON
Rehiyon IV A – CALABARZON
Sangay ng Lungsod ng Antipolo
Purok I-D

MATAAS NA PAMBANSANG PAARALAN NG MAMBUGAN

Mala-Masusing Banghay Aralin

Sa Filipino 10 (Ikaapat na Markahan)
Petsa : Ika-20 ng Pebrero, 2019 Pangkat : Magalang (1:05-2:00)
Araw : Miyerkules Makakalikasan (4:10-5:05)
Makadiyos (5:05-6:00)
I. LAYUNIN
a. Nabibigyang-kahulugan ang mga salitang ginamit sa binasang kabanata ng nobela (FT10PT-
IVb-c-83).
b. Natitiyak ang pagkamakatotohanan ng akda sa pamamagitan ng pag-uugnay ng ilang
pangyayari sa kasalukuyan (F10PB-IV-h-i-92).
c. Nasusuri ang napakinggang paglalahad sa sariling damdamin ng mga tauhan na may
kaugnayan sa pagkayamot, pagkatakot, pagkapoot atbp. (F10PN-IV-j-87).

II. NILALAMAN
a. Paksa : Pagsusuri ng Kabanata
b. Kagamitan : laptop computer, flashdrive, TV, speaker, tsart, panulat
c. Sanggunian : Filipino Curriculum Guide (pahina 184)
Pinagyamang Pluma 10 (pahina 715-724)
III. YUGTO NG PAGKATUTO
A. Panimulang Gawain
1. Panalangin
2. Pagbati
3. Pagtatala ng Liban
4. Balik-aral
AKTIBITI (Pagganyak)
Sa tulong ng mga metacards na hawak ng mag-aaral, ipatatala sa ang kanilang gagawin batay
sa sitwasyong nakasaad sa loob ng kahon. Bibigyan ng tatlong minuto ang klase para makasunod sa
gawain. Pipili ng mag-aaral na magbabahagi ng kaniyang natapos na gawain na irerepaso ng guro.

Panuto: Ipikit ang mga mata at makinig nang mabuti sa sitwasyong isasalaysay ng guro. Pagkatapos
ay itala ang iyong sagot sa metacard batay sa tanong na nakasaad sa loob ng kahon sa pisara. Pipili ang
guro ng mag-aaral na magbabahagi ng kanyang saloobin hinggil sa natapos na gawain.

Kung ikaw ay may nalalabing isang oras na lamang para mabuhay sa mundo,
sino ang gusto mong makasama at ano ang iyong gagawin?

Paghahawan ng Sagabal
Panuto: Sa pamamagitan ng alpha numeric keypad, tukuyin ang kahulugan ng mga salitang ginamit sa
kabanatang tatalakayin. Ang unang numero ay tumutukoy sa pangkat na kinabibilangan ng titik
samantalang ang pangalawang bilang naman ay tumutukoy kung pang-ilan ang letra sa grupo.

1. sulak ___ ___ ___ ___

2,1 4,1 6,3 7,4
2. nangatal ___ ___ ___ ___ ___ -
6,2 2,1 6,2 4,1 4,3
___ ___ ___
6,2 4,3 4,1
3. dinaluhong ___ ___ ___ ___ ___ ___ ___
7,4 4,3 6,2 8,2 4,1 6,3 3,1
4. kabig ___ ___ ___ ___ ___ ___ ___
5,2 2,1 5,2 2,1 6,1 7,1 4,3
5. lubay ___ ___ ___ ___ ___
8,1 4,3 4,1 4,3 5,3
ANALISIS
Sa pamamagitan ng interaktibong bidyo, ipapapanuod sa mga mag-aaral ang Kabanata 23: Isang
Bankay. Pagkatapos, ay lilinangin ang pag-unawa ng mga mag-aaral sa napanuod kabanata, sa tulong
ng mga tanong na inihanda ng guro.

