PAMAHIIN NILA NOON,

BUHAY PA BA NGAYON?

March 07 2018
l. Panimula at Sanligan nito

A. Panimula

Tunay ngang napakaraming hiwaga ang dala sa atin ng pagkakaroon ng iba’t-ibang

pamahiin. Masasalamin dito ang mga paniniwalang umusbong mula pa noong panahon ng ating

mga ninuno. Dahil din dito, mas lalo natin napapalawak at nakikilala ang kulturang ating

pinagmulan. Ayon kay Lorenzo (2005), pinaniniwalaang ang mga pamahiin ang nagging kalasag

ng mga ninuno upang labanan ang pwersa ng kalikasan sa anumang hindi mabuting

pangyayayari sa kanilang pang-araw-araw na pamumuhay. At ayon naman kay Dr. Lily R.

Torres, dating Guidance Counselor ng Unibersidad ng Pilipinas, ang paniniwala ng mga Pilipino

sa Superstitious Beliefs ay maaring mahanap pa sa mga kaugalian ng mga katutubo na pagiging

animistik, ang paniniwala sa mga hindi nakikitang nilalang at pagsamba sa mga ito.

Kahit pa dumaan tayo sa pananakop ng mga dayuhan, hindi parin ito natinag dahil may

matibay na pundasyon dito. Isa pang salik na maaring nakapag-hulma sa mga ugaling ito ay ang

mataas na respeto nang mga Pilipino sa mga matatandang kapamilya, kung kaya’t sinusunod nila

ang kanilang mga sinasabi. Isa pang salik ay ang pagkakaroon ng close family ties na

nakakatulong sa pagpapasa ng ganitong mga paniniwala. Bagama’t sa panahon ngayon, marami

ng bagay ang nakaimpluwensya sa pagbabago nito ay patuloy pa rin ang mga Pilipino sa

pagpapanatili ng mga nakagisnang paniniwala na ito.

Ngunit ano nga ba talaga ang kahulugan ng pamahiin? Ang pamahiin ay mga paniniwala

ng mga matatanda na may relasyon sa mga ginagawa at nakikita natin. Ito ay walang basehan

kung ito ay totoo o hindi o nagkataon lamang. Aminin man o hindi, malaki ang nagagawang

epekto ng mga pamahiin sa usaping buhay, pag-ibig, tagumpay, kabiguan, kalungkutan at

kasiyahan ng mga Pilipino. Ayon kay Eros Atalia, propesor ng Filipino sa Faculty of Arts and

Letters at junior associate ng Center for Creative Writing and Studies, wika ang isang dahilan ng

pagkakabuo ng mga pamahiin. “Isang tungkulin ng wika ang maipaliwanag ang realidad,” aniya.

“Nakatali sa wika ang limitasyon ng ating realidad at ng katotohanan.” Hinuhubog ng wika ang

kamalayan at kaugnayan sa daigdig, dagdag ni Atalia. Nagkakaroon din ng kolektibong

pagtawag at konsepto ang mga bagay na nakapaligid sa atin tulad na lamang ng mga pamahiin.

Ayon din sa librong Language and Power ng Lancaster University linguist na si

Norman Fairclough, isang social practice ang wika. Kaugnay ng pagsasabuhay ng pamahiin ang

pagsasabuhay din ng wika. May nakataling konsepto sa wika tulad ng usapin sa pamahiin, gaya

na lamang ng pamahiing Oro, Plata, Mata, na nangangahulugang, ginto, pilak at kamatayan.

Sinasabing kung magpapatayo ka ng isang bahay na may hagdan, kailangang banggitin ang mga

salitang “Oro, Plata, Mata”. Pinaniniwalaang nababatay ang uri ng pamumuhay ng may-ari ng

bahay sa pamahiing ito.

Pagdating sa aspetong ito, karaniwan na sa mga Pilipino ang paniniwalang magkakaroon

ng kamalasan sa buhay kapag hindi ito sinunod. Halimbawa nito ang pagluluto ng pancit o

noodles sa araw ng kaarawan ay pinaniniwalaang nagpapahaba ng buhay, huwag isukat ang

wedding gown dahil baka hindi matuloy ang kasal, iwasan maglabas ng pera o magbayad ng

utang sa gabi dahil ito ay nagdudulot ng ‘bad luck’. Ang mga halimbawang ito ay iilan lamang sa

mga iba’t-ibang pamahiin na napamana sa atin. Sa kasalukuyang panahon, marami pa ba ang

naniniwala sa mga pamahiin? Marahil isang malaking tanong sa atin kung saan ba nagmula ang

mga ito at kung paano nito naimpluwensyahan ang pang-araw-araw na pamumuhay ng mga tao

tulad na lamang sa pagiging babala nito sa mga gawain, plano, o hangarin sa buhay. Ayon kay
Fleurdeliz Altez, propesor ng pilosopiya sa Faculty of Arts and Letters, naging bahagi na ang

ilang mga pamahiin ng Kristiyanong gawi. “May mga bagay sa labas ng ating paniniwala na

hindi natin matatanggal. Marahil nauna pa ito sa pagdating ng relihiyong Kritiyanismo,”

paliwanag niya. Dagdag niya, may mga sumusunod sa pamahiin dahil wala namang mawawala

kung susundin ito. “Kung ‘di nagkatotoo, mabuti. Kung sinuwerte ka, masaya,” sabi ni Altez.

