Pagsusuri sa Hating Kapatid

Ang Hating Kapatid ay isang kuwentong pambata na umiikot sa konsepto ng ‘paghahating kapatid’. Sa
kuwentong ito, ang nakababatang kapatid ay nilalansi ng kaniyang nakakatandang kapatid tungkol sa
kung ano at paano ang hating kapatid hanggang di kalaunan, nalaman niya ang totoong kahulugan nito
dahil sa kaniyang kaklase. Dahil dito, sinabihan niya ang kaniyang nakakatandang kapatid tungkol dito at
napahiya ang kaniyang nakakatandang kapatid dahil sa panahon na iyon, nagmumukhang mas
nakakatanda ang nakababatang kapatid.

Ang kuwentong ito ay inirekomenda sa mga batang anim (6) na taon pataas. Ayon sa mga artikulong
mula sa RaisingChildren.net at Centers for Disease Control and Prevention (CDC), ang isang batang nasa
limang taon hanggang anim na taon ay nagsisimulang matututo kung paano maging responsible at
independent. Gusto na niyang makipaghalubilo at makipaglaro kasama ang ibang bata. Smusunod ito sa
payo ng mga mas nakakantanda. May kamalayan na ito sa kaniyang paligid at kung ano ang takbo ng
mundo.

Pagbinasa ng isang anim na taong gulang na bata ang kuwentong ito, matututunan niya ang konsepto ng
pagkakapantay-pantay at mas lalawak ang kaniyang pag-unawa at pagdedesisyon sa mga bagay-bagay
ng buhay. Bukas ang kaniyang isipan sa mga bagong ideya na makapagpalawak ng kaniyang pag-unawa
sa mundong kinagagalawan. Mas malawan na ‘rin ang kaniyang pagtukoy sa kung ano ang tama at mali.
Ang mga konseptong ito ay mahalaga sa pagunlad ng kaniyang asal at pagawa ng desisyon.

Ang kuwentong ito ay sinaysay sa perspektibong naratibo. Mayroon itong element ng kuwentong
pabula. Ang mga pabula ay nagbibigay ng mga moral na aral sa mga batang mambabasa. Ang
karaniwang tauhan nito ay mga hayop o mga bagay na walang buhay. Ayon kina Abelardo, Ancheta, at
Ledesma (1967), ang mga aral na ito ay dapat madaling maunawaan at maalala ng mambabasa.