Ang librong aking binasa ay ang ‘SCIENCE LIBRARY: PLANTS.’ Ito ay
isang magandang libro na tumatalakay lamang sa mga bagay tungkol sa halaman. Naglalaman ito ng mga pangunahing parte ng isang tipikal na libro. Isa sa mga parting ito ay ang blurb.
Batay sa aking pagsusuri, masasabi ko na ang blurb ay parte ng isang libro
na matatagpuan sa likurang parte nito na ang pangunahing layunin ay magsabi ng mga pangunahing impormasyon patungkol sa nilalaman ng libro at manghikayat ng mga tao upang basahin ang libro. Sa aking palagay, ang mga katangian ng isang blurb ay ang sumusunod: maikli, gumagamit ng mga salita o parirala na nakakakuha agad ng mga tao, madalas n a gumagamit ng mga tandang pananong at tandang padamdam, at nagbibigay ng mga pahayag na nagiiwan sa mga mambabasa ng katanungan sa isipan. Sa tingin ko ganito ang mga katangian nito upang maisakatuparan nito ang panganahin nitong layunin, ang manghikayat ng mga mambabasa. Ang sumusulat nito, sa aking palagay, ay ang manunulat din ng mismong libro, sa kadahilanang siya rin ang nakakaalam ng nilalaman ng kanyang ginawa at gumagawa naman talaga ang manunulat upang ipabasa ito sa mga tao. Sa aking palagay, hindi dapat natin palagiang paniwalaan ang mga blurb. Dahil sa ang pangunahing layunin nito ay manghikayat, gumagamit ang isang manunulat ng magaganda at mabubulaklak na mga salita na minsan ay malayo na sa katotohanan. Maaari tayong maniwala ngunit hindi dapat palagi lalo na kung masyadong mabulaklak ang mga salitang ginamit.