Ang persepsyon ng piling mag-aaral ukol sa paggamit ng

Wikang Ingles sa halip na Wikang Filipino bilang midyum ng

website/pook-sapot sa sekondaryang paaralan ng

Politeknikong Unibersidad ng Pilipinas sa taong panuruan

2019-2020

Suliranin:

Ano ano ang mga dahilan kung bakit walang kasanayan sa

paggamit ng wikang Filipino bilang midyum sa

‘website’/pook-sapot ang mga mag-aaral?

Bakit mas ninanais ng mga mag-aaral na ang midyum ng

website/pook-sapot ay nasa wikang Ingles?

Ano ang mabuti at di mabuting epekto ng paggamit ng wikang

Filipino bilang midyum sa website/ pook-sapot?

Panimula

Maraming Pilipino ang gumagamit ng ‘internet’ na ayon sa

kanilang kagustuhan at pangangailangan. Ayon sa pagsusuri,

gumugugol ng mahigit sampung (10) oras ang isang Pilipino

sa pagkonsumo ng ‘internet’ sa isang araw.

Isa ang website o pook-sapot sa nagiging sandalan ng mga

mag-aaral ngayon sa pangangalap ng mga impormasyon para sa

kanilang pag-aaral, ito rin ang nagsisilbing instrumento

nila upang magkaroon ng kasagutan sa kanilang mga takdang

aralin at mga ibang bagay na kinakailangan sa kanilang pag-

aaral, komunikasyon, libangan at hanapbuhay ngunit ang

pook-sapot na ito ay madalas na nakasaad sa wikang Ingles.

Sa panahon ngayon, maari nang palitan ang lengguwahe sa

website/pook-sapot . Maari na itong nakatala sa Filipino at

iba pang mga banyagang lenggwahe depende na lamang sa

pipiliin ng taong gagamit nito ngunit mas kalimitang

pinipili pa rin ng mga mag-aaral na manatili ito sa wikang

Ingles.

May mga mag-aaral na ayaw gumamit ng wikang Filipino sa

pook-sapot dahil kaaakibat nito ang mga malalalim na salita

at kahulugan na siyang nagiging dahilan upang mahirapan

silang unawain ang kanilang binabasa.

Sa kadahilanang ito, naglalayon ang mga mananaliksik ng

mangalap ng impormasyon upang malaman at maintindihan ang

mga suliranin sa paggamit ng Inang-wika sa pook-sapot. Nais

ng mga mananaliksik na mahanap ang dahilan na kung bakit

walang kasanayan ang mga mag-aaral na gamitin ang wikang

Filipino sa website/ pook-sapot.

Kaligirang Pangkasaysayan

Wika ang nagsisilbing salamin na nagbibigay repleksyon sa

bawat kultura, tradition at paniniwala na namumutawi sa

iba’t ibang lahi. Sa Plipinas halintulad sa ibang bansa,

ang wika at makapangyarihan at may tinataglay na angking

yaman. Ito ay ginagamit sa pakikipagtalastasan,

komunikasyon at pagpapahayag ng saloobin o intension. Wika

Filipino ang opisyal at pormal na lenggwahe sa bansa at

tinaguriang wikang pambansa kaalinsabay sa wikang Ingles,

batay sa Artikulo XIV Seksyon 6 ng Saligang Batas ng 1987.

Subalit sa pagdaan ng panahon at oras nagkakaroon ng

patuloy na pagbabago o dinamikong proseso na nagaganap sa

ating wika. Isa sa nagbibigay ng malaking epekto rito ay

ang pag-usbong ng modernong teknolohiya sa mundo. Isa sa

mayroong mabigat na ambag dito ang bunga o produkto ng

teknolohiya, ang ‘Social Networking Sites’ o mas kilala

bilang Social Media, Internet at pook-sapot o website.