Panuto: Panoorin at unawain ang mga tagpo sa Kabanata 23, Isang Bangkay, ng El Filibusterismo.
Magtatala ng mahahalagang impormasyon na makatutulong sa pag-unawa ng yugto ng nobela.
Pagkatapos ay humanda sa tanong na ibibigay ng guro para sa pagrerepaso.

Mga Gabay na Tanong sa Pag-unawa:

1. Anong uri ng tagapag-alaga si Basilio? Bakit niya tinitiis ang masasakit na bagay na
ginagawa ni Kapitan Tiago?
2. Bakit nagpunta si Simoun kay Basilio? Ano ang ibig nitong sabihin sa pahayag na
“nagpunta ako rito upang ihandog ang kamatayan o hinaharap mo, Basilio.”
3. Ano-ano ang pinag-usapan nina Basilio at Simoun? Alin sa kanilang napag-usapan ang
nagdulot ng malaking panlulumo kay Simoun?
4. Kung ikaw ang nasa kalagayan ni Simoun, ano kaya iyong mararamdaman o gagawin
sa nalamang balita?
5. Sa iyong palagay, ano kaya ang maaaring mangyari sa planong himagsikan ni Simoun
matapos ang kanilang pag-uusap ni Basilio?

ABSTRAKSYON
Magpapakita ng isang larawan ang guro sa klase. Ipatutukoy sa mga mag-aaral ang
pangkasalukyang isyu ang pinapatungkulan ng larawan at ipauugnay ito sa paksang tinalakay at
pagkatapos ay irerepaso ng guro.

APLIKASYON
Papangkatin ang mga mag-aaral sa apat at bibigyan ng kani-kaniyang gawain na itatanghal sa
klase. Bibigyan ng sampung minuto ang mga mag-aaral upang tapusin ang kanilang gawain na
mamarkahan sa tulong ng kasunod na paksa at pamantayan.

Goal, Role, Audience, Situation, Product (GRASP)

Sa inyong paaralan ay kasapi ka ng Supreme Student Government. Layunin ninyo na makatulong
sa mga gawaing pampaaralan at komunidad kaya nakikilahok kayo sa iba’t ibang gawain para mapalago
ang inyong pag-unawa sa iba’t ibang isyung panlipunan. Sa pagkakataong ito ay naging malaking isyu
ang tigdas-outbreak sa inyong barangay at napakaraming bata ang nagkasakit at namatay. Maraming
magulang, kapatid at mga kaanak ang malungkot dahil sa nangyari kaya ang inyong paaralan ay
naglunsad ng natatanging programa para sa mga nangungulila. Kayo ay hinati-hati sa apat na pangkat
para sa gagawin ninyong pagtatanghal sa programa:

Pangkat I: Kayo ay inatasang sumulat ng isang liham para sa mga anak ng mga inang nawalan ng
anak. Kinakailangang ang inyong liham ay nagtataglay ng mga mensaheng nais ipaabot ng mga ina sa
mga batang hindi nila nakapiling sa matagal na panahon at pamamaalam.

Pangkat II: Sumulat ng awit na may dalawang saknong na iniaalay sa mga batang namayapa. Dapat
na ang awit ay naglalaman ng mensahe ng pagtanggap at pamamaalam ng mga magulang sa kanilang
anak.

Pangkat III: Gumawa ‘isang simpleng tableau na nagpapakita ng makahulugang mensahe ng

pagmamahal at pamamaalam sa mga pumanaw na bata dahil sa tigdas. Inaasahang magkaroon kayo ng
representasyong makapupukaw sa damdamin ng mga manunuod at naipaliliwanag ito nang maayos.
Pangkat IV: Magsadula ng isang infomercial kaugnay sa maaaring dulot ng hindi pagpapaturok ng
bakuna laban sa tigdas at hikayatin ang publiko na gumawa ng agarang aksiyon para maiwasan ang
gayong pangyayari.

*Bibigyang marka ang inyong presentasyon sa tulong ng pamantayan sa ibaba.