Naniniwala umano ang mga Pilipino sa pamahiin ayon sa paniniwalang nakatadhana na ang

buhay ng tao, at bahagi nito ang mga paniniwalang dadalhin ka sa isang tiyak na kaganapan o

maaaring maging takbuhan para sa isang kasiguraduhan ng buhay.

Sa kabilang banda, maraming mga indibidwal ang nagsasabi na hindi sila naniniwala sa

mga pamahiin. Ayon kay M.J. Enriquez, ‘’Kung ang katotohanan ang ating hahanapin at

sasaliksikin, ay marami sa atin ang may paniniwala sa bagay na ito ngunit hindi natin

karaniwang ipinakikita o ipinahahalata kaninu man. Ang isang tao ay maaring mayroong

ilang pamahiin na lubos niyang taglay sa kanyang damdamin. Ang iba naman ay mayroon

lamang ilan na kanyang pinaniniwalaan. Subalit ang isang taong masasabi nating tunay na hindi

naniniwala sa mga bagay na ito ay totoong pambihira sa ating buhay.’’

Sa ating henerasyon ngayon, masasabi natin na malawak na rin ang naging impluwensya

ng mga pamahiin sa ating lipunan. Sabi nga nila, hindi masamang sundin ang mga pamahiin

dahil wala naman mawawala kung susubukan ang mga ito. Ang mahalaga ay mangibabaw ang

respeto at hindi ito makakasama o makakasakit sa ibang tao.

 B. Paglalahad ng Suliranin:

"Huwag ka mag wawalis kapag gabi, mawawala ang swerte." Ayan ay isa lamang sa

pamahiin na pinaniniwalaan ng ating mga magulang lalo na ang mga nakakatanda. Ito ay naging

parte na ating buhay habang tayo lumalaki, hindi maiiwasan ang pag bawalan tayo kapag may

mga bagay tayong hindi nasusunod sa pamahiin. May mga pamahiin na malas at meron din

swerte. Isinagawa ito ng mga mananaliksik upang respetuhin ang mga kaalaman ng ating mga

ninuno o nakakatanda. Upang malaman kung ano ang epekto ng paniniwala sa pamahiin sa

buhay ng tao. Kung ito ba ay may magandang naidudulot o wala.

C. Kahalagahan ng suliranin:

 Malaman ang epekto ng mga pamahiin sa pang araw araw na pamumuhay ng mga

tao.

 Makita kung makakabuti ba o nakakasama ba ito sa kanilang pagdedesisyon o

pakikitungo sa ibang tao.

 Makilala ng husto ang pinagmulan at kung paano umusbong ang pagkakaroon

pamahiin.

 Makita ang pag kakaiba sa paraan ng pamumuhay ng nga taong naniniwala at hindi

naniniwala sa pamahiin.

D. Sakop at limitasyon

Ang pananaliksik na ito ay nakatuon sa pananaw ng mga mag-aaral sa mga pamahiing

kinagisnan noong pang unang panahon. Saklaw nito ang mga mag-aaral ng Assumpta Technical

High School.
 Nilimitahan naming ang pag-aaral na ito sa mga ika-11 na baiting na mag-aaral na nasa

edad na humigi’t kumulang sa 17.

D. Terminolohiya

 Ninuno- ang angkan, kanunununuan, o ninuno ay ang mga pinagmulang lahi ng isang tao,

hayop o maging ng mga halaman.

 Kultura- ang kultura ay ang pagsalin-salin na kaugalian, tradisyon, paniniwala, sining at

pamumuhay ng mga tao sa isang lugar. Ang kultura ay tinatawag rin na Kalinangan sa

pangkahalatan.

 Pansit o Noodles- ay mga pagkaing may mga luglog, katulad ng makaroni, bihon o

miswa na pangkaraniwan sa Asya tulad ng Pilipinas, Tsina, Vietnam at Hapon.

 Wedding Gown- ang damit na isinusuot ng isang nobya sa isang seremonya ng kasal.

 Bad Luck- malas; sawing palad; masamang kapalaran.

 Haka-haka- ay mga sabi sabi lamang o tsismis. Nasa sa isip lamang ng mga tao ang isang

bagay na akala nila ay totoo saka ito sinasabi sa ibang tao.

ll. Metodolohiya

A. Instrumento

Ang mga mananaliksik ay gumamit ng talatanungan para sa gagawing interbyu. Ang

pakikipanayam ay nilahukan ng mga mag-aaral mula sa ika-11 na baiting sa Assumpta Technical

High School. Ang mga tagatugon ay may edad ng humigi’t kumulang sa 17. Ang mga kalahok sa

pananaliksik ay binubuo ng 15 katao.

B. Uri ng pananaliksik
 Ang naisagawang pag-aaral ay gumamit ng Qualitatibong pananaliksik o tinatawag sa

ingles na Qualitative Research. Naniniwala ang mga mananaliksik na angkop ang disenyong ito

para sa paksang pag aaralan sapagkat mas mapapadali ang pangangalap ng datos mula sa mga

tagatugon.

Ang pangangalap ng impormasyon ay nagsimula noong ika-2 ng Marso at ang huling

pakikipanayam ay naganap noong ika-6 Marso 2018.

C. Pamamaraan

Ang mga mananaliksik ay gumamit ng mga talatanungan na kung saan ito ang

kanilang itatanong sa kanilang indibidwal na pag-iinterbyu. Nagsagawa ang mga mananaliksik

ng pag-iinterbyu na naglalaman ng mga katanungan tungkol sa mga pamahiin na madalas

paniwalaan ng marami sa atin. Alam naman natin na tayo ang madalas maniwala sa mga sabi-

sabi lalo na kapag galing ito sa mga matatanda. Madalas na naniniwala tayo dahil narin siguro ito

ang ating nakasanayan. Ang mga sumusunod ay ang tanong na ginamit upang makalakap ng

datos:

1. Naniniwala ka ba sa pamahiin? Bakit?

2. Kung oo, magbigay ng halimbawa ng pamahiin na iyong pinaniniwalaan.

3. Ano ang epekto ng pamahiin sa inyong buhay?

4. Sino ang nakaimpluwensya sa iyo ng mga ito?

lll. Resulta at pag aanalisa ng mga datos

 A. Interpretasyon ng mga datos

Ayon sa nalakap na datos ng mga mananaliksik, mayroong labing-isa sa labing-limang

mag-aaral ang nagsabi na naniniwala sila sa pamahiin, sapagkat ito raw ay kanilang nakasanayan

sa kanilang mga magulang, sa mga nakakatanda at sa ating mga ninuno. Wala naman daw

mawawala kung maniniwala ka sa mga ito. Ito rin ay nakakatulong sa kanilang buhay sapagkat

mas nagiging disiplinado sila sa buhay at nalalaman ang kanilang ginagawa. Habang, mayroon

namang apat sa labin-limang mag-aaral ang nagsabi na hindi sila naniniwala sa mga pamahiin,

sapagkat sa kanilang pananaw ay hindi naman ito makatotohanan at haka-haka lamang ng mga

nakakatanda.

B. Buod ng mga datos

Samakatuwid, mas marami parin talaga ang naniniwala sa mga pamahiin at tinutuloy

ang nakasanayan ng ating mga ninuno. Hindi pa rin maaalis ang mga hindi naniniwala rito.

Marahil hindi nila ito nakasanayan sa kanilang mga magulang, lahat tayo ay may sari-sariling

paniniwala kaya naman hindi natin ito maiaalis sa iba.

lV. Konklusyon at rekomendasyon

A. Konklusyon

Ang bawat isa sa atin ay may kanya-kanyang pinaniniwalaan o mga bagay na

nakasanayan na nating gawin na nagmula pa sa ating mga ninuno. Ang mga pamahiin ay isa sa

mga ito. Dahil sa impluwensya ng mga taong nakapaligid sa atin tulad ng ating mga magulang,
nagkakaroon tayo ng ideya sa totoong kahulugan ng mga pamahiin. Sa pananaliksik na ito, halos

sa mga mag-aaral ng Assumpta Technical High School na aming nakapanayan, ay patuloy ang

paniniwala sa mga ito. Sabi nga ng nakararami, “wala naming masama kung paniniwalaan at

susundin natin ang mga ito.” Ang masamang kapalaran ay nasa ating mga kamay at hindi sa mga

pamahiin o anu mang bagay na ating pinaniniwalaan.

B. Rekomendasyon

Ito ay inererekomenda ng mga mananaliksik sa mga susunod na magsasaliksik upang

mas lalo pang mapalalim ang kaalaman ng tao tungkol sa pamahiin. Sapagkat walang

kasiguraduhan ang lahat ng mga ito. Upang mas lalong maliwanagan ang kahulugan ng

pagkakaroon ng pamahiin at malaman kung talaga bang nakakaapekto ito sa buhay ng tao. Kung

totoo ban a ang mga paniniwalang ito ay nagbibigay ng malas o swerte.`

 Mga Sanggunian

Mga Pamahiin. (2013, October 7). Galing sa https://www.scribd.com/doc/29046582

Santos, T. (2008, November 17). Mensahe ng Pamahiin. Galing sa

http://varsitarian.net/filipino/20081117/mensahe_ng_pamahiin

DeLim, J. (2016, March 10). Isang Pananaliksik Tungkol sa Pamahiin na Pinaniniwalaan.

Galing

sa https://prezi.com/o8emprgbxzix/isang-pananaliksik-tungkol-sa-pamahiin-na-pinaniniwalaan/