Ang Social Networking Sites ay mga serbisyong nakabase sa

web na kung saan binibigyan ng pahintulot ang mga

indibidwal na gumawa ng pagkakakilanlan pribado man o

publiko, tungo sa pagkakaroon ng tala ng sariling koneksyon

at makita ang mga iba pang mga gumagamit nito sa loob ng

Sistema (Boyd at Ellison, 2007).

Ayon sa mga mananaliksik, tinatayang halos kalahati o apat

napu’t tatalong punto limang porsyento (43.5%) na mga

Pilipino ang gumagamit ng internet. Ginagamit ito upang

mahubog ang kaalaman, makisiyasat sa napapanahong balita at

pagpapa-unlad ng komunikasyon. Nagsimula ito mula taong

2001 at tuloy-tuloy itong pumasok na nagbigay ng ika-labing

limang (15) pwesto sa Pilipinas bilang isa sa

pinakamaraming gumagamit nito sa taong 2016. Nagsimula ito

sa pa-tatlo talong oras na pagbababad sa Social Media

hanggang lumaki ng lumaki ang nakokonsumong oras. Batay sa

taunang ulat ng ‘We are Social and Hootsuite’, sinasabing

naglalaan ng humigit kumulang na syam (9) na oras at

dalawampu’t anim (29) na minutos ang mga Pilipino sa Social

Media araw- araw noong nakaraang taon at tumaas ng hanggang

sampung (10) oras ar dalawang (2) minutos ngayong taon, na

kasulukuyang pinkamaataas ngayon sa buong mundo.

Nagkaroon ng isang eksperimento ang GMA News na kung saan

nagsagawa ng isang katanungan para sa mga kabataan na kung

saan sinubukan ang kaalaman nila ng mga makalumang salita

sa kasaysayan ng Pilipinas, sinusuri kung alam ba nila ang

kahulugan ng bawat salita. Ilan dito ay ang mga salitang,

alimpuyok, papagayo at salakat. Walang nakatama sa mga

kabataan at isa naman sa matanda.

Batay sa malalim na pagsusuri ng mga mananaliksik, itinaas

ang katanungang bakit hindi kumportable gumamit ng wikang

Filipino ng mga mamamayang Pilipino sa kanilang mga

gadgets? Mas pinipili ng bawat indibidwal sa digital na

mundo ang mas paggamit ng wikang Ingles sa bawat pook-

sapot, lalo na ang mga mag-aaral ng Senior High School sa

Politeknikong Unibersidad ng Pilipinas. Isinasagawa ng mga

mananaliksik ang pagnanaliksik kung ano ng aba ang mabigat

na dahilan tungo sa nakasanayang kaugalian nito.

Balangkas Teoretikal

Isang malaking gampanin ang buhat ng wika upang mapagbuklod

ang mamamayan ng isang bansa, gayundin ang mapangalagaan at

mapanatili ang lahi at kuturang pinagmulang nito.

Balangkas Konseptuwal

Ang daloy ng pag-aaral tungkol sa persepsyon ng piling mag-

aaral ukol sa paggamit ng Wikang Ingles sa halip na Wikang

Filipino bilang midyum ng website / pook-sapot sa

sekondaryang paaralan ng Politektikong Unibersidad ng

Pilipinas sa taong panuruan 2019-2020.

Estudyante

Website/
pook-sapot

Midyum

Filipino Ingles

Kasanayan
Paglalahad ng Suliranin

Ang pag-aaral na ito ay may paksang “Ang persepsyon ng

piling mag-aaral ukol sa paggamit ng Wikang Ingles sa halip

na Wikang Filipino bilang midyum ng website/pook-sapot sa

sekondaryang paaralan ng Politeknikong Unibersidad ng

Pilipinas sa taong panuruan 2019-2020.” Ito ay mga

kinakaharap na mga suliranin na kailangan na masagot ng

pag-aaral na ito. Ang mga suliranin ay ang mga sumusunod:

Suliranin:

Ano ano ang mga dahilan kung bakit walang kasanayan sa

paggamit ng wikang Filipino bilang midyum sa

‘website’/pook-sapot ang mga mag-aaral?

Bakit mas ninanais ng mga mag-aaral na ang midyum ng

website/pook-sapot ay nasa wikang Ingles?

Ano ang mabuti at di mabuting epekto ng paggamit ng wikang

Filipino bilang midyum sa website/ pook-sapot?

Paglalahad ng Haypotesis

“Ano ano ang mga dahilang kung bakit walang kasanayan sa

paggamit ng wikang Filipino bilang midyum sa website/pook-

sapot ang mga mag-aaral?”

Ang wikang Ingles ay ang ikalawang inang wika ng mga iilan

Pilipino kaya naman kumportable na sila na gamitin ito

bilang midyum sa website/pook-sapot.

“Bakit higit na nais ng mga mag-aaral na nasa wikang Ingles

ang mga website?”

Sapagkat ang orihinal na wika ng mga ito ay nasa wikang

Ingles dahil sa Amerika nagmula ang mga ito. Ang mga tanyag

na pook-sapot ngayon ay mas pinadaling pagkonektahin ang

mundo dahil gumagamit ito sa unibersal na lengguwahe na

Ingles.

“Ano ang mabuti at hindi mabuting epekto ng paggamit ng

wikang Filipino bilang midyum sa internet?”

Kapag ang internet ay nas awikang Filipino, mas madali

itong maiintindihan ng mga Pilipino ngunit hindi lahat ng

mga salin sa wikang Filipino ay ekstakto ang kahulugan sa

Ingles.

Kahalagahan ng Pag-aaral

Karaniwan ng mga kabataan ngayon ay sanay nang wikang

Ingles ang nakikita at ginagamit na midyum sa mga

website/pook-sapot sa kadahilanang mas pamilyar sila sa mga

salitang Ingles kaysa sa Filipino. Mahalaga ang

pananaliksik na ito sapagkat karamihan sa mga kabataan ay

walang kasanayan sa paggamit ng Wikang Filipino sa mga

website/pook-sapot at nakakalimutan na nila ang kahalagahan

ng paggamit ng sariling wika natin. Kaya magiging kapaki-

pakinabang ang pananaliksik na ito na may pamagat na “Ang

Persepsyon ng mga mag-aaral ukol sa paggamit ng Wikang

Ingles sa halip na Wikang Filipino bilang midyum ng

website/pook-sapot sa sekondaryang paaralan ng

Politeknikong Unibersidad ng Plilipinas sa taong panuruan

2019-2020” sa mga sumusunod:

Sa mga mag-aaral - makatutulong ang pananaliksik na ito

upang lalong mapalawak ang kanilang kaisipan at madagdagan

ang kanilang nalalaman ukol sa paggamit ng Wikang Ingles sa

halip na Wikang Filipino bilang midyum ng pook-sapot o

website. Magsisilbing gabay din ito upang lalong maunawaan

nila ang mga kahalagahan ng Wikang Filipino at kung sa

gayon ay di na nila kailangan pang ipanghalili ang Wikang

Ingles sa Wikang Filipino sa nasabing pananaliksik sa loob

man o labas ng paaralan. At higit sa lahat makatutulong ito

sa kanila upang matukoy ang mga mabuti at di-mabuting

epekto ng pag-uunawa ng Wikang Filipino sa website/pook-

sapot.

Sa mga guro - magkakaroon sila ng karagdagang kaalaman sa

mga dapat gawin ng kanilang mga estudyante nang sa gayon ay

magabayan at matulungan sila sa tamang pamamaraan ng

kanilang pag-aaral. Makatutulong din ito upang malaman kung

ano nga ba ang mga persepsyon ng kanilang mga mag-aaral

ukol sa paggamit ng Wikang Ingles sa halip na Wikang

Filipino sa website/pook-sapot. Isa itong malaking

karangalan at tagumpay sa isang guro kung maisasakatuparan

ang tagumpay ng kanilang mga mag-aaral sa hinaharap.

Sa mamamayan - makapagbibigay sa kanila ng karagdagang

kaalaman ukol sa kahalagahan ng paggamit ng wikang Filipino

sa website/pook-sapot sa paraan man ng pagsulat o

pakikipagtalastasan. Malalaman nila ang mabuting epekto ng

paggamit ng Wikang Filipino sa pakikipagkomunikasyon na

malaki ang maitutulong sa pag-unlad ng bayan.

Sa mga mananaliksik - magiging gabay at karagdagang

impormasyon ang pag-aaral na ito sa mga susunod na

mananaliksik sa gagawin nilang pag-aaral.

Saklaw ng Pananaliksik

Ang saklaw ng pananaliksik na ito ay ang mga sekondaryang

mag aaral ng Politeknikong Paaralan ng Pilipinas na madalas

gumagamit ng website o pook-sapot. Upang maunawaan ang pag

aaral, mas nakabubuti na magkaroon ng batayan na kaunaunawa

at kapantay lamang ng aming antas. Sa panahon ngayon ay

madalas na ang mga mag aaral na gumamit ng pook-sapot para

sa pag-aaral, paglilibang, komunikasyon at paghahanapbuhay.

Dahil dito mas madalas sila makakita ng mga salitang nasa

wikang Ingles kaysa sa Filipino. Sa dalas na pag gamit ng

mga mag aaral ng pook-sapot na nasa wikang Ingles, ang

kasanayan ba nila sa wikang Filipino ay nababalewala o

hindi na nabibigyang pansin? Hindi sakop ng pananaliksik

ang iba pang mga antas sa Politeknikong Paaralan ng

Pililinas. Ang paglalagay ng pangalan ay opsyonal. Hindi

rin maaaring magtanong ang mga mananaliksik ng mga personal

na bagay sa mga respondente.

Katuturan ng mga Salita

1. Alimpuyok- ang alimpuyok ay tawag sa amoy ng sinaing

na sunog.

2. Dinamiko- mabilis na pagbabago ay isang bagay.

3. Eksperimento- paraan uoang patunayan ang isang bagay

sa pamamagitan ng pagsusuri o pagmamasid.

4. Internet- pinagkukunan ng mga impormasyon gamit ang

makabagong teknolohiya.

5. Kasanayan- kakayahan o abilidad ng tao sa isang bagay

na pinaggugulan niya ng panahon.

6. Komukikasyon- pagkakaroon ng koneksyon at paghahatid

ng impormasyon ng isang tao sa isa pang tao.

7. Lengguwahe- ginagamit upang makipagtalastasan sa tao.

8. Mananaliksik- tawag sa mga tao na nagsasagawa ng pag-

aaral upang patunayan ang isang paksa.

9. Midyum- instrumentong ginagamit upang maipahatid ang

impormasyon.

10. Paglilibang- paraan ng pag-aaliw ng isang tao.

11. Pakikipagtalastasan- pagpapalitan ng mga ideya o

pagbabahagi ng impormasyon.
12. Pananaliksik- pag-aaral sa isang bagay upang

makuha ang kasagutang hinahanap ukol sa isang paksa.

13. Panitikan- repleksyon ng buhay na nagpapahayag ng

kaisipan at diwa ng tao.

14. Papagayo- laruang pambata na lumilipad at

ginagamitan ng tali.

15. Persepsyon- pananaw ng tao sa isang kaisipan o

ideya.

16. Pook-sapot- naglalaman ng iba’t- ibang

impormasyon ng mga ‘site’ na ninanais malaman ng

mananaliksik gamit ang makabagong teknolohiya.

17. Respondante- tawag sa taong sumasagot sa ibinigay

na tanong ng mga mananaliksik.

18. Salakat- insturmentong ginagamit upang manghuli

ng ibon.

19. Sistema- sinusunod na pamamaraan upang maging

maayos ang isang bagay.

20. Taglish- diyalekto na pinagsamang salita na

Tagalog at English.