Pamantayan 4 3 2
Kaugnay ng paksang tinalakay ang pangkatan.
Makatawag-pansin at napapanahon ang pangkatan
Nagawa nang maayos ang pangkatang gawain.
Nakilahok ang bawat kasapi ng pangkat.
Natapos sa tamang oras ang pangkatang gawain.

PAGTATAYA
Panuto: Basahin at unawain ang bawat pahayag. Tukuyin ang damdaming namayani sa bawat
pangungusap at isulat ang titik ng tamang sagot sa sagutang-papel.

1. “E, ano bas a akin,” ang ulit ni Camoroncocido. “Ano ang mapapala ko kung balaan ko ang mga
tao?”
a.kawalan ng galang b. kawalan ng malasakit
c. kawalan ng galit d. kawalan ng pangarap

2. “Gawin moa ng iyong tungkulin, binata,” ang laging sabi ni Padre Irene. Gawin moa ng iyong
tungkulin.”
a.pagpapaalala b. pagsasawalang-bahala
c. pagsesermon d. pananabik

3. “Bahagya na ang tibok ng puso. Mahinang-mahina ang pulso. Nawalan na siya ng gana sa
pagkain,” ang bulong ni Basilio. Malungkot ang kaniyang ngiti.” Pinagpapawisan siyang mabuti
sa madaling araw…”
a.pag-aalala b. pagkapagod
c. pagkadismaya d. pagmamahal

4. “Basilio,” ang bulong niya, “making ka sanang mabuti. Mahalaga ang bawat sandal. Nakita kong
hindi mo binubuksan ang mga aklat na ipinadala ko sa iyo. Wala kang malasakit sa iyong bayan.”
a. Pag-aagam-agam na may galit
b. Pagmamadali na may panunumbat
c. Pagpapapaalala na may pagmamahal
d. Pagseserming ppuno ng hinanakit

5. “Basilio, naparito ako upang ihandog sa iyo ang dalawang bagay: ang iyong kamatayan o ang
iyong hinaharap!”
a. pagpapaalala b. pananamantala
c. pananakit d. panggigipit

6. “Oo, si Maria Clara,” ang ulit ni Simoun, at ang sa unang pagkakataon ay naging malumanay at
malungkot ang tinig.” Ibig ko siyang maligta. Inibig kong mabuhay upang mailigtas siya.”
a.matinding pagmamahal b. pagkaulila
c. pagkahumaling d. pagkadismaya

7. “Patay na?” ang tanong ni Simoun “kaninang mag-iikaanim ng hapon. Ngayon ay maaaring…
kasinungalingan!”
a. pagtatatanong at paninigurado b. determinasyon at lakas ng loob
c. pagkagimbal at di pagtanggap d. pagkadismaya

8. “Naduduwag ka lang, kaya mo sinasabi iyan. Hindi siya patay at ngayong gabi, ililigtas ko siya o
bukas, ikaw ang mamamatay.”
a. determinasyon at lakas ng loob b. pagkagulat na may halong galit
c. pagtanggap sa paniniwala d. pagwawalang bahala at pananakot

9. Humimlay kang mapayapa, kaawa-awang anak ng aking sawimpalad na Inang Bayan! Ibaon mo
sa libingan ang mga pang-akit ng iyong kabtaan na nalanta sa gitna ng kanyang kalusugan.
a. pagpapaalala b. pamamaalam
c. pagpapasya d. paninilbihan
 10. Mapalad ang mamatay na tinatangisan, na nag-iiwan sa puso ng sa kanya’y umiibig nang malinis
na tinatangisan, na nag-iiwan sa puso ng sa kanya’y umiibig nang malinis na tinatangisan.
a. pagtanggap b. pamamaalam
c. pangungutya d. pagpapaaalala

Tala:

Inihanda ni: Binigyang-pansin nina:

G. DENMARK M. DACLES
Guro sa Filipino 10