Ano ang Parabula?

Ang parabula ay isang maikling kuwentong may aral na kalimitang hinahango mula sa Bibliya.
ang ibig sabihin ay maiksing sanaysay tungkol sa buhay na maaring mangyari o nangyayari na
kung saan nagtuturo tungkol sa ispiritwal o kagandahang asal na magiging gabay ng isang
taong nahaharap sa pangangailangang mamili o magdesisyon.

ang parabula ay walang inilalahok na tauhang hayop, halaman, bagay, at puwersa sa

kalikasan na pawang kumikilos at nagsasalita gaya ng tao. Isang katangian nito ang pagiging
isang kuwentong naglalahad o nagpapakita ng kung paanong katulad ng isang bagay ang iba
pang bagay. Karamihan sa mga talinghagang nasa Bibliya ay mga kuwentong sinabi ni Hesus,
na nagtuturo ng kung ano ang katangian ng Kaharian ng Diyos.

Ang pabula ay kuwento kung saan mga hayop ang gumaganap at ang mga hayop na ito ay
kumikilos at nagsasalita na tulad ng tao samantala ang parabula ay isang maikling kuwentong
may aral na kalimitang hinahango mula sa Bibliya.

Mga Halimbawa ng parabula:

Ang Alibughang Anak (Prodigal Son)

Ang Mabuting Samaritano (The Good Samaritan)

Ang Pariseo at Kolektor ng Buwis

"Dalawang lalaki ang pumunta sa templo upang magdasal;

ang isa ay Pariseo at ang isa ay kolektor ng buwis.

Ang Pariseo ay tumayo at nagdasal ng ganito:

Panginoon, nagpapasalamant ako at hindi ako katulad ng ibang tao na mga makasalanan,
mapagkurakot, mga mapang-apid sa hindi nila asawa o kaya katulang ng kolektor ng buwis na
narito. Ako ay nag-aayuno dalawang beses, isang Linggo at nagbibigay bahagi sa bawa't
aking kinita."

Ang kolektor ng buwis na nakatayo sa hindi kalayuan ay hindi man lang nagtaas ng kaniyang
mata sa langit nguni't kaniyang tinapik ang kaniyang dibdib at nagwikang

Panginoon, kaawaan mo ako, isang makasalanan.

Ang sinasabi ko sa inyo, itong taong humingi ng awa ay tumanggap ng awa kaysa sa doon sa
taong itinaas ang sarili niya sa mata ng Diyos. Ang mapagmalaki ay ginagawang aba at ang
nagpapakababa ay siyang pinupuri.

(Luke 18:9-14)