WEEK 8

WALA NG IBA PA KUNDI ANG

PINAKA MABUTI
NG DIYOS
(NOTHING LESS THAN GOD’S BEST)

W
 DAY 50
AKO’Y ISANG ANAK
(I AM A SON OR DAUGHTER)
“Sapagkat hindi ibinigay sa inyo ng Diyos ang Espiritu upang kayo'y
gawing mga aliping namumuhay sa takot. Sa halip, ibiniga y sa inyo ang
Espin'tu upang ka yo'y gawing mga anak ng Diyos, kaya nakatatawag tayo
sa kanya ng "Ama, Ama ko!"
(Mga Taga-Roma 8:15)
Si Derek Prince ay isang taong Iubhang ginamit ng Diyos. Nang pakasalan
niya ang kanyang unang asawa, si Lydia, inampon din niya ang walong
bata na dati nang inaalagaan nito. Pakalipas ng ilang taon, habang nasa
pagmimisyon sa Africa isang grupo ang lumapit sa kanila dala ang isang
maysakit, at payat na payat na sanggol. Isang babae ang nagsabi, "Ang
ina ng sanggol na babaeng ito ay namatay nang siyang isilang. Natagpuan
siya ng isang social worker sa sahig ng isang kubo at dinala siya sa isang
ospital. lnalagaan siya ng anim na buwan, ngunit ang ospital ay hindi
isang lugar o tahanan para sa mga bata. Hindi na nila kayang siya'y
alagaan pa... Narinig namin na tumatanggap kayo ng mga bata." Sinabi ni
Lydia, "Masyado na kaming matanda para gawin pa ito nga yon. Isa pa,
masyado na din kaming abala sa gawain sa edukasyon wala na kaming
panahon para sa isang maliit na sanggol at isang batang maysakit tulad
nito. " Sinabi ng babae, "Kami'y pagod na pagod na, maaari po bang
hayaan nyo kaming makaupo at makapagpahinga kahit kalahating oras
lang?" Sila'y nagpahinga at makalipas ng kalahating oras, sila'y tumindig
upang umalis. Habang dumadaan kay Derek Prince ang babae na may
karga sa bata, iniunat ng sanggol ang kanyang kamay at siya'y inaabot
nito. Tinanggap niya ito bilang tanda na galing sa Diyos na dapat niyang
ampunin ang sanggol, kaya ’t kanyang sinabi, "Marahil ay magbabago na
kami ng isip." Sa ganoong paraan nila inampon ang kanilang ika-siyam na
anak na babae, na kanilang pinalaki at pinagaral. Ang batang babae na ito
ay nagdulot sa kanila ng labis-Iabis na kagalakan, higit pa sa kanilang
inaasahan. Siya ngayon ay isa ng misyonera sa Israel sapagkat
pinagkalooban siya ng Diyos ng malalim na pagkahabag sa mga Judyo.
Ibinigay ni Derek Prince ang parehong atensyon at pribilehiyo sa kanyang buhay sa
sanggol na babaeng ito tulad nang ibinibigay niya sa isang tunay na anak na lalaki o
babae. Kapag ang isang bata ay inaampon, sila’y tumatanggap ng magkaparehong mga
karapatan katulad ng tunay na anak. Kapwa sila bahagi ng magkatulad na mana at
magkaparehong pamilya sila'y tumatanggap ng magkatulad na pag-aalaga at
magkatulad na mga pribilehiyo.
Ano ang kalagayan natin nang makakilala tayo sa Panginoon? Marami sa atin ay nasa
isang malungkot na kalagayan, katulad ng isang batang walang ama o ina: sa espirituwal,
tayo ay mga kahabag-habag, payat na payat at hubad.
Nang tayo ay tingnan ng Panginoon at makita kung gaano tayo kadumi at kasama,
maaari Niyang maisip, "Mayroon na akong sariling bayan ang bayang Israel. Ako'y
nasisiyahan na sa kanila." Maaaring ituring tayong mga dayuhan o estranghero ng
Diyos, subalit hindi Niya ito ginawa. Bagamat wala tayong pag-asa ng katubusan, iniabot
Niya ang Kanyang kahabagan sa atin at tayo'y Kanyang minahal sa pamamagitan ng
Kanyang walang-hanggang kahabagan. Katulad ng isang sanggol na lubhang kulang sa
pagkain, inaabot natin ng ating mga kamay ang Panginoon at Siya’y nahabag sa atin.
Bagamat tayo’y hindi Niya tunay na bayan, ginawa Niya tayong sariling Kanya. Bagamat
tayo'y hindi mga tunay at lehitimong anak, tayo’y Kanyang inampon kung sino tayo sa
ating dating kalagayan at buong lugod na ibinigay sa atin ang mga karapatan katulad ng
Kanyang sariling mga anak.
Iniligtas tayo ng Diyos mula sa kadiliman at ginawa Niya tayong Kanyang mga anak
upang hindi na natin kailangan pang mabuhay sa takot. Siya ngayon ang iyong Ama, at
ikaw ay Kanyang anak. Nang ikaw ay magpasyang ibigay ang iyong buhay sa Panginoon,
ikaw ay Kanyang inampon at pinagkalooban ng karapatan tawaging anak ng Diyos.
 LIVE THE LESSON

Napakaraming mga pagkaka-iba sa pagitan ng isang taong dumadalaw lamang sa isang

bahay, at sa isang anak na lalaki o babae sa isang tahanan. Maglaan ng oras upang pag-
isipan ang mga pagkaka-ibang ito at suriin ang iyong sariling kalagayan sa loob ng
pamilya ng Diyos. Nararamdaman mo ba na ikaw ay anak ng Diyos o ikaw ay isang
panauhin lamang?

Anak Panauhin

Hanggang ngayon nararamdaman kong ako ay ______________ sa tahanan ng Diyos,

sapagkat ako ay __________________________________________________________
________________________________________________________________________

Sa aking mga pag-uugali, nais kong baguhin ang ________________________________

________________________________________________________________________
_____________________________________________________________ upang ako’y
mas maging mabuting anak ng Diyos.

Mula ngayon, simulan mong tingnan ang iyong sarili bilang isang tunay na tagapagmana
ng Diyos at ang kumilos ng katulad nito.
 REMEMBER THE LESSON

Hindi na ako isang taga-labas, ako ay isang anak ng Diyos…

STUDY THE WORD

Mga Awit 103 Mga Awit 104 1 Mga Taga-Corinto 15

 DAY 51
ANG PINAKAMAGANDANG MANA
(THE BEST INHERITANCE)

“At yamang mga anak, tayo y mga tagapagmana ng Diyos at kasamang

tagapagmana ni Cristo. Sapagkat kung tayo y kasama niya sa pagtitiis,
tayo'y makakasama niya sa kanyang kaluwalhatian.
(Mga Taga-Roma 8:17)

Noong 2009, inilathala ng mga pahayagan sa buong mundo ang kwento

ng dalawang mahirap at walang matirhang magkapatid na Aleman, na
nakatira sa isang kweba sa labas ng Budapest, Hungary. Isang araw,
dumating ang mga charity workers upang sila'y hanapin at sabihin sa
kanila ang patungkol sa mana na iniwan sa kanila ng kanilang lola. Pinutol
ng kanilang ina ang lahat ng ugnayan sa napakayamang pamilyang
kanyang sinilangan, at pagkatapos ay pinabayaan at iniwanan ang
kanyang mga anak. Bagamat hindi na nakita ng magkapatid ang kanilang
ina, na noon ay pumanaw na, sa maraming taon, hindi iyon nakapigil sa
kanilang pagiging tagapagmana ng kanilang ina. Nang mamatay ang
kanilang lola, ang kanyang ka yamanan na nagkakahalaga ng 5.6 billion
Euros ay naipasa sa kanila at sa kanilang kapatid na babae na naninirahan
sa USA, dahil sa ilalim ng batas ng Alemanya, ang mga tuwirang inapo ay
may Iigal na karapatan sa pamana ng isang tao.

Ang di-pangkaraniwang kwentong ito ay naglalarawan kung tayo ay may engkwentro sa

ating makalangit na Ama at sa Kanyang mga kahanga-hangang pamana. Kung kahapon,
inampon tayo ng Diyos bilang Kanyang hindi nagmamaliw na pag-ibig at kahabagan sa
atin. Hindi na tayo mababang uri ng mamamayan sa Kanyang paningin; bagkus sa
kabaligtaran nito, pinagkaloob tayo ng Diyos ng karangalan katulad ng sa Kanyang Anak
dahil sa pananampalataya kay Jesus. Hindi lamang natin tinatanggap ang kaparehong
pribilehiyo tulad ng kay Jesus, kundi maging ang Kanyang mga mana ay tinatamasa din
natin ngayon. At ipinagkaloob din niya sa atin ang pinakadakilang tagapagturo, ang
Banal na Espiritu; kapwa Niya ipinapahayag ang Ama at ang Anak sa atin, at tayo’y
pinapatnubayan sa daang dapat nating tahakin.
Kung kakayanin mo lamang pagsama-samahin ang halaga ng lahat ng bagay na
pagmamay-ari ng iyong Ama hindi ko pinapatungkulan ang iyong natural na ama, ang
aking tinutukoy ay ang Diyos ano kaya ang magiging resulta ng katumbas ng iyong
pagkwenta dito? Anong halaga ang ilalagay mo sa buhangin ng lahat ng dalampasigan at
sa niyebe sa bawat bundok? Ang Diyos ang nagmamay-ari ng lahat ng nilikha;
pagmamay-ari Niya ang lahat ng umiiral. Alam mo ba na ikaw ay Kanyang tagapagmana?
Kasama ni Cristo, ikaw ay kasamang tagapagmana ng lahat ng Kanyang mga kayamanan!
Ikaw ay ginawang tagapagmana ng Diyos sa mana katulad ng kay Jesus,
nangangahulugan na ikaw ay may karapatang tanggapin ang parehong mga kayamanan
na mayroon din si Jesus.
Inihanda ng Diyos ang maraming espirituwal at materyal na pagpapala para sa iyong
buhay. kung hindi pa ito napapasa-iyo, may isang mahalagang sangkap na iyong
nakakaligtaan: pananampalataya. Kung walang pananampalataya ay hindi maaaring
maging kalugod-lugod sa Diyos (Mga Hebreo 11:6). Higit pa sa iyong maaaring hingin
ang Kanyang maibibigay sa iyo! Habang ikaw ay abala sa pag-iisip para sa mga
mumunting bagay, nagnanais naman ang Diyos na maipagkaloob sa iyo ang mga
malalaking bagay sa iyong buhay. Siya ang nagsabing, "Humingi ka sa akin, at ibibigay ko
sa iyo ang mga bansa na iyong pinakamana, at ang mga pinakadulong bahagi ng lupa
ay iyong pinakaari'. " (Mga Awit 2:8). Ano pa ang sinasabi ng Salita ng Diyos patungkol
sa ibinigay Niya na probisyon at mana sa atin?

“At kung humihingi naman kayo, wala kayong natatanggap dahil humihingi kayo ng
may masamang motibo para mapagbigyan ang sarili n'yong kasiyahan. "
(Santiago 4:3)

'Mga minamahal, kung hindi tayo inuusig ng ating budhi, makakalapit tayo sa Diyos na
panatag ang ating kalooban. Tinatanggap natin ang anumang ating hilingin sa kanya
dahil sinusunod natin ang kanyang mga utos at ginagawa ang nakalulugod sa kanya. '
(1 Juan 3:21-22)
Sinisikap ng kaaway na may katusuhan niyang maihasik ang kaisipan sa puso ng mga
mananampalataya na ang paghingi ng mga materyal na bagay ay isang magarbong
kaluhuan Iamang Dahil sa maling paniniwalang ito, marami ang kinakailangan
makipaglaban sa espiritu ng kahirapan. lpinapalagay ng kaaway na mas kakaunti ang
ating mga tinatangkilik bilang mga mananampalataya, ay mas kakaunting impuwensya
ang ating magagawa. Subalit sa sandaling maunawaan natin ang ating mga pribilehiyo
bilang mga mananampalataya at simulang angkinin ang mga ito sa harap ng Panginoon,
tayo‘y magiging mga taong may matinding impluwensya sa mga nasa ng mundo sa loob
lamang ng maiksing panahon. Ninanais ng Diyos na ibuhos sa Iyong buhay ang mga higit
na masaganang pagpapala at ninanais Niya na ikaw by pagpalain, ang iyong tahanan,
ang iyong pamilya, ang iyong iglesya, at ang iyong ayan Sinabi ni Pablo, "Kung ang sarili
niyang Anak ay hindi niya ipinagkait, sa halip ay Ibinigay para sa ating lahat, hindi kaya
niya ibibigay sa atin ang lahat ng bagay? (Mga Taga-Roma 8:32). Hindi ipinagkait ng
Diyos ang Kanyang Anak o ang makipagayos patungkol sa mga patakaran; Kusa Niyang
isinuko ang Kanyang Anak para sa pagliligtas sa atin. Lubhang napakataas ng halaga para
sa ating kaligtasan. Maaari bang higit na mahalaga pa kaysa Anak ng Diyos ang isang
bahay, kotse, o mga katugunan na ating kailangan para sa buong buhay natin?

LIVE THE LESSON

1. May katugunan ang Diyos sa bawat bahagi ng iyong buhay. Basahin ang mga
sumusunod na talata at sa pamamagitan ng guhit ay iugnay ang bawat isa dito sa
mga pangako ng Diyos sa bahagi na kanilang kinakatawan.

 Mga Taga-Roma 8:38-39 Ang aking tawag sa Diyos

 Mga Awit 2:8 Ang aking pamilya

 Josue 24:15
Ang aking hanap-buhay/pag-aaral
 Jeremias 29:11
 Mga Awit 20:4 Ang aking pamumuhay espirituwal/ang
aking relasyon sa Diyos
Ang aking mga personal na pangarap
 REMEMBER THE LESSON

Nailaan na ng Diyos ang pinakamainam para sa akin.

STUDY THE WORD

Mga Awit 105 1 Mga Taga-Corinto 16

2 Mga Taga-Corinto 1
 DAY 52
ANG KALOOBAN NG DIYOS
(THE WILL OF GOD)

“Bago ka pa ipinaglihi at ipanganak ay pinili na kita upang maging propeta

para sa lahat ng bansa."
(Jeremias 1:5)
lnilalahad ng Biblia ang kwento ni Esau at Jacob ang kambal na lalaki na mula pa nang
isilang ay magkalaban na. Bagamat si Esau ang unang ipinanganak, na nagbigay sa kanya
ng ligal na karapatan sa mga pagpapala na laan para sa isang panganay na anak,
ipinanganak si Jacob na mahigpit na nakahawak sa kanyang sakong. Tila sila ay
naglalaban na sa sinapupunan pa lamang kung sino ang unang ipanganganak.
ltinuturing ng mga Judio na ang karapatan bilang panganay ay ang pinakadakilang
pagpapala na maaaring tanggapin ng isang tao, kung kaya’t inasam ni Jacob na unang
ipanganak. Ramdam ni Rebeca, ang kanilang ina, ang dalawang kalikasan na nagbubuno
sa kanyang sinapupunan. Siya’y pagod na pagod sa walang tigil na paglalaban na anupa’t
nais na niyang mamatay kung kaya’t siya ay humingi ng patnubay sa Diyos. Subalit
ginamit ng Panginoon ang pagtatalong ito sa kanyang kalooban upang ipahayag sa kanya
na ang pangalawang isisilang ay ang siyang magiging "panganay!" "Dalawang sanggol
ang dala mo sa loob ng iyong tiyan, larawan ng dalawang bansa na magiging
magkalaban; magiging higit na malakas ang mas bata kaysa sa nauna, kaya
maglilingkod ang mas matanda sa bata niyang kapatid.” (Genesis 25:23).
Kumakatawan si Jacob sa taong espirtuwal at si Esau naman ang kumakatawan sa taong
makasanlibutan. Ating unawain na ang kalooban ng Diyos ay nagaganap sa mga taong
nahahandang mamuhay sa Espiritu. Kung nais mong matupad ang kalooban ng Diyos sa
iyong buhay, kinakailangan mong magpasyang mamuhay sa Espiritu. Mahalagang masuri
natin ang mga pagkaka-iba sa pagitan ng pamumuhay sa Espiritu at pamumuhay sa
laman.
Ang taong makasanlibutan ay siya na nagnanasang pamahalaan ang sarili ng walang
pagsaalang-alang sa Diyos, sapagkat batid niya na hindi sumasang-ayon ang Diyos sa
kanyang ginagawa, mas ginugusto niyang mamuhay ng malayo sa Kanya.
“Ang mga namumuhay ayon sa hilig ng laman ay walang
pinapahalagahan kundi ang mga bagay na ukol sa laman; ngunit ang mga
namumuhay ayon sa Espiritu ay nagpapahalaga sa mga bagay na
espirituwal. Ang pagsunod sa hilig ng laman ay naghahatid sa kamatayan,
ngunit ang pagsunod sa Espiritu ay nagdudulot ng buhay at kapayapaan.
Kaya nga, kapag sinusunod ng tao ang mga hilig ng laman, siya'y nagiging
kaaway ng Diyos sapagkat hindi niya sinusunod ng tao ang mga hilig ng
laman, siya'y nagiging kaaway ng Diyos sapagkat hindi niya sinusunod ang
batas ng Diyos, at talaga namang hindi niya kayang sundin ito. At ang
nabubuhay ayon sa hilig ng laman ay hindi maaaring kalugdan ng Diyos. '
(Mga Taga-Roma 8:5-8)
Sinisikap ng taong espirituwal na gawin ang lahat upang laging mamuhay sa pagsunod sa
Banal na Espiritu; siya’y nagpasiyang mamuhay ng isang buhay na may ganap na
pagsuko sa kalooban ng Diyos.
"Ngunit hindi na kayo namumuhay ayon sa laman, kundi ayon sa Espiritu.
Sa katunayan, nananatili na sa inyo ang Espiritu ng Diyos. Kung wala sa
isang tao ang Espiritu ni Cristo, hindi kay Cristo ang taong iyon. Ngunit
dahil nananahan sa inyo si Cristo, mamatay man ang inyong mga katawan
dahil sa kasalanan, ang espiritu naman ninyo ay buhay sapagkat itinuring
na kayong matuwid ng Diyos. Kung nananahan sa inyo ang Espiritu ng
Diyos na siyang muling bumuhay kay Jesu-Cristo, siya ang muling bubuhay
sa inyong mga katawang mamamatay, sa pamamagitan din ng kanyang
Espiritung nananahan sa inyo. " (Mga Taga-Roma 8:9-11)
Minsang ay isinulat ito ni Amy Carmichael, isang misyonerang Irish:
At idadalangin ko ba sa Iyo na baguhin Mo ang Iyong kalooban aking Ama,
Hanggang sa ito'y maging naaayon sa akin? Subalit hindi, Panginoon,
hindi, hindi dapat na iyon ay mangyan', sa halip Aking isinasamo sa Iyo
ihalo Mo ang aking kalooban sa Iyo. Aking isinasamong Iyong patahimikin
ang nagdudumaling maningas na pananabik. Aking isinasamong Iyong
payapain ang pagdaramdam ng masidhing hangarin. Pagmasdan Mo sa
aking pananahimik ang mga pagnanasang nagsusumiksik, Huwag silang
 pahintulutan, Panginoon, kahit pa sa pamamagitan ng apoy, ang mga ito'y
Iyong Iinisin.
Ang tulang ito ay naging isa sa pinaka-masagisag na titik sa Kristiyanismo patungkol sa
kalooban ng Diyos. Si Amy Carmichael ay isang buhay na halimbawa kung ano ang
kahulugan ng pamumuhay sa Espiritu, siya’y laging nagnanasang sundin ang kalooban ng
Ama.
Kilala na tayo ng Diyos bago pa man tayo isilang at Kanya tayong ipinadala sa mundong
ito na may tiyak na misyon. May inilaang espesyal na pagpapala ang Diyos para sa bawat
isa sa atin, subalit sila lamang na magpapasyang mamuhay sa Espiritu ang
makakatanggap nito. Itigil na ang pagpupumilit na gawin ang mga bagay sa iyong Sariling
lakas at magpasya na hindi ka na mamumuhay ng hiwalay sa Diyos.
Piliing isuko ang iyong buhay at iyong kalooban sa Diyosa sa araw na ito. Tandaan,
ang kalooban ng Diyos para sa iyo ay mabuti, kaaya-aya at ganap
(tingnan ang Mga Taga-Roma 12:2).

LIVE THE LESSON

1. lsulat ang tatlong katangian ng taong makasanlibutan at tatlong katangian ng taong

espirituwal na nabanggit sa Mga Taga-Roma 825-11.
Taong Makasanlibutan. Taong Espirituwal.
1. 1.
2. 2.
3. 3.
 REMEMBER THE LESSON

Ang kalooban ng Diyos ay nagaganap sa aking buhay sa sandaling ako’y magpasyang

mamuhay ayon sa Espiritu.

STUDY THE WORD

Mga Awit 106 2 Mga Taga-Corinto 2

2 Mga Taga-Corinto 3 2 Mga Taga-Corinto 4
 DAY 53
PAGTANGGAP
SA MGA KAISIPAN NG DIYOS
(ACCEPTING GOD’S THOUGHTS)

"Tapat ang tumawag sa inyo, at gagawin niya ang mga bagay na ito." (1
Mga Taga-Tesalonica 5:24)
Ang tagapagsalita sa conference at nagtatag ng Kwik Learning Method na
si Jim Kwik, ay nagsabi, "Kapag ang isang itlog ay nabasag sa
pamamagitan ng isang pwersa galing sa labas, katapusan ng buhay. Kung
ito'y mababasag sa pamamagitan ng pwersa galing sa loob, nagsisimula
ang buhay. Ang mga dakilang bagay ay malimit na nagsisimula sa loob."
Bilang isang taong nagsasanay sa iba upang higit na maging maliksi ang
mga kaisipan at bilang isang taong nakaka-alam ng kanyang sariling mga
kalakasan at mga kahinaan, nauunawaan ni Kwik ang maaaring taglaying
kapangyarihan ng kahit anumang kaisipan. At kailangan din nating itong
maunawaan. Ang bawat tinatanggap natin sa ating kaisipan ay
nakakaimpluwensya sa ating kalooban, na nakagagawa ng mga tiyak na
pagkilos na nagpapasya sa direksyon ng ating mga buhay. Ito ang dahilan
kung bakit kailangan nating maging maingat patungkol sa kung ano ang
ating mga iniisip.
Ang Diyos ay may nakalaang pinakamabuti para sa Kanyang mga anak. Tinawag Niya
tayo upang maipagkaloob sa atin ang isang buhay na masagana at puno ng layunin. Nais
Niyang maranasan nating ang Kanyang orihinal na kaisipan o ideya nang una Niyang
isipin ang patungkol sa ating mga buhay: kaganapan. Gayon pa man, kailangan nating
piliin na ipamuhay ang buhay na inaalok Niya sa atin. Katulad ng dati na nating
nabanggit, ang pag-uugali ng isang tao ay bunga ng mga ideyang kanyang tinatanggap sa
kanyang isipan. Ang kwento ni Esau at Jacob sa Biblia ay isang magandang halimbawa ng
katotohanang ito. Nanabik si Jacob para sa pagpapala at nakipaglaban upang maging
panganay mula pa sa simula. Samantalang hinahamak naman ni Esau ang kanyang
pagkapanganay. lsang araw, pagkatapos niyang magtrabaho sa bukid, umuwi si Esau at
nakita ang kanyang kapatid na si Jacob na nagluluto ng masarap na sinabawang patani.
Dahil sa kanyang pagnanasa, ipinagbili niya ang kanyang karapatan bilang panganay sa
isang mangkok na pagkain (Genesis 25:27-34)
Tila si Esau ay nakatayo sa isang sangandaan (crossroads); kinakailangan niyang pumili
sa pagitan ng kanyang pisikal na pagnanasa at ng kanyang karapatan bilang panganay
(na sa pamamagitan nito'y mamanahin niya ang Iahat ng mga pagpapala ni Abraham at
ni Isaac). Makikilala sana ang Panginoon bilang "Diyos ni Abraham, ni Isaac at ni Esau. "
Subalit hinamak ni Esau ang kanyang pagkapanganay dahil hindi naman niya makuha
ang daghang gantimpala muta dito. Ang kaisipan na kanyang tinanggap ay mula sa
kaaway: "Anong pakinabang mo sa pagiging panganay? Mas mabuti pang ipagbili mo
na ang karapatan bilang panganay bago ka pa mamatay sa gutom."
Nagsasabog ang kaaway ng mga binhi sa pamamagitan ng mga kaisipan; ginagamit niya
ang mga kaisipang iyon bilang pain upang subukang makakuha ng kontrol sa buhay ng
mga tao. Ginagamit niya ang mga pagnanasa ng laman upang bulagin ang mga
espirituwal na mata, hinaharangan ang kanilang mga pang-unawa at hinahadlangan sila
na marinig ang tinig ng Diyos. lnuutusan niya silang kumilos nang may kamangmangan
upang magawa niyang kontrolin ang kanilang mga buhay.
Ang pagpapasyang ginawa ni Esau upang ipagbili ang kanyang karapatan bilang
panganay ay nagkabisa nang walang anumang pamimilit buhat sa Diyos, sapagka't lubos
na iginagalang ng Diyos ang kalayaang ipinagkaloob Niya sa bawat tao na gumawa ng
kanilang mga sariling pagpili. Kinakailangang maging lubhang maingat patungkol sa kung
ano ang hinahayaan nating pumasok sa ating mga kaisipan, sapagkat ang bawat bagay
ay nagmumula sa mga tinatanggap nating kaisipan at sa mga ginagawa nating
pagpapasya. Bagamat ang pagharap sa mga bagay na wala pa tayong alam ay madalas
na nagdudulot ng takot, kawalan ng katiyakan at pagaalinlangan sa tao, kailangan nating
tandaan na inilagay ng Diyos sa atin ang espiritu ng pananagumpay nang tayo’y Kanyang
likhain. Kung kaya’t kailangan nating gawin ang Iahat ng makakaya upang palaging
baguhin ang ating mga isipan dahil ito ang magbibigay sa atin ng kakayahan upang
managumpay sa kalagayang espirituwal.
 LIVE THE LESSON

1. Hamunin ang iyong sarili sa linggong ito na salain ang iyong mga kaisipan ayon sa
Salita ng Diyos. Tanungin ang iyong sarili ng mga sumusunod na katanungan araw-araw:
Mabuti ba ang kaisipang ito: Ito ba ay kaaya-aya? Ito ba ay ganap?
2. Basahin ang mga Taga-Filipos 4:8 at suriin ang iyong mga kaisipan ayon sa talatang ito.

REMEMBER THE LESSON

Ang mga kaisipan ng Diyos ay higit na mataas kaysa sa ating mga sariling kaisipan.

STUDY THE WORD

Mga Awit 107 2 Mga Taga-Corinto 5

2 Mga Taga-Corinto 6 2 Mga Taga-Corinto 7
 DAY 54
ANG DIYOS
ANG AKING KALAKASAN
(GOD IS MY STRENGTH)

Ngunit sinabi ng Panginoon sa akin, "Sapat na sa iyo ang aking biyaya, dahil ang
kapangyraihan Ko'y nakikita sa iyong kahinaan. "
(2 Mga Taga-Corinto 12:93)

May isang lalaking natutuog sa kanyang kubo sa gitna ng gabi nang

biglang napuno ng liwanag ang kanyang silid at nagpakita sa kanya ang
Tagapagligtas. Sinabi ng Panginoon sa lalaki na mayroon si yang
ipagagawa n'to, pagkatapos ay ipinakita Niya ang isang malaking bato sa
harapan ng kanyang kubo. Ipinaliwanag ng Panginoon sa lalaki na
kailangan niyang itulak ang bato ng kanyang buong lakas.
At ginawa nga ito ng lalaki sa bawat araw. Sa maraming taon, ang
lalaking ito ay nagpagal mula pagsikat ng araw hanggang sa paglubog
nito, ang kanyang buong pansin ay nakatuon lamang sa malamig, sa
ibabaw ng malaki at hindi mapakios na bato, at itinutulak gamit ang
kanyang buong lakas. Bawat gabi nasasaktan at napapagod na bumabalik
ang lalaki sa kanyang kubo, pakiramdam niya ang kanyang buong araw ay
nasayang lamang.
Nang makita ni Satanas na ang lalaki ay nagpapakita na ng mga
palatandaan ng panghihina, nagpasya itong maki-alam at sidlan ng mga
kaisipan ang lalaki: "Matagal mo nang itinutulak ang batong iyan, at ni
hindi man lang ito natinag. Bakit mo pinapahiran ang sarili mo rito? Hindi
mo ito mapapagalaw kahit kailan.
 "Kaya ito ay nagbigay ng mga pahiwatig sa lalaki na ang tungkuling ito'y
hindi magagawa at siya ay bigo rito, ang mga kaisipang ito ay nagpahina
at sumira sa kalooban ng lalaki. "Bakit ko nga ba pinapahirapan ang sarili
ko?" naisip niya. "Isisingit ko na lamang ito sa oras at sapat na ang
magbiga y ng kaunting lakas.
"Iyon nga ang kanyang binalak na gawin hanggang sa isang araw
nagpasya siyang ito'y ipanalangin at dalhin ang kanyang naguguluhang
kaisipan sa Panginoon. "Panginoon," wika niya, "Matagal at buong sikap
akong nagpagal sa paglilingkod sa Iyo, gamit ang aking buong lakas
upang maisagawa ang inutos Ninyo sa akin Ngunit, paglipas nang
mahabang panahon, hindi ko man lang naitulak ang bato kahit man lang
kalahating milimetro. Ano po ang mali ? Bakit ako nabibigo?"
Buong kahabagang tumugon ang Diyos, "Aking kaibigan, nang hilingin Ko
sa iyo na Ako 'y paglingkuran at ito'y iyong tinanggap, sinabi Ko sa iyo na
itulak mo ang bato ng iyong buong lakas, na iyong namang nagawa. Kahit
minsan ay hindi ko sinabi sa iyo na inaasahan ko na mapapagalaw mo ito.
Ang iyong gawain ay itulak ito. At ngayon ay lumalapit ka sa akin, nagamit
mo na ang iyong lakas, iniisip na ikaw ay nabigo. Subalit, talaga bang ikaw
ay bigo? "Tingnan mo ang iyong sarili. Ang iyong mga braso ay matipuno
at malalakas, ang iyong likod ay lumakas din at naging kayumanggi,
nagkakalyo na ang iyong mga kamay mula sa palagiang pwersa, nagsilaki
at lalong naging matibay ang iyong mga binti. Dahil sa kahirapan,
napakalaki na ng pinagbago mo at nalampasan na ng kakayahan mo
ngayon ang dating tinataglay mo noon. Gayon pa man, hindi mo
napagalaw ang bato. Ngunit ang pagkatawag sa Iyo ay ang maging
masunurin at itulak ang bato at ang sanayin ang iyong pananampalataya
at pagtitiwala sa Aking karunungan. At nagawa mo ito. "Ngayon, aking
kaibigan, pagagalawin ko na ang bato."
Bagamat marami tayong matututunan sa kuwentong ito, nais kong pagtuunan ang isang
partikular na bahagi nito. Ano ang nakapagbago sa puso ng lalaking ito, na nakatulong sa
kanya na maunawaan ang kanyang kalagayan at naging dahilan upang mahanap ang
kapayaan sa kanyang kalooban? Ang sagot ay panalangin. Nang siya'y magpasyang
dalhin ang kanyang mga kaisipan at mga pangyayari sa Diyos, tumugon ang Diyos sa
pamamagitan nang pabibigay ng kapahingaan sa kanyang kaluluwa at pagbabago ng
panlabas na sitwasyon ginalaw Niya ang hindi maigalaw na bato. ltinuturo sa atin ng
Biblia ang kuwento ng isang lalaking may katulad na karanasan ang pangalan niya ay
Jacob.
Dumating ang gabi na may labis na takot sa buhay ni Jacob nang marinig niya na ang
kapatid niyang si Esau ay darating upang makipagkita sa kanya. Naalala niya ang mga
pagbabanta ng kanyang kapatid na sinabi nito noong huli silang magkita, sumumpa pa si
Esau na papatayin siya dahil ninakaw niya ang pagpapala (Genesis 27:41). Kung kaya’t
nang marinig ni Jacob na parating na ang kanyang kapatid, nagsimula siyang
makaramdam ng takot nang papalapit na kamatayan na nagdulot ng labis na
kapighatian, naramdaman niya na ang tila pagkawasak ng kanyang tahanan ay mabilis
na patungo sa kanya (Genesis 32:7). Ito ang nagtulak sa kanya sa panalangin… Ang mga
sandaling iyon ay nangangailangan ng daglian pagpapasya sa kanyang buhay: maaaring
mamagitan ang Diyos o ang abutan siya at ang kanyang buong sambahayan ng
pagkawasak. Kaya't siya'y nanalangin nang buong puso hanggang Sa mapagtanto niya na
ligtas na ang buhay niya (Genesis 32:30).
Pinangalanan ni Jacob ng Peniel ang lugar kung saan niya nakatagpo ang angheL na ang
literal na kahulugan ay mukha ng Diyos. Lahat ng pabigat na nasa espirituwal na
kaharian ay naglaho na. Natanggal na ang takot at kapighatian at maging ang kawalan
ng pag-asa ay napawi na. Ang matinding kapayapaan at kapanatagan ay dumating sa
kanyang buhay na para bang ang hukbo ng Iibo-libong anghel ay nasa kanyang tabi.
Kinabukasan, nang magkita sila ng kanyang kapatid, kontrolado na ni Jacob ang mga
pangyayari dahil ibinuhos niya ang buong gabi sa pakikipagbuno sa panalangin hanggang
sa matanggap niya ang pagpapala (Genesis 32:4). "Siya'y patakbong sinalubong ni Esau,
ni yakap nang mahigpit at hinagkan. Nag-iyakan ang magkapatid. " (Genesis 33:4). Ano
ang nagdulot nang biglaang pagbabago sa ugali at pag-iisip ng kanyang kapatid? Ang
mga himalang gaya nito ay bunga ng panalangin. Binabago ng panalangin ang mga
pangyayari.
Dati ay palaging ginagawa ni Jacob kung ano ang mga ninanais niya. Palagi niya
nakakamit ang mga binabalak niyang gawin, kahit sa anong paraan pa. Gayon pa man,
ang kanyang karanasan sa anghel ay Iubusang nagpabago sa kanyang buhay.
ltinuturo sa atin ng Biblia na dahil sa kanyang labis na hirap at kanyang karanasan sa
Diyos sa gabing iyong ay nagdulot sa kanya ng paika-ikang paglakad (Genesis 32:25), na
marahil ay may gamit na tungkod bilang suporta. Nangungusap ito sa atin ng pagsuko sa
ating mga buhay. Kapag ang buhay natin ay isinuko natin sa Diyos, hindi na mahalaga
ang ating sariling Iakas ang mahalaga ay ang sukat ng pananampalatayang mayroon
tayo. Pagkatapos ng mahabang gabi ng panalangin, nagbukang-liwayway at sumikat na
ang araw (Genesis 32:26).
Nangungusap ito ng patungkol sa biyaya at pabor ng Diyos. Bagamat nababatid ni Jacob
na ang paghihiganti ni Esau ay nararapat lamang sa kanya, pinigilan itong mangyari ng
Diyos. Tumanggap ng pabor si Jacob dahil sa kanyang panalangin. Kapag
nakakasumpong tayo ng pabor sa paningin ng Diyos, ang mga pangyayari ay nagbabago
sa pamamagitan ng kapangyarihan ng Diyos at nakakapasok tayo sa panahon ng
Kanyang habag kung saan nagpapadala ang Diyos ng pulutong ng mga anghel sa ating
panig na tutulong sa atin upang mapagtagumpayan ito.
Ang buhay ng mananamapalataya ay nararapat na maging isang buhay ng
pananampalataya. Hindi natin kayang lumakad at magtagumpay dahil sa sarili nating
lakas. Anumang nais nating mapagtagumpayan ay kailangang mapagtagumpayan muna
sa panalangin habang tayo ay nagtitiwala sa Kanya. Siya ay lumalapit upang
mapakinggan tayo, pinapaknos ang Kanyang kamay sa ating pabor at ipinapakita ang
Kanyang habag at biyaya.

LIVE THE LESSON

1. Ano ang iyong mga naging kahinaan? Sumulat ng isang panalanging humihingi ng
isang tulong sa Diyos na Siya ang iyong maging lakas.

REMEMBER THE LESSON

Pinapawi ng Diyos ang ating kahinaan at ipinagkakaloob sa atin ang Kanyang

kalakasan sa Kanyang presensya.
 STUDY THE WORD

Mga Awit 108 Mga Awit 109 2 Mga Taga-Corinto 8

2 Mga Taga-Corinto 9 2 Mga Taga-Corinto 10
 DAY 55
ISANG BINAGONG PAG-IISIP
(A RENEWED MIND)

"Huwag ka yong makiayon sa takbo ng mundong ito. Mag-iba kayo sa

pamamagitan ng pagbabago ng inyong pag-iisip upang maunawaan ninyo
ang kalooban ng Diyos; kung ano ang mabuti, kalugud-Iugod at ganap na
kalooban niya."
(Mga Taga-Roma 12:2)

Sinabi ni Solomon, "Sapagkat kung ano ang iniisip niya [sa loob niya], ay gayon siya"
(Kawikaan 2327a). Tayo ang kabuuan ng ating mga iniisip, at naipahahayag natin ang
mga kaisipang ito sa pamamagitan ng ating mga salita. Gumagawa ang kaaway sa
pamamagitan ng ating mga kaisipan sapagkat batid niya na kung tatanggapin ng isang
tao ang mga ideyang itinatanim niya, madali na Iamang niyang masasakop ang kalooban
nito.
Kadalasang nagsisimula ang kaaway sa pagtudla sa atin ng iba't ibang palaso. Hanggat
hindi natin tinatanggap ang mga kaisipang iyon at nananatili tayong matatag sa ating
kalooban, walang anumang pinsala na mangyayari sa atin. Subalit ang sinomang
mahulog sa patibong ng kaaway at tumanggap sa mga ito ay makakaramdam kung
paanong lumalakas ang mga kaisipang iyon habang magsisimulang gumawa upang
baluktutin ang ating mga kalooban. Kapag ito ay nangyayari, tayo ay wala ng
pananggalang sa espirituwal; matutulad tayo sa isang lungsod na walang pader at
madali tayong masasakop.
Isa sa mga paraan na madalas kumilos ang kaaway ay sa pamamagitan ng media. Dapat
nating ingatan ang ating pag-iisip mula sa laganap na karumihang nakikita sa media sa
kasalukuyan, dahil ang industriya ng audiobiswal ay talagang nakapagdudulot ng
malaking impluwensya sa ating lipunan. Nais ng kaaway na punuin ang ating mga isipan
ng mga larawan at salita, hanggang sa magdulot ito sa atin ng iba't ibang uri ng maling
gawain. Sa ibang salita, nagtatangka ang kaaway na magpasok ng mga negatibo at mga
nakakatakot na larawan sa ating mga kaisipan sa pamamagitan ng iba't ibang uri ng
media. Gayon pa man, ang sumusunod na panuntunan ay makatutulong sa atin upang
maiwasang mahulog sa maraming patibong:
 Telebisyon. Pumili ng mga programang makakaapekto sa paraang positibo sa
iyong buhay at tunay na makakapagpalago sa iyo.
 Internet. Ito ay isa sa mga bahagi ng media na malimit gamitin sa komunikasyon
sa mundo sa kasalukuyan, at mahalagang magamit natin ito ng wasto. Umiwas at
tanggalin ang mga hindi wastong larawan, imoraiidad at pakikipag-usap sa mga
taong hindi mo kakilala sa social media.
 Musika. Mag-ingat sa kung anong mga uri ng musika ang pinakikinggan mo sa
kadahilanang maraming awitin at mang-aawit ang may dala-dalang mensahe na
maaaring makapagparumi sa ating buhay espirituwal at maaari makaapekto sa
ating mga pagkilos.
Dagdag pa sa paggamit ng media, madalas na ang kaaway ay gumagamit din ng mga
taong nakapaligid sa atin upang subukin tayong dalhin tungo sa pagkawasak. Ito ang
Iahilan kung bakit kinakailangan nating mag-ingat sa pagpili ng mga kabigan. Piliin mg
mga taong tutulungan ka upang lumago at mga taong magpapala sa iyo kapag sila ay
kasa-kasama mo (1 Corinto 15:33).
Ang mangangaral sa United States na si Norman Vincent Peale ay sumulat:
Si Disraeli, ang dakilang English statesman, ang lumikha ng matalinong
pahayag na ito: ‘Alagaan mo ang iyong pag-iisip ng mga dakilang kaisipan
sapagkat hindi ka makakalampas ng higit na mataas pa kaysa sa iyong
mga iniisip. ’ Kaya nga, mag-isip ng malalaking bagay. Naniniwala akong
ang problema nating lahat ay mayroon tayong posibilidad na mag-isip
lang ng maliliit na kaisipan tungkol sa lahat ng bagay: tungkol sa ating
mga sarili, ating pamilya, ating mga anak, at ating negosyo. Kaya naman
ang nakukuha natin ay maliliit na resulta din. Naniniwala akong ito ay
isang batas wala kang makakamit na malalaking resulta na higit na malaki
sa mga iniisip mo. Ang malalaking kaisipan ay nagkakamit ng malalaking
resulta; ang maliliit na kaisipan naman ay nagkakamit ng maliliit na
resulta.
Ang pag-iisip ng malalaking bagay ay nangangahulugan ng pagkakaroon ng nabagong
isip. At ang pagkakaroon ng nabagong isip ay nangangailangan ng personal na pakikipag-
ugnayan sa Salita ng Diyos. Ang pinakamainam na paraan sa paggugol ng iyong oras ay
pamamagitan ng pag-aaral ng Salita ng Diyos. Nang tawagin ng Diyos si Josue upang
pangunahan ang Israel patungo sa Lupang Pangako, sinabi Niya, "Huwag mong
kaliligtaang basahin ang aklat ng kautusan. Pagbulay-bulayan mo iyon araw at gabi
upang matupad mo ang lahat ng nakasaad doon. Sa ganoon, magiging Masagana at
matagumpay ang iyong pamumuhay. " (Joshua 1:8).
Ang tagumpay ni Josue ay nakasalalay sa paraan kung paano niya pinupuno ang kanyang
kaisipan', ang ating tagumpay ay sa gayon din naman nakasalalay. Ngayon, Mayroon
kang pagkakataon upang pakainin ang iyong kaisipan ng pinakamainam na pagkain: ang
Salita ng buhay na walang hanggan.

LIVE THE LESSON

Sagutin ang mga tanong na nasa ibaba at gawin ang mga kinakailangang pagbabago sa
iyong buhay ayon sa nabasa mo sa araw na ito.
1. Isulat mo ang apat na programa sa telebisyon/pelikula na pinanood mo sa linggong
ito.
2. Ilang oras ang ginugol mo sa social media sa linggong ito?
3. Ano ang sampung awit na pinakinggan mo na madalas sa linggong ito?
4. Sino ang limang pinakamalapit mong kaibigan?

REMEMBER THE LESSON

Hindi ako magtatamo ng higit na malalaking bunga(resulta) kaysa aking mga

kaisipan.
 STUDY THE WORD

Mga Awit 110 Mga Awit 111 Mga Awit 112

Mga Awit 113 2 Mga Taga-Corinto 11
2 Mga Taga-Corinto 12 2 Mga Taga-Corinto 13
 DAY 56
AKO AY ISANG
MANANAGUMPAY
(I AM AN OVERCOMER)

“Pinakalma ni Caleb ang mga tao sa harapan ni Moises, at sinabi niya,

“Lalakad tayo at sasakupin natin ang Iupain, dahil nasisiguro kong
maaagaw natin ito." Pero sinabi ng mga tao na sumama kay Caleb para
mag-espiya, “Hindi natin makakaya ang pagsalakay sa kanila dahil mas
malakas sila sa atin."
(Bilang 13:30-31)
Maglaan ka ng ilang sandali upang isaalang-alang ang tanong na ito: Ano kaya ang iniisip
ng Panginoong Hesus noong nandito Siya sa lupa? Kailanman, hindi hinayaan ni Hesus
na maging pabaya o walang ginagawa ang Kanyang kaisipan. Lahat ng Kanyang inisip ay
nakaugnay sa Salita ng Diyos, at bawat salitang Kanyang binigkas ay mayroong pagsang-
ayon ang Kanyang Amang nasa Iangit. Sinabi pa Niya, "Ang pagkain ko ay ang pagsunod
sa kaloob ng nagsugo sa akin at ang pagtupad sa kanyang ipinapagawa" (Juan 4:34). Sa
pagsunod sa Kanyang mga yapak. ang isang mananagumpay ay hindi kailanman nag-iisip
ni nagsasalita man ng walang pag-iingat; palagi nilang nakikita na may lunas ang bawat
problema dahil alam nilang ang lahat ng bagay ay magagawa ng Diyos.
Isang pag-aaral na isinagawa ng mga mananaliksik sa Unibersidad ng
Virginia ang malinaw na mungkahi na ang malaking bilang ng tao ay may
posibilidad na Makita ang isang burol na higit na matarik kaysa sa totoo
kalagayan nito, lalo sa kung ang isang tao ay pagod na o may dala-dalang
mabigat na bagay. Nang sila’y tanungin sa kanilang pagtantya kung
gaano nakahilig ang isang burol, pare-pareho silang tumugon ng labis-
labis sa totoo nitong anyo, inaakala nila na ang 31-degree ay nasa 50-
degree ang pagkakahilig. Hindi makapaniwala ang mga kalahok na ang
kanilang inakalang sukat ay lubhang napakalayo sa katotohanan.
 Bagamat ang mga pangyayari ay malimit na lituhin at daigin tayo, kung
aakyatin natin ang pinakamataas na bundok, kinakailangan pa rin nating
tingnan ang mga ito kung paano ito tinitingnan ng Diyos.
Ang isang buhay ng pananampalataya ay kinakailangan ng pagsisikap sa ating bahagi at
lubos na kabaligtaran ng isang buhay ng kasalanan. Palaging dinadala ng kasalanan ang
mga tao sa pinakamadaling daan, pababa. Sa kabilang banda ang pananampalataya, ay
nangangailangan ng kalakip na pagsisikap dahil inaakay tayo nito upang akyatin ang
isang bundok kahit na humarap tayo sa mga paghihirap sa pag-akyat dito ay tiyak na
mapagtatagumpayan natin ang mga ito. Nang ang mga lsraelita ay nasa ilang, nais ng
Diyos na magpadala si Moises ng labindalawang lalaki na magiging tiktik upang galugarin
ang lupang ibibigay Niya sa mga ito.
Halos lahat ay nagbalik na ang pananaw ay pagkatalo at pagkabigo lamang, ngunit si
Josue at Caleb ay nagbalik na may malaking paniniwala sa pagtatagumpay (Bilang 13:30-
31 ). Lubos ang katiyakan ni Josue na madadaig nila ang kanilang mga kaaway dahil ang
kalakasan ng Diyos ay nagpahina na sa lakas na taglay ng ibang mga bansa at ipinangako
na ng Diyos ang tagumpay sa Israel. Ito ang kanilang pagkakataon upang makita na ang
bawat pangako ng Diyos sa Kanyang bayan ay maging katotohanan. Ngunit dumating
ang espiritu ng panghihina ng kalooban upang pigilan ang kanilang tagumpay. Ginamit
ng kaaway ang mga pangyayari upang papaniwalain ang sampung tiktik na hindi nila ito
magagawa; inakala nila na sila mismo ang haharap sa mga higante gamit ang sarili nilang
lakas. Nang alisin nila ang kanilang paningin sa Diyos at hindi na inisip ang tulong na
ibibigay Niya sa kanila, naglaho ang kanilang tapang at lakas ng loob. Sapagkat tiningnan
nila ang sitwasyon gamit ang sariling katalinuhan, inihiwalay nila ang kanilang sarili sa
kanilang pananampalataya. "At hindi makapagbibigay-lugod sa Diyos ang taong walang
pananampalataya" (Hebreo 11:6).
Nais ng Diyos na ituro sa mga anak ng Israel na bagamat sila ay haharap sa mga taong
mas malalaki sa kanila, pakikilusin Niya ang hukbo ng mga anghel upang bigyan sila ng
katagumpayan at ganap na gapiin ang kanilang kaaway. Makikita natin ang iba pang
mahahalagang aral mula sa kwento:
 Hindi natin mapagtatagumpayan ang anumang bagay na ating kinatatakutan.
 Dapat ay palaging mamutawi sa ating mga bibig ang mga salita ng
pananampalataya.
 Dapat nating iwaksi ang lahat pagrereklamo at mga pagdaing sa ating pananalita.
Ang Diyos ang makikipaglaban para sa iyo. Siya ay may katugunan sa lahat ng suliranin at
paghihirap mo. lbihis mo sa iyong sarili ang tapang at manampalataya ka sa Kanyang
pangako upang magkaroon ka ng isang buhay na higit pa sa isang mananagumpay
(Romans 8:37).

LIVE THE LESSON

1. Magtakda ng buwanan, lingguhang at arawang mithiin (goal). Huwag kang

magalinlangan; huwag kang magsasalita sa paraang negatibo. Kapag nakamit mo na ang
mithiing huwag magsalita ng kahit anong negatibo sa isang araw, subukan mo namang
gawin ito sa buong linggo. Kapag nagawa mo na, gawin mo namang isang buwan. At
kapag nagawa mo iyon, gawin mo ng isang taon. Habang ito’y iyong ginagawa,
mapapansin mong ikaw ay nagiging isa ng mananagumpay.
2. llista ang mga kapahayagan ng pananampalataya (decalarations of faith) na maaari
mong bigkasin ng malakas araw-araw.

REMEMBER THE LESSON

Palaging nasa isip ng isang mananagumpay ang tagumpay at palagi niyang

binibigkas ang salita ng buhay.

STUDY THE LESSON

Mga Awit 114 Mga Awit 115 Mga Awit 116

Mga Taga-Galacia 1 Mga Taga-Galacia